Het die Heilige Gees beheer oor jou hele lewe? Ds. Willem Louw: NG Kerk Miederpark

Transcription

1 Het die Heilige Gees beheer oor jou hele lewe? Ds. Willem Louw: NG Kerk Miederpark Lees: Mt.28:18 20; Hd.1:4 8 Hoe lyk die gemiddelde meelewing in ons gemeente? Ons merk almal op dat: Min nuwe bekeerlinge daagliks tot die gemeente toegevoeg word. Minder as 1% van die dinge waaroor ons gesels, is woorde wat opgewonde is oor wat God besig is om in ons lewe te doen! Ons vertel min vars getuienisse oor God se genade. Die lidmaatgetalle het gestabiliseer, en in die Winter seisoen neem kerkbywoning selfs af! Ons verneem dat die NG Kerk in die breë tot met lidmate per jaar verminder! God se visie is om die evangelie van Jesus Christus na alle mense volke en nasies te neem en almal dissipels van Jesus te maak. God se doel was om deur Sy Gees in Sy kinders te leef. Hy wou die verhouding tussen ons en Hom herstel. Hy wou dieselfde passie en liefde wat Jesus vir God gehad het, in ons oordra. Hy het die Heilige Gees op Pinksterdag gestuur om God se liefde en passie vir verlore mense in ons hart oor te vestig. Sedert Pinksterdag het die Gees van God kragdadig deur mense begin getuig. Oral waar die Gees van God gekom het, daar het mense se lewens radikaal verander en daar het mense tot bekering gekom en die Kerk het daagliks in getalle gegroei, sowel as in geestelike diepte. Mense het al meer soos Jesus begin leef en Sy waardes nagestreef. Vandag het baie gevestigde gemeentes geestelik gestagneer. Dit sluit ons gemeente in! Daar is geen getalle groei nie en weinig geestelike verdieping. Ek woon onlangs ŉ toerustingsgeleentheid* by, en my hart krimp ineen toe die volgende statistieke van ŉ gemiddelde gemeente se meelewing skematies 1 (*met erkenning aan Dirkie van der Spuy vir toestemming om gedeeltes van sy lesingmateriaal te gebruik)

2 vertoon word. Ek het dadelik besef dit is ook soos hierdie gemeente se samestelling lyk. Kyk hierna: Afwesig Mense met nood Teater gangers sê: dis mooi 20% 10% 40% Wil leer & doen 18% Almal doen 9% leiers 3% Wanneer mens na hierdie prentjie kyk, kan jy ook verstaan waarom kerke vandag lyk soos hulle lyk. Ook ons gemeente lyk so! Wat is die probleem? Waar lê die oplossing? Die probleem is dat die Gees van God nie meer oor elkeen van ons se lewens die volle beheer kry nie. Kan God trots voel op so ŉ gemeente? Kan ons eerlik verklaar dat die Heilige Gees volle beheer het in ons lewens. Dat ons in gehoorsaamheid aan God leef? Hierdie toestand van ons gemeente ruk in my hart. Elke môre in my stiltetyd raak ek bewoë voor God en hou ek Hom vas vir geestelike herlewing in ons gemeente. Elke môre in my stiltetyd vra ek God, sal daar nie mense na vore kom in hierdie gemeente wat sal sê: Ek sal my onvoorwaardelik aan God oorgee en Hom in Heilige toewyding begin dien. Ek sal sy getuie wees, gebruik my geheel en al. Verstaan ons werklik wat God se droom vir ons lewe is? Is Hy werklik nog die middelpunt van my lewe en van my gedagtes? Leef ek vir Hom of leef elkeen vir sy eie ideale. Kom ons begin voor en vra: Wie is die Heilige Gees? Jesus sê dat Hy ons nie as weeskinders agtergelaat het nie. Die Heilige Gees sal na Sy hemelvaart in ons hart kom woon en God sal deur die persoon van die Heilige Gees ons begelei totdat Hy met Sy wederkoms ons kom haal. 2

