Hoe om die Gebedsgids te gebruik

Transcription

1 Hoe om die Gebedsgids te gebruik Die hoofdoel van die Jerigo Mure tweemaandelikse Gebedsgids is om inligting aan bidders en gelowiges te voorsien sodat hulle meer effektief kan bid vir herlewing en redding van verlore mense. Inligting word voorsien vir elke dag om bidders te help om gefokus saam met ongeveer ander mense te bid vir sake in hulle land en/of volksgroepe in daardie land, asook in ander lande van die wêreld. Mense van verskillende tydsones in die wêreld gebruik ook hierdie Gebedsgids. Dit beteken dat alhoewel jy op jou eie of saam met 'n vriend of gebedsgroep bid, jy deel vorm van 'n wêreldwye gebedsweermag wat voortdurend voor die troon van die Here staan in voorbidding! Die inligting in die Gebedsgids word in die vorm van gebedsversoeke in verskillende formate deurgegee. Sommige versoeke noem statistieke en vra van die bidder om oor sekere sake te bid. Ander versoeke word as gebedsinligting gegee, met gebede wat in die eerste persoon geskryf word, asof jy persoonlik met die Here praat. Dan weer word Skrifgedeeltes gebid. Verder word jy voorsien van opgedateerde inligting oor gebed, nasionale en internasionale gebedsinisiatiewe, asook enige ander gebeure om jou op die hoogte te hou van wat op 'n breë vlak in die gebedsbeweging gebeur. Inligting oor opleidingsgeleenthede soos seminare, gebedskole, ens. word ook van tyd tot tyd geplaas. Soos ons terugvoer ontvang van gebeure, plaas ons ook sommige van die deurbrake wat gekom het as gevolg van die onvermoeide gebed van individuele persone. Bidders is welkom om gebedsinligting in te stuur om in die Gebedsgids te plaas. Doen dit asseblief ses weke voor die eerste dag van die maand waarop die volgende Gebedsgids verskyn. Laastens: Gebruik hierdie inligting om te bid in jou persoonlike gebedstye. Moedig ander mense aan om hierdie Gebedsgids te gebruik. Oorweeg dit om 'n klein gebedsgroep te begin en gebruik dan van hierdie gebedspunte. Jy is welkom om enige van hierdie gebedspunte in jou gemeente se gebedsbulletin te plaas, of by ander gebedsgeleenthede te gebruik. Vrywaring Jerigo Mure strewe na die hoogs moontlike kwaliteit in die hulpbronne wat hier aangebied word. Ons neem egter geen verantwoordelikheid vir die geldigheid of akkuraatheid van die inligting wat in ons publikasie of op ons webruimte verstrek word nie, tensy anders aangetoon. Daar word geen aanspraak gemaak rakende die akkuraatheid of egtheid van die inhoud van die publikasie nie. U moet dus nie aanvaar dat ons publikasie foutvry is nie. Die redaksie van Jerigo Mure doen sy bes om sy publikasies in stand te hou, maar neem nie verantwoordelikheid vir die gevolge van enige gebreke wat in enige van ons publikasies mag bestaan nie. Die inligting in die Gebedsgids word voorsien op die grondslag dat alle persone wat dit lees, self ook die materiaal sal beoordeel vir die relevansie en akkuraatheid van die inhoud. Ons aanvaar ook geen verantwoordelikheid vir enige inligting of dienste wat op enige gekoppelde publikasie of webruimte verskyn nie, aangesien dit slegs vir inligtingsdoeleindes verskaf word. Liewe Intersessors Maar God... Wêrelddag van gebed: 4 Junie Ons is aangenaam verras oor wat God deur die Wêrelddag van Gebed gedoen het. Van die 220 lande in die wêreld het 198 aan die dag van gebed deelgeneem. Letterlik honderdduisende mense was op die een of ander manier betrokke. Die 10 dae van dag-en-nag gebed wat die dag van gebed vooraf gegaan het, is ook besig om guns te wen en in baie lande het mense in groot getalle aan die inisiatief deelgeneem. Ons weet van ten minste 626 dorpe/stede in Suid-Afrika wat deelgeneem het aan die dag van gebed. Met die uitsondering van omtrent 50 klein dorpies, is dit al die dorpe en stede in ons land. Mense het op meer as 1,900 plekke deelgeneem aan die 10 dae van dag-en-nag gebed. Volgens die terugvoer, het mense oral in kleiner groepies bymekaar gekom, maar gebedstye was baie meer intens en mense het werklik persoonlik 'n ontmoeting met die Here gehad. Al hierdie gebede wat voor God se troon opgegaan het, bring ook nuwe momentum aan die gebedsbeweging in ons land en oral in die wêreld.

2 Dag-en-nag gebed Wat gaan die pad vorentoe meebring? Mag ek weer sê: Buitengewone tye verg buitengewone maatreëls. 'n Land word nie verander deur 'n paar eenvoudige, gemaklike dinge te verander nie. Ons leef in bose tye. Kortom, miskien boser tye as in enige ander tyd in die geskiedenis. Dit is ten minste waar van die algemene toename van die kwaad wêreldwyd. Wanneer ek die Skrif lees is dit duidelik dat ons nie genoeg gemaak het van dag-en-nag-gebed nie en steeds nie genoeg daaromtrent doen nie. Die opdrag omtrent dag-en-nag-gebed is duidelik in die Skrif. Dit is te lank geïgnoreer in die lig van ander ewe belangrike dinge. Lees asseblief die volgende Skrifgedeeltes biddend en vra die Here om deur Sy Heilige Gees met jou te praat oor dag-en-nag-gebed. In die Ou Testament moes die vuur op die altaar altyd aan die brand gehou word. Die vuur op die altaar word aan die brand gehou; dit mag nie doodgaan nie. Die priester pak elke môre hout op die vuur, lê die brandoffer daarop en verbrand op die altaar die vet van die maaltydoffers. Die vuur moet aanhou brand op die altaar; dit mag nie doodgaan nie (Lev.6:12-13). 'n 24-7 gebedswag help gemeentes om die opdrag te vervul om 'n huis van gebed vir die nasies te wees. (Jes.56:7). 'n Vier-en-twintig-sewe gebedswag is een manier waarop gemeentes hulle geestelike plig kan opneem om as wagters op die mure te staan vir gemeentes, gemeenskappe, stede, die land en die nasies. God het ons self op die mure gesit as wagters om te bid vir die vervulling van Sy beloftes. Ek het wagte op jou mure uitgesit, Jerusalem, hulle sal dag en nag roep. Julle wat die Here aan sy beloftes moet herinner, julle moenie stilbly nie. Julle moenie stilbly nie totdat Hy Jerusalem herstel het, totdat Hy die hele wêreld die roem van Jerusalem laat sing het (Jes.62:6-7). a) Let op dat God self die wagte op die mure gesit het, b) die wagte sal voor Hom bly staan vir 24 uur per dag en c) die wagte moet nooit stil wees nie en Hom geen rus gee totdat Sy beloftes vervul is nie. Daar is duisende beloftes van God vir ons as Sy kinders in Sy Woord. Ons moet net getrou bly staan in die opdrag van die Woord en aanhou bid vir die vervulling van die beloftes. In Luk.18:7 is 'n kragtige belofte dat God aan ons reg sal laat geskied (sal regmaak wat verkeerd is) as ons dag en nag tot Hom roep (misdaad, geweld, korrupsie, armoede, dwelmisbruik, onsedelikheid, ongeregtigheid, huwelike en VIGS). Sal God dan nie aan sy uitverkorenes, wat dag en nag tot Hom roep, reg doen nie? Sal Hy hulle lank laat wag? Paulus se briewe is deurdrenk met getuienisse oor dag-en-nag intersessie vir die kerk en die verspreiding van die evangelie. Ons sien hoe engele en gelowiges in die hemel God die Vader dag-en-nag aanbid met lofprysing en aanbidding en van aangesig tot aangesig voor Hom lewe. Elkeen van die vier lewende wesens het ses vlerke gehad, wat aan die bokant en aan die onderkant vol oë was. Hulle het dag en nag sonder om te rus, gesê: Heilig, heilig, heilig is die Here God, die Almagtige, Hy wat was en wat is en wat kom. Elke keer