Hemia i bin wan gudfala sesen.

Transcription

1 FAS PRESIDENSI MESEJ, MEI 2010 I kam long Presiden Tomas S. Monson Hem I Laef Bakegen long Ded! Emti tum long fas Ista moning ia, i bin ansa blong kwestin blong Job, Sapos mifala i ded, bambae mifala i no save laef bakegen? se tufala i bin wet longtaem finis be i no gat samting. Mi bin filim save harem nogud blong hat blong yang woman ia; mi filim sore blong hem. Bigfala taetol we atis i bin givim long wok blong hem i tokbaot nogud stori ia. Hem i rid olsem: Wan Eli Moning we I No Gat Hop. O, yangfala woman ia i wantem tumas kamfot, iven trutok blong fenerol singsing ia blong Robet Luis Stivenson (wan man Skotlan we i stap raetem ol poem mo buk): Fisaman i stap hom, i kambak long solwota Mo man blong sut, i kambak hom long ol hil. 1 Hemia i bin wan gudfala sesen. Long bihaf blong evriwan we oli bin tekempat long taem ia long toktok o long miusik, olsem Presiden blong Jos, mi jusum blong talem tu toktok nomo long yufala, we tufala i ol impoten toktok long Inglis lanwis. Long Sista Jeril Lant mo ol kaonsela blong hem, kwaea, ol man we oli mekem miusik, ol spika, ol toktok ia oli Thank You, o Tangkyu. Plante yia i pas, taem mi stap long London, Inglan, mi bin visitim popula Tate art ples. Ol wok we oli kam long Gensboro (wan man Inglan we i stap peint), Rembro (wan man Nedelan we i stap peint), Konstebol (wan Inglis man we i stap peint), mo ol narafala popula atis (ol man we oli stap peint mo dro), oli bin soem olgeta long plante rum. Mi bin laekem tumas ol atis ia from naesfala wok blong olgeta mo mi luksave skil we oli nidim blong krietem ol spesel peinting ia. Be long kona blong nambatri flo, i gat wan peinting we i kasem ae blong mi be tu, i kasem hat blong mi. Atis ia, Frank Bramli, i bin pentem wan naesfala haos we i fesem wan solwota we win i strong long hem. Tu woman, mama mo waef blong wan fisaman we i no stap, tufala i stap lukluk mo wet long ful naet blong fisaman ia i kambak. Naoia, naet i pas, mo tufala i luksave se ating hem i lus long solwota mo bae i no save kambak. Yangfala waef ia i nildaon long saed blong mama blong man blong hem, hed blong hem i stap antap long leg blong olfala woman ia, mo i stap krae from hem i lusum hop. Kandel ia we i kolosap i finis we i stap long windo i soemaot 1 Long ol samting we i hapen long wol, i no gat wan we i save stret en blong hem. Ded i kam long evriwan; hem i samting we yumi evriwan bae i kasem; bae i save tekem yumi long taem yumi pikinini, o yangfala, [i save visitim] yumi long gud taem long laef, o singaot blong hem i stap gogo kasem taem olfala yia i tanem hea blong hed i kam waet; i save kam from wan aksiden o from sik, o from ol disasta; be hem i mas kam. 2 I tru, hem i ripresentem wan lus we i soa, blong wan rilesensip mo, speseli long ol yangfala, i katemdaon wantaem ol drim we oli no kamtru yet, ol gol we i no fulfil yet, mo ol hop we oli lus. Wanem man long wol ia, we i fesem lus blong wan we hem i lavem, o, i luksave se hem tu i mas ded, i no tingting hevi long wanem i hapen afta long ded we i

2 seperetem wanem yumi save luk, mo wanem yumi no save luk. Plante handred yia bifo, man ia Job we i kasem blesing wetem evri presen blong wol ia, mo afta we hem i faenemaot se hem tu bae i harem nogud from evri samting we i save hapen long man i sidaon wetem ol kompanion blong hem, mo i talemaot kwestin ia we man i talem oltaem, sapos mifala i ded, bambae mifala i no save laef bakegen? 3 Job i talemaot wanem we evri narafala man o woman i bin tingting hevi long hem. Long bigfala Ista moning ia, mi wantem tingting long kwestin blong Job sapos mifala i ded, bambae mifala i no save laef bakegen? mo givim ansa we i no kam nomo from mi stap tingting hevi long hem, be tu, from we i kam long ol toktok blong God we Hem i bin talemaot. Mi stat wetem ol impoten samting fastaem. Sapos i gat wan plan long wol ia we yumi laef long hem, bae i mas gat Man we I Mekem Plan ia. Huia i save luk ol plante gudfala samting blong yunives ia mo i no bilivim se i gat wan plan blong evri man? Huia i save gat tu tingting se i gat wan Man we I Mekem Plan? Long buk blong Jenesis, yumi lanem se Bigfala Man we I Mekem Plan, i bin krietem heven mo wol: Be long taem ia, wol ia i narafala olgeta. Hem i stap nating nomo, we i no gat wan samting nating i stap long hem. Tudak nomo i stap kavremap bigfala wota. I mas gat delaet, Bigfala Man blong Mekem Plan ia i talem, nao delaet i kamtru. Hem i bin krietem skae. Hem i bin seperetem graon mo ol wota mo i talem, i mas gat ol naranarafala samting oli stap gru long graon ya. I mas gat olgeta we i save karem kaekae insaed long graon, wetem olgeta we