Laat jou deur die Gees van God lei (deel 2). Ds Willem Louw: NG Kerk Miederpark

Transcription

1 Laat jou deur die Gees van God lei (deel 2). Ds Willem Louw: NG Kerk Miederpark Skriflesing: Kol.1:9 11 Ons het in die vorige boodskap ter inleiding gepraat oor die voorreg wat gelowiges het om deur die Heilige Gees begelei te word in die keuses wat hulle elke dag maak. In daardie boodskap het ons onder andere gekyk na die talle beloftes in God se Woord en talle voorbeelde en waarhede betreffende Sy leiding. Ons het ontdek dit is altyd die beste om binne God se wil te lewe. Ons het geleer God se begeleiding is die enigste manier om ewige sukses te waarborg. Ons het ook gesien God se begeleiding waarborg Sy onbeperkte krag om sukses te behaal. Ons het ook geleer God se daaglikse begeleiding deur die Heilige Gees is normaal. Dit is nie iets wat net af en toe behoort te gebeur nie. Dit behoort soos asemhaling, deel van ons geestelike lewe te wees. Vandag sit ons hierdie onderwerp voort: 1. Jy kan dit nie bekostig om God se plan te mis nie. Ek en jy kan God se seën mis as ons buite Sy wil en buite Sy beplanning vir ons lewe beweeg. Wanneer ek en jy nie God se begeleiding waarneem nie en nie gehoorsaam nie, kan dit groot implikasies inhou. Kom ons kyk na een of twee voorbeelde: Koning Dawid: Hy was ŉ man wat herhaaldelik deur God gelei is, maar daar was kere waar hy God se leiding verontagsaam het. Hy het gedink dit is God se wil om die ark na Jerusalem te bring. Dit kon die hele nasie rondom God verenig, maar hy het misluk omdat hy nie vir God gevra het hoe om dit te doen nie. In die proses wat hulle die ark na Jerusalem vervoer het, is Ussia deur God doodgeslaan. ŉ Vreugde fees het skielik ŉ hartseer geleentheid geword en die hele operasie is eers 1

2 getermineer. In 1Kron.15:13 erken Dawid sy fout. Hy sê: ons het nie op die regte manier na die wil van God gevra nie. Dawid was ŉ goeie administrateur. Hy het die regering, die tempel en die weermag se administrasie reggeruk en het lyste van alle medewerkers gemaak. Toe hy egter in sy weermag die aantal weerbare manne wou tel, het hy nagelaat om God se leiding te vra. Hy was ook gedeeltelik deur trots beïnvloed. God straf hom deur pes onder die volk te stuur en mense sterf (1Kron.21) Dit kon soveel ander gewes het as Dawid eers sekergemaak het wat God se wil is. Koning Josia: Hy was lief vir God en het die tempel herstel, afgodery bestry ens. Josia was ŉ man van God. Hy het vir die volk by God ingetree en selfs voor God gehuil. Tog kan die heiligste man foute maak as hy aanneem dat hy God se wil in alles ken. Toe koning Neko van Egipte op ŉ dag met sy leer by hom verbytrek om iemand anders te gaan aanval (Hy wou in Karkemis, aan die Eufraat gaan oorlog maak), het Josia nagelaat om God se wil te vra. Josia het teen Neko opgetrek om hom aan te val. Neko het hom laat weet ons het niks teen mekaar nie koning van Juda! My veldtog is die keer nie teen jou nie, maar teen ŉ vyand. God het gesê ek moet gou maak. Moenie in God se pad kom nie. Hy is by my en Hy sal jou vernietig (2Kron.35:20 21). Josia het nie na God geluister nie en Neko aangeval en in die proses ŉ vroeë dood gesterf. Ek kan nog baie voorbeelde opnoem. Die Bybel leer dat ek en jy nie kan bekostig om God se plan te mis nie. 2. God praat graag met ons Die Bybel is gevul met voorbeelde van God se leiding aan sy kinders. God het met Adam en Eva gepraat. God het saam met Henog gewandel. (Gen.5:24). God het met Noag gepraat (Gen.6:13). God het Abraham geroep en met hom gepraat (Gen.12:1 3. Selfs Abraham se dienskneg het getuig hoe God hom gelei het om ŉ vrou vir Isak te vind (Gen.24:27). God het ook vir Isak, Jakob en Josef gelei en met hulle gepraat. God het ook vir Moses van oomblik tot oomblik gelei, nie net met woorde nie, maar ook met sigbare tekens soos die wolkkolom bedags en die vuurkolom snags. Ons kan so voortgaan dwarsdeur die Bybel. 2