3 Die Gees oortuig van sonde. Die Gees open ons hart om die Woord te verstaan. Die Gees herstel ons verhouding met God. Die Gees bring my daagliks in ŉ vars ontmoeting met God. Die Gees wek in ons die begeerte vir ŉ heilige Lewe. Die Gees waarsku, begelei en inspireer, maak ons gehoorsaam en gee oorwinning oor sonde. Die Heilige Gees is God self. Die Heilige Gees is die derde persoon van die Drie eenheid. Die Bybel verduidelik nêrens spesifiek hoe God is nie. Selfs die leer oor die Drie eenheid word nie spesifiek verduidelik nie. Dit is bloot die wyse hoe God Homself aan ons openbaar as een wese en drie persone. (Joh.1:23, Luk.1:35, Heb.9:14, Hand.7:55) Ons sal God nooit kan begryp of verklaar nie. Voorbeeld: Soos wat H2O in drie vorme voorkom en tog die selfde samestelling het, so is God. ŉ Mens sou kon sê H2O bestaan as vaste stof in ys, ŉ vloeistof in water, en ŉ gas soos stoom. Al is dit drie verskillende vorme bly dit steeds H2O. So openbaar God Homself aan ons as een wese maar drie persone. By Jesus se doop is die drie eenheid tegelyke tyd in werking: Johannes hoor dat God as Vader uit die hemel verklaar dat Jesus sy geliefde Seun is in Wie Hy ŉ welbehae het. Terselfdertyd daal die Heilige Gees in die vorm van ŉ duif op Jesus neer. Hier funksioneer al drie persone van God waarneembaar saam. (Mt.3:16 17). Wanneer Jesus voor Sy hemelvaart die opdrag gee dat ons die evangelie na alle nasies moet uitdra en die mense sy dissipels maak, vra Hy spesifiek: Doop hulle in die Naam van die Vader en die Seun en die Heilige Gees. In 2Kor.13:13 spreek Paulus ook die seëngroet uit in die Naam van al drie persone van God. In die Griekse taal is die woord Gees onsydig. Wanneer Jesus egter van die Heilige Gees praat, gebruik Jesus die woord Hy en nie dit nie. Dit dui daarop dat Jesus nie van ŉ onsydige krag of invloed praat nie, maar van ŉ persoon (Joh.16:7 14). ŉ Persoon en dus ŉ verhouding: Die Bybel praat van die Heilige Gees as ŉ persoon met wie ŉ mens ŉ persoonlike verhouding kan hê. Daarom is die Heilige Gees iemand wat pleit en bid by die Vader (Rom.8:26 27), wat ons leer (Joh.14:26), wat getuig oor die Vader(Joh.15:26), en wat gawes 3

4 uitdeel (1Kor.12:11). Ons kan deur sondes te doen die Heilige Gees bedroef (Ef.4:30). Ons kan Hom ook teenstaan en weerstaan (1Tes.5:19). Dit beteken dat die Heilige Gees nie ŉ onpersoonlike mag of invloed is nie, maar ŉ persoon met wie onsin ŉ hegte verhouding kan lewe en ŉ persoon wat met ons wil praat en ons wil lei op God se volmaakte pad. God die Heilige Gees wil in ons woon, en wil ons lei en met ons praat. God maak ons Sy tempel sodat Hy deur die Heilige Gees in ons kan bly. Jesus praat van die Heilige Gees as die Parakletos (Trooster en Voorspraak) vir ons. Hy is die helper en die een wat ons bystaan en in staat stel waar ons geestelik swak is en niks kan doen nie. Die Bybel praat ook van die Heilige Gees in simbole soos ŉ duif (Mt.3:16 17), vuur (Hd.2:3), wind (Hd.2;2 en Joh.20:22), olie, water (Joh.7:37 39). As gevolg van die onkunde oor God die Heilige Gees as derde persoon van die Drie eenheid is daar baie gelowiges wat nie kan getuig dat hulle ŉ verhouding met God die Heilige Gees het nie en dat Hy ŉ pertinente rol in hul lewens speel nie. Hulle het onsekerheid oor die Gees en Sy werking en het selfs nog nooit hulle lewe se beheer volkome aan die Heilige Gees oorgegee nie. Vir party mense is die Heilige Gees net ŉ krag of invloed. Die heilige Gees maak in werklikheid ŉ enorme verskil in mense se lewens. Wie die Gees van God het, kan nie neutraal bly nie! Petrus: Hy het die voorreg gehad drie jaar lank in Jesus se dissipelskool te wees en direk by Jesus te leer. Jesus het vir Petrus as mentor onderrig en geestelik toegerus. Petrus het Jesus se passie en visie leer ken. Hy het al Sy leringe gehoor. Petrus kon die regte godsdienstige leringe oordra. Hy het ook almal verseker dat hy getrou is aan Jesus en nooit sy rug op hom sal draai nie. Toe die druk egter toegeneem het na Jesus se gevangeneming, weet ons dat Petrus nie kon staande bly nie. Eers toe die haan kraai het Petrus gehoor wat Jesus hom teen gewaarsku het en het hy sy eie sonde besef en in gebrokenheid erken dat sy godsdiens blote lippetaal was. Toe Petrus alleen gestaan het en die vervolging begin het, kon hy nie getuig en het hy nie die innerlike krag en 4

