Suesuega 16 Faamaumauga mo le Taitai

Transcription

1 O Manatu Taua mo le Aoaoina o le Suesuega: O le suesuega lenei o le a faamalamalamaina atili ai i le vasega le faapitoa tele o le Sapati aso lona fitu o le vaiaso, i tofotofoga o le taimi o le iuga. E oo mai i le taimi lenei, e toatele e manatu e sa o le Sapati aso fitu pe mulimuli i le Tusi Paia. Peitai, ua manino nei e tatau ona faatinoina nei lea talitonuga e tofotofoina ai i le taimi o le iuga. O le Aofaiga o le Suesuega Sini o le Suesuega: O le Manu Feai mai le Fanua Suesuega 16 Faamaumauga mo le Taitai 1. Ia faamalamalamaina ai o tofotofoga e fesagai ma tagata o Le Atua i le taimi o le iuga e faataamilo i le tulaga o le ifo ma le tapuai. 2. Ia faamalamalamaina ai o le Sapati aso fitu o se vaega faapitoa lea o le tofotofoga o ifoga ma tapuaiga o le taimi o le iuga. O le faatinoga lea o le tali atu i le tala lelei. E faapitoa lava le osofaia o le Sapati e tusa ai ma le faaupuga e fesootai ai ma le faailoga a le manu feai. 3. Ia faailoa ai o le usitai i Le Atua o se vaega taua lea e iloa gofie ai soo o Iesu; e sili atu le taua o le usitai nai lo vavega, e mafai ona faafoligaina mai. 4. Ia faalototeleina ai le vasega ia tapuai i Le Atua ma le faamaoni. Faataga tagata taitoatasi o le vasega e faia filifiliga e tusa ai ma o latou lava lagona: E iai i latou e vave atu a latou filifiliga nai lo isi. Ia faatagaina i isi le taimi e faia a latou lava filifiliga ma le faaeteete. E iai foi e manatu tatou te tausia le Sapati e pei lava foi ona tausia e le toatele le Aso Sa. O le tausiga faamaoni o le Sapati o se tulaga e faatuputeleina atili, o le tulaga e tupu i le malamalamaaga a o faasolosolo le olaga. O itulau e 6-7, o loo tatou taumafai ai e aoaoina le tausiga o le Sapati o se tulaga e naunautai iai, o le mea moni lea ia i latou e alolofa ia Iesu. Ia manatua foi, ua tatou sopo atu nei i valoaga e le i faataunuuina lava. O lea ia tatou teena ai le faaosoosoga e faia ai manatu e le o manino se molimau a le Tusi Paia, i nisi o auala e manatu o le a tutupu ai nisi o tulaga o le iuga. Tumau pea i vaega o loo manino mai le Tusi Paia. Manatua: I Faamaumauga nei mo le Suesuega, o vaega e ono filifili le taitai e faaaoga o loo I totonu o le pusa samasama e aofia ai ma le ata. O vaega e fautuaina le taitai e faaaogaina e lanu mumu [faatatafa] ma le u. O Faatomuaga o faatuaga mo le taitai e lanu mumu. O vaega lanu moana e mai Faamaumauga mo le Vasega mai. O le Lisi e Tatau ona Faamaopoopoina Muamua mo le Suesuega: Suesuega 16 O le Manu Feai mai le Fanua [printed Participant Notes published by Signs] Suesuega 16 Faamaumauga mo le Suesuega [provided in this document] Revelation Seminar - Presentation Notes Page 1 of 13

2 Suesuega 16 Fautuaga mo le Suesuega a le Taitai [ia aumaia a latou Fautuaga mo le Suesuega 16, na tufaina i le iuga o le suesuega talu ai, ua faatutumuina] Suesuega 16 PowerPoint presentation [provided on the DVD] O Pepa e Tufaina mo le Vasega Suesuega 16 Manatu Faasoa mo le suesuega lenei (kopi mo le vasega) [provided on the DVD] Suesuega 17 Fautuaga mo le Suesuega o sosoo mai (kopi mo le vasega), e tufaina I le iuga o le suesuega [provided on the DVD] Suesuega 16 Mataupu mo Manaoga Faapitoa (kopi mo le vasega) O Faailoga i le Faaaliga o le Tuumuli ma le Faatuatuaga Kerisiano i le Taimi o le Iuga. E tufa ia i latou e e manaomia le suesueina loloto o le mataupu [provided on the DVD] O le Faailoga a le Manu Feai ma le Sapati Ado Fitu [provided on the DVD] [o nisi o faasinomaga o le suesuega lenei O le Auala e Suesueina ai le Tusi o Faaaliga mai le Suesuega 1] Pepa Faasalalau: - Tatou te Suia ea la Tatou Tagavai? Revelation Seminar - Presentation Notes Page 2 of 13

3 Faatomuaga mo le Suesuega Amata le suesuega i feau masani nei: Faafeiloaiga Talofa lava, o lo u igoa o. E feiloai atu i la tatou Suesuega 16: O le Manu Feai mai le Fanua. I le suesuega lenei, o le a tatou aoaoina faatasi ai ma uiga mo i tatou i le aso. Tusi Paia Faamolemole e manatua mai a outou Tusi Paia ia tatou suesuega taitasi. Faamaumauga mo le Suesuega Ua saunia foi Fautuaga mo le Suesuega e ave i le aiga e faatuputeleina ai lou silafia. Faamolemole ia manatua e te sau ma oe ua maea ona faatumuina i la tatou suesuega o sosoo mai. [Sii i luga le Fautuaga ma le Suesuega 17] Suesuega Afai na misi i ate oe se suesuega, ia faailoa mai ina ia saunia lea sueseuaga mo oe. E faamoemoe tatou te talatalanoa faatasi i le ipu ti mama ua saunia e le aufaigaluega pe a maea la tatou suesuega. Tatalo Amata Tatou tatalo mo le fesoasoani mai o le Agaga o Le Atua i la tatou suesuega. [Tatalo] Ua saun ia foi Faamaumauga mo le Suesuega mo outou. Faamolemole mulimuli ronu ai ma faasoa mai o outou manatu. Manatu Faasoa Ua faatutumu a tatou Manatu Faasoa mai le suesuega talu ai? E ta u mai e a outou Manatu Faasoa ou lagona o a tatou suesuega taitasi i le iuga o suesuega taitasi. Fautuaga mo le Suesuega E talitonu ua maea a outou suesuega mo la tatou suesuega lenei ma naunau ai e fia faalogo i outou manatu ma lagona. Revelation Seminar - Presentation Notes Page 3 of 13

