ANTONINU (Tonino Mario) RUBATTU Gianni Trois Editore Cagliari 1993 Gianni Trois Editore Cagliari 1993

Transcription

1 ANTONINU (Tonino Mario) RUBATTU Gianni Trois Editore Cagliari 1993 Gianni Trois Editore Cagliari 1993 MASSIANA..PRITE? Custas sunu, o bona zente, sas contàscias d una tia ch at connottu in bajania sufferèntzias solamente e che pagas in sa vida runza e disperassione e chi finas reduida s est a sa perdissione! E si puru retirada s est pro bona sorte sua dae mesu a cussa lua penentida e s est campada fintz a betza cheja e domo, chen arrer in su trabàgliu, sempr in cara cudd isbàgliu bi lu damos finas como chi ch est in sos norant annos cun malìscia e presumidos! Nois, sos ómines mannos sos onestos, sos ischidos! E s a boltas l intendimos agra e dura rispondende, su proite già l ischimos: nos est solu ammonestende! Cun sa piseddina ebbia si l abberit mente e coro! S innotzèntzia est tott insoro cussa sì ch est poesia! Non sunt préigas de trona sas de tia Massiana, ma cuartinas a sa bona fattas a s illana-illana pro Minores e pro Mannos, chen afficcos o pretesas

2 de poéticas impresas, ne pro s alanzare pannos! Sunu pàginas iscrittas dae chie in dies suas bidu nd at cottas e cruas, caldas, tèbias e frittas! Finas b at cunfessiones d una santa Madalena, b at frastimas, beneisciones, beffes, risos, gosu e pena! B at pro chie est innotzente su carignu pius bonu e pro chie est prepotente sa potèntzia e su perdonu. Si tuccades a Lolloe mezus bazi a l agattare bastat solu a pregunatre, finas b est a tempos d oe! a su chiu e sos contados sempr attentos, l ammentade! Sos pius sunt imbentados, ma b at calchi veridade! E si énnida sa gana est a mie d imprentare de comare Massiana sas contàscias tott umpare, non pensedas, bona zente, ch est pro glòria meressire! Su las cherrer reunire est bistadu solamente un appentu pro a mie, unu gosu, unu torrare che pitzinnu rie-rie in sos chelos a bolare! E s in chentu, milli rimas una frua e poesia dae fundu fintz a chimas bi notades, una ebbia, bi lu nade a coro in manu si sentides su dovere, ca s imparat s iscolanu nd at sa mastra piaghere! Fatt a nòmenes e logos però non bos mattanedas no est bellu a minter fogos! Pius balet chi siedas

3 BANDU tuuu tu-ru-tuuu Cuddos ch ant pascièscia e gana d iscultare contos mannos, dae unu a sos chent annos, ch andent dae Massiana cando cherent, dae oe, ca nde restant dilliriados! Sunt debadas sos contados sa idda est sa de Lolloe. B at de dare un avvertèntzia solu a malos e limbudos: si bi tuccant che atzudos pro li dare impertinèntzia, mezus s istent remunidos siant féminas o màscios, si no ch essint coibàscios, pistos, siccos e siddidos! Pro piseddas e piseddos est sa gianna isbambarriada: pro a issos canistreddos b at de méndula turrada nughe, càriga e prunarda e contàscias a deìscia, tott in rima ohi delìscia! roba pro ula liccarda! Sa banchitta o sa cadrea Massiana, a chie b andat, de si gigher raccumandat, si no s istat reu o rea! tuuu tu-ru-tuuu KOMEINU AYATOLLAH Deris sero in su tzilleri de piatta, mesu cottu, be-i fit compare Brotu, fiaga-istruntzos, matrofferi, boghiende:-a bi andamos dae tia Massiana? S unu fiascu li portamos nos la catzat calchi gana! E, s esserat impidida, unu contu li pedimos, ca già nd ischit, sa dechida! Ajo chi nos divertimos! Non b at mezus filonzana d istralleras e de trassas: munsegnores e bagassas trattat che matessi lana! Cussa sì chi fit crabola in trighinzos fentomada! Como chi s est retirada s àrdia curret a sa sola! Non podinde prus s ischìglia tinniare e s ajania, l est pigada sa mania d imbolare sa mutzìglia! A contare si ch est posta sos ammentos d una olta, cando, sende a brìglia isolta, curriat da monte a costa.