wanneer die lewende wesens heerlikheid, eer en dank toebring aan Hom wat op die troon sit, wat tot in alle ewigheid lewe, kniel die vier en twintig ouderlinge voor Hom wat op die troon sit, en aanbid Hom wat tot in alle ewigheid lewe. Hulle sit dan hulle krone voor die troon neer en sê: Here, ons God, U is waardig om die heerlikheid en die eer en die mag te ontvang omdat U alles geskep het; deur u wil het alles ontstaan en is dit geskep (Op.4:8-11). Bid vir hierdie geslag, ons jongmense, om terug te keer na die Here en vir God om Godvresende manne en vroue op te rig wat die Groot Gebod en die Groot Opdrag sal uitleef. Roep tot die Here, Sion, laat jou trane in strome vloei, dag en nag, moet jou nie rus gun nie, moenie dat jou oë verligting kry nie. Staan dwarsdeur die nag op en roep, stort voor die Here jou hart uit soos water, strek jou hande uit, en bid om die lewe van jou kinders, hulle wat van honger beswyk op die hoeke van die strate (Klaagl.2:18-19). Die afgelope 22 maande is gekenmerk deur die vestiging van 24-7 gebedswagte. Ons het begin met 20 en daar is op die oomblik omtrent in Suid-Afrika. Dit is waarlik 'n bonatuurlike gebeurtenis en ons is baie dankbaar daarvoor. Iets is besig om in die land te gebeur. Laat ons bid en die Here vra wat Hy besig is om deur Sy Gees vir die kerk te sê sodat ons in staat sal wees om die seisoen en die tye waarin ons leef te verstaan. Die Christelike geloof onder verdenking Ons lees baie van die Da Vinci Code en sedert die boek bekendgestel is, is nou ook 'n film gemaak. Saam met 'n paar ander dinge, is die integriteit van die Christelike geloof ook in die gedrang. Hier is 'n paar dinge om te onthou wanneer dit kom by sake soos hierdie. Van die vroegste tye af word dié tipe aanvalle op die Christendom gemaak en dit sal voortduur totdat die Here Jesus weer kom. Lees 2 Tess.2:9-11 sorgvuldig: Deur die werking van die Satan sal die verskyning van die wettelose gepaard gaan met groot magsvertoon en allerhande vals tekens en wonders en met gruwelike misleiding van dié wat verlore gaan, omdat hulle nie die waarheid liefgehad en tot hulle redding aanvaar het nie. Dit is ook waarom God hulle aan die mag van die dwaling oorgee, sodat hulle die leuen sal glo. Kyk na die volgende: 1) groot magsvertoon, 2) mense wat nie die waarheid lief het nie, 3) die feit dat God self die leuen toelaat en 4) die oordeel wat daarop volg. Hoe bid ons oor sulke dinge? Ons moet eerste van alles vir onsself bid, vir onderskeiding en om aan die waarheid

3 vas te hou en om nie te dink dat ons nie ook mislei kan word nie. Tweedens moet ons bid vir God se genade: genade op genade. Moenie oordeel nie. Ons is deur genade gered en daarom moet ons ook God se genade vir ander bid. Derdens moet ons vir God se geregtigheid bid sonder 'n veroordelende hart. Daar moet ook 'n honger en 'n dors na geregtigheid in ons eie harte wees (volgens die Bergpredikasie). Vierdens moet ons nie verbaas wees oor dié dinge nie. Die hele Nuwe Testament waarsku ons dat dit sal gebeur. Hoe bly ons staande? Deur 'n intieme, diep, persoonlike verhouding met die Here Jesus Christus te hê en daarin en daaruit te leef. Deur te verstaan dat Hy in ons leef en altyd by ons sal bly. Hoe weet ons dit? Deur geloof. Nooit op grond van gevoelens of uiterlike tekens of bewyse nie. Jesus het histories geleef, gesterf en is uit die dood uit opgewek. Jesus het vir Thomas gesê: Gelukkig is die wat nie gesien het nie en tog glo. Baie mense dink dat die Da Vinci Code 'n klomp 'feite' openbaar gemaak het, maar dit blyk dat dié 'feite' op die verkeerdste navorsing ooit oor die geskiedenis rus. Daar is genoeg literatuur in boekwinkels en op die Internet beskikbaar wat hierdie verkeerde inligting uitwys. Tog berus ons geloof nie daarop nie. Die mense wat 'n lewende verhouding met Jesus Christus het, twyfel nie. In die sestigerjare het iemand eendag vir Dr Billy Graham gesê: God is dood. Sy antwoord was: Dit kan nie wees nie, want ek het net vanmôre met Hom gepraat! Staan by die waarheid van die Woord. Almal wat deur die eeue die Bybel betwyfel en bevraagteken het, is reeds dood, maar God se Woord is steeds daar en mense wat dit lees kom steeds daagliks in hulle tienduisende tot bekering. Hulle lewens getuig van 'n radikale verandering. 30 Dae Ramadaan Gebedsfokus: 23 September 22 Oktober 2006 Die oproep tot gebed vir Moslems het oorspronklik in 1992 begin by n vergadering van Christelike leiers in die Midde-Ooste. Die mans en vroue het n sterk gevoel gehad vir God se begeerte om soveel as moontlik Christene op te roep om vir die Moslem wêreld te bid. Die gebedsbeweging is beplan om saam te val met die Islam maand van Ramadaan. Die datums vir Ramadaan word bepaal deur die Moslem maankalender. In 2006 begin Ramadaan ongeveer op 23 September en eindig op 22 Oktober, alhoewel dit kan verskil van land tot land. Die vastydperk eindig wanneer die volgende nuwe maan gesien word, gewoonlik na 30 dae. Wanneer ons gedurende die Ramadaan maand bid, beteken dit nie dat ons ons vereenselwig met Moslem praktyke van vas en gebed nie. Dit help ons eerder om in gebed aan hulle te dink gedurende n betekenisvolle tyd van die jaar in hulle geestelike lewe. Die doel met die gebedspunte is om elke leser aan te moedig en te inspireer om vir die Moslems te bid. Dit is glad nie bedoel om volledige inligting oor Moslems te verskaf nie, alhoewel elke gebedspunt vir jou van inligting sal voorsien oor die behoeftes van die Moslems. Ons wil jou aanmoedig om meer inligting te bekom en n groter begrip vir die Moslem wêreld en God se aktiwiteite tussen die Moslems te kry.'n Gebalanseerde lewe Ons hoor so baie van 'n gebalanseerde lewe. Vir 'n Christen is dit 'n onmoontlikheid. Jesus het gesê: As iemand agter My aan wil kom, moet hy homself verloën, sy kruis opneem en My volg, want wie sy lewe wil behou, sal dit verloor; maar wie sy lewe ter wille van My verloor, sal dit terugkry (Matt.16:24-25). Daar is niks 'gebalanseerd' daaraan om my kruis op te neem en na Golgota te loop nie. Die kruis beteken uiteindelik die dood. Die Christelike lewe verander voortdurend totdat Christus in ons gevorm is. Die plan is dat niks van myself sal oorbly nie. Absoluut niks. As Christen verstaan ons dat die lewe nie oor onsself gaan nie. Ons is nie vir onsself hier nie. Niks in Paulus se lewe wys dat hy 'n gebalanseerde lewe gelei het nie. Absoluut niks. Ek moet 'n Christen wees met alles in my: geheel en al, volledig en radikaal. 'n Christen is nie halfpad nie. Dit is alles oor Jesus en oor Hom alleen. Nie oor sukses of werksbevrediging of 'n betekenisvolle lewe of om 'n nalatenskap agter te laat nie. Ons vergiffenis moet radikaal wees, ons liefde onvoorwaardelik, ons gawes opofferend. Die lewe van 'n Christen word dikwels gekenmerk deur vervolging, eensaamheid, verwerping, diep pyn, onbeantwoorde vrae en gebede. Vir die Christen is die aarde tydelik en die hemel ewigdurend. As ek dit vergeet sal ek nooit doelgerig my volle roeping op aarde uitleef nie. Ons is dikwels deesdae so 'aards' in ons denke dat ons van geen werklike hemelse nut is nie. 'n Christen brand altyd die kers aan albei kante, maar nooit vir homself nie. Altyd vir Hom. My Allerbeste vir Sy Allerhoogste, soos Oswald Chambers gesê het.