4 Amata i Faamaumauga mo le Suesuega Mo le faaaogaina o Faamaumauga mo Suesuega, mulimuli i le faasinomaga o loo i totonu o le pusa samasama. O le Ata Tele [Faamanatu nisi o manatu taua o le suesuega talu ai ona faasoa ai lea o le aofaiga o le suesuega lenei mai Faamaumauga mo le Vasega, ma Manatu Faaopoopo] Talanoaga Amata: [FAAMAUMAUGA MO LE VASEGA, ITULAU 1.] Aisea e tele ai ulu? Na tatou molimauina le manu feai i le Faaaliga 13:1, e 7 0na ulu. O le faatusa lea o le galuega faifaipea a le manu feai i auga tupulaga eseese e ala i pulega faa-le-malo i taimi eseese o le tala faasolopito o le lalolagi. Ina ua manua le tasi o ulu o le manu feai, na muta ai foi i lea taimi galuega a le manu feai. A pe (mafu) loa le manua o le tasi o ulu i lumanai, ona toe amata foi lea o galuega leaga a le manu feai. O le Faaaliga 17:9-11, o loo tau mai ai o ulu 7 o le faatusa ia o tupu pe o malo. E manino, o malo pe o pulega nei e 7, na sauaina tagata o Le Atua i auga tupulaga e tele ua mavae. E lima pulega na sauaina tagata o Le Atua i luma atu o Ioane. O pulega ia o loo molimau iai le Feagaiga Tuai i tala o le fanauga a Isaraelu: O Aikupito, Asuria, Papelonia, Peresia ma Eleni. O le malo lona 6 Roma sa pulea Isaraelu i le taimi o Ioane, E toalima ua pauu, o loo iai le tasi, i le taimi na tusia ai e Ioane le tusi o Faaaliga, sa pule Roma, le malo lona 6, e le i oo mai nei foi le tasi (Faaaliga 17:10), o le pulega lona 7 lea. Na vaaia e Ioane le malepe o le malo Roma faapaupau. O le molimau a Ioane, e toe tula i mai lea lava pulega e tasi i lumana i, a e o le a ala mai i le ekalesia Kerisiano. I tausaga Pogisa (Dark Ages), na toe tula i mai ai le pulega a Roma, a ua Kerisiano nei. Na ia solia ma sauaina tagata o Le Atua, ma avea ai lea pulega o le ulu lona 7. O le manu feai foi sa iai, ua le iai fo i ona ua man ua lona ulu ma muta ai ana galuega i lea vaitaimi. Na galulue faatasi uma le Faafouga (Renaissance), le Toe-Fuataiga (Reformation), le Aoaoina (Enlightenment) le Tetee a Amerika (American Revolution), le Tetee a Farani (French Revolution), i le tuueseeseina o le lotu ma le malo, e le gata a Amerika ma Farani, a e faapena foi le tele o isi malo o le lalolagi. Ua mou atu taimi na faigofie ai ona pulea tagata. O nei o le foa na fai e mate ai, o loo malosi pea lona aafiaga. Peitai, o le Faaaliga 17 tatou vaaia ai le ulu lona 8. O le taimi lea e taunuu ai le valoaga, ua mafu (pe) le foa (manu a) (f3), ona toe tula i mai ai loa lea o le ulu lona 7, ma toe galue e pei lava ona faia i le taimi ua mavae, ma avea ai o le ulu lona 8. O le molimau a le Faaaaliga 13:3, a taunuu loa le vaega lea o le valoaga, ona maofa ai lea o le lalolagi uma. E le tele tupulaga na manuia i lenei saolotoga o loo tatou sapi ai nei. O le molimau a le tusi o Faaaliga, o le taimi o le iuga, o le a toe aveeseina ai lenei saolotoga, pe a sauaina i latou e tumau lo latou faamaoni ia Iesu Keriso. O le taimi lea e oo mai ai ia i latou faigata ma sauaga e pei lava ona faia ia Iesu Keriso. Ua tatou malamalama o le totonugalemu o lenei taua o tapuaiga. E faataulai lenei taua i le Tulafono a Le Atua, a e maise lava tulafono muamua e 4, e faatonuina ai le O ai e tapua i iai? e faapefea ona tapua i, o le taimi tonu o tapuai ai. Na tatou vaaia foi i le Tanielu 7, le fuafuaga a le Nifo Ititi e sui tausaga ma tulafono. Revelation Seminar - Presentation Notes Page 4 of 13

5 Ua tele augatupulaga talu ona suia le aso o tapuaiga mai le aso lona fitu o le vaiaso, le Sapati, i le Aso Sa (Sunday) ona o mafuaaga nei: 1. Na manatu le ekalesia o na ona po, o se mea lelei le faa- Kerisianoina o tagata faapaupau, o e sa avea le Aso La (Sunday) ma a latou aso tapuai 2. Sa alo alo ese Kerisiano mai sauniga e ono manatu ai Roma o i latou o ni Iutaia 3. O le malosi o le faatosina a Konesetenitina na manatu e avea le ekalesia Kerisiano o le fusi e faamaopoopoina ai lona malo ua amata ona malepelepe 4. O le tula i a e o le Ekalesia i Tausaga Pogisa, na mafua ai ona mafai nei fesuia iga. Mulimuli ane ua fa asalalau e le ekalesia Kerisiano o ia na faia nei fesuia iga uma. [FAAMAUMAUGA MO LE VASEGA, ITULAU 2 ] O Mafuaaga Na Suia ai Manatua o le mataupu autu i le Faaaliga 13, o le ifo pe o le tapuai, o le faamaoni i aiaiga o le feagaiga, e aofia ai ma le Tulafono a Le Atua. Ua solia e le manu feai tulafono muamua e 3. A e o fea tatou te maua ai le tulafono lona 4, e faatatau i le Sapati? E molimau le Faaaliga, e tofu au a le manu feai ma soo o Iesu ma faailoga i o latou muaulu (Faaal. 