i save karem kakae antap. Tufala laet, Hem i bin krietem san mo mun. Ol sta oli bin kam folem plan blong Hem. Hem i bin putum tu ol animol we oli laef insaed long wota mo ol pijin blong flae antap long graon. Mo i bin olsem. Hem i bin mekem ol buluk, ol animol blong bus, mo ol samting we oli gat laef antap long graon. Plan ia, kolosap i finis evriwan. Laswan long evriwan, Hem i bin krietem man folem imej blong Hemwan man mo woman mo tufala i bos ova long evri narafala samting we oli gat laef. 4 Man hemwan nomo i kasem waes wan bren, wan maen, mo wan sol. Man nomo, wetem ol kwaliti ia, i gat paoa blong gat fet mo hop, blong gat insperesen mo tingting blong mekem moa. Hu nao i save winim tingting ia se man bigfala wok blong Bigfala Man blong Mekem Plan, we i bos ova long evri samting we i gat laef, we i gat wan bren mo wan tingting, wetem wan maen mo wan sol, wetem waes mo tabu paoa i mas stop blong laef taem spirit i lego tempol blong hem blong wol ia? Blong andastanem mining blong ded, yumi mas andastanem stamba tingting blong laef. Smol laet blong bilif i mas go lukaotem bigfala laet blong revelesen, we tru long hem, yumi save se yumi bin laef bifo yumi bon long wol ia. Long laef bifo laef long wol ia, yumi no bin gat tu tingting nating long medel blong ol boe 2 mo gel blong God we oli singaot wetem glad from janis blong kam long laef ia we i gat jalenj, be yet i gat nid from. 5 Yumi bin save se stamba tingting blong yumi i blong kasem wan bodi blong mit mo bun, blong winim ol tes mo blong pruvum se bae yumi kipim ol koman i bin save se, from kondisen blong laef long wol ia, bae yumi fesem temtesen, bae yumi sin mo bae yumi no stret evriwan. Blong mekem se yumi save gat evri janis blong sakses, Hem i bin givim wan Sevya we bae i safa mo bae i ded from yumi. Bae Hem i no pemaot ol sin blong yumi nomo, be olsem pat blong Atonmen ia, bae Hem i winim tu ded blong bodi we bae yumi fesem from Foldaon blong Adam. Long wei ia, moa bitim 2000 yia i pas, Kraes, Sevya blong yumi i bin bon long wol ia insaed long haos blong ol animol long Betlehem. Hem, we i Mesaea we oli bin tokbaot longtaem finis i kam, i bin kam. Oli no bin raetem plante samting abaot yangfala laef blong Jisas. Mi laekem ves ia long Luk: Nao Jisas i stap gruap moa long bodi blong hem mo long waes blong hem tu. Mo oltaem God i glad tumas long hem, mo ol man tu oli glad tumas long hem. 6 Mo long buk blong Ol Wok, i gat wan sot toktok abaot Sevya we i gat fulap mining long hem: Hem i stap go olbaot long evri ples, i stap mekem ol gudfala wok. 7 Jon i bin baptaesem Hem long Jodan reva. Hem i bin singaotem olgeta Twelef Aposol. Hem i bin blesem olgeta sikman. Hem i bin mekem ol man we oli no save wokbaot, oli save wokbaot; olgeta we oli

3 blaen oli save lukluk bakegen, mo olgeta we sora i fas oli save harem samting bakegen. Mo tu, Hem i mekem dedman i laef bakegen. Hem i bin tij, Hem i bin testifae, mo Hem i bin givim wan stret eksampol blong yumi stap folem. Mo afta, misin blong Sevya long wol ia i finis. Wan las sapa wetem ol Aposol blong Hem i tekem ples long rum we i stap antap. Long fored, Getsemane mo kros long Kalvari i stap. I no gat wan man i save andastanem fulwan impoten samting we Kraes i bin mekem blong yumi long Getsemane. Hem, Hemwan, i tokbaot eksperiens ia afta i talem se safaring ia blong Hem, i mekem Hemwan, iven God, we i hae long evriwan, blong i seksek from sobodi, mo blad i ronaot long evri hol blong skin, mo blong safa tugeta, long bodi mo long spirit. 8 Folem harem nogud long Getsemane, we i daonem paoa blong Hem, ol raf han oli holem Hem mo oli tekem Hem i go long Anas, Kaeafas, Paelat mo Herod. Oli akiusum mo tok nogud long Hem. Oli wipim Hem nogud bakegen mekem se bodi blong Hem we i soa finis i soa moa bakegen. Blad i ron daon long fes blong Hem taem oli putum mo fosem wan hat blong sap nil antap long hed blong Hem, mo i katemaot aebro blong Hem. Mo afta, bakegen, oli tekem Hem i go long Paelat, we i lisin long ol singaot blong ol grup blong man ia we oli kros: Nilim hem long kros! Nilim hem long kros. 9 Oli bin wipim Hem wetem wan wip we plante han blong hem i gat ol sap aean mo bun i hang long hem. Lod i bin girap nomata long rabis fasin we oli mekem long Hem, mo Hem i tekem kros blong Hemwan, i wokbaot mo stap folfoldaon olsem kasem taem we Hem i nomo save go moa mo wan narawan i kam leftemap hevi kros ia blong Hem. Laswan, long wan hil we oli singaotem Kalvari, taem ol man we oli folem Hem oli lukluk mo oli nomo save mekem samting, oli nilim bodi blong Hem we i gat kil long wan kros. Man i no gat sore long Hem, mo oli jikim mo tok nogud mo daonem Hem. Be yet, Hem i talem, Papa, plis yu fogivim olgeta, from we oli no save samting ya we oli stap mekem. 