3 Jesus Christus se menswording het ŉ nuwe tydvak van kommunikasie met God ingelei. Die Vader het vir Jesus gestuur sodat ons God kon leer ken en beter met Hom kan kommunikeer. Heb.1:1 2 In die verlede het God baiekeer en op baie maniere met ons voorvaders gepraat deur die profete, maar nou, in hierdie laaste dae, het Hy met ons gepraat deur die Seun Na Jesus se hemelvaart het Hy die Vader gevra om die Heilige Gees vir ons te stuur om ons in ons kommunikasie met God te begelei (Joh.14:16,26) 3. Jou hele lewe is vir God kosbaar. Hy wil jou in alle fasette van jou lewe begelei. Die heilige Gees se leiding is beskikbaar vir die fynste besonderhede van alles wat belangrik is in ons daaglikse lewe: gesondheid, werk, reis, verhoudinge, ens. Die Gees wil jou hele lewe (alle fasette) begelei. Daarom mag ons nie geestelike en praktiese dinge onderskei en maak asof God nie in praktiese dinge raad gaan gee nie. Albei is belangrik. God verwag dat ons ook met ons praktiese sake na Hom gaan vir raad! Voorbeeld: Toe Filippus die Etiopiër vir Christus gewen het, het God se begeleiding die tydsberekening van sy reis ingesluit en die presiese pad wat hy moes neem. God het ŉ engel gestuur om hom in hierdie detail te lei, wat opsigself nie geestelik voorgekom het nie. God verdeel nie ŉ mens se lewe in kompartemente nie, asof sekere afdelings minder belangrik of minder geestelik is as ander nie.. God is geïnteresseer en beskikbaar om jou in alles te begelei: jou vriendskap, jou daaglikse werk, die skedulering van jou tyd, jou leesgewoontes of selfs die gebruik van jou geld! Voorbeeld: God wil elkeen in sy daaglikse werk begelei. Hy kan bv. die werktuigkundige begelei om ŉ fout te ontdek, of ŉ sekretaresse om kosbare inligting na te vors en byeen te bring. Wat jou beroep of situasie ook al mag wees, God het jou lief en wil jou met blydskap begelei. 3

4 God wil jou in klein en groot besluite begelei. Dikwels dink ons daaraan om God se raad net in groot besluite te vra bv. wanneer ek met iemand wil trou, ŉ huis wil koop, ŉ besigheid wil begin, die keuse van ŉ beroep of werkplek, ens. God lei ons graag in groot en klein sakies. Geen saak is vir God te gering nie. Voorbeelde: Moses het God se leiding vir sy opvolger gevra en God het Josia aangewys. God het Elia gelei om Elisa as sy opvolger aan te wys. Geen saak is vir God te gering nie. Toe God vir Saul as koning aangewys het, het hy vir Saul gelei in eenvoudige praktiese detail. Twee persone het hom vooruit kom vertel waar sy pa se donkies is. Hy het bv. vooruit gehoor hy sal by die boom van Tabor 3 manne ontmoet en in detail kon hy hoor wat hulle by hul sal dra en sal doen. Hy hoor bv. vooruit dat hy by Gibea ŉ optog van profete sal teëkom. (Ons lees in 1Sam.10:9 dat al die tekens vervul is!) Dit is ŉ groot vreugde om daagliks deur God begelei te word. Dit neem spanning van jou af weg. Dit verhoed dat jy impulsief besluite neem. Dit laat jou lewe met die ontspannende vreugde om te weet God hou Sy oog konstant oor jou. Dis lekker om te weet, God het my so lief, Hy dink vooruit vir my en maak beplanninge rondom my lewe. Hy is my vriend, my konstante raadgewer en my gids. 4. Jy kan leer om deur die Gees van God begelei te word. Ons kan almal leer om deur die Gees van God gelei te word. Die begin van hierdie proses is om eers Sy wedergebore kind te word. Daarna moet ons saam met God in ŉ verhouding leef. Dit is noodsaaklik dat jy in ŉ konstante verhouding met God sal wandel. Dit sluit in ŉ gebedsverhouding en ŉ binnekamer verhouding waar jy begeer om God se Woord te leer ken. Dit is belangrik dat jy in totale afhanklikheid van God sal leef. Dat jy bereid al wees om te wag op Sy raad en Sy leiding. Dit is belangrik dat jy daarna sal streef om heilige te lewe (alle bewuste sondes sal bely en laat staan). 4

