INSCRICIÓN NO CURSO DE COMERCIO INTERNACIONAL DATOS DO SOLICITANTE Nome e apelidos DNI Enderezo Nº Piso Porta Teