Kindertoewyding. Die Beginsel uiteengesit

Transcription

1 Kindertoewyding Ouers wy kinders aan die Here toe volgens n sekere woord beginsel wat die Woord van die Here aan hulle voorhou uit die lewe van Jesus. Jesus is hulle Verlosser en voorbeeld Broer en hulle volg die voorbeeld wat God die Vader hulle in Sy Woord gee. Hierdie voorbeeld word uit die lewe van Jesus geneem. Jesus is deur Sy aardse ouers (Josef en Maria) aan Sy Hemelse Vader toegewy toe Hy nog n baba was. (God het die oorspronklike bloudruk-ontwerp van die mens in Christus bewaar, ten spyte van die val van die mens, daarom is Jesus nie net ons Verlosser Broer nie, maar ook ons voorbeeld Broer). Die Beginsel uiteengesit Die uiteensetting van hierdie beginsel vind ons in Luk. 2: En toe agt dae vervul was dat hulle die kindjie sou besny, het hulle Hom Jesus genoem, die naam wat deur die engel gegee is voor Sy ontvangenis in die moederskoot. (besnydenis was die verbondsteken tussen God en Abraham en sy nageslag Gen. 17:10 13 en alhoewel dit as n ewige verbond gegee is het die wettiese gedeelte daarvan verval omdat dit deel van die wet van Moses was en ons nou deel is van n Nuwe Testament wat wettiglik op beter beloftes gegrond is. Heb. 8:6 Gal. 5:1 4. Besnydenis kan egter vir gesondheidsredes en vir morele redes gedoen word. Let wel net seuns is volgens die wet van Moses besny. Gen. 17:10 (Seuns is op die agste dag besny omdat die bloedstollingsfaktor dan op sy hoogste sou wees en name het gespreek van karakter, roeping en eindbestemming). In die lig hiervan behoort ouers vir die Here te vra wat die name van hulle kinders moet wees wat die Here aan hulle toevertrou het. Bybelse name was gekoppel aan karakter, roeping en bestemming. Let wel: Toewyding aan die Here en besnydenis van seuntjies was twee aparte begrippe. Luk. 2:22 En nadat die dae van haar reiniging volgens die wet van Moses vervul was, ( n vrou se reinigingsperiode vir n seuntjie was 40 dae en vir n dogtertjie was dit 80 dae) het hulle Hom na Jerusalem gebring om Hom aan die Here voor te stel. Toewyding van kinders Om n kind aan die Here voor te stel of toe te wy is nie n Nuwe Testamentiese bevel nie, maar n geloofsbelofte beginsel waar ouers kom om sekere beloftes aan die Here maak te maak t.o.v. hulle kinders

2 Wat beteken dit om n kind aan die Here voor te stel of toe te wy? Voor te stel Grieks Paristemi. Hierdie begrip het verskeie betekenisse nl.: 1. Om op sy te sit vir die Here, 2. Om tot beskikking van die Here te stel, 3. Om langs die Here te plaas, 4. Om aan die Here toe te wy. Ouers het hulle kinders in gehoorsaamheid aan die wet van Moses gebring om hulle aan die Here toe te wy. Hierdie stap van gehoorsaamheid was om aan God die Vader die volgende te sê: Hemelse Vader ons bring hierdie kind wat U aan ons as n geskenk toevertrou het en ons wil hierdie kosbare kind tot U beskikking stel. Here gebruik hierdie kind tot eer van U naam en tot uitbreiding van U Koninkryk. Ons kom as die ouers van hierdie kind om plegtig n belofte voor U en al hierdie getuienisse hier teenwoordig te maak. Ons belowe die volgende: 1. Dat ons hierdie kind in U weë en in U insettinge sal groot maak. 2. Dat ons deur ons optrede en spraak n voorbeeld vir hierdie kind sal wees, in woord en in daad. 3. Dat ons hierdie kind sal help om sy gawes en talente en onbeperkte potensiaal in U te ontdek en dat ons hierdie kind dan daarvolgens sal groot maak. (Prov. 22:6 Amplified Bible: Train up a child in the way he should go (and in keeping with his individual gift or bent) and when he is old he will not depart from it.) Bent spreek van: aanleg en voorliefde. Ek help my kind dus om sy aanleg of voorliefde te vind en dan maak ek die kind daarvolgens groot. NB. Ek dwing nie my kind om te doen wat ek graag wou doen in die lewe nie, want die Here maak elke persoon uniek en besonders. As ek my kind dwing dan berei ek my kind voor vir n gees van rebellie en rebellie is soos die sonde van heksery en eiegeregtigheid soos beelde diens. 1 Sam. 15:23. Nou leer ek om my kind dop te hou en my kind te stimuleer om sy/haar gawes te ontdek en te ontwikkel. Ps. 139:13 17 praat van die feit dat elke kind vreeslik wonderbaar is, kunstig geweef in die moederskoot en dat God se gedagtes vir die kind geweldig en kosbaar is. Ons gebed is dan as volg: Here ons vra dat u ons wysheid, insig en geduld sal gee om hierdie beloftes met die inspraak en die krag van die Heilige Gees na te kom

3 Vraag: Wat van die doop? Die doop is deur die Here ingestel met die ingang van die Nuwe Testament en die Here het Johannes die Doper gebruik om dit bekend te stel. Hand. 19:4 sê: Johannes het met die doop van bekering gedoop en aan die volk gesê dat hulle moet glo in die Een wat na hom kom, dit is Jesus Christus. Die doop is dus nie vir groot mense of vir kinders ingestel nie, maar wel vir die wat tot bekering kom. Markus 16:16 stel dit duidelik. Hy wat glo en hom laat doop dit sluit almal in wat glo. Nadat jy Jesus aangeneem het, moet jy jouself laat doop. Dit is ook die opdrag van Jesus aan Sy dissipels in Matt. 28:19 Gaan dan heen, maak dissipels van al die nasies en doop hulle... (doop die nuwe dissipels). In kort sê hierdie gedeelte: 1. Jy hoor die Evangelie, die Goeie Nuus dat Jesus vir sondaars gesterf het en ons is almal sondaars sê Rom. 3:23: want almal het gesondig en dit ontbreek hulle aan die heerlikheid van God. 2. Jy neem Jesus aan. Hy (Jesus) word nou jou stand van geregtigheid. 2 Kor. 5:21: Want Hy het Hom wat geen sonde geken het nie, sonde vir ons gemaak, sodat ons kan word geregtigheid van God in Hom. 3. Deurdat jy Jesus aangeneem het is jy nou gered (waardeur julle gered word as julle daaraan vashou). 1 Kor. 15:1+2: Broeders, ek maak julle die evangelie bekend wat ek aan julle verkondig het, wat julle ook aangeneem het, waarin julle ook staan, waardeur julle ook gered word as julle daaraan vashou op die wyse waarop ek dit aan julle verkondig het, of julle moet tevergeefs geglo het. Vraag: Het die doop in die Nuwe Testament die besnydenis as verbondsteken van die Ou Testament vervang? Nee! Daar is geen skrif om so n stelling te rugsteen nie! Jesus was besny, toegewy en later in die Jordaan rivier gedoop. Jesus was deel van die Ou Testament maar deur die offer van Sy lewe lei Hy ons in n Nuwe Testamentiese bedeling in. Die Ou Testament Gen. 17:10 12 Dit is my verbond wat julle moet hou tussen My en julle en jou nageslag ná jou: Al wat manlik onder julle is, moet besny word julle moet aan die vlees van julle voorhuid besny word, en dit sal n teken wees van die verbond tussen My en julle. n Seuntjie van agt dae dan moet onder julle besny word, al wat manlik is in julle geslagte In die Nuwe Testament was daar sekere broeders wat die volgende gesê het: Hand. 15:1 As julle nie besny word volgens die gebruik van Moses nie, kan julle - 3 -

4 nie gered word nie. In Hand. 15 het die vergadering van die Apostels saam met en onder leiding van die Heilige Gees die volgende besluit geneem. Hand. 15: : Want die Heilige Gees en ons het besluit om verder geen las op julle te lê nie as hierdie noodsaaklike dinge: dat julle jul onthou van afgodsoffers en van bloed en van wat verwurg is en van hoerery Besnydenis was beslis nie deel van die Nuwe Testament nie. Inteendeel Paulus is baie uitgesproke oor die besnydenis in Gal. 5:1-4: Staan dan vas in die vryheid waarmee Christus ons vrygemaak het, en laat julle nie weer onder die juk van diensbaarheid bring nie. Kyk, ek, Paulus, sê vir julle dat as julle jul laat besny, Christus vir julle tot geen nut sal wees nie. En ek betuig dit weer aan elke mens wat hom laat besny, dat hy onder verpligting is om die hele wet te onderhou. Julle wat geregverdig wil wees deur die wet, is losgemaak van Christus; julle het van die genade verval. Besnydenis die Ou Testamentiese Verbondsteken Besnydenis was die Ou Testamentiese Verbondsteken en dit was n uiterlike teken wat moes verwys na die innerlike besnydenis van die hart Jer. 4:4 së: Besny julle vir die Here en verwyder die onbesnedenheid van julle hart... In die Nuwe Testament vind dit n koppeling met die nagmaal as die verbondsteken. Die Nagmaalsbeker die Nuwe Testamentiese Verbondsteken 1 Kor. 11:25 sê: hierdie beker is die Nuwe Testament in My bloed; doen dit, so dikwels as julle daaruit drink, tot My gedagtenis. Vers 26: Want so dikwels as julle hierdie brood eet en hierdie beker drink verkondig julle die dood van die Here totdat Hy kom. Die Nagmaalsbeker spreek van onverdiende vergifnis God het ons in Jesus Christus reeds vrygespreek deur Jesus vir ons sonde te maak 2 Kor. 5:21. Wanneer ons die Nagmaalsbeker van vergifnis drink moet ons ook mense onvoorwaardelik vry spreek, anders eet en drink ons n oordeel oor onsself 1 Kor. 11: Die Nagmaalsbeker is n uiterlike teken, maar moet gebruik word nadat ons die wat ons te na gekom het, vrygespreek het. Dit moet n uiterlike teken wees van n rein hart wat diep insien in die volmaakte wet van die vryspraak. Jak. 1:25. Jy t volkome vrygespreek, want jy is volkome vrygespreek. Hierdie drie sleutels is hier van krag: 1. Glo dat God jou in Jesus volkome vrygespreek het. 2. Vergewe jouself en ander. 3. Noem jouself wat God jou noem Die geregtigheid van God in Christus Jesus