5 vrymoedigheid gehad om vir Jesus op te staan nie. Daarom dat Petrus teenoor die diensmeisie en ander ontken het dat hy Jesus ken. Op Pinksterdag het daar iets besonders met Petrus gebeur wat sy hele lewe radikaal sou verander. Die Heilige Gees het hom in besit kom neem en hom nuwe krag en vrymoedigheid kom gee wat gemaak het dat hy nie meer bang was om te getuig nie. Hy het openlik in die strate van Jerusalem begin preek. Hy het voor die selfde mense wat hom flussies bedreig het en bang gemaak het gaan staan. Ja, hy het voor skares mense gaan staan en met gesag en outoriteit verkondig dat Jesus die Verlosser is en dat Hy opgestaan het uit die dood en dat Hy nou lewe. As gevolg van Sy kragtige getuienis het daar 3000 mense tot bekering gekom. Sedert die vuur van die Heilige Gees in sy lewe begin brand het, het daar ŉ groot verandering in sy lewe en bediening gekom. Daar was nou vrug en seën soos nog nooit tevore nie! Onkunde oor die Heilige Gees (Hd.19): ŉ Mooi voorbeeld van onkunde oor die heilige Gees vind ons by die klein groepie gelowiges in Efese wat gereeld saamgekom het. Toe Paulus in Efese gekom het, het hy hierdie gelowiges wat al vir drie jaar steeds saamkom, ontmoet en uitgevind dat ten spyte van hulle gereelde samekomste hulle steeds net dieselfde groepie gebly het. Paulus was egter baie bekommerd omdat hy gesien het hoe daar op elke ander plek waar gelowige saamgekom het, die Christendom gegroei en uitgebrei het. Die Heilige Gees het kragtig gewerk en die kerk van Jesus het daagliks toegeneem in getalle. Daarom dat Paulus dadelik sy Vinger op die probleem kon lê. Hy het vir hulle gevra of hulle die Heilige Gees al ontvang het toe hulle gelowig geword het? Paulus het nie getwyfel of hulle werklik tot bekering gekom het nie, maar was bekommerd of hulle al die Heilige Gees ontvang het en in Sy krag lewe. Hierdie gelowiges het nie verstaan waarvan Paulus gepraat het nie. Paulus het alles verduidelik wat op Pinksterdag in Jerusalem gebeur het en hoe al die gelowiges die Heilige Gees ontvang het. Daarna het hy vir hulle die hande opgelê en gebid dat hulle die Heilige Gees sou ontvang. Nadat hierdie groepie gelowiges die Heilige Gees ontvang het, het hulle die gawes van die Gees begin beoefen. Hulle het in alle tale begin getuig. Daar 5

6 was ŉ nuwe passie en vlam in hulle lewe wat gemaak het dat hulle met nuwe ywer en groot vrug die evangelie uitgedra het. Daar het onmiddellik ŉ nuwe bloeitydperk vir die kerk in Efese aangebreek! Ons lees hierna hoe die Heilige Gees onder hulle begin werk het en dat die getalle van die gelowiges al meer begin toeneem het. Ons lees hoe hulle later moes skuif na die saal van Tirannus omdat daar onder andere nie meer plek in die huis waar hulle bymekaar gekom het, was nie. Die kragtige werking van die Heilige Gees het gemaak dat in die volgende twee jaar feitlik al die inwoners van die provinsie Asië die Woord van die Here gehoor het. Hierdie groepie het hulleself vermenigvuldig dat die getal onberekenbaar geword het. ŉ Verdere gevolg was dat die mense wat gelowig geword het, gebreek het met hul okkultiese bedrywighede en towerpraktyke. Hulle het dit openlik bely en die toorboeke, wat omtrent silwermuntstukke werd was, in die openbaar verbrand. Ons lees ook dat die silwer afgodsbeeldjies van die tempel van Artemis nie meer verkoop het nie en dat die aanbidding van Artemis en die tempel van Artemis nie meer aftrek gekry het nie, vanweë die invloed van die Christendom. As gevolg hiervan het die silwersmede en die besigheidsmanne vir Paulus en sy volgelinge gestorm, gegryp en wou hulle doodmaak. Die werking van die Heilige Gees het ŉ kragtige impak op die wêreld gehad. Hierdie dinge het alles in die eerste klompie jare na die uitstorting van die Heilige Gees gebeur. Deur die werking van die Gees het daar ŉ totale transformasie van Efese plaasgevind. Die selfde God leef vandag nog met dieselfde Heilige Gees wat Hy in mense se harte plaas wanneer hulle daarna vra. Daarom glo ons ook dat die Heilige Gees op elke dorp en plek in ons land, ook hier by ons herlewing kan bring! Is alle Christene vervul met die Heilige Gees? Wanneer iemand ŉ Christen word, kom woon die Heilige Gees in sy lewe. En wederbaar daardie persoon tot ŉ kind van die hemelse Vader (Joh.3:3) wanneer 6