13:16; 14:1)). A o faailogaina e le manu feai ona tagata i o latou muaulu ma lima taumatau i lana faailoga, a e faamaufaailogaina soo o Iesu i le faamaufaailoga a Le Atua i o latou muaulu (Faaal. 7:3; 9:4). O le faatusatusaga o le faamaufaailoga a Le Atua, ma le faailoga a le manu feai: a malamalama i le tasi, ua iloa foi le isi. Auiliili Fesili 1 ma le 2 i le Fautuaga mo le Suesuega. [Liliu I le vaega o fesili ma tali I le Fautuaga mo le Suesuega a le Taitai.] O a ni vaega na e amanaia I le faamaufaailogfa a Le Atua, ma le faailoga a le manu feai maim au o le Tusi Paia na e suesueina? [Faaavanoa le taimi e faatalanoa ma fefaasoaai ai tali ma manatu o le vasega.] E pei ona faia soo i le tusi o Faaaliga, e tatau ona tatou foi i le talaaga o Isaraelu o le Feagaiga Tuai, ia faatuputeleina ai lo tatou malamalama ai i le gagana sa faaaogaina. Seia tatou muai vaavaai lava pe o le a tonu lava le faamaufaailoga a Le Atua. [FAAMAUMAUGA MO LE VASEGA, ITULAU 3] O le Faamaufaailoga a Le Atua Ina ua tuuina ifo Tulafono e Sefulu ia Isaraelu, ona fetalai ifo ai lea o Le Atua i Ona tagata i le Teuterenome 6:4-8 e finagalo ia alofa tagata i ate Ia ma o latou loto atoatoa, manatu atoatoa, ma malosi atoatoa. E tatau ona fusi ai e fai ma faailoga i lou lima, e avea foi ma pale i le va o ou mata. Na faatinoina moni lava e Isaraelu lenei faiga, ma misi atoa ai le agaga o le tulafono. Na latou tusia tulafono ma noanoatia i o latou tino. Sa taumafai e avea lea ma auala e ta u atua i o Revelation Seminar - Presentation Notes Page 5 of 13

6 loo gauai atoatoa i Le Atua e le gata i o latou mafaufau, a e faapena foi o latou uiga faatino. O le aoaoga i le faamaufaailogaina o Kerisiano e maua i le Efeso 1:13-14, o loo tatou vaaia ai lenei galuega o faia e Le Agaga Paia. O le manatu iinei, o loo faamaufaailogaina Kerisiano uma e Le Agaga Paia. O le faaupuga, faamaufaailogaina, o lona uiga, ua tuuesea e Le Atua Ona tagata mo Ia lava. O le uiga o lenei galuega, o Le Atua e Ana i tatou. O vaega tetele e lua o le faamaufaailoga: 1. O Le Ana; 2. Puipuiga (2Timoteo 2:19), o le tasi foi lea o auala e ta u mai ai o Le Atua e Ana lea tagata. A e foliga mai le faamaufaailogaina i le Faaaliga 13, e mamafa i Lana puipuiga i Ona tagata. E foliga mai e iai le sootaga ma le Esekielu 9:4, o loo faailogaina ai ma puipuia ai tagata o Le Atua. O Aa o le Faamaufaailoga a Le Atua Se i o tatou toe tepa lava i le Feagaiga Tuai i le faavae o le faamaufaailoga a Le Atua. Ua faailoa mai e nisi o suesuega lata mai, e mulimuli le faaatulagaina o Tulafono 10, i le faatulagaina o feagaiga i faiga feagaiga o ia ona po. E faaiuina lava i le faamaufaailogaina o se feagaiga i lona ogatotonu, i se faailoga e faamaonia ai le pule, ma le ana lea feagaiga. O le ogatotonu o e Tulafono 10, tatou te maua ai: Le suafa o le pule o Le Alii Le Atua. O Ia o Le Foafoa, O Le na faia mea uma lava. Tatou te maua ai foi le nofoaga e pule ai: O le lagi ma le lalolagi. E mafai la ona tatou faapea ane, o le Tulafono e fa (Esoto 20:8-11), o le faamaufaailoga lea o lea feagaiga, ona e iai le suafa, o le pule, ma le aofai o le pulega a Le na tu uina mai lenei tulafono. O taimi la o le Feagaiga Tuai, na tatou molimauina ai, na iloa ai tagata o Le Atua i lea taimi i se faailoga vaaia: O le tausia lea o le Sapati, le aso lona fitu o le vaiaso, na faamaonia ai la latou mafutaga mafana ma Le Atua Foafoa. O le mafuaaga lea, ina ua tuuina mai e Le Atua Lana feau i le Faaaliga 14:6, tatou te molimauina ai le gagana, o toe faamamafaina mai ai le tulafono lona fa. [E mafai ona e liliu i le Mataupu mo Manaoga Faapitoa 3 o le Suesuega 1 O le Auala e Suesueina ai le Tusi o Faaaliga. Liliu i le vaega O le Taua o le Feagaiga Tuai, ona o ina, o le a vaaia ai e le vasega le faaupuga o le valaau a Le Foafoa e ifo, i le Faaaliga 14: 6-7, le fesootaiga malosi lava ma le faaupuga o le tulafono e fa i le Esoto 20:8 11] [O le taimi lenei e liliu ai i le O le Faailoga a le Manu Feai ma le Sapati Aso Fitu i le Mataupu mo Manaoga Faapitoa, ma faailoa i le vasega sootaga o faaupuga i le faailoga a le manu feai ma le Sapati aso fitu] E faatele lava ona faailoa mai e le Faaaliga tagata o Le Atua i le taimi o le iuga o e tausia tulafono a Le Atua (Faaal. 12:17, 14:12). A o le isi itu, o loo vaaia ai le manu feai o solia uluai tulafono e fa o tulafono e sefulu, e faatatau lea i fesili oai, e faapefea, ma afea e tapuai ai. O le faamaufaailoga a Le Atua, e pei ona maua i tulafonoe sefulu o le feagaiga, o le Sapati lea ma o le faamaufaailogaina o tagata o Le Atua o le galuega lea a le Agaga Paia i o tatou olaga. O le upu moni, o le tofotofoga tupito lava lenei o le ussitai i le taua mulimuli o le Sapati lea aso fitu. [FAAMAUMAUGA MO LE VASEGA, ITULAU 4 ] O le Valaau e Ifo i Le Atua Foafoa Revelation Seminar - Presentation Notes Page 6 of 13