10 Ol aoa blong safaring oli pas taem laef blong Hem i stap kam long en. Aot long drae maot blong Hem, ol toktok ia oli kamaot, Papa. Mi mi putum laef blong mi long han blong yu! Hem i talem tok ya, nao hem i ded. 11 Taem kwaet mo pis blong wan ded blong sore i mekem Hem i fri long ol harem nogud blong laef long wol ia, Hem i bin gobak long ples we Papa blong Hem i stap long hem. Long las minit, Masta i save tanem raon long ol samting ia. Be Hem i no bin mekem. Hem i pas andanit long evri samting, blong mekem se Hem i sevem evri samting. Bodi blong Hem we i no gat laef ia, oli bin tekem hariap mo putum gud long wan gref blong wan nara man. I no gat toktok long Kristin skripja we i minim moa long mi bitim ol toktok we enjel i talem long Meri Magdala mo narafala Meri taem we, long fas dei blong wik, tufala i kam kolosap long gref blong mekem gud 3 bodi blong Lod blong tufala. Nao enjel i talem se: From wanem yufala i stap lukaot man we i laef long ples blong ol dedman? Hem i no stap ya. Hem i laef bakegen. 12 Sevya blong yumi i bin laef bakegen. Taem we i gat moa glori, mo i givim moa tras long histri blong man i bin tekem ples viktri ova long ded. Sobodi mo safaring blong Getsemane mo Kalvari oli bin waepemaot. Fasin blong sevem man i bin kamtru. Foldaon blong Adam, oli bin pemaot. Emti gref ia, long fas Ista moning i bin ansarem kwestin blong Job, sapos mifala i ded, bambae mifala i no save laef bakegen? Long yufala evriwan we i save harem voes blong mi, mi talem, sapos man i ded, bambae hem i save laef bakegen. Yumi save, from we yumi gat laet blong trutok we God i bin talemaot. Ded i samting we wan man nomo i tekem i kamtru long wol, mo long sem fasin, fasin ya we man i laef bakegen long ded, hem tu i wan samting we wan man nomo i tekem i kamtru. Olgeta man we oli joen long Adam oli save ded, mo long sem fasin, olgeta man we oli joen long Kraes oli save laef bakegen long ded. 13 Mi bin ridim mo mi bilivim ol testemoni blong olgeta we oli bin gotru long nogud taem ia long taem we Kraes i hang long kros mo glad blong taem we Hem i Laef Bakegen long Ded. Mi bin ridim mo mi bilivim ol testemoni blong olgeta long Niufala Wol we semfala Lod we i girap long ded i bin visitim olgeta.

4 Mi bilivim testemoni blong wan we, long dispensesen ia, i bin toktok wetem Papa mo Pikinini long wan bus we naoia oli singaotem tabu mo i bin givim laef blong hem, i silim testemoni ia wetem blad blong hem. Hem i talem se afta long plante testemoni we oli bin givim abaot hem, hemia i testemoni, laswan long olgeta evriwan se: Sevya i laef! From hem i bin luk Hem long raet han blong God mo harem wan voes we i talemaot se Hem i Wan Stret Pikinini Ia Nomo blong Papa. 14 Tudak blong ded, oltaem i save lus long fored blong laet blong trutok we i kam tru long revelesen. Mi nao, mi stamba blong laef bakegen long ded. Mi nao mi stamba blong laef, Masta i bin talem. 15 Mi mi putum pis blong mi i stap wetem yufala. Mi nomo mi givim pis ya long yufala. 16 Ova long ol yia, mi bin harem mo ridim ol testemoni we oli plante tumas blong kaontem, we wanwan man i serem wetem mi mo oli testifae se laef bakegen long ded i tru, mo we oli bin kasem, long ol bigfala taem blong nid blong olgeta, pis mo kamfot we Sevya i bin promesem. Bae mi serem pat blong wan stori olsem. Jes tu wik i pas, mi kasem wan gudfala leta blong wan papa we i gat seven pikinini we i raet abaot famle blong hem, mo, speseli, boe blong hem, Jesen, we i bin sik taem hem i gat leven yia. Ova long ol nekis yia we i folem, sik blong Jesen i bin kambak plante taem. Papa ia i bin tokbaot gudfala fasin blong Jesen mo glad blong fes blong hem, nomata long ol jalenj ia blong helt blong hem. Jesen i bin kasem Aronik Prishud taem hem i gat 12 yia mo oltaem hem i wantem blong wok strong long ol responsabiliti blong hem, nomata sapos hem i harem gud o no. Hem i bin kasem Igel Skaot Awod blong hem taem hem i gat 14 yia. Las sama, i no longtaem afta namba 15 betdei blong Jesen, bakegen oli tekem hem i go long hospital. Long wan visit blong hem blong luk Jesen, papa blong hem i faenem hem be ol ae blong hem i sat i stap. Hem i no save se Jesen i silip o no, hem i stat blong toktok slo long hem. Jesen, hem i talem, mi save se yu bin gotru long plante samting long sot laef blong yu mo situesen blong yu naoia i had tumas. Nomata yu gat wan bigfala faet i stap yet long fored, mi no wantem se yu lusum fet blong yu long Jisas Kraes. Hem i talem se hem i sek taem Jesen i openem ae blong hem kwiktaem nomo mo talem, Neva! long wan klia, strong voes. Afta Jesen i sarem ae blong hem