4 Su ch at bidu, intesu e fattu, logos, lùmenes e ora, subra o sutta, intro o fora, bos lo passat a sedattu. L apant dadu una sesina o felchidu calchi giau, siat póddine o telau lu suighet in cuartina! Veridade o fantasia, cand est cotta o conchisana, che poeta, Massiana che l isterret in poesia! Gioja Santa, a s ingrinida, fit che Làzaru in cadrija; ma che sempre, annija-annija, nesit cun boghe arrughida: -Non mi nedas faularza si bos fatto contu mannu ca si no intr e occannu ancu bos pungat un arza! Deris in televisione (oh, ispantu!) in su Giornale, sa ch idei, foramale, no, non fit una ijone! Mi falesit baa e muccu, marmuradas mente e ancas! KOMEINU in ragas biancas, ispilidu che su cucu! Coro meu, it imbetzada sa ch at fattu a dies d oe! Cand eniat a Lolloe pro a mie, a s iscaratzada, che cadruddu non fit gai! Tando fit che puddu arrettu non pesait dae lettu, non s istraccaiat mai! Mi narait:- Pro Allah! (nachi fit su deus sou!) E torrendebei e nou -Custa est pro s ayatollah!- Unu die (fit beranu) cheriat bider s Alighera: de leare sa curriera cunsizei a s Ottomanu. A s andada b est sa S.C.I.A., a torrare b est su trenu. Ira mala, cun belenu rispondesit che istria: -Morte a SCIA, morte, morte! e fuesit che àlcia e raju! Dae cussa die e maju lu perdei, o malasorte! Pustis d isse un AGA KANE si m est che un erighine attaccadu, bicchifine Bastat como! Chi l illane galu e prus est cosa e maccos! Bazi a domo e reposade! Si bos andat cras torrade,,, de contàscias nd isco a saccos! Ma non nedas faularza si bos fatto contu mannu ca si no intr e occannu ancu bos pungat un arza! Custu est unu nesit Brotuma bi nd at àteros chentu! Assiat divertimentu! Ajo chi b andamus tottu!-

5 S AGA KANE A comare Massiana non tocchedas sa groppera ca lu sentit che bajana e bos faghet a bisera! Cando peri sas manchinas s istaiat sàltia e brinca culicalda che moninca non l intraint sas ispinas. Trotzas russas preferiat, corriattas e d agguantu e isbarriadas cantu cantu s àteru cheriat! Calicunu a istivinzu la giamait Tragonàia, Beniminde, Manighinzu, Sutzabragas, Culisàia! Non baliaiat solu su li narrer:-beni, Cucca!- Duas tròddias cun sa ucca fit su déghile consolu chi retzait chie fatta bi l aeret sa proposta e infattu, pro risposta: -Sos buttones che a catta!- Deris, a ora e sas deghe, tzoccadu li at sa gianna su posteri, cara e feghe, e l at nadu a boghe manna: -O coma, dae Arzachena tezi friscu unu bugliette! Su e oe est su e sette bos nde falet sa carena! Su e sette in unu mese! Custa est trassa e mariane! Chi non siat s AGA KANE, calchi re, conte o marchese?- Pustis un isculivitta li at dadu in cara a tottu! Ma che unu terremotu l at rispostu, biaitta: -Limba e fogu, bicchimmeo, frazasolas, conca e lua, tocca in culu a mama tua! Aise chi t arràngio eo! Ti nd accùrtzia, buccallotto, chi t ammustro prata e oro remunidos che tesoro intr e unu barilotto! S AGA KANE! s AGA KANE! miseràbile chi sese! Lu tenia sutt a pese, linghe-linghe che su cane! Cantas bias bola- ola nde tucchesit a Lolloe! Ma non fit che sos de oe, iscobiles de arzola! Che a isse de segnore oe non nde naschet prusu! E già non l apo delusu in momentos de calore! De inaris nde teniat a cubones, lùscias, laccos! Ma d amore fimis maccos ambos pare! Chie creiat chi fit giómpida sa die de nos dever separare? Mi cheriat cojuare! Non bi cres? Est deosie! Li piaghiat sa Sardigna (ohi cantu!) e Massiana, tritzas d oro, forte, sana, sa begumma pius digna! Finas un iscuderia cheriat dare a babbu meu e a mie, arreu-arreu, oro cantu pesaia. In su bìndighi-degheotto so restada a culu a terra! S est fuidu, est pro sa gherra, o destinu galeotto!