7 Ona o le tapuai la o le faailoga lea o le usitai. E foliga mai ai la o le f ailoga a le manu feai o le faailoga lea e faafoliga ai le Sapati. E mafai ona faatinoina lea i le le tausia o le Sapati, pe o le faamamaluina lea e tagata o se tasi aso, e pei ona faatulagaina e tagata e tetee ai i Le Atua Foafoa. O le faatinoga pe o le faataunuuina o ia uiga, ua faatusaina i le lima taumatau o le malosi lea e faia ai se galuega, ina ua maea le filifiliga e faia i le mafaufau (muaulu). O le suiga o le aso tapuai mai le Sapati (Saturday-Sabbath), aso lona fitu o le vaiaso, i le aso muamua Aso o le la (Sunday), o le fetuunaiga lea na faia e le Ekalesia Kerisiano, ina ia faigofie ai ona ofi mai i totonu tagata fa apaupau, o e sa faamamaluina le aso muamua e tapuai ai i le la. E ui lava e le toatele e tausia le Asola o se aso paia, a e foliga mai o le a iai le taimi e toe faamamaluina e avea ma aso o tapuaiga o tagata uma o le lalolagi. O lenei mataupu e le se tauvaga a aso. E susulu lava le la i aso uma ia e lua. [FAAMAUMAUGA MO LE VASEGA, ITULAU 4] O nei mea uma lava e faatatau i le aso na tuueseina e Le na Foafoaina mea uma, o le taimi tonu lea e tapuai ai. A e ta ua i se tasi e te tausia le Sapati aso fitu, ua lava lena e ta u atua i ma isi mea uma e te talitonu iai. O loo e ta uina atu e te talitonu i Le na Foafoaina le lagi ma le lalolagi. Ma a faafeagai ma faafitauli ma faigata o le lalolagi, e matua aoga tele le talitonu i Le Atua i le lagi, ma o loo Ia puipuia i tatou. O le Sapati, e le na o se aso. O le Sapati o se tagavai. E iai vaega taua e tusilima iai tagavai i o tatou olaga. A o lumanai se taaloga taua, e tele lava ina vaaia ata o kapeteni e toalua o taufai uuina faatasi se ipu o tauva iai. Tatou te iloa uma lava e leai se taua tele o se ipu lava ia a o le ipu lava lea o se faailoga o se mea e taua atu. O le ata lea o le faatauaina o au e lua pe ni malo foi e lua. O le Sapati o le faatusa e pei se fu a pe o se tagavai a se malo. E le na o se fasi ie lea fu a. E uiga lea ie i tagata o lea malo. Ua maliliu alii ma tamaitai i taua ona o a latou fu a. O se fu a, o le ata lea pe o le faatusa o le mamalu ma le pule a lea malo. E iai foi isi tagavai a le Ekalesia Kerisiano: O Le Tausamaaga a Le Alii ma le Papatisoga. E taua se ata pe o se faatusa ona o le uiga i tua atu o ia faatusa. Na fetalai Le Atua, Ia e manatua le Aso Sapati e te faapaiaina. Aua ne i galo ia te outou o A u o Le Foafoa na faia mea uma lava i le lagi ma le lalolagi. A tatou talitonu ma usita i i lea faatonuga a Le Atua, ona uiga lea o le olaga. Ona iai lea o lo tatou talaaga ma lo tatou lumana i tatou te vaavaai faataula i atu pea iai. O le a le toe avea i tatou o ni matua oti. Tatou te iloa le mea tatou te o mai ai. Tatou te iloa foi le mea o tatou te agai atu iai. Na foafoaina i tatou e Le Atua Foafoa tatou te tausia ma vaaia lelei le lalolagi na Ia foafoaina. A tatou malamalama o le suiga o le aso tapua i mai le Sapati i le Asola ona o le taumafai e faamaopoopoina mai o tagata tapua i i le la, ona tatou iloa lea, o lenei talitonuga, o le a avea ma se tasi o tofotofoga tele i le taimi o le iuga. O le a toe faamalosia e le manu feai tapuaiga ia te ia ma lana pule. O le solia lea ma una ia ai tagata uma e solia tulafono uma a Le Atua e Revelation Seminar - Presentation Notes Page 7 of 13

8 faatatau i tapua iga. O le faamalosia lava lea o tapua iga sese ma le pepelo. E pei lava ona faatatau le faailoga a le manu feai i le muaulu, o talitonuga ia tau tapuaiga, foliga mai o le fa ailoga i le lima taumatau, o le faatusa lea o le faatinoga o le tetee i Le Atua ae usitai i le manu feai. E manino o loo tatou talanoa e faatatau i faatusa, aua e le mafai ona tusia e se tasi se faailoga i se muaulu o se isi e aunoa ma le faatanaga a lena tagata. O le a faamalosia i latou o e filifili e tumau lo latou faamaoni i Le Atua. O le a taofia mai fefaatauaiga. E le i vaaia muamua lava le faigofie ona faatinoina o lenei tulaga. O le taofia o fefaatauaiga, o se tasi lea o aupega sili ona malosi o loo faaaogaina e malo o le lalolagi nei ona