4 Bennie Mostert Besturende Direkteur Jerigo Mure Internasionale Gebedsnetwerk Ef.3:20 Bid die Woord oor die Woord Gebruik hierdie studiegids gedurende die volgende maand om te leer hoe om die Woord te bid. Bid hierdie gebed, indien moontlik ten minste 2-3 keer per week. Bid dit met jou hart, jou gees en met alles in jou. Vra die Heilge Gees om die Woord van God in jou hart in te brand totdat dit deel word van jou en die manier waarop jy dink. Vra jouself die volgende vrae terwyl jy deur dié Skrifgedeeltes bid: Watter praktiese veranderinge behoort in my daaglikse lewe te kom wat betref dit wat ek bid? Watter praktiese dinge kan ek doen wat uitdrukking sal gee aan dit wat ek bid? Met watter twee mense kan ek deel wat ek omtrent die saak geleer het? Praktiese riglyne en beginsels 1. Om die Woord oor die Woord te bid is om vanuit die Skrif te bid wat die Woord (Skrif/Bybel) sê oor die Woord. 2. Gebruik die Woord-gebed hieronder as 'n vertrekpunt om hieroor te bid. Wanneer jy dié Skrifgedeeltes bid is dit ook 'n proklamasie van die Woord en 'n belydenis van ons geloof in die Woord en in die krag van die Woord. 3. Die Woord help ons om te verstaan wat vir God moontlik is. Luk.1:37 leer ons niks is vir God onmoontlik nie. Dit kan lettelik vertaal word as: nie een van God se woorde is sonder krag nie. God is Ek Is. Dit beteken, Hy kan. Ek Is, is teenwoordige tyd, Hy is elke oomblik daar, Hy gee krag, werk aktief, gee lewe, skep en herskep lewe. Gebed saamgestel uit verskillende Skrifgedeeltes Vader, U Woord leer: In die begin was die Woord daar, en die Woord was by God en die Woord was self God (Joh.1:1). Deur die Woord van die Here is die hemele gemaak (Ps.33:6). U hou alle dinge deur U Magswoord in stand (Heb.1:3). U Woord staan vir altyd vas in die hemel (Ps.119:89) en U het U Naam en U woord bo alles gestel (Ps.138:2). U Woord is lewend en kragtig. Dit is skerper as enige swaard met twee snykante en dring deur selfs tot die skeiding van siel en gees en van gewrigte en murg. Dit beoordeel die bedoelings en gedagtes van die hart (Heb.4:12). U Woord is soos 'n vuur, soos 'n hamer, waarmee klippe stukkend gebreek word (Jer.23:29). U Woord is die swaard van die Gees (Ef.6:17) en so sal elke Woord wat uit U mond kom, ook wees: dit sal nie onverrigter sake na U toe terugkeer nie, maar dit sal doen wat U gedoen wil hê en tot stand bring waarvoor U dit gestuur het (Jes.55:11). U wat Uself deur die Woord openbaar (1Sam.3:21), open ook my verstand om die Skrif te verstaan (Luk.24:45) en gee my deur U Gees openbaring dat ek U kan ken (Ef.1:17). U Woord is die lamp wat my die weg wys, die lig op my pad (Ps.119:105) en wanneer U Woord vir mense oopgaan, bring dit lig; gee dit insig aan die wat nog onervare is (Ps.119:130). Laat U Woord my op die regte pad hou; moet tog nie dat enige kwaad oor my die oorhand kry nie (Ps.119:133). U het die Woorde wat ewige lewe gee (Joh.6:68) en die Woord wat U gegee het is die Gees wat lewend maak (Joh.6:63). U Woord bly altyd by my (Ps.119:15) en ek leef van elke Woord wat uit U mond kom (Deut.8:3; Matt.4:4). Aan U Woord hou ek vas, dit weerhou my van sonde teen U (Ps.119:11). Dankie dat U Woord my reg snoei (Joh.15:3; Ef.5:26) en dat ek my lewe skoon kan hou deur dit te hou aan U Woord (Ps.119:9). Dit is U Woord wat my genees en my aan die dood laat ontkom (Ps.107:20). Daarom plaas ek my hoop en vertroue in U Woord (Ps.119:81,144). Op U Woord kan 'n mens hom geheel en al verlaat. U bepalings is regverdig. Dit staan vas (Ps.119:160; Joh.17:17). U Woorde is soos silwer wat oor en oor in 'n oond gesuiwer is (Ps.12:7). Ek kan U vertrou omdat U Woord suiwer is (2Sam.22:31). Hoe aangenaam is U Woord, soeter as heuning in die mond (Ps.119:103). Die Woord van die Here is volmaak; dit gee lewe. U onderwysing is betroubaar: dit gee wysheid aan die wat nog onervare is. U bevele dui die regte koers aan: dit bring blydskap. U gebod is helder: dit gee insig. U eise vir U diens is goed: dit staan vas. U bepalings is reg: elkeen van hulle is regverdig. Hulle is kosbaarder as goud, selfs as baie goud, soeter as heuning, as druppels uit 'n heuningkoek. Ek laat my daardeur leer, wie dit alles onderhou, groot is sy beloning (Ps.19:8-12). Laat U Woord in sy volle rykdom in my bly sodat ek ander kan leer en onderrig (Kol.3:16) en die Bose kan oorwin (1Joh.2:14). Soos 'n pasgebore kind smag ek na die suiwer geestelike melk van die Woord sodat ek daardeur kan opgroei en die saligheid kan verkry (1Pet.2:2). Gee dat by die aanhoor van U Woord, geloof in my groei (Rom.10:17), sodat ek U wil kan doen (Heb.11:6). Here Jesus Christus, die lewende Woord van God, U is die weg, die waarheid en die lewe (Joh.14:6). As ek in U bly en U Woorde in my, sal ek ontvang wat ek van U vra (Joh.15:7). Vestig U Woord in ons stede en nasies, laat dit kragtig groei en versprei (Hand.19:20). Die mens is soos gras, en al sy prag soos 'n veldblom; die gras verdor en die blom val af, maar die Woord van die Here, dit bly vir ewig (1Pet.1:24-25).