7 iemand sy lewe vir Christus oopstel, kom woon die Heilige Gees in sy lewe en getuig die Gees in ons dat ons God se kind geword het (Rom.8:9,16). Die groot vraag is of alle ware Christene noodwendig altyd gevul is met die Heilige Gees? Ons sien dat die Heilige Gees in alle wedergebore Christene woon, maar die vraag is of alle Christene onder beheer en leiding van die Heilige Gees lewe? Die Bybel toon aan dat alle Christene nie noodwendig onder beheer van die Heilige Gees lewe nie! Nie deur die Gees gelei nie (1Kor.3:1 4) Paulus sê ek kan nie met julle praat soos met mense wat hulle deur die Gees van God laat lei nie. Paulus skryf spesifiek aan die Christene in die gemeente van Korinte en praat van hulle as kindertjies in die geloof. Hulle is uit God gebore, maar die probleem is dat hulle nie groei, volwasse word en die vrug van die Heilige Gees dra nie. Hulle ou natuur kom steeds voor (dinge soos twis, tweedrag, en jaloesie). Hier is met ander woorde Christene wat nie onder beheer van die Heilige Gees lewe nie. In die res van die hoofstuk maak hy onderskeid dat party bou op die fondament met hout en strooi, terwyl ander met die Gees bou, met goud, silwer en edelstene. Daar is dus onderskeid tussen twee soorte geboue (Christene). Daar is geboue van hout en geboue van goud. Al twee hierdie Christene gaan gered word, want hulle fondament is Christus, maar party gaan gered word met loon en ander met skade! Hierdie gedeelte toon duidelik aan dat alle Christene nie noodwendig vervul is met die Gees nie (in volle oorgawe aan die Gees lewe nie). Sonde bedroef die Heilige Gees (Ef.4:30) Paulus skryf in die gedeelte aan die Christene van die gemeente van Efese en beveel hulle om te waak daarteen dat hulle nie die Heilige Gees moet bedroef nie. Dit beteken met ander woorde, dat dit moontlik is, dat ŉ Christen die Gees van God kan bedroef deur na sy bekering weer sonde in sy lewe toe te laat. In Ef.4 wys Paulus daarop dat die Christene daarteen moet waak om sonde in hulle lewe toe te laat omdat dit die Heilige Gees bedroef. Hy noem dan onder andere die 7

8 volgende sondes: verbittering, woede, vloekery, geskel, onvergewensgesindheid, vuil praatjies en selfs onsedelikheid en gierigheid (Ef.4:22 25). Hier leer ons jy kan die Gees van God bedroef deur ŉ verkeerde lewenswyse. Die Gees van God is die Heilige Gees en word daarom deur onheiligheid en sonde bedroef. God haat sonde en alles wat vuil en verkeerd is. Sonde bedroef die Gees en keer dat Gees van God vryelik in jou kan werk! (Waar die Gees kragtig deur jou kon getuig, moet die Gees nou eers met groot geduld jou oortuig wat in jou lewe verkeerd is en jou lei tot berou, belydenis van sonde en bekering.) As die Heilige Gees in iemand se lewe bedroef word, kan die werk van Here nie effektief gedoen word nie. (Sonde is soos ŉ verstopping in ŉ pyp, wat keer dat die water vrylik deurvloei). Beheer deur die ou natuur (Gal.5:16 18): Die probleem vir elke kind van God is dat al kom woon die Heilige Gees in ons, beteken dit nie dat ons ou sondige natuur verdwyn het nie. Ons selfsugtige geaardheid bly steeds met ons tot ons doodgaan of tot die wederkoms van Christus. Die Bybel maak dit duidelik dat daar ŉ stryd is tussen ons ou natuur en die Heilige Gees en ons daarom nie altyd lewe soos wat God wil nie. Ons kies dikwels weer vir sonde en tree selfsugtig op en weerstaan so die Heilige Gees. Christene moet sorg dat hulle elke oomblik deur die Heilige Gees gelei en beheer word en dat ons nie meer toegee aan die begeerte van ons sondige natuur nie. Hoe doen jy dit? Jy kies elke dag opnuut om volkome gehoorsaam aan die Heilige Gees te lewe. Ook hierdie gedeelte bewys dat daar Christene is in wie die Heilige Gees is, maar wat nie onder beheer van die Heilige Gees lewe nie! Weerstand teen die Gees (1Tes.5:19): Paulus waarsku in die gedeelte dat die gelowiges in Tessalonika nie die Gees moet teenstaan of die vlam van die Heilige Gees moet uitblus nie. Dit is moontlik om die vlam van God in ŉ mens se lewe en in die gemeente te smoor. 8