6 S AGA KANE ch azis oe no est pilu e cudda lana! Bos lu narat Massiana bos dat unu e cheret noe! Custu KANE petta e ossu bos nde rótzigat, creide! Mi ch est ALGA la frundide, la brujada in calchi fossu! Frazasolas iscabadu, ite nas de custu contu? Chie est che a tie tontu mezus chi s istet cagliadu! Bae sighi a trabagliare e non ponzas marrania! Sa beneiscione mia ti pottat accumpanzare!

7 SA LUNA E SU CARRABUSU (Duru-duru pro Antoneddu) Duru-duru, duru sia como drommit Antoneddu e da Chelu un Angheleddu lestra li giamat sa tia. Duru-duru, duru sia! Pro chi che siat s iscuru li frisciamos sa ventana e s istella pius galana como nde l attimos puru. Sia duru, duru-duru! Angheleddu, a chimbe puntas dae chelu bi la fala! Che s anderat a sa gala d oro e seda la trapuntas! Duru-duru, a chimbe puntas! Milla, ajalla! In cabitana li ponimos cust istella. de abberu sa prus bella lumenosa e risulana! Duru-duru, in cabitana! Anninnia, anninnia, anninnia in su brassolu, pro chi drommat a consolu custa prenda in domo mia! Duru-duru, anninnia! Che los serra, lizu e oro, sos ojittos delicados! Faghe sonnos incantados chi t ispàntene su coro! Duru-duru, lizu e oro! In su nidu, puzoneddos, galu ois reposade; chelos lìmpios sonniade, iscagliola e bermigheddos! Duru-duru, puzoneddos! Su sarrone aizu-aizu, chiguledda, nde lu tzessa pro chi forsis bi resessa a drommire custu fizu! Duru-duru, aizu-aizu! Tue, dulche aeresitta, de friscura lu consola: lèbia avantza ola- ola, mi ch est custa sa domitta! Duru-duru, aeresitta! Pro sa chedda, bervegarzu, chirca bonu meriaghe, pustis sutt a cuss umbraghe sònnia padros d avenarzu! Duru-duru, bervegarzu! Antoneddu non nd at gana mancu e si ch ingalenare! Sas contàscias iscultare cheret prima e Massiana! Duru-duru, non nd at gana! Sa tia a su nebodeddu tando nde li contat una: s amoronzu de sa Luna cun unu Carrabuseddu! Duru-duru, nebodeddu! Rodulende a punta in susu in una arzola entosa una boccittedda e cosa si fit unu Carrabusu. Duru-duru, a punta in susu! Li serviat pro sa chena, ma fit de pagu appititu, ca s intendiat traittu da una Tzecca conchilena! Duru-duru, pro sa chena! Fint umpare fintz a maju sonniende dulche vida, pustis che li fit fuida cun unu puddedru aju! Duru-duru, fintz a maju! De restare sempre ajanu dae cuss istranguglione lesit sa detzisione dae féminas lontanu! Duru-duru, sempre ajanu! Finas pariat cuntentu a sa sola e si nd istare; antzis padre e si ch intrare