po. Peitai e le matua manino tonu lava le auala e faatinoina ai nei faiga i le taimi o le iuga. [FAAMAUMAUGA MO LE VASEGA, ITULAU 5] E mautinoa o loo tatou tautala nei vaaiga i ata faatusa, aua e le mafai ona tusia e se tasi se faailoga i se muaulu o se isi e aunoa ma le faatanaga a lena tagata. O le Tupuaga o le Manu Feai mai le Fanua Faitau le Faaaliga 13:11-18 Ona o loo tatou suesueina valoaga e le i faataunuuina, e tatau ai ona tatou manatua le lapataiga a Iesu i le Ioane 14:29, Ua Ou fai atu nei foi ia te outou a o le i taunuu, ina ia outou talitonu mai pe a taunuu. Na tusia e le tusitala o Writer William Johnsson ni fautuaga poto lava faapea: Ia tatou faamaoni ma faapea ane, o loo tatou faatalitali pea i le atoatoaga o le malamalamaaga i lenei valoaga o le manu feai mai le fanua... E iai vaega taua o lenei valoaga i le manu feai mai le fanua ma ana faasesega e le i matua manino mai lava, ae maise lava o le tulaga e faatatau i faailoga tetele, e faaseseina ai le toatele, atoa foi ma le uiga o le faatagata o le manu feai mai le sami. E le gata i lea, ae le o manino mai foi i le taimi nei, pe faapefea ona mulimuli atu tagata uma o le lalolagi i ana faasesega. (W. Johnson, Symposium on Revelation, p. 29). Suesue le Fesili 3 i le Fautuaga mo le Suesuega. [Liliu i vaega o fesili ma tali i le Fautuaga mo le Suesuega a le Taitai] E toatele e manatu o le manu feai mai le sami o se pule faa le lotu lea e faia faasesega, ma e sili atu ona malosi faasesega pe a faia e se pulega faafoliga lotu. O le a se manatu faapitoa ma le taua o loo vaaia i le Faaaliga 13:11-18 e ono faamaonia ai lenei manatu? [Faaavanoa le taimi e talanoa ai ma fefaasoaai manatu ma tali a le vasega] E mulimuli mai le vaaia o le manu feai mai le fanua nai lo le manu feai mai le sami ma le tarako, ma e ititi lava faamatalaga i ni uiga e iloa ai pe o ai tonu e faatatau iai lenei pulega. Na iai foi isi manu feai na o a e mai le sami. I le tusi o Faaaliga, o loo faatumulia le sami i vai o feteenaiga ma le toatamai. Na vaaia e tagata o Revelation Seminar - Presentation Notes Page 8 of 13

9 ia ona po le sami, o se mea e valavala ai aiga ma e tele ina mata utia ma fefe ai. Atonu o le mafuaaga foi lea na faaaogaina ai e Ioane le faaupuga e faatatau i le lagi fou, e leai foi se toe sami (Faaal. 21:1). A o le manu feai lenei e alu a e nai le fanua. O le fanua i le Faaaliga, e le gata ina faatusa iai se lelei, ae iai foi ma faatusa le lelei: O e nonofo i le lalolagi, e faatusa iai i latou e teena le tala lelei, o Le Atua ma Ona tagata Faaaliga 11:10; 13:8, 14; 14:6. E iai foi tulaga lelei na vaaia ai le fanua pe o le laueleele i lona fesoasoani atu i le Fafine Faaaliga 12:16. O le fanua, o le faatusa lea o auala na faaaogaina e Le Atua e fesoasoani e laveaiina ai Kerisiano i augatupulaga o Tausaga Pogisa. O se tasi o uiga o lenei manu feai mai le fanua, e foliga mamoe. O lona uiga la, e foliga mai ia Keriso le Tamai Mamoe. E foliga mai foi e iai le sootaga a lenei manu feai ma le faa-kerisiano. E amata o filemu a e i u ane ua tautala e pei se tarako (Faaal. 13:11). O Faiga e Faafoliga ai Galuega a le Agaga Paia E tusa ai ma la tatou faamatalaga e faatatau i le nofo-tolu-pepelo taufaasese i le Faaaliga 13, o le manu feai lenei e sau mai le fanua, n ate faia uiga e foliga mai ai o ia o le Agaga Paia. Na te faia ia alu ifo le afi mai le lagi e pei lava ona faia e le Agaga Paia i le Aso Penetekoso. Na te faia foi vavega i le pule a le manu feai mai le sami (Faaal. 13:12, 14). O galuega ia, na ta ua mulimuli ane ai le manu feai lenei mai le fanua o le Perofeta pepelo (Faaal. 19:20). Na lapatai mai lava Iesu i Lana lauga i le Mauga o Olive: Aua e tutu mai foi keriso pepelo ma perofeta pepelo, latou te faia foi faailoga tetele ma vavega, ina ia faasese ai e ua filifilia lava, pe afai e mafai ai (Mataio 24:24). E ta ua foi le manu feai mai le fanua o le perofeta pepeo (Faaal. 19:20). E foliga mai na manatu foi Ioane e faafoligaina foi e le manu feai lenei galuega a Elia, o le na toe faafoisia tapuaiga i Le Atua e ala i le faia ia alu ifo le afi mai le lagi. O le auala lea o le a faafoligaina ai e le manu feai lenei galuega a Molimau e Toalua, e ala i le vavega e alu ifo ai le afi mai le lagi [FAAMAUMAUGA MO LE VASEGA, ITULAU 6] Ua tatou molimauina i inei i latou fai mai o Kerisiano i latou ao loo faafoligaina galuega a le Agaga Paia. E totogo a e lava i le ekalesia ma lana faatuatuaga. E mafai e se malo e malolosi e faavae Kerisiano ona avea ma fili o le tala lelei? E mafai e i latou na tutu mo le saolotoga ona teena le saolotog? Na tatou molimauina lea tulaga o tupu i le