9 In hierdie spesifieke gemeente, het die Heilige Gees op ŉ nuwe manier begin werk en gewone lidmate het begin profeteer en God se boodskap aan die gemeente begin oordra. Die gemeente leiers het egter in verset gekom en teen die nuwe manier van doen en die tradisionaliste het gesê dat die profesieë gestop moet word. Paulus waarsku dat ŉ mens so die Gees en sy werking kan teenstaan en op die wyse verhinder dat God se seën in ŉ gemeente kom. Dit is dus moontlik om jou te verset teen die leiding en werking van die Heilige Gees en leiers kan ook verhinder dat God sy nuwe werk en herlewing en herlewing in ŉ gemeente kan doen. Wanneer die Gees se werk so gekeer word, sal die gevolg wees dat mense bloot uit gewoonte eredienste bywoon, maar dat hulle harte nie verander nie. Hulle gaan sonder heilige entoesiasme huis toe. Niemand kan in so ŉ dooie gemeente deur God gebruik word nie. Ons leer ons mag nie kompromieë met die Gees van God maak nie. Slegs die Gees kan nuwe lewe en nuwe vrug in ŉ gemeente bring. Daar is duidelik twee groepe mense in die Skrif: Daar is skape en daar is bokke; of daar is koring en kaf; of daar lig en duisternis. Al hierdie metafore probeer die radikale onderskeid tussen die twee groepe mense beklemtoon. Groep 1: Die mense wat ongered is, wat op pad is hel toe. Dit is mense wat leef vir die wêreld en hulleself. Hulle lewe lyk nie noodwendig sleg nie. Hulle eie ek, en hul eie ego is in beheer van hul lewe. Hulle doen wat hulle wil en waarvoor hulle nie lus is nie, dit laat hulle. Hulle leef in hul gemaksone en wil nie voluitbetrokke raak in God se Koninkryk nie. Hulle gaan kerk toe, is op die lidmaatregister, en lees selfs af en toe Bybel. Hierdie mense leef soms ook soos kerkmense. Net soos Nikodemus is hulle in die kerk, maar totaal verlore. (Jesus roep Nikodemus in Joh.3 op tot bekering). Groep 2. Die Christene. Dit is daardie mense wat gered is en op pad is hemel toe. 9

10 Christene kan ook onderskei word in twee groepe: A. Christene wat gered is, maar hulle bou met strooi. Paulus skryf aan die Christene in Korinte en waarsku julle dat hulle gered is, maar hulle tyd en lewe daaraan wy om te bou met hout en strooi wat deur vuur en die oordeel van God verbrand sal word. Hierdie gelowiges se bouwerk gaan verbrand. Hulle mors hulle lewe en tyd op nuttelose dinge. B. Dan is daar Christene wat gered is, maar bou met goud, silwer en edelstene. Hierdie gelowiges se bouwerk sal nie verbrand nie en hulle sal deur God beloon word en God sal verheug wees oor hulle lewe! Jy sien, die Bybel onderskei tussen gelowiges: Die Bybel maak onderskeid tussen gelowiges wat min loon gaan kry by God en ander wat baie loon gaan kry. Die Bybel onderskei tussen Christene wat deur die Gees gelei word en ander wat nie deur die Gees gelei word nie. Wat is die eienskappe van gelowiges wat nie onder beheer van die Heilige Gees lewe nie (Nie ŉ volle oorgawe gemaak het nie)? Hulle het geen oorwinning nie: Hulle leef ŉ val en opstaan lewe in die sonde. Hulle ou natuur beheer nog hul lewe. Hulle het min weerstand teen sonde. Hulle sal nie ŉ oorwinningslewe kan lei nie. Christus is in hul lewe, maar die krag van die Heilige Gees is nie sigbaar in hul lewe nie. Vorm gebede en Bybelstudie: Wanneer die Heilige Gees nie in beheer van ons lewe is nie, verval ons Bybelstudie bloot tot intellektuele oefeninge en die lees van versies. Hierteenoor: Wanneer die Heilige Gees wat die oorspronklike outeur van die Bybel is egter ons lewe beheers, dan word ons Bybelstudie en gebedslewe ŉ dinamiese gesprek tussen ons en God. Die Heilige Gees maak die Bybel vir ons lewend en kragtig. Die Gees van God lei ons in ons gebedslewe en ons begin intree vir mense en sake totdat God reageer. Die Gees lei ons ook om God se stem te hoor en God te gehoorsaam 10