mo i nomo talem wan samting moa. Papa blong hem i raetem: Long simpol toktok ia, Jesen i bin talemaot wan long ol testemoni we i strong mo i klin abaot Jisas Kraes we mi bin harem. Semmak olsem toktok ia blong hem, Neva! i stap gud long sol blong mi long dei ia, hat blong mi i fulap wetem glad se Papa blong mi long Heven i bin blesem mi blong mi kam papa blong wan gudfala mo hae boe [Hemia] i bin las taem we mi bin harem hem i talemaot testemoni blong hem abaot Kraes. Nomata we famle blong hem i ting se bae hemia i wan nara taem long hospital bakegen, be Jesen i bin ded i no iven tu wik afta. Wan bigfala brata mo sista, tufala i bin 4 stap long misin long taem ia. Wan nara brata, Kael, i jes kasem koling blong hem blong go long misin. I tru, koling ia i bin kam hariap nomo mo long 5 Ogis, wan wik bifo Jesen i jes ded long hem, famle i kam tugeta long rum long hospital blong oli openem misin kol blong Kael mo hem i serem wetem ful famle. Long leta blong hem long mi, papa ia i putum wan foto blong Jesen long hospital bed blong hem, wetem bigfala brata blong hem Kael we i stanap long saed blong bed wetem misin kol blong hem. Oli raetem toktok ia andanit long foto: Oli singaotem tufala blong go long misin tugeta long tugeta saed blong vel. Brata mo sista blong Jesen we tufala i stap long misin finis, tufala i bin sendem ol naesfala leta blong kamfot i go hom blong oli serem long fenerol blong Jesen. Sista blong hem, we i stap long misin long Ajentina Buenos Aeres Wes Misin, i raetem olsem pat blong leta blong hem: Mi save se Jisas Kraes i laef, mo from se Hem i laef, yumi evriwan, wetem Jesen we yumi lavem tumas, bae yumi laef bakegen tu. Yumi save tekem kamfot long stret save ia se yumi bin sil tugeta olsem wan famle we i no save finis. Sapos yumi mekem evri samting blong obei mo mekem gud moa long laef ia, bae yumi luk [hem bakegen]. Hem i gohed: [Wan] skripja we mi bin lavem longtaem finis i kam i tekem wan niu mining mo i moa impoten long taem ia [Long] Revelesen japta 21, ves 4: Hem bambae i ravemaot wota blong ae blong olgeta. Nao bambae i no moa gat man i ded, mo bambae man i no

5 moa krae from man we i ded. Bambae i no moa gat man i krae, mo bambae man i no moa harem nogud long bodi blong hem. Ol samting ya blong bifo oli lus olgeta. Ol brata mo sista we mi lavem tumas, long aoa blong bigfala harem nogud blong yumi, yumi save kasem bigfala pis long toktok blong enjel long fas Ista moning ia. Hem i no stap ya. Hem i laef bakegen. 17 Hem i raesap, Hem i raesap! Talemaot long glad singsing Tri dei be hem i raesap Naoia ol man oli sing Ded i lus mo man i fri I winim faet blong yumi! 18 Olsem wan long ol spesel witnes blong Hem long wol tedei, bigfala Ista Sandei ia, mi talemaot se hemia i tru, long tabu nem blong Hem we i Jisas Kraes, Sevya blong yumi amen. OL NOT 1. Robert Louis Stevenson, Requiem, long An Anthology of Modern Verse, ed. A. Methuen (1921), James E. Talmage, Jesus the Christ, namba 3 ed. (1916), Job 14: Luk long Jenesis 1: Luk long Job 38:7. 6. Luk 2: Ol Wok 10: Luk long Doctrine and Covenants 19: Luk 23: Luk 23: Luk 23: Luk 24: Korin 15: Luk long Doctrine and Covenants 76: Jon 11: Jon 14: Matiu 28: Hem I Raesap! STSP, pej 55. Ol Tijing blong Taem blong Yumi Ol lesen blong Melkesedek Prishud mo Rilif Sosaeti long evri nambafo Sandei bae oli lukluk nomo long Ol Tijing blong Taem blong Yumi. Oli save rere long wanwan lesen aot long wan o moa long wan toktok we oli jes givimaot long jeneral konfrens. Ol stek mo distrik presiden oli save jusumaot ol toktok we oli save yusum, o oli save givim responsabiliti ia long ol bisop mo branj presiden. Ol lida oli mas talemaot gud olsem wanem i impoten tumas blong ol brata blong Melkesedek Prishud mo ol sista blong Rilif Sosaeti blong oli mas stadi long ol sem toktok long ol sem Sandei. Olgeta we oli kam long ol lesen long ol nambafo Sandei bae oli mas gat strong tingting blong stadi mo karem i kam long klas niufala namba blong magasin blong jeneral konfrens o buk blong Konfrens Ripot. Ol Tingting blong Rere long Wan Lesen long Ol Toktok Prea se bae Tabu Spirit i stap wetem yu taem yu stap stadi mo tijim (ol) toktok. Bae yu save rere long OL MANIS Mei 2010 Oktoba 2010 lesen wetem ol narafala tul, be ol konfrens toktok nao oli bin apruvum blong yumi mas yusum. Wok blong yu hem i blong helpem ol narafala wan blong oli lan mo laef folem gospel we oli bin tijim long jeneral konfrens blong Jos we i jes pas nomo. Luklukbak long (ol) toktok, lukaotem ol prinsipol mo doktrin we i save mitim ol nid blong ol memba blong klas. Lukaotem tu ol stori, skripja refrens, mo ol stetmen long (ol) toktok we bae i helpem yu blong