5 Broadcasting dates August-September August THE GOOD FIGHT a film about perseverance on SABC2, 8pm 13 August THE BET a film about self-control on SABC2, 8pm 20 August THE PIANO" a film about honesty on SABC2, 8pm 27 August THE OTHER WOMAN a film about compassion on SABC2, 8pm 3 September GRACE a film about second chances on SABC2, 8pm 9 September The National Conversation about SECOND CHANCES continues with the abridged version of last week s feature film about GRACE on SABC2, 8pm Walk Thru The Bible broadcasts TV: Spirit Word Channel Pas 7/10 satellite: Mondays at 18:00-18:30 with a repeat of Monday's programme on Thursday at 23:00-24:00. For further programming details, go to Radio: For details and the current broadcast message notes, see Radio-on-Demand: See for Christian programs at your convenience. Listen to Living on the Edge by Chip Ingram. This is radio on demand and can be heard by anyone who has access to the Internet! The Children s prayer network South Africa The Children s Prayer Network in South Africa s vision is to motivate, mobilize and equip all the children of SA to pray. They offer practical workshops for children at schools, churches etc. to equip, inspire and train them. The workshops are based on the Boiler Room model. The age groups targeted range from 7 years up. In addition they continuously develop materials to aid parents and child ren's workers to teach children to pray. They also partake in prayer initiatives of Transformation to help change communities in South Africa. Area facilitators were appointed in February and will be mobilizing children s prayer initiatives in their areas. Gerhard Botha, P.O. Box 24124, Three Rivers East, Vereeniging Tel.: , fax: , cell: Web site: pray@mweb.co.za. Verkiesing wat in die wêreld plaasvind: Augustus-September 2006 Augustus Guyana: Parlementêre, Streeks- en presidensiële verkiesings Augustus Seychelle: Presidensiële verkiesings 3 Augustus Tuvala: Parlementêre verkiesings September Verenigde Nasies: Interne verkiesings van Sekretaris-Generaal September Masedonië: Parlement September Estonië: Presidensiële verkiesings 17 September Swede: Parlementêre- en plaaslike administrasieverkiesings 26 September Jemen: Presidensiële- en plaaslike verkiesings (Webruimte: Heartline televisie uitsendings vanaf 16 Julie 2006 Die Mass Media project het op 16 Julie begin met 'n reeks films gebaseer op Christelike en morele vraagstukke. Na verwagting sal twee SABC-kanale die films gedurende dieselfde week uitsaai om meer blootstelling te gee en Nelson Mandela sal ook kortliks in die openings sekwensie van elke film verskyn om almal aan te moedig om die belangrikheid van waardes in te sien. Agt waardes sal vir agt weke deur middel van 'n film op SABC uitgebeeld word. Dit sluit in vergiffenis, genade (onselfsugtige liefde en tweede kanse) selfbeheersing, (veral t.o.v. seksuele onthouding voor die huwelik) aanvaarding, (van verskeidenheid) medelye, verantwoordelikheid, (met die fokus op ouerskap en vaderskap) eerlikheid en volharding (in teenspoed). Die visie is om die gaping tussen geloof en dit wat ons doen te verklein (Jak.2:18). Uitsaaidatums- Augustus September Augustus "THE GOOD FIGHT" 'n film oor volharding op SABC2 om 8 uur 13 Augustus "THE BET" 'n film oor selfbeheersing op SABC2 om 8 uur 20 Augustus "THE PIANO" 'n film oor eerlikheid op SABC2 om 8 uur 27 Augustus "THE OTHER WOMAN" 'n film oor medelye op SABC2 om 8 uur 3 September "GRACE" 'n film oor tweede kanse op SABC2 om 8 uur 9 September Die landswye gesprek oor tweede kanse word voortgesit met 'n verkorte weergawe van die vorige week se film oor GENADE op SABC2 om 8 uur Walk Through the Bible uitsendings TV: Spirit Word Channel Pas 7/10 satelite: Maandag om 18:00-18:30 met 'n herhaling van Maandag se program op Donderdag om 23:00-24:00. Vir meer inligting oor programme besoek

6 Radio: Vir detail en meer inligting oor uitsendings, besoek Radio-op-aanvraag: Besoek vir Christelike programme wanneer dit jou pas. Dit is Radio-opaanvraag en kan deur enigiemand gehoor word wat toegang tot die Internet het. Luister na Living on the Edge deur Chip Ingram wat Sondae om 09:30 gehoor kan word op Radiokansel AM,657 khz Augustus 2006: Herlewingskonferensie Mense in bediening en hulle gades, waarby ingesluit is pastore, sendelinge, kweekskool professors en studente, geestelike en ander leiers en almal wat bid en verlang na persoonlike herlewing, herlewing in hulle huise, kerke en in Suid-Afrika, word uitgenooi na hierdie herlewingskonferensie by die Evangelies Gereformeerde Kerk Wonderboom van Augustus en by die Nederduits Gereformeerde Kerk Lynnwoodrif van Augustus Die program sluit lering, gebed, aanbidding en saamkuier in. Registreer asseblief so spoedig moontlik om seker te maak dat jy plek kry by: Revival SA, Posbus 27130, Sunnyside Tel.: , faks: Webruimte: e-pos: revivalsa.co.za Augustus 2006: Healthcare Christian Fellowship konferensie in Suid-Afrika Die Suid-Afrika streek van Healthcare Christian Fellowship sal van Augustus in Swaziland vergader. Daar is veertien lidlande Angola, Botswana, Comore, Lesotho, Madagaskar, Mauritius, Mosambiek, Namibië, Réunion, Seychelle, Suid-Afrika, Swaziland, Zambië en Zimbabwe. Die tema vir die konferensie is: "Serving God faithfully in an increasingly challenging environment.." Verskeie werkswinkels sal aangebied word met temas soos: Christian Management, New Age Medicine, My Workplace, My Responsibility, HCF in practice and HCF Action Teams. Die registrasiefooi, verblyf en maaltye beloop R2 450,00 per persoon. (Bankrekening: Southern Africa HCF, Rekeningnommer: , Bank: Standard Bank, Tak: Kempton Park, Takkode: Faks 'n afskrif van u depositostrokie aan: The Conference Secretary. Faks: ) September 2006 : South African House of Prayer jaarlikse konferensie, Durban Almal wat 'n hart het vir strategiese gebed word uitgenooi om deel te wees. Die mandaat vir Intersessors vir Afrika is om intersessors op te rig, op te lei en te ontwikkel vir doeltreffende en kragtige gebed, om leraars en gelowiges uit verskillende denominasie te mobiliseer om te bid vir hulle gebied, om te onderskei wat die Here vir die volk sê, om mense aan te moedig om te bid