5 Jy moet daarna verlang om God se wil in jou besluite te vind. Jy moet begeer om God volkome te gehoorsaam in alles wat jy van Hom vra. 5. Dit is nie ingewikkeld om deur die Gees gelei te word nie. Selfs ŉ kind wat in ŉ verhouding met die Here leef kan deur die Gees begelei word. Net soos wat jy geleidelik en spontaan leer om te bid en soos wat jy leer om Bybelstudie te doen, so leer mens ook hoe om deur die Gees gelei te word. As jy bv. reeds die begeerte het om deur die Gees begelei te word, dan is daardie begeerte deur die Gees in jou geplaas. Die Heilige Gees begeer om jou te lei in ŉ lewe van begeleiding. o Hy sal jou in die volle waarheid lei (Joh.16:13). God se wil is deel van hierdie volle waarheid. o Die Heilige Gees se begeerte om jou en my in ons daaglikse lewe te lei, is waarskynlik groter as jou en my begeerte om begelei te word! o Die Heilige Gees begelei ons dikwels wanneer ons nie eers daarvan bewus is nie! Hy is jou gids, of jy Hom nou gevra het om jou in ŉ spesifieke situasie te lei of nie! Dikwels sal jy terugkyk en met vreugde besef dat Hy jou gelei het en dit beter gedoen het as wat jy self beplan het om te doen! Hoe meer die Gees jou lei, hoe makliker sal dit wees om die Gees se leiding te onderskei. o Vra God in jou gebede om jou te begelei in enige opdrag of taak wat Hy vir jou het. Soms sal jy verstom staan oor wat alles gebeur, bloot omdat jy God gehoorsaam was. (Jak.4:2 Julle het nie, omdat julle nie vir God vra nie, is ook betreffende die leiding van die Heilige Gees waar). 6. God het aan jou sekere hulpbronne gegee wat jou in staat stel om Sy leiding vas te stel. A. Primêre hulpbronne: I. Die Bybel (jou mees basies hulpbron) 5

6 II. III. Die Heilige Gees (jou alomteenwoordige en wyse raadgewer) Die denke van Christus (dit ontwikkel die Gees in jou soos wat jy in jou geestelike lewe groei heiligheid en geestelike onderskeidingsvermoë. B. Sekondêre hulpbronne: I. Voorsiende omstandighede (hoewel dit opsigself onvoldoende is en verwarring kan bring, kan dit die leiding van die Gees bevestig) II. Jou gewete. (Dit is deel van jou God geskepte persoonlikheid. Wanneer jou gewete sensitief op god ingestel is en daarin onderrig is, kan dit jou help in die begeleiding). III. Die raad van ander gelowiges. (God gebruik dikwels die opmerkings of kommentaar van ander persone om jou attent te maak op dinge). IV. Jou algemene kennis (commen sense). Dit behels die vermoë om al die inligting byeen te bring en te evalueer, onderskei, en by wyse besluite uit te kom. Commen sense kan groei en ontwikkel deur ervaring, en onderrig in versigtige denke en beredenering. Dit alles hang af van versigtige waarneming (fyn luister en kyk), doelgerigte denke, en die vermoë om nie emosioneel verstrengel te raak in jou voorkeure nie. Ons moet in elke situasie ons ook afvra wat sou Jesus gedoen het. C. Al hierdie hulpmiddels word toegevou in gebed: Gebed is ons kommunikasie met God. Daar is dus ŉ konstante gesprek met God terwyl ons verwag dat God ons duidelik sal lei. 7. Jy kan God se wil vasstel. Ons kan genoegsame kennis oor God se wil vasstel vir enige van ons besluite. In Kol.1:9 bid Paulus: Ons vra God dat julle deur al die wysheid en die insig wat die Gees gee, tot volle kennis kan kom van wat sy wil is. Niks is meer geseënd as om te weet jy leef binne God se wil nie. Paulus was bv. 100% seker dat hy binne God se wil opgetree het. In vyf van sy briewe skryf hy dat hy ŉ apostel is deur die wil van God. (vgl.1kor.1:1) Paulus het altyd eers seker gemaak of sy optrede binne die wil van God is, voordat hy iets doen. (vgl. 6