tijim ol trutok ia. Mekem wan aotlaen long olsem wanem blong tijim ol prinsipol mo doktrin. Aotlaen blong yu i mas gat ol kwestin blong helpem ol memba blong klas: Lukaotem ol prinsipol mo doktrin long (ol) toktok. Tingting long mining blong olgeta. Serem save, aedia, eksperiens, mo testemoni. Yusum ol prinsipol mo doktrin ia long laef blong olgeta. NAMBAFO SANDEI LESEN TUL Ol toktok we oli bin pablisim long Mei 2010 Ensign* o long Konfrens Ripot 2010 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/09. Oli letem translesen: 6/09. Translesen blong First Presidency Message, May Bislama Novemba 2010 Epril 2011 Ol toktok we oli bin pablisim long Novemba 2010 Ensign* o long Konfrens Ripot *Ol toktok ia oli stap (long plante defren lanwis) long conference.lds.org. 5

6 VISITING TIJING MESEJ, MEI 2010 Ol brata mo sista, Papa blong yumi long Heven i wantem mo nidim help blong yumi blong tekembak ol spirit pikinini blong Hem i go hom bakegen long Hem. Tedei, mi stap tokbaot ol yang pipol we oli stap finis long tru Jos blong Hem mo oli stat finis blong wokbaot long stret mo smol rod i gobak long hom blong olgeta long Heven. Hem i wantem olgeta, taem oli yang yet, blong kasem paoa long saed blong spirit blong oli stap long rod ia. Mo Hem i nidim help blong yumi blong karembak olgeta long rod ia kwiktaem sapos oli stat blong kamaot long rod ia. Mi wan yang bisop taem mi stat blong luk klia from wanem Lod i wantem yumi blong mekem ol I kam long Presiden Henri B. Aering Fas Kaonsela long Fas Presidensi Helpem Olgeta long Rod blong Olgeta I Gobak Hom Yumi helpem gud ol pikinini blong God taem yumi soem ol wei blong bildimap fet long Jisas Kraes mo long gospel blong Hem we i bin kambak finis, taem oli yangfala. pikinini blong Hem oli kam strong moa taem oli stap yang mo sevem olgeta kwiktaem. Bae mi talem wan stori blong wan yangfala we i ripresentem plante we mi bin traem blong helpem olgeta long ol yia we oli pas. Gel ia, i bin sidaon long fored blong mi long tebol blong mi olsem bisop. Hem i tokbaot laef blong hem long mi. Hem i bin baptaes mo konfem olsem wan memba blong Jos taem hem i gat eit yia. I no gat wota long ae blong hem taem hem i stap tokbaot moa bitim 20 yia we i bin kam afta, be filing blong harem nogud i kamaot long voes blong hem. Hem i talem se rod blong sin blong hem i stat wetem ol joes blong joen wetem olgeta we hem i ting se oli ol pipol we oli fit. Afta hem i stat blong brekem wanem we hem i luk se oli ol komanmen we oli no impoten. Fastaem, hem i filim se hem i harem nogud smol mo hem i sem smol. Be ol rilesen blong hem wetem ol fren blong hem i givim wan niu filing se oli laekem hem, mo mekem se wanwan strong tingting blong hem blong sakem sin wan bae wan oli nomo kam impoten. Taem ol komanmen we hem i stap brekem oli kam bigwan moa, drim blong wan hapi hom we i no save finis i stat blong lus. Hem i sidaon long fored blong mi, long wanem hem i singaotem prapa nogud filing blong sem. Hem i bin wantem mi blong sevem hem long sling blong sin we hem i bin fasem taet hem insaed long hem. Be, wan wei nomo blong aot i blong hem i yusum fet blong hem long Jisas Kraes, blong gat wan hat we i brok, blong sakem sin, mo blong kam klin, blong jenis, mo kam strong moa tru long Atonmen blong Lod. Mi serem testemoni blong mi long hem, se hemia i posibol. Mo hem i posibol, be bae i had moa bitim sapos hem i bin yusum fet blong hem long eli taem laef blong hem, long rod blong hem i gobak hom long God, mo stat long taem we hem i bin kamaot long rod ia. Mekem se, yumi helpem gud ol pikinini blong God taem yumi soem ol wei blong bildimap fet long Jisas Kraes mo long gospel blong Hem we i bin kambak finis, taem oli yangfala. Mo afta, yumi mas help blong riniu fet ia kwiktaem bifo i lus taem oli stap kamaot long rod ia. 1

7 Mekem se, yu mo mi, i save luk long fored blong gat janis oltaem blong helpem olgeta we oli stap travel long medel blong ol pikinini blong God. Sevya i bin talem long yumi from wanem bae i olsem taem Hem i bin tokbaot denja wokbaot blong evri pikinini blong God blong gobak hom long medel blong ol klaod we ol sin mo Setan i bin krietem: Yufala i go insaed long stret get; from get ia i bigwan, mo rod ia i bigwan tumas, we i lidim i go blong lus, mo plante bae i gat we i go insaed long ples ia; Be stret i get mo rod i smol, we i lidim i go long laef, mo smol nomo i gat we i faenem ples ia. 1 From Hem i luksave finis ol nid blong ol pikinini blong Hem, wan Papa long Heven we i gat lav i putum ol daereksen mo ol man blong sevem man folem rod blong olgeta. Hem i bin sendem Pikinini blong Hem, Jisas Kraes, blong mekem sef rod ia i posibol mo i klia. Hem i bin singaotem olsem profet blong Hem long ol taem tedei, Presiden Tomas S. Monson. Stat long yangfala taem blong hem, Presiden Monson i no bin tijim nomo olsem wanem blong stap long rod ia, be tu, olsem wanem blong sevem olgeta we oli bin lidim olgeta long rod blong harem nogud ia. Papa long Heven i bin putum yumi long plante defren ples blong mekem ol man blong travel oli kam strong moa, mo, taem i gat nid, blong lidim olgeta i go long sef ples. Ol wok blong yumi we oli moa impoten mo gat moa paoa, oli stap insaed long famle. Oli impoten from se famle i gat janis ia, long stat blong laef blong wan pikinini, blong putum leg blong hem i stanap strong long rod i gobak hom. Ol papa, mama, brata mo sista, ol bubuman mo woman, ol anti mo ol angkel, oli ol gaed we oli gat moa paoa mo oli ol man blong sevem man tru long strong lav we i stamba fasin blong wan famle. Famle i gat wan spesel janis long ol fas eit yia blong laef blong wan pikinini. Long ol yia blong proteksen ia, from Atonmen blong Jisas Kraes, Setan i no save yusum ol klaod blong tudak blong hem blong i haedem rod blong gobak long hom. Long ol spesel yia ia, Lod i helpem ol famle taem Hem i singaotem ol wokman blong Praemeri blong help blong mekem ol pikinini oli kam strong moa long saed blong spirit. Hem i givim tu, long olgeta we oli kasem Aronik Prishud blong givim sakramen. Long ol sakramen prea ia, ol pikinini oli harem promes se oli save gat Spirit blong God sapos oli obei long ol komanmen blong God. Olsem wan risal, oli kam strong moa blong stanap agensem temtesen taem i kam mo afta, samtaem long fiuja, i go blong sevem ol narawan. Plante bisop insaed long Jos oli kasem insperesen blong singaotem ol pipol we oli strong moa insaed long wod blong givim seves long wanwan pikinini insaed long Praemeri. Oli luksave se sapos oli mekem ol pikinini ia oli kam strong 2 moa, wetem fet mo testemoni, bae oli no nidim blong oli sevem olgeta taem oli yangfala. Oli luksave se wan strong fandesen long saed blong spirit i save mekem samting i defren long laef taem blong olgeta. Yumi evriwan i save help. Ol bubuwoman, ol bubuman, mo evri memba we oli save wan pikinini i save help. Hem i no nidim wan koling insaed long Praemeri. O i no gat wan limit long hamas yia yu gat. Wan woman olsem, taem hem i yangfala, i bin stap long Praemeri jeneral bod we i bin help blong krietem JR moto. Hem i neva bin taed blong givim seves long ol pikinini. Hem i bin tij long Praemeri long wod blong hem, folem rikwes blong hemwan kasem taem hem i gat kolosap 90 yia. Ol smol pikinini oli save filim lav we hem i gat long olgeta. Oli luk eksampol blong hem. Oli lanem long hem ol simpol prinsipol blong gospel blong Jisas Kraes. Mo antap long evri samting ia, from eksampol blong hem, oli bin lanem blong filim mo luksave Tabu Spirit. Mo taem oli bin luksave, oli bin stap finis long rod blong fet blong olgeta blong stanap agensem temtesen. Bae oli nidim blong man i sevem olgeta, be bae oli rere blong go mo sevem ol narafala. Mi bin lanem paoa blong simpol fet long prea mo long Tabu Spirit, taem ol pikinini blong mitufala oli smol. Bigfala boe blong mitufala i no bin baptaes yet. Papa mo mama blong hem, ol Praemeri tija mo ol prishud wokman oli bin traem

8 blong helpem hem blong filim mo luksave Spirit mo save olsem wanem blong kasem help blong Hem. Wan aftenun, waef blong mi i bin tekem hem i go long hom blong wan woman we i bin stap tijim hem blong rid. Plan blong mitufala i blong mi pikimap hem long rod blong mi taem mi kambak long hom afta wok. Lesen blong hem i finis bifo long taem we mifala i tingting long hem. Hem i trastem hemwan se hem i save rod i gobak hom. Mekem se, hem i stat blong wokbaot. Hem i talem afta se hem i save se hem i gat inaf tras long hemwan mo i laekem tingting ia blong stap hemwan long rod. Afta we hem i wokbaot kolosap wan kilometa, ples i stat blong tudak. Hem i stat blong luksave se hem i stap longwe yet long hom. Hem i save tingbaot yet se ol laet blong trak we oli stap pasem hem oli flu from wota long ae blong hem. Hem i bin filim olsem wan smol pikinini, be i no boe ia we i gat tras long hemwan taem i stat blong wokbaot i go hom hemwan. Hem i bin luksave se hem i nidim help. Wan samting i kambak long memori blong hem. Hem i bin save se hem i mas prea. Mekem se hem i aot long rod mo i go long sam tri we hem i no save luk gud long tudak. Hem i faenem wan ples mo i nildaon. Tru long ol bus, hem i save harem sam voes we oli stap kam from hem. Tu yangfala pipol i bin harem hem i krae. Taem oli kam kolosap long hem, oli askem, Mifala i save helpem yu? Tru long ol wota blong ae blong hem, hem i talem se hem i bin lus mo hem i wantem gobak long hom. Oli bin askem hem sapos hem i save telefon namba blong haos blong hem o adres blong haos. Hem i no save. Oli bin askem sapos hem i save nem blong hem. Hem i save nem blong hem. Oli bin lidim hem i go long wan ples kolosap we oli bin stap long hem. Oli bin faenem famle nem blong mifala long wan telefon buk. Taem mi kasem telefon kol, mi spid blong sevem hem, mo talem tangkyu se ol gudgudfala pipol olsem ia oli bin stap long rod blong hem i gobak hom. Mo mi bin glad tumas se oli bin tijim hem blong prea wetem fet se help bae i kam taem bae hem i lus. Fet ia i bin lidim hem long sef ples mo i tekem ol man blong sevem man plante taem moa bitim we hem i save kaontem. Lod i bin putum wan paten blong sevem man mo ol man blong sevem man insaed long kingdom blong Hem. Long waes blong Hem, Lod i bin givim insperesen long ol wokman blong Hem blong putum sam long ol rod we oli gat moa paoa blong mekem yumi kam strong moa, mo, blong putum long stret ples, ol bes man blong sevem man, taem yumi stap gotru long ol yangfala yia blong yumi. Yufala i save long tufala strong program we Lod i givim. Wan, blong ol yang woman, oli singaotem, Progres blong Miwan. Narawan, blong olgeta we oli holem Aronik Prishud, oli singaotem, Diuti long God. Mifala i leftemap tingting 3 blong ol yang pipol long jeneresen we i stap kam antap blong oli luk wanem oli save gat blong bildimap bigfala paoa long saed blong spirit. Mo mifala i askem strong long yufala we yufala i stap lukaotem ol yang pipol ia blong mekem ol samting we Lod i wantem yumi blong helpem olgeta wetem. Mo, from se fiuja blong Jos i dipen long olgeta, evriwan long yumi i kea. Tufala program ia, oli bin mekem oli kam gud moa be stamba tingting biaen long tufala i stap semmak. Presiden Monson i talem long wei ia: yumi mas lanem wanem we yumi mas lanem, mekem wanem we yumi mas mekem, mo kam wanem we yumi mas kam olsem. 2 Buklet blong Progres blong Miwan blong ol yang woman, i mekem stamba tingting ia i klia long olgeta: Program blong Progres blong Miwan i yusum ol eit valiu blong Ol Yang Woman blong helpem yu blong andastanem moa gud se yu huia, from wanem yu stap long wol, mo wanem nao yu mas mekem olsem wan gel blong God blong mekem yu yu rere long dei ia we bae yu go long tempol blong mekem ol tabu kavenan. Buk ia i gohed blong talem se ol yang woman bae oli mekem ol komitmen, wok blong mekem ol komitmen ia oli kamtru, mo blong ripotem progres blong yu long papa o mama o long wan lida. Hem i promes tu se, ol paten we bae yu stanemap taem yu wok long Progres blong Miwan olsem prea, skripja stadi, seves, mo kipim wan jenol

9 bae oli kam ol wanwan fasin blong yu evri dei. Ol fasin ia, bae oli mekem testemoni blong yu oli kam moa strong mo bae oli helpem yu blong lan mo kam antap truaot long laef blong yu. 3 Program blong Diuti long God blong ol yang man long Aronik Prishud, oli bin mekem i kam strong moa, mo moa isi. Bae i stap insaed long wan simpol buk nomo blong evri trifala ofis blong Aronik Prishud. Ol yang man mo ol lida blong olgeta bae oli kasem wan kopi blong niufala buk ia. Hem i wan strong tul. Bae i mekem i kam strong moa ol testemoni blong ol yang man mo rilesensip blong olgeta wetem God. Bae i helpem olgeta blong lanem mo wantem fulfilim ol prishud diuti blong olgeta. Bae i mekem i kam strong moa, ol rilesensip blong olgeta wetem papa mo mama blong olgeta, mo bitwin ol memba blong kworom, mo wetem ol lida blong olgeta. Tufala program ia oli putum bigfala responsabiliti long ol hadwok blong ol yang pipol. Oli stap invaetem olgeta blong lanem mo mekem ol samting we bae i wan jalenj long eniwan. Taem mi stap tingtingbak long yangfala taem blong mi, mi no save tingbaot se mi fesem plante jalenj. O, long sam taem, oli bin invaetem mi blong kasem ol kaen tes ia, be hemia wanwan taem nomo. Ol program ia oli nidim blong wokem oltaem, i mas gat hadwok long hem, mo hipimap ol eksperiens blong lanem samting mo ol eksperiens long saed blong spirit. Taem mi stap tingbaot samting ia, mi luksave se wanem we i stap long ol buklet ia oli ripresentem tras blong Lod long jeneresen we i stap kam antap mo long evriwan long yumi we i lavem olgeta. Mo mi bin luk pruf se tras ia i stap long stret ples. Long taem blong ol visit, mi bin luk ol kworom blong Aronik Prishud long aksen. Mi bin luk ol yang man we oli stap folem ol wei blong lan, oli mekem ol plan blong mekem wanem we God i wantem olgeta blong mekem, mo afta, oli muvaot blong mekem wanem oli talem se bae oli mekem, mo blong serem wetem ol narawan olsem wanem oli bin jenis long saed blong spirit. Mo taem mi bin luk mo lisin, i bin kam klia se ol papa, ol mama, ol lida, ol fren, mo tu ol neiba long wan kongregesen, Spirit i bin tajem olgeta taem oli harem ol yut i testifae long olsem wanem oli bin kam strong moa. Oli leftemap tingting blong ol yut taem oli serem testemoni mo i semmak long olgeta we oli traem blong helpem ol narawan blong kam antap. Insaed long program blong Ol Yang Woman i gat ol sem rod blong developem paoa long saed blong spirit blong ol yang woman mo blong givim janis long yumi blong help. Progres blong Miwan i helpem ol yang woman blong rere blong kasem ol odinens blong tempol. Ol eksampol blong ol mama, ol bubuwoman blong olgeta, mo evri stret mo gud woman raon long olgeta insaed long Jos i bin helpem olgeta. 4 Mi bin luk tu, olsem wanem wan papa mo mama, tufala i bin helpem wan gel blong tufala blong kasem ol gol mo drim we hem i gat taem oli bin luk mo stap glad long evri gud samting we hem i bin mekem. Sam dei i pas, mi bin stap luk wan mama we i stanap wetem yang gel blong hem taem tufala i kasem rekonisen blong tufala from tufala i bin stap olsem ol eksampol blong stap olsem ol gudfala woman. Taem tufala i bin serem wetem mi, wanem samting ia i minim long tufala, mi filim se Lod i akseptem mo i leftemap tingting blong yumi evriwan. Aot long evri help we yumi save givim long ol yangfala pipol ia, hemia we i bigwan moa, i blong letem olgeta oli filim tras we yumi gat long olgeta se oli stap long rod ia blong go hom long God mo se oli save mekem. Mo yumi mekem hemia moa gud taem yumi stap go wetem olgeta. From se rod i stip mo samtaem i gat ston long hem, bae samtaem, oli filim blong givap mo tu, oli save foldaon. Samtaem oli kam konfius long ples we oli stap go from mo oli go from ol gol we oli no impoten tumas long laef we i no save finis. Ol program ia we oli kam tru long insperesen oli mekem se samting ia bae i no save hapen tumas from se oli lidim yangfala blong invaetem mo kasem kompanionsip blong Tabu Spirit. Bes kaonsel blong yumi givim long ol yang pipol ia, i we oli save gobak long Papa long Heven taem oli kasem daereksen mo koreksen we i kam tru long Spirit blong

10 God. Mekem se, sapos yumi waes, bae yumi leftemap tingting, presem mo soem eksampol blong evri samting we i invaetem kompanionsip blong Tabu Spirit. Taem oli serem wetem yumi wanem oli stap mekem mo filim, yumiwan, yumi mas kwalifae from Tabu Spirit tu. Afta, bae oli filim long ol pres mo smael blong yumi, se God i agri. Mo, sapos yumi filim nid blong givim ol kaonsel we i stretem olgeta, bae oli filim lav blong yumi mo lav blong God long kaonsel ia, be i no fasin blong sakemaot olgeta, we i save letem Setan i lidim olgeta i go longwe moa. Eksampol we oli nidim moa long yumi i blong mekem wanem we oli mas mekem. Yumi nidim blong prea from ol presen blong Spirit. Yumi nidim blong tingting hevi long ol skripja mo long ol toktok blong ol profet we oli laef. Yumi nidim blong mekem ol plan we oli no ol samting we yumi wantem be oli ol kavenan. Mo afta, yumi nidim blong kipim ol promes blong yumi wetem Lod. Mo yumi nidim blong leftemap ol narafalawan taem yumi serem wetem olgeta ol blesing blong Atonmen we oli bin kam long laef blong yumi. Mo yumi nidim blong soem, long ol laef blong yumi, eksampol blong fasin blong stap fetful oltaem mo longtaem, olsem we Lod i wantem olgeta blong mekem. Taem yumi mekem olsem, bae yumi helpem olgeta blong filim, long Spirit, wan tras se sapos oli gohed bae oli harem ol toktok we oli kam long wan Sevya mo Papa long Heven we Tufala i gat lav:!ei, yu yu mekem wan gudfala wok! Yu yu wan gudfala man we yu lukaot gud long ol wok blong mi. From we yu bin lukaot gud long smol bisnis ia we mi putum long han blong yu, bambae mi putumap yu blong yu lukaot long plante bisnis. Yu kam joen long lafet blong mi. 4 Mo yumi we yumi helpem olgeta bae yumi harem ol toktok ia wetem glad. Mi testifae se Lod i lavem yu mo evri pikinini blong God. Hemia i kingdom blong Hem we oli bin putumbak wetem ol prishud ki tru long Profet Josef Smit. Tomas S. Monson i profet blong Lod tedei. Mi promesem wanwan long yufala se taem yufala i folem daereksen tru long insperesen insaed long tru Jos ia blong Jisas Kraes, se ol yut blong yumi mo yumi we i helpem mo lavem olgeta, oli save gobak sef long hom blong yumi wetem Papa long Heven mo Sevya, blong laef insaed long ol famle mo wetem glad blong oltaem. Long nem blong Jisas Kraes, amen. OL NOT 1. 3 Nifae 14: Thomas S. Monson, To Learn, to Do, to Be, Liahona, Nov. 2008, Yang Woman- Progres blong Miwan (buklet, 2009), Matiu 25: i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/09. Oli letem translesen: 6/09. Translesen blong Visiting Teaching Message, May Bislama