vir leiers, mense en nasies sodat ons die roeping wat ons gekry het, kan verwesenlik. Leiers van Africa House of Prayer oor die vasteland sal Skriftuurlike waarhede uitlê wat riglyne vir gebed sal gee. (Webruimte: e-pos: ahopconfsa@africaforjesus.net. Tel.: Jean , Annali ) September 2006: Watchman School of Prayer and Worship Kom wees deel van van vyf dae van lering en opleiding in die Harp and Bowl model van intersessie-aanbidding en leer hoe om dag-en-nag gebed in jou stad aan die brand te steek. Die Watchman School word aangebied deur Global Prayer Watch, 'n inisiatief van Jerigo Mure Gebedsnetwerk in Kaapstad. Hierdie skool bied opleiding aan om God se huis op te bou tot 'n huis van 24 uur intersessie-aanbidding deur praktiese riglyne te gee oor die vestiging van 'n huis van gebed, die struikelblokke en hoe om hulle te oorkom, asook praktiese blootstelling aan 'n Boiler Room. Lesings oor onderwerpe soos Intimiteit met die Vader en hemelse bruidegom. Die krag daarvan om die Woord te bid. Hoe om God se stem te hoor en vele ander word aangebied. As jy 'n hart het vir dag-en-nag aanbidding-intersessie dan is dit net reg vir jou. Sangers, musikante en intersessors wat geroepe voel tot die bediening van intersessie-aanbidding, aanbiddingspanne en intersessors van gemeentes of wat 'n stad verteenwoordig, word uitgenooi. Ruimte is beperk aangesien net 120 mense gehuisves kan word. Registrasie vir 'n week, maaltye en akkomodasie ingesluit, is R700 per persoon. Registreer asseblief so gou as moontlik. (Skakel met Lizette by Posbus 3683, Tygervallei, Tel.: , faks: , e-pos: cape@jwipn.com ) SPESIALE GEBEDSGELEENTHEID Ethné tot Ethné ongeëwenaarde jaarlange gebedsfokus Die US Center for World Mission se Global Prayer Digest en Ethné het in vennootskap gegaan om vir 'n jaar lank van Junie 2006 tot Mei 2007, daaglikse gebed vir die mins-bereikte mense op elke vasteland te verskaf. Joshua Project span saam met Ethné om die onbereiktes en die mins-bereiktes van die aarde, binne twaalf geografiese areas, een vir elke maand van die jaar, te identifiseer. Die Ethné-poging se doel is om strategiese evangeliesasie-uitreike na die mins-bereikte groepe in elke gebied in die wêreld, te neem. Die volgende is voorstelle oor hoe jou gemeente, selgroep, netwerk of groep betrokke kan raak in die wêreld se grootste evangelisasie-gebedspoging in die geskiedenis. 1. Gee 'n brosjure met 'n oorsig van die fokuspunte aan elke lid. Die meester-brosjure is beskikbaar onder Resources afdeling op webruimte: en toestemming is verleen om dit te publiseer en te versprei. 2. Video-snitte, klank- snitte, bulletien insetsels en gebeds-boekmerke op 'n maandelikse basis vir elke streek se

7 mins-bereiktegroepe, kan afgelaai word van die webruimte: sowel as op die ingeslote DVD. Dit is in baie tale beskikbaar met video-subtitels. (Tans is 11 tale beskikbaar). 3. Skakel met jou gemeente se sendinguitreik en dié wat jy weet onder onbereikte mense in die wêreld werk. Laat weet hulle dat 'n groot konsentrasie van gebed na hulle deel van die wêreld kom. Vra hulle om dit bekend te maak en ook om getuienisse van voorbereidings en resultate van die werk na te stuur. 4. Plaas 'n kennisgewing of banier op jou gemeente se webruimte met 'n skakel vir die webruimte van die Wêrelddag van Gebed en die Ethné's Year of Prayer. Registreer jou eie verbintenis by sodat jy kennisgewings kan ontvang van nuwe of bygewerkte hulpmiddels. 5. Verskaf skakels op jou webruimte na Global Prayer Digest sodat hulle elke dag kan bid, of laat hulle inteken op 'n daaglikse e-pos weergawe by: 6. Stuur nuus met jou gewone gemeentenuus e-pos en skakel weer terug na jou webruimte vir meer inligting. 7. Maak aankondigings waar moontlik. 8. Bid in kerkdienste, selgroepe, gesinne en alleen. Laat Ethné weet hoe jy deel wil wees sodat ons momentum kan opbou soos meer mense bewus word dat dit werklik 'n wêreldwye aksie is. Jy kan ook kommunikeer en vrae vra d.m.v. e-pos by: Die Kindergebedsnetwerk in Suid-Afrika Die Kindergebedsnetwerk in Suid-Afrika se visie is om al die kinders van Suid-Afrika te mobiliseer, te motiveer en toe te rus om te bid. Hulle bied praktiese werkswinkels vir kinders by skole, gemeentes ens. aan om hulle te inspireer, toe te rus en op te lei. Die werkswinkels is op die Boiler Room model gebaseer. Die ouderdomsgroep wat geteiken word is vanaf sewe jaar. Hulle ontwikkel ook hulpmiddels om ouers en kinderwerkers toe te rus om kinders te leer bid. Hulle neem ook deel aan gebedsinisiatiewe van Transformasie Afrika om gemeenskappe in Suid-Afrika te help verander. Area fasiliteerders is in Februarie aangestel en sal kindergebedsinisiatiewe in hulle gebied mobiliseer. Gerhard Botha, Posbus 24124, Drie Riviere-Oos, Vereeniging Tel.: , faks: Webruimte: e-pos: Streek Naam Kontak besonderhede E- pos adres O-Kaap-Noord Annatjie Ferreira / O-Kaap-Suid Riana v Niekerk rianavn@telkomsa.net Ekuruleni Adelle Steyn adelle-steyn@webmail.co.za Vrystaat-Noord Bettie bettie@gcs.co.za Vrystaat-Suid Annamarie Coetsee sms ammeraai@yahoo.com Johannesburg Lisa Becker trinitylinden@methodist.co.za Limpopo Cecilia Lombard lombardboerdery@esnet.co.za Mpumalanga Timon Filter timonfilter@hotmail.com Natal Louise Theron ghtheron@dorea.co.za Noord Wes Sandra Huisamen bertus11@telkomsa.net Noord Kaap Gail vd Merwe gailvdm@yahoo.com Pretoria Tiesie de Coning jeug@ksm.co.za Sentraal SA Annatjie Ferreira / berend@worldonline.co.za Suid Kaap Riana v Niekerk rianavn@telkomsa.net Vaaldriehoek Sarah Scholtz DawieS@spoornet.co.za Wes Kaap Rentia Sadie petra.wk@webmail.co.za 7-15 Oktober 2006: JESUS Film uitreik na die Kalahari 'n Uitreik na die Kalahari word beplan vir 7-15 Oktober As jy belangstel om saam te gaan en die poging te ondersteun, kontak asseblief Campus Crusade for Christ SA, Posbus 52908, Dorandia, Tel.: , faks: , sel: Webuimte: e-pos: pbrits@ -sa.co.za of magdaleen@ -sa.co.za 2-27 Oktober 2006: TESOL kursus word aangebied in Suidoos-Asië U kan nou TESOL (Teaching English to Speakers of Other Languages) van 2-27 Oktober 2006 in Chiang Rai, Thailand bywoon. Hierdie TESOL is 'n vier weke kursus oor hoe om mense Engels as 'n tweede of vreemde taal aan te leer. Die kursus is geregistreer by die University of the Nations in Kona, die internasionale opleidingsliggaam van Youth with a Mission. Na die suksesvolle voltooiing van die kursus, sal kursusgangers gekwalifiseer wees om ESL en EFL in feitlik enige land in die wêreld aan te bied. Omdat die grootte van die