malo Siamani i le Taua II o le Lalolagi. Na tatou molimauina foi o tupu ia Isaraelu i le taimi o Keriso, na au faatasi ai taitai o Iutaia ma le malo Roma. Na galulue faatasi ai le lotu ma le malo e faasatauroina Keriso i Kalevario. I le taimi nei, e tele atu uiga vaaia o le malo tele o Setete Tuutaatasi o Amerika (United States of America), e talafeagai lele ma upu o lenei valoaga nai lo se isi lava pulega i le lalolagi o se tasi o malo na fesoasoani i le fafine. Na sosola iai tagata mo lo latou saolotoga; o se malo fou o loo avea ma nofoaga e faavae mai ai Misiona o le tala lelei i le lalolagi. O se tasi o ana matafaioi o le faasalalauina o le tala lelei ma misiona i le lalolagi atoa. E ono tupu i tagata Amerika, o e na taulamua i le faasalalauiina o le tala lelei ma pulega faa temokarasi i le lalolagi, ona latou faamalosia ni tapuaiga e ese mai i le tala lelei ia Iesu Keriso? Revelation Seminar - Presentation Notes Page 9 of 13

10 O le Totonugalemu o le Tupu o le Faa Kerisiano A o salalau le Ekalesia Kerisiano i le lalolagi atoa, o le tele foi lea o fesuiaiga na tutupu ai. O le faaiuiuga o le senituri 20 ua see mai ai le ogatotonu o le faa-kerisiano mai atunuu i matu, i atunuu i sauté, mai sisifo foi i sasae. E omai faatasi ai lava ma nei fesuia iga eseese, le faateleina o ituaiga Kerisiano eseese o le tuufaatasia o tu ma talitonuga tauave mai augatupulaga anamua, ua seu faatasi ma talitonuga ma aoaoga faa-kerisiano. O loo lapata i mai le Faaaliga, o uiga ia a galuega a le nofo-tolu-pepelo, o le tarako, le manu feai, ma le perofeta pepelo: latou te faasese i le lalolagi e ala i vavega e faamalosia ai tapua iga i le faatagata o le ulua i manu feai (Faaal. 13:13-14; 19:20). Na lapataiina foi e Iesu Ona soo, a o tala iina ia soo le le Tala Lelei i le lalolagi, o le a oo mai ai foi ma le i uga o le lalolagi. Na Ia lapata i mai foi, o le a fetaia i Ona tagata ma faigata e ala mai i le mea inosia e faatafuna i o loo tu i le mea paia (Mataio 24:14-15). [FAAMAUMAUGA MO LE VASEGA, ITULAU 7] O le fesootai ma agaga o tagata oti, ua vaea nei ma vaega taua o le faatuatuaga. O le tele o nei tulaga ua ta ua o le galuega a le Agaga Paia. E matua maasiasi ai le toatele o Kerisiano i nei ituaiga tapuaiga. Peitai e iai nisi e manatu o le penetekoso lona lua lenei. Faamata o le manu feai lenei e foliga mamoe o loo faafoligaina mai galuega a le Agaga Paia? O le a faaopoopoina atu iai i nei tulaga le tele o Kerisiano ua auai i faiga malo, ma taumafai ai e faavaeina lotu a le malo. A aapa atu loa le lima o le Kerisiano e au aumea faatasi ma pulega faa-le-malo e una ia se ituaiga tapua iga e tasi, ona tatou molimauina loa lea o le tula i mai o le faatagata o le manu feai. E amusia le Tusi Paia faatagata ona e leai ni o latou ola. A o le a tuuina atu e le manu feai foliga mamoe, le manava i le faatagata lenei, o le faafoligaina lava lea o le Agaga Paia (Faaal. 13:15). O le a foliga mai o loo galue malosi le agaga a o tatou aulia le iuga o le tala faasolopito o le olaga, peitai e le o ni galuega ia a le Agaga Paia. O loo ta u mai e le Faaaliga o le iuga o le lalolagi o le a tatou vaaia ai le toe taliu i tulaga na iai le ekalesia Kerisiano i le taimi o Tausaga Pogisa. O le toe avea foi le ekalesia ma faalapotopotoga le onosai. O le a faaseseina pulega a le lalolagi lenei i malolosi faatemoni ma taumafai ai e faamalosia tapuaiga, ma na solia ai tulaga paia o le talitonuga o le agaga o le tagata. Ua faafia ona tatou vaaia i le talaaga o le lalolagi pulega saua a tagata, amio lelei o e manatu ua na o i latou lava e tonu, sa o, ma lelei e taumafai e faia isi tagata ia pei o i latou. A e sili atu ai foi le mata utia pe afai o ia tagata lelei, o tagata lotu e manatu ua na o i latou e faatasi ai Le Atua i soo se mea latou te faia. O le a faalauteleina e nei tagata Kerisiano, le pule faa-malo e faamalosia ai tapua iga. A taunuu loa lea, ona tula i mai loa lea o le faatagata o le manu feai. O le mea lava lenei o loo faia pea e lea pule faa manu feai i tagata o Le Atau i augatupulaga e tele o le soifuaga ua mavae atu. I tua atu o nei faiga uma o loo iai le tarako, le tevolo tuai lava, o le gata o Satani (Faaal. 12:7-9). E faia e le tevolo ana faiga lega na o ia lava, ae iai ma le lagolago ma le faatinoga a tagata. O tagata e mulimuli ia Sartani latou te matua faia mea leaga uiga ese e maofa ai. E le Revelation Seminar - Presentation Notes Page 10 of 13

11 tele se taimi tatou te tau manatunatu ai ae tatou manatuaina I le Olo o e Tauta ua : Nero, Hitler, Stalin, Mao, ma Pol Pot, o le au faatau pologa e ta ua o Arab and Western slave traders, o le au faataumaoi (terrorism), o e na manatu e fufuluina uma tagata o se tasi ituaiga e iai Nazi Germany, Rwanda, Cambodia, Bosnia ma Armenian Turkey. E leai se mea leaga e le mafia ona faia pe a aveesea uma e tomoni manatu alofa ae faateleina le natura leaga o le agasala o tagata. O le faamatalaga a le tagata e suesueina aia tatau i Rwanda, o Gary Haugen, e le tau manaomia ni ituaiga tagata fasioti tagata ua mamai mafaufau e fasiotia ni tagata se toatele: A soloia loa tulafono ma aiaiga, e mafia lava e ituaiga tagata eseese e iai le au faifaatoaga, ofisa, pule aoga, tina, foma i, pule nuu, o kamuta ona tago atu i le agaese ma fasiotia ai le tina ma lana fanau. Fai mai le faamatalaga a Haugen: O le tagata e le iai Le Atua,... o se tagata e matua matautia lava lea tagata. 1 O le mea e faaosofia ai maofa tagata i lenei pulega na te faia le, afi e alu ifo mai le lagi, o le faafoligaina lava lea o le Aso Penetekoso (Faaaliga 13:13). O le a faateleina faafouga pepelo, e manatu ai tagata e toatele o loo latou faatasi ma Le Atua. O le tala a le Tusi Paia i le perofeta o Elia, na alu ifo ai le afi mai le lagi i faiga taulaga i luga o le Mauga o Karamelu, ma iloa ai Le Atua moni ma Lana itu au. O loo lapata i mai le Faaaliga 13 i le afi mai le lagi. O le a faaaogaina e le manu feai ma ana au e faaseseina ai le lalolagi. O le a faigata ona tetee atu pe a vaaia lenei vavega. E faaataina mai foi e le 2Tesalonia 2:8-12, le amio leaga, o le a na faia vavega ma faailoga faafoliga e faaeseese ai. O i latou uma lava e teena le upu moni, o le a taliaina le mea pepelo, ma faatagaina ai e Le Atua e taliaina ma talitonu i nei a oa oga sese. E tatau ona tatou naunau i le mea moni ma faaolaina ai. A tatou alolofa ia Iesu ona tatou alolofa foi lea i le mea moni. E tatau ona tatou sailia le upu e pei o le sailia o se oa natia. A tatou mauaina loa le mea moni, ona tatou ola ai loa lea. [FAAMAUMAUGA MO LE VASEGA 8] Faamalamalamaina o le Faailoga a le Manu Feai Faitau le Faaaliga 13:16-18 O le igoa o le faailoga o le manu feai e iai lona igoa. E le i iai se tasi ua faailogaina i le faailoga a le manu feai, ona e le i taunuu lea valoaga. A e o le molimau a le tusi o Faaaliga, e iai nisi o le a faailogaina i o latou muaulu i le faailoga a le manu feai. O le numera faafeagai foi lea ma le numera 144,000, o le ata faatusa lea o tagata o Le Atua i le Faaaliga 14:1, o e tusia le suafa o Le Atua Le Tama i o latou muaulu. O le muaulu, o le faatusa lea o tatou mafaufau. Tatou te manatunatu, filifili, tapua i ma ifo i o tatou mafaufau. O mafaufau o nisi e pei o le manu feai. A o nisi ua faafouina o latou mafaufauga ia faaataina ai foliga ma le amio a Le Atua. O filifiliga e faia e tagata, e maua foi taui o ia filifiliga. O le igoa o le Manu Feai e iai le Numera: C. S. Keener, Revelation, The NIV Application Commentary, pp. 346, 347. Revelation Seminar - Presentation Notes Page 11 of 13

12 Sa malamalama lelei lava le au faitau o ia ona po i le gagana sa faaaogaina e Ioane ma sa latou iloa lelei foi uiga o nei numera. Peitai ua tele ina mou atu lea tomai i o tatou aso. Na amata i le senituri lona lua ona faaaogaina e tagata le metotia e ta ua o le kemataria (gematria.) O le metotia o le kemataria, na faanumeraina ai mata itusi uma o le gagana Eleni, gagana Iutaia, ma le gagana Latina. O le mafuaaga lea ua avea ai le numera 666 o se numera e fiafia tagata e faaliliuina i o latou lava manatu eseese. Peitai, e lua mafuaaga e le tatau ai ona tatou lokaina lenei numera i soo se manatu, pe soo se tasi tatou te manatu e talafeagai lelei iai: 1. E pei ona tatou faamaonia i le suesuega ua mavae, e tele uiga eseese e faailoa ai le pe o le fea le pulega e ta ua o le manu feai. O le numera e 666 ua na o se tasi ia o le tele o nei uiga. E tatau ona faaeteete ia le faamamafaina se manatu e tasi, ae lafoai ai le tele o isi manatu. 2. E mafia ona faaaogaina lenei numera e faatatau ai isi igoa e tele. O nisi o le faaliliuga o le igoa vicarious filii dei o tusia i le pale (tiara) o le pope e faatatau iai le 666. E iai foi e faapea sa tusia ai (i le tiara) le numera e ui e le o toe iai nei. O nisi e manatu o le igoa Nero, Caligula, Muhammad, Napoleon, Hitler, pe o lata mai nei lava Bill Gates e mafai ona faatatau iai le numera. A o nisi talitonuga e manatu e iai le fesootaiga o le igoa Ronald Wilson Reagan, ma le 666 ona e ta i ono mataitusi i ona igoa uma e tolu. O se tasi o talitonuga lauiloa e faapea o le numera 666 o loo faa numeraina ai nisi o oloa feaveai i va o malo. Ona o le fesootaiga ma fefaatauaiga (Faaal. 13:16, 17), ona manatu ai lea o nisi e taua tele lenei talitonuga. Peitai, e tusa ai ma lo tatou iloa, e le o isi se tasi o taupuleina le lolomiina o ni numera faalilolilo i muaulu pe o lima o nisi. Na finauina e se tasi o tagata nuu o Kalefonia, ia le faa numeraina e le malo lona afafine i se numera a le Social Security. Na manatu lenei tama o le numera a le Social Security, e iai le sootaga ma le numera Sa mafua le talitonuga o lenei tama ona o se ulugalii e tofu ma le numera Social Security e ta i 9 fuainumera, a faaopoopo faatasi e maua ai le 18, e mafia ona faapea foi: ! O tatou amanaia le mau faiga e maua ai lenei numera? (O le mea ia mautinoa, o le numera o loo faaaogaina e le Pusi Paia o le ono selau onogafulu ma le ono, ae le o le ono, ono, ono. Afai tatou te faaaaogaina le aiaiga lenei e faia ai igoa ia fetaui (faatele ia fitu, faaopoopo le fa, ona vaevae ai lea i le tolu), e mafia lava ona tatou faia ia maua le 666 i soo se igoa. Ua aliai ai igoa o sikola o le Tusi Paia, o saeanisi, o iuni a tagata faigaluega, ma isi lava o anetikeriso o loo valoia mai. E iai foi nisi o loo tusilima i se tasi o ata a tamaiti o loo iai se tasi e igoa ia Barney. A faaopoopoina e se tasi I le faa Roma le igoa Cute Purple Dinosaur e te maua ai le numera. Talosia na faia e se tasi lena faaopoopoga ua na o se m ea e talie ai! Ina ua le toe avea ma peresetene, na popole o ia ona o le numera e 666 o le tuatusi na nofo ai, na mafua ai ona ia suia ai le numera mai le 666 i le 668 St Cloud Drive. [FAAMAUMAUGA MO LE VASEGA, ITULAU 8] Revelation Seminar - Presentation Notes Page 12 of 13

13 O le Ata Faatusa Tonu o le 666 O le numera 6, e tasi le numera e le ausia ai i le numera atoatoa. O le aso lona ono, na foafoaina faatasi ai le tagata ma le gata, peitai o le vaiaso atoa, e fitu ona aso. O le numera ono, o le faatusa lea o le le atoatoa o le tagata666 o le ata faatusa lea o le sautua tolu o le le ausia o le atoatoa o le 777, o le ata faatusa lea o le atoatoa. E le ausia e le manu feai le uiga paia atoatoa o Le Atua o loo ia taumafai e faafoligaina. O le auala lava lea e tasi, e le ausia ai e le 666 le suafa paia o Le Atua i muaulu o i latou ua faamaufaailogaina o Le Atua o loo ta ua mai le Faaaliga 14:1. O le ono, o le numera lea e faatusaina iai Papelonia. Na faavae e Papelonia matematika (mathematics) i le numera 6 ma le 60. O loo tatou faaaogaina pea lea metotia i le fuaina o tulimanu (angles 360 degrees) ma taimi. E ui lava o loo tatou faaaogaina tesimale (decimals) pe a faitau o loo tatou faaaogaina pea le 60 mo le taimi 60 sekone, 60 minute, 24 itula. E pau le tasi ta ua o le numera 666 i le Tusi Paia o le 1Tupu 10:14. O loo faaaogaina ai le numera 666, o le fua lea o le mamafa o auro e, ono selau ma le onogafulu ma le ono, e aumaia ia Solomona i tausaga ta itasi. O Solomona, o le tasi o atalii o Tavita e pei lava o Iesu o le Alo o Tavita a e na ta ita ieseina e Solomona Isaraelu mai Le Atua. O le tulaga lenei na tupu i le va o le asiasiga a le tupu o Seepa, ao faamaoni Solomona i Le Atua, ma lona faaipoipo atu i le pirinisese Aikupito, ina o ia lafoaia Le Atua. E faapena foi tulaga o le a feagai ma le Ekalesia Kerisiano. O le a iai i latou e pei o Solomona, sa faamaoni i Le Atua, a o le a liliuese mai Le Atua ma aga i atu i le faamalosia o tapua iga sese. O le tele ata faafaatusa o loo faaaogaina e le Faaaliga 13, e maua mai i le Tanielu 3, o loo faamalosia ai e Nepukanesa, le tupu o Papelonia, tagata o Le Atua e tapua i ma ifo i tupua. E toe fafagu mai ai i o tatou mafaufau ua toe tupu mai nei uma na tutupu muamua. Ua toe valaaulia ai foi i latou o e fia mulimuli faamaoni i Le Atua ia faia a latou filifiliga mautu. Ua faatumulia le olaga i filifiliga. O le filifiliga e sili atu le taua ia avea lea o i tatou ma soo o Iesu. O le soo moni o Iesu e fia mulimuli ia te Ia i le ala atoa ma usitai i le feagaiga. Latou te manaomia foi e mulimuli i ate Ia i le ala o le tapuaiga moni. E te fia faaalia ea lou fia faataunuuina o lenna moomooga? [Faaiuga o Faamaumauga faaauau i Manatu Faasoa] [Tufa Manatu Faasoa o le Suesuega ile vasega ma tuuina iai le taimi e faitauina ma faatutumuina a latou tali ma manatu i fesili] [Ia faatauaina manatu ma tali uma o faasoaina mai] [Tufa Fautuaga mo le Suesuega, ma faailoa i le vasega togi o e taumafai e taliina fesili I le mea sili e mafaia] Faafetai tele mo le auai i la tatou suesuega. Translated from Session Sixteen Hope Meaning Purpose Revelation Seminar, All rights reserved Seventh-day Adventist Church South Pacific Division. Not for profit publication. Faatagaina le faaliliuina e Etuati E. Erika eerika@adventist.org.au Revelation Seminar - Presentation Notes Page 13 of 13