11 Selfgesentreerd: Ons ou natuur kom weer aan bewind. So ŉ gelowige leef selfsugtig, liefdeloos en kragteloos. So ŉ wêreldse Christen sal nie oorwinning oor sonde hê nie, en ook nie die vrye en kragtige werking van die Gees beleef nie. Wat is die eienskappe van gelowiges wat onder beheer van die Heilige Gees lewe? Kragtige gebedslewe: Die Gees lei ons om volgens die wil van die Vader te bid. Ons beleef daarom ook gebedsverhoring. Ons hoor God se stem: Ons ou natuur is gekruisig. Die Gees van God is in beheer., daarom sukkel ons nie om God se stem te hoor nie. Daar is nie twee stemme wat ewe hard roep nie. Daar is net een stem, God se stem. Daarom lei God ons in elke besluit. Oorwinning oor sonde: As die Gees van die Here ons lewe beheer, sal ons krag hê om sonde te oorwin en sal die vrug van die Gees in ons lewens verskyn. Ons sal selfbeheersing hê, en oorwinning kry oor ons humeur en verkeerde gedagtes. Die vrug van geduld, sagmoedigheid, en nederigheid sal al meer in ons lewe te voorskyn kom. Die karaktertrekke van Christus sal al meer in ons lewe sigbaar word. Ons sal Christus se passie deel. Dit wat Vader na aan die hart lê sal ook vir ons na aan die hart lê. Gawes funksioneer: Jesus het belowe dat Hy sy volgelinge sal toerus met krag en outoriteit en vrymoedigheid om kragdadig te getuig. Die Gees gee die nodige gawes wanneer ons iemand anders geestelik wil help. Daarom gaan sulke Christene ervaar dat God deur hul toedoen (ŉ woord, ŉ aanraking, ŉ gebed) mense se lewens blywend gaan verander. (Christene mag nie en kan nie sonder God se Heilige Gees werk nie). Effektiewe getuies: Petrus het voor die uitstorting van die heilige Gees nie eers die moed gehad om voor ŉ diensmeisie te getuig nie. Nadat hy sy lewe op Pinksterdag aan die heilige Gees gegee het, was hy ŉ onverskrokke getuie. Hy getuig voor ŉ skare mense. Hy het selfs binne die vyand se hoofkwartier (die Joodse Raad) vir God getuig! 11

12 Leef jy onder beheer van die Heilige Gees? Het jy al ŉ algehele oorgawe aan God gemaak? Getuig jou lewe daarvan? God se standaard is om volkome onder beheer van die Heilige Gees te lewe (Ef.5:18). Hy vra alles of niks. If He is not Lord of all, He is not Lord at all Kan God met jou maak wat Hy wil? Mag God jou vra wat Hy wil? Gee jy jou geld vir God se werk, soos Hy vra? Sal jy gaan waar God jou stuur? Dra jy die bewys van Geesvervulling? Of is die eie ek steeds in beheer? Laat jy sonde toe om onder die ou natuur in jou lewe nes te skop? Hoe lief het jy God? Het jy Hom lief bo alles en almal? Hoeveel tyd staan jy af om God in Sy Woord te leer ken en in gebed met Hom te praat? (is jy te moeg of te lui om stiltetyd te hou?) Waar die Gees werk, daar kom groei. God soek geesvervulde manne en vroue in hierdie gemeente. God wil hierdie gemeente weer van vooraf laat groei en vrug dra. Hy soek manne en vroue wat bereid is om in volkome oorgawe aan die Heilige Gees te lewe en met passie dissipels sal maak. Is jy gewillig? Het die Heilige Gees volkome beheer oor jou lewe? Wat vra God jou om te doen na hierdie boodskap? 12