8 klasse beperk is, word vroegtydige registrasie aanbeveel. Aansoeke en verwysingsvorms sal per e-pos aangestuur word. Kontak vir meer inligting en aansoeke. 'n Internet borgskap program help met nuwe Bybelvertalings Bybelvertalings is baie duur. Die Seed Company het 'n 'One verse' borgskap program op die Internet geplaas. Elke bedrag wat geborg word help om 'n Bybel te vertaal. Die geld word ook gebruik om die nodige toerusting vir vertaalwerk aan te koop. 'n Groep jongmense is so geïnspireer dat hulle besluit het om 100 verse vir 'n spesifieke mensegroep te borg. (Mission Network News, 13/4/06, Webruimte: e-pos: Wat is die "Expansion Ministry" van Campus Crusade for Christ, SA? Campus Crusade for Christ is 'n interkerklike, internasionale sendingorganisasie wat werk in 190 lande, met voltydse sendelinge in min of meer enige tipe bediening. Een van die teikens van hulle Expansion Ministry is om te help om vir elke mens in Suid-Afrika die geleentheid te gee om 'n keuse vir Jesus Christus te maak. Expansion Ministry konsentreer op die JESUS Film, wat reeds in 924 tale vertaal is, saam met Church Resource Ministries, hulle werk in vennootskap met gemeentes d.m.v. opleiding in evangelisasie, doeltreffende opvolgwerk en die opbou en vermenigvuldiging van dissipels. Die bemarkingsgroep verskaf 'n praktiese oplossing vir fondse: Wanneer iemand die woord film na SMS, sal die stuurder dadelik 'n SMS terug ontvang om dankie te sê en die Expansion Ministry ontvang die donasie. Die koste per SMS is net R5. Deur in die projek te belê, word jy indirek deel van die vervulling van die 'Groot Opdrag' (Matt.28:18-20). (Campus Crusade for Christ, JESUS Film & Church Resource Ministries. Posbus 52908, Dorandia, Sel: , e-pos: ). Terugvoer van Wêrelddag van Gebed Wêrelddag van Gebed op die Doulos Daar is feitlik elke dag gebedsbyeenkomste, party klein en ander groot, op die Doulos, maar vanjaar met die Wêrelddag van Gebed het die hele bemanning vir die eerste keer deelgeneem. Plaaslike gelowiges van Thailand is ook uitgenooi om deel te neem en 'n gedeelte van die byeenkoms is aan gebed vir Thailand gewy. Om die byeenkoms werklik wêreldwyd te maak, het verskillende bemanningslede gebedsversoeke van hulle eie lande met die ander gedeel. Aan die einde van die byeenkoms het die bemanning en hulle Thai gaste saam die gebed gebid wat in baie verskillende lande in die wêreld op dié dag gebid is. (OM Ships International Currents, 15/6/06. E-pos: Die Nederduits Gereformeerde Kerk in Wellington: Na beraming het meer as mense die 'Boiler Room' besoek. Ons moes soms mense laat wag wanneer daar meer as 20 mense gelyktydig in die 'Boiler Room' was. Een kerkleier het getuig dat hy elke aand na die diens na die 'Boiler Room' gegaan het om dankie te sê vir die Here. Gemeentes het deurgaans ondervind dat baie meer mense gedurende hierdie tyd die dienste bygewoon het. 'n Mens kon enige tyd van die dag of nag na die 'Boiler Room' gaan en jy sou meer as een persoon daar kry. In die algemeen het elke gemeente in Wellington getuig dat hulle 'n buitengewone beweging van die Gees ervaar het. Verslae is ingehandig van meer as 800 mense wat saans die dienste bygewoon het. Fish Hoek Baptist Church se jeugbediening berig: Ons het Saterdag 3 Junie van 9 voormiddag tot 5 namiddag 'n 'Boiler Room' gehad. Die dag was baie spesiaal. Jongmense het kom bid vir hulle eie verhouding met die Here, vir hulle gesinne, hulle vriende en vir dié wat hulle nog nooit voorheen ontmoet het nie. Die inter-aktiewe styl van die 'Boiler Room', het soos gewoonlik die tyd laat verby vlieg en hulle harte en gedagtes volledig in beslag geneem. Noudat hulle weet dis nie die gewone biduur nie, sal ons dit beslis weer in die nabye toekoms doen. GEBEDSGIDS Dinsdag 1 Augustus 2006 Internasionale "gay parade" in Jerusalem Jerusalem World Pride 2006, die tweede internasionale gay parade in die moderne geskiedenis, is geskeduleer vir 6-12 Augustus vanjaar in Jerusalem. Die eerste een is in 2000 in Rome, op die voorstoep van die Pous gehou. Ten spyte van besware van Joodse, Christen- en Moslemleiers in Jerusalem, is dit onwaarskynlik dat die nuwe Israelse regering beswaar sal maak. Laat ons ernstig oor hierdie situasie bid, soos die Here ons lei, dat die parade weereens nie sal plaasvind nie, soos wat verledejaar gebeur het. Bid asseblief vir 'n gees van wysheid en

9 vir 'n openbaring van die liefde van Jesus Christus sodat die oë van dié wat verantwoordelik is sal oopgaan. (Christian Friends of Israel. Tel.: Webruimte: 99ef75f9eaa004c256f604ea799d6, e-pos: Bou van nuutste tipe kernkragstasie Die projek vir die konstruksie van die korrelbed-modulere-reaktor (PBMR) word beplan om in September 2007 te begin en sal omtrent 700 mense in diens neem. Die verwagting is dat PBMR tegnologie die wêreld se eerste suksesvolle kommersiële-opwekker sal word. Omtrent 90% van Suid-Afrika se elektrisiteit word steeds deur steenkool kragstasies opgewek. (Engineering News, 7/4/2006). Dank die Here vir nuwe tegnologie wat in Suid- Afrika gebou word vir plaaslike gebruik en uitvoer. Bid dat baie bestellings geplaas sal word vir die bou van sulke reaktors vir buurlande en dat die gebruik van natuurlike hulpbronne soos steenkool vir die opwekking van elektrisiteit spoedig vervang sal word veral in die lig van aardverhitting. Hindernisse vir die verspreiding van die evangelie: Mans en vroue in die bediening van die evangelie Daar is steeds meningsverskille oor hoe, waar en wanneer vroue in die kerk mag bedien. (Webruimte: Wat belangrik is, is nie wie wat moet doen nie, maar dat elkeen moet besig wees met iets, sodat die evangelie van Jesus Christus vordering kan maak. Die werk van Christelike bediening is so uitgestrek dat die een tog sekerlik nie belangriker as die ander kan wees nie. BID asseblief dat die verskille spoedig sal vervaag en dat mans en vroue saam die juk sal opneem ter wille van die evangelie. Vra dat posisie, salaris, gewildheid, ens. nie vir Christene belangrik sal wees nie. Bid dat mense vorentoe sal kom om die werk van die koninkryk van God te doen, of dit klein of groot, belangrik of onbelangrik is. Dat Christene heelhartig sal werk asof vir die Here en nie vir mense nie aangesien ons weet dat ons 'n erfenis van die Here sal ontvang as beloning (Kol.3:23-24). Woensdag 2 Augustus Dae van Seën: Wat kan jy doen om jou gemeenskap te seën? Ontwikkelingsprojekte: Weet jy by watter verskillende ontwikkelingsprojekte jou gemeente betrokke is? Vind uit wat hulle doen en raak betrokke op 'n praktiese manier, soos byvoorbeeld om transport te verskaf, te help met strategie, ens. Net deur inter-aksie met mense kan 'n mens so baie leer oor die hindernisse wat daar is om mense met die evangelie te bereik. Dit leer 'n mens hoe om daaroor te bid en maak ons gefokus om op 'n ander manier 'n verskil te maak. Hindernisse vir die verspreiding van die evangelisasie: Maak dissipels van ongeletterdes Armoede en ongeletterdheid is 'n enorme hindernis vir evangelisasie. (Webruimte: Stel jou voor dat jy 'n Bybel in jou eie taal het, maar jy kan dit nie lees nie. Stel jou voor om die JESUS Film op video of DVD te ontvang, maar jy het nie 'n televisie of rekenaar om dit te kyk nie, of stel jou voor jy is blind. Ons het die insig van die Here nodig om hierdie versperrings te oorkom en om terselfdertyd die vraagstukke van ongeletterdheid en armoede aan te spreek. BID asseblief vir deurbrake oor hoe om mense mondelings te leer en te dissipileer. Bid vir baie vindingrykheid en dat 'n heeltemal nuwe manier gevind sal word om hierdie lewens met die evangelie te bereik. Maniere wat so belangrik en doeltreffend sal wees dat regerings dit op hulle eie koste sal implimenteer vir die voordeel van hulle mense. Donderdag 3 Augustus 2006 Bid vir die regering Maak vandag spesiaal tyd om vir lede van die parlement te bid. Bid vir President Mbeki se gesondheid en gesin. Bid vir hom vir wysheid in die baie moeilike besluite wat hy moet neem. Bid ook vir die res van ons nasionale, provinsiale en plaaslike regerings. Bid dat hulle tot 'n dieper openbaring van Jesus Christus sal kom en sal besef dat Hy die enigste antwoord is om hulle te help om hulle lewensdoel en die hoogste doel vir Suid-Afrika te bereik. Hindernisse vir evangelisasie: Immigrante gemeenskappe Daar is immigrante gemeenskappe en internasionale studente in baie lande. Hulle teenwoordigheid in ons land bied ons die geleentheid om hulle met die evangelie te bereik, veral omdat baie van hulle van lande kom waar daar nie vryheid is om die evangelie te bring nie of om Christus aan te neem nie. (Webruimte: Is daar 'n projek in jou gemeente wat fokus op studente/werkers/immigrante uit ander lande? BID asseblief dat gemeentes van oraloor die evangelisasie geleenthede voor hul deur sal raaksien en die sendingroeping sal opneem. Gebruikersvriendelike hulpmiddels is al meer beskikbaar. Bid dat Christene se uitkyk sal verander van 'n fokus na binne tot na buite fokus.

10 Vrydag 4 Augustus 2006 Suid-Afrika se eerste uraanmyn Die Rietkuil Dominion Uranium Project is Suid-Afrika se grootste enkele bron van uraan van 16.1 miljoen pond (2.20 pond=1kg) en vermoedelik is daar 'n verdere miljoen pond uraan. (Mining Weekly, 7/4/2006). Bid asseblief vir almal wat betrokke is by die projek. Dat hulle wysheid en insig sal hê om die regte besluite te neem wat die grootste voordeel in die langtermyn vir Suid-Afrika sal bewerk, met die fokus op beide uitvoer en plaaslike gebruik. Bid vir deurbrake in Laos Die Suidoos-Asië inligtingsnetwerk in Suid-Afrika mobiliseer die plaaslike gemeentes om te bid en uit te reik na nasies in Suidoos-Asië. Daar is omtrent Thai Phuan mense wat in die noorde van Laos woon. Hulle is rysboere en bekend vir hulle harde werk en ondernemingsgees. Bid asseblief dat baie die evangelie as gevolg van hulle sakekontakte met ander mense sal ontvang. (Suidoos-Asië Hub, Posbus 17, Britstown, Tel.: , sel: E-pos: nicokriek@telkomsa.net). Saterdag 5 Augustus 2006 Rand en brandstofprys sal inflasie beïnvloed Inflasie is weliswaar op die oomblik onder beheer, maar die uitwerking van die stygende brandstofprys en onbestendige Rand moet nog ingereken word in die inflasiesyfers. (Iafrica.com News, 25/05/2006). Hou asseblief aan om te bid vir die stabilisering van ons ekonomie. Vra veral dat besluitnemers met wysheid sal optree, sodat ons ekonomie in die langtermyn bevoordeel sal word. Moslems plaas Christene onder druk om Kyrgystan te verlaat Ongeveer 75% van die inwonertal van Kyrgystan is Moslem. Die onstabiele regering en groeiende Christen getalle veroorsaak al meer spanning. Daar is 'n gemeenskap waar 'n gemeente geplant is wat nou uitreik na die gemeenskap. Moslem leiers dring daarop aan dat hulle die stad verlaat, aangesien hulle Christus aangeneem het. Almal in Kyrgystan is veronderstel om Moslems te wees. Sendelinge wil graag vanjaar nog Bybels na 300 gemeenskappe neem. Bid dat God hulle sal seën in hierdie pogings, vir genoeg geld vir petrol, vir vervoer en ook vir guns by diegene wat die werk teenstaan. (Mission Network News, 26/6/06. Webruimte: e-pos: mnn-news@mnnonlinel.org). Sondag 6 Augustus 2006 Die bloed van Jesus het ons vrygekoop uit die hand van Satan Deur die bloed van sy Seun is ons verlos en is ons oortredinge vergewe kragtens die ryke genade van God wat Hy in al sy wysheid en insig so oorvloedig aan ons geskenk het (Ef.1:7-8). Die hoeksteen van ons verlossing in Christus is dat ons, deur die stort van Sy bloed die ewige lewe ontvang het. Ons is ook terselfdertyd nie meer gevangenes van die koninkryk van duisternis nie. Jesus het ons met sy bloed gekoop en ons lewens bevry uit die mag van Satan. Al wat ons moet doen is om die geskenk van Sy lewe vir ons lewens te aanvaar. Het jy al hierdie eenvoudige gebed gebid? Here Jesus Christus, Seun van God, wees my, 'n sondaar genadig, ek gee my lewe en alles wat ek doen, oor aan U. Vader, ons eer U vir die bloed van U Seun. Dankie dat U ons vrygekoop het uit die hand van Satan, dat U ons uit die duisternis na U lig gebring het. Omdat ons die geskenk van die Ewige Lewe ontvang het, pleit