8 fit pensende in su cumbentu! Duru-duru, fit cuntentu! Ma sa notte, pro fortuna, subr a cudd arzola entosa, tunda, nódida e pomposa s accerésidi sa Luna! Duru-duru, pro fortuna! Dae francas sa boccitta li fuesit a s ispantu e sa Luna (oh, incantu!) li faghiat de cabitta! Duru-duru, sa boccitta! In sas venas Carrabusu s intendesit frua noa; ma a tentare cudda proa non si la sentiat prusu! Duru-duru, Carrabusu! S ammentesit, dolumannu, de sa Tzecca traittora e su tragu e tando ancora lu ponzesit in affannu! Duru-duru, dolumannu! Ma li nesit Cari-groga tristu idéndelu e delusu: -Dae coro, Carrabusu, sa tristura che la oga! Duru-duru, Cari-groga! Mira in chelu sas istellas: paret nos fettan s ojittu! De su grìgliu beneittu inte sas cantones bellas! Duru-duru, sas istellas! Deo puru sola-sola in sa vida so che a tie: giro e giro, notte e die, de su chelu in cust arzola! Duru-duru, sola-sola! Dae cando fora e pare cun su Sole so essida, lùttiat fogu sa ferida, ne m agabbat a cunzare! Duru-duru, fora e pare! Chi torremos non bi creo, s est chi nos amus promissu chi si ess eo fuit issu, s essit issu mi ch and eo! Duru-duru, non bi creo! Sas primas nottes, oddeu, finas timia s iscuru e, a boltas, como puru timet custu coro meu! Duru-duru, oddeu-oddeu! Da s andàina e su chelu bido montes, baddes, rios, ma intr e sos ojos mios che in coro b est su gelu! Duru-duru, pro su chelu! Ma sa vida est deasie, cheret chi mi nd accunorte! Carrabusu bonu e forte, e it est chi nas a mie?- Duru-duru, est deasie! -Sorre cara, Luna amada, s est chi patis tue puru, ti la canto a duru-duru sa prus bella serenada! Duru-duru, Luna amada! Duru-duru, ànima mia, ca torrende est su eranu e s amore fittianu a nos fagher cumpagnia! Duru-duru, ànima mia! Ti nd accosta, Cari-tunda, nde lu tzessa s anda e torra, unfiende sa pettorra m est s Amore che un unda! Duru-duru, Cari-tunda! Cantas nottes, dulche istella, in su t ider a passizu m est bennìdu su disizu de ti narrer chi ses bella! Duru-duru, dulch istella! In giardinos non b at rosa che a tie profumada! Babbautzas non bi nd ada

9 che a tie geniosa! Duru-duru, non b at rosa! S a de notte in cust arzola atturundo boccitteddas, no est pro Carrabuseddas chi las fatto ti consola! Duru-duru, in cust arzola! Como l ischis su chi bramo, su chi pedo pro sa vida de repiter:-o dechìda, t amo, t amo, t amo e t amo! Duru-duru, su chi bramo! Ma it est su chi so nende? Luna santa, mi perdona! Non t inchietes, sias bona ti nd abbiza, so bugliende! Duru-duru, ite so nende! Tottu paris su cherveddu si mi det esser tzoccadu! De sa Luna innamoradu s est unu Carrabuseddu! Duru-duru, su cherveddu! Bella ses tue e galana, tunda, manna, e prata e oro! Deo pìghidu che moro! Tue in chelu, eo in sa tana! Duru-duru, ses galana! Mezus bae, sorre cara, lu perdona a Carrabusu! Non ti l ap a fagher prusu sa proposta de issara!- Duru-duru, sorre cara! Dae chelu si pottera finas a terra falare t aia chérfidu abbratzare! Ma est solu una chimera! Duru-duru, si pottera! Carrabusu nieddittu, tue abbertu intr e su coro m as noellos sònnios d oro! Sempre sias beneittu! Duru-duru, nieddittu! Si che torras cras a sero, a cust ora so inoghe: non t impudes, betta oghe, solu a tie cunsidero! Duru-duru, cras a sero! Gai fintz a ponner grina arrejònamos in pasu! Adiosu! - E unu asu li mandesit sa Reina! Duru-duru, a ponner grina! Duru-duru, duru sia su contadu ch est cumpridu! Antoneddu s est drommidu e cuntenta nd est sa tia! Duru-duru, duru sia! Sia duru, duru-duru custu est contu pro piseddos, lunas e carrabuseddos e finas pro Mannos puru! Sia duru, duru-duru! Pustis pagu a turundare lesit isse sa boccitta; abbasciesit sa cabitta si cheriat sutterrare! Duru-duru, a turundare! Ma li nesit sa padrona de sa notte a coro in manu: -Non fit su Sole galanu che a tie, ànima ona! Duru-duru, sa padrona!