7 Rom.1:10; Rom.15:32). Paulus vermaan bv. wees baie versigtig hoe julle lewe maak die beste gebruik van elke geleentheid moet daarom nie onverstandig optree nie, maar probeer te wete kom wat die Here wil dat julle moet doen. (Ef.5:15 17). Die woord wat Paulus hier gebruik vir probeer te wete kom (understand what the Lord s will is NIV), is ŉ term wat nie normaalweg gebruik word nie. Dit beteken letterlik to bring together. συνίημι (suniēmi = soon ee' ay mee) en ἱημι (hiēmi =to send; to put together, that is, (mentally) to comprehend; by implication to act piously: consider, understand, be wise.) Wanneer ons hierdie begrip wat Paulus ons leer, in die praktyk toepas sal ons dan soos volg te werk kan gaan: A. Om God se wil in groot en ingewikkelde sake te verstaan, moet ons ŉ hele klomp dinge bymekaarbring en vergelyk: 1) al die insigte wat ons in God se Woord vind; 2) ons persoonlike bewuswording van God se leiding of weerhouding in situasies; 3) die verskillende voorsiende omstandighede; 4) die raad wat ons by ander gelowiges kry. B. Om God se wil in praktiese roetine sake elke dag te bepaal bring ons bv. weer die volgende insigte bymekaar: 1) ons verpligtinge; 2) ons geleenthede: 3) ons gawes; 4) ons aanvoeling of waarneming van God se rigting; 5) God se seëninge tot op hede. Die goue reël: In die algemeen gaan ons voort op die pad (rigting) waarop God ons geplaas het en waar Hy besig is om ons te seën, totdat God ons spesifiek lei om in ŉ nuwe rigting te beweeg. (wat bedoel ons hiermee? God lei ons soms in ŉ nuwe rigting deurdat Hy ons ŉ innerlike ongemaklikheid gee, of ŉ gevoel dat God ons weerhou van wat ons sou doen). Laaste opmerkings: Verwag dat God jou sal lei. Ons is afhanklik van Sy bewuste of onbewuste leiding. Maak die besluite wat God tevrede sal stel. God sal jou elke dag toerus met alles wat jy nodig het om Sy wil te doen: bv. moed, wysheid, deursettingsvermoë, krag, leiding ens. Heb.13:21 sê: Mag god julle toerus met alles wat goed is, sodat julle Sy wil kan doen. Mag Hy deur Jesus Christus in ons tot stand bring wat vir Hom aanneemlik is. 7

8 Jesus het ons geleer om God te vra dat Sy wil elke dag deur ons lewe hier op aarde mag geskied (Mt.6:10). Soos wat ek en jy elke dag binne God se wil leef en Sy leiding volg, sal jy vind dat jy God beter en beter leer ken. Wesley Duewel sê: AS we move forward in the path already clear, God shows the next steps ahead. 8. God se wil is geseënd omdat jy versterk word soos jy dit doen. Jesus sê in Joh.4:34 My voedsel is om die wil te doen van Hom wat my gestuur het, en om sy werk te voltooi. Net soos voedsel jou liggaam versterk en vreugde gee, so gebeur dit wanneer jy die wil van God doen dit gee jou innerlike krag, bevrediging, vreugde en vrede. Deur die wil van God te doen, open jy eintlik die weg vir verdere leiding binne God se wil. God openbaar die volgende treetjie van Sy wil aan die een wat gehoorsaam handel volgens die leiding wat God reeds aan jou gegee het (gee praktiese voorbeeld). God se wil gee innerlike vrede. Dit gee jou die geseënde versekering dat God by jou is. Jy reken en steun met gerustheid op Sy leiding (Jes.30:21). God se wil bring innerlike vreugde. In Ps. 37:4 staan Vind jou vreugde in die Here en Hy sal jou gee wat jou hart begeer. Wat is besig om te gebeur wanneer jy God se wil uitvoer? Jou wil en Sy wil word een. Daar is geen groter bevrediging as om te weet dat jy binne God se wil handel nie. Dit bring ŉ groot vreugde om te sien hoe God se voorsiening en tydsberekening volmaak is. Dit is fantasties om sulke praktiese bewyse te sien hoe God se beplanning vir jou, volmaak is en in plek val. God se wil bring seën omdat ons innige gemeenskap met Jesus het. Om die wil van God te soek en te doen, bring jou al meer in ŉ innige verhouding met God. Mt.12:50 Elkeen wat die wil doen van my Vader wat in die hemel is, die is my broer en my suster en my moeder Deur God se wil te doen word jou verhouding met Jesus al meer verinning. Wesley Deuwel skryf: The more you seek to please the Lord in everything, the more joy Jesus finds in you. Guidance makes you Jesus companion! Omdat jy ononderbroke deur die Gees in Jesus se teenwoordigheid wandel, sal jy seën in jou verhouding met God ervaar. Omdat jy daagliks en uurliks in gemeenskap met God wandel, sal jy die insig kry om die wil van God te onderskei, sowel as om Sy wil te doen. Hoe meer jy 8

9 bid, hoe meer jy Sy wil in Sy Woord soek, en hoe meer jy Hom loof en prys, hoe meer sal jy daarop ingestel wees en verwag dat Hy jou sal lei, hoe meer sal jy wenke en leiding ontvang deur God se konstante nabyheid! (Let wel: om konstant binne God se wil te leef. Beteken nie dat jy sonder teleurstelling, probleme of onbeantwoorde vrae deur die lewe sal gaan nie.) maar, om binne God se wil te lewe, voeg ŉ nuwe betekenis tot jou lewe toe en begelei jou tot ŉ nuwe heilige verhoudingsvlak met Jesus. AMEN 9