ons by U dat baie ander ook sal verstaan dat Jesus Christus God se antwoord vir die mensdom is en dat hulle die verlossingskrag van Sy bloed sal begryp. Dankie dat U ons vrymaak van alle ongeregtigheid en dat U ons reinig van ons sonde, sodat ons U eie volk kan wees (Tit 2:14). Help ons om elke dag te oorwin deur die bloed van die Lam en die woord van ons getuienis (Op.12:11). Die film "The Good Fight"op SABC 2 vanaand om 8 nm, begin met 'n landswye gesprek oor VOLHARDING. Die meeste van ons het drome wat diep in ons harte lê. Party van ons het vergeet van ons drome omdat die lewe so moeilik was. In Suid-Afrika kan dinge soos werkloosheid, MIV/VIGS, onderwysprobleme, misdaad, geweld en korrupsie lyk soos onoorkomelike hindernisse vir die drome wat mense het. Volharding is net moontlik in Christus, wat ter wille van ons volhard het (Heb.12:1-3). Bid dat Suid-Afrikaners aan hulle drome sal vashou en sal besef dat drome van God kom en dat alles deur Hom moontlik is. (HEARTLINES - The Mass Media Project. Tel.: , faks: Webruimte: e-pos: info@heartlines.org.za). Maandag 7 Augustus 2006 Suid-Afrikaanse gemeente spreek MIV/VIGS aan 'n Kerk in Mamelodi woongebied spreek nou die MIV/VIGS kwessie direk aan deur sommige van die Purpose Driven Life vaardighede aan te wend. Hulle het begin bou aan die eerste van vyf huise vir weeskinders wat uiteindelik 90 kinders sal huisves. Kerkpersoneel gaan na skole, werkplekke, kerke en ander instellings om

11 mense opleiding te gee oor MIV/VIGS. (Mission Network News, 12/4/06. Webruimte: e-pos: Dank die Here vir sulke pogings. Bid vir sukses en dat baie ander soortgelyke projekte in dorpsgebiede en plattelandse gebiede sal begin. Ethnè onbereikte volkere projek: Noordoos Asië Die ekonomieë van Sjina, Japan en Suid-Korea groei teen 'n ongekende koers. Suid-Korea is tans die land in die wêreld wat die tweede meeste sendelinge uitstuur en hulle is besig om voor te berei vir die viering van die 100ste verjaarsdag van die vestiging van die evangelie in die vroeë 1900's. Baie sendelinge sal op die ou 'Silk Road' teruggestuur word na Jerusalem, om die evangelie terug te neem vanwaar dit gekom het. (Webruimte: e-pos: Dinsdag 8 Augustus 2006 Deurbraak vir radiouitsendings in gevangenis Na 18 maande van gebed, vanaf 12 April, kan Truth Radio nou terselfdertyd vir die hele Pollsmoor Gevangenis uitsaai. Voorheen moes uitsending oor 3 aande gespasieer word om die hele Pollsmoor te bereik. Dit het beteken dat elke afdeling eintlik net een keer per week die uitsendings ontvang het. Nou kan die nagenoeg inwoners elke aand wat Truth Radio uitsaai dit hoor. Dank die Here vir antwoord op gebed. Bid dat baie lewens heeltemal sal verander. Bid ook dat soortgelyke radio-uitsendings in ander gevangenisse in die land sal begin. (Prison Broadcasting Network, Posbus 281, Steenberg, 7947, Kaapstad. Tel.: Webruimte: e-pos: info@prisonbroadcast.org.za). Hindernisse vir die verspreiding van die evangelie: Befondsing vir sending en evangelisasie Een van die vernaamste hindernisse vir evangeliesasie is gebrek aan fondse. Die arbeiders is dikwels beskikbaar, maar die fondse vir hulle om te gaan kom kort. (Webruimte: Watter prioriteit word in gemeentes aan die uitstuur van sendelinge gegee in vergelyking met plaaslike projekte? Word die maandelikse toelaes van sendelinge in die veld elke jaar aangepas? BID dat die hele gedagte rondom die uitstuur van sendelinge, evangelisasie, ens. aangepas, heroorweeg, oordink en herstruktureer sal word om die oes in te samel voor die wederkoms. Bid dat daar 'n besef van die erns in die harte van kerkleiers en lidmate sal kom oor die uitstuur en ondersteun van sendelinge en evangelisasie. Bid vir nuwe idees, sodat meer as voorheen gedoen kan word. Bid dat nuwe geloof vir sending en evangelisasie in hierdie tyd in die harte van baie mense vrygestel sal word. Woensdag 9 Augustus dae van seën: Nasionale Vrouedag Seën vroue: Vroue speel 'n baie groot rol in elke gemeenskap. In baie gevalle, veral in die arm gebiede, is vroue alleen verantwoordelik vir die grootmaak van kinders. Vra die Here om jou planne te gee hoe om vroue in jou eie en ander gemeenskappe te seën, nie net vandag nie, maar voortdurend. Maak tyd om saam met vroue by die werk, by die skool, ens. te bid met wie jy nog nooit voorheen saam gebid het nie. Nog 'n voorbeeld van vroue wat jy kan seën is die vrouewerkers in jou huis of besigheid. Jy kan ook 'n skooltjie begin vir vroue om hulle te leer lees en skryf. Hindernisse vir die verspreiding van die evangelie: Doeltreffende opleiding vir evangelisasie As die mense wat betrokke is by sending en evangelisasie goed voorberei en toegerus is, kan hulle meer doeltreffend wees. (Webruimte: Wat is in plek vir die toerusting van sendelinge en lidmate wat gaan deelneem aan 'n evangelistiese uitreik, voordat hulle uitgaan? Wat word gedoen om hulle te "de-brief" (terugblik op ervaring) en te help wanneer hulle terugkom of een keer per jaar kom kuier? Veral langtermyn sendelinge behoort emosioneel, finansieel en strategies in hulle werk en die ontwikkeling daarvan, bygestaan te word. BID veral vir 'n vars insig in die harte van kerkleiers oor hoe om lidmate in die gemeente toe te rus en op te lei om doeltreffend te wees en te bly in hulle voortgaande sending- en evangelisasiepogings. Bid ook vir sendelinge en mense wat gereelde uitreike het, vir nuwe insig oor wat nodig is om 'n spesifieke groep mense doeltreffend te bereik. Vra vir baie herstrukturering in die nabye toekoms. Bid dat gebed en vertroue op die Here sal terugkeer en toeneem in die sending en evangelisasiepogings van die kerk wêreldwyd. Donderdag 10 Augustus 2006 Baie nuwe klere- en tekstielwerkers Suid-Afrika se grootste enkel diplomaplegtigheid was vir 832 leerders wat opleiding voltooi het in die klere-, tekstiel-, skoen- en leernywerheid in Kaapstad. Ongeveer 385 van hulle is indiens leerders, 447 is werkloos en 75% is vroue. Ongeveer 379 van die werklose leerders is deur die National Skills Fund geborg. (Business in Africa, 19/4/06. E-pos: malcom@businessinafrica.net). Dank die Here vir geleenthede soos hierdie en vra dat elkeen van hierdie gekwalifiseerde leerders spoedig werk sal kry.