5 Vraag: Wat gebeur as babas of jong kinders sterf? Matt. 19:13 Toe bring hulle kindertjies na Hom, dat Hy hulle die hande sou oplê en bid; en die dissipels het hulle bestraf. Maar Jesus sê: Laat die kindertjies staan en verhinder hulle nie om na My te kom want aan sulkes behoort die Koninkryk van die hemele. En Hy het hulle die hande opgelê... Mark 10:16 voeg by: En Hy (Jesus) het Sy arms om hulle (die kindertjies) geslaan, Sy hande op hulle gelê en hulle geseën. Aan die kindertjies behoort die Koninkryk van God. Wat babas en kindertjies betref as hulle prematuur sou sterf dan behoort die Koninkryk van God aan hulle hulle word dus gered. Alhoewel elke mens Jesus moet aanneem as persoonlike Verlosser en Saligmaker Joh. 1:12+13: Maar almal wat Hom aangeneem het, aan hulle het Hy mag gegee om kinders van God te word, aan hulle wat in sy Naam glo; wat nie uit die bloed of uit die wil van die vlees of uit die wil van n man nie, maar uit God gebore is. 1 Joh. 5:12+13: Hy wat die Seun het, het die lewe; wie die Seun van God nie het nie, het nie die lewe nie. Dit het ek geskrywe aan julle wat glo in die Naam van die Seun van God, sodat julle kan weet dat julle die ewige lewe het en kan glo in die Naam van die Seun van God. Ons lees nie wanneer die kinder fase se afsnypunt is t.o.v. die Koninkryk van God nie, daardie afsnypunt sal deur God bepaal word. Vraag: Verseël die baba doop (besprinkeling) of die baba toewyding dan nie my kind met die Heilige Gees van belofte nie? (Dat ek sekerheid het dat my kind deel is van die verbond en daarom die ewige lewe uit genade sal beërwe). Nee! Ef. 1:13 4 sê: in wie julle ook, nadat julle die woord van die waarheid, die evangelie van julle redding, gehoor het, in wie julle nadat julle geglo het verseël is met die Heilige Gees van belofte. 1. Jy hoor die evangelie (die Goeie nuus) 2. Jy glo die evangelie (jy neem Jesus aan) 3. Jy word verseël met die Heilige Gees van belofte. Elke mens het dus nodig om by n plek te kom waar hy/sy n persoonlike besluit neem om Jesus Christus as Verlosser en Saligmaker aan te neem en as jy dit nog nie gedoen het nie, bid hierdie gebed hardop: Here Jesus ek is n sondaar en ek wil my tot U bekeer. Luk. 5:32, Rom. 5:8,12; 1 Tim. 1:15 Ek besef nou dat U vir my sonde geword het aan die Kruis van Golgota en daar het U die volle prys vir my verlossing betaal. 2 Kor. 5:21; Kol. 2:13, 14 Ek glo dat U die Seun van God is en dat ek nou, deur in U te glo, vergewing van my sondes in U naam sal ontvang

6 Hand. 10:43; Hand. 26:18 Ek is ook bereid om almal wat teen my gesondig het te vergewe en om restitusie (regstelling) te maak waar dit nodig is. Matt. 6:12; Matt. 18:21-35 Ek besef dat U die enigste ware Verlosser is en daarom wil ek U nou aanneem as my persoonlike Verlosser en Saligmaker. Joh. 14:6; Joh. 1:12, 13 Ek glo dat U in my plek vir my gesterf het en dat God U uit die dode opgewek het sodat ek kan lewe. Gal. 2:20; Rom. 6:6; 1 Kor. 6:14; Ef. 2:6; Kol. 3:1 In geloof neem ek U nou as my Here en my Verlosser. Joh. 1:12, 13; Hand. 2:36 Dankie dat ek op hierdie oomblik n kind van God word en dat die Heilige Gees nou net in my kom woon het. Joh. 1:12, 13; Ef. 1:13, 14; 2 Kor. 1:22; Ef. 4:30 Ek het ook nou net die geskenk van die ewige lewe deelagtig geword en daarmee dus ook my hemelse paspoort ontvang. Joh. 3:16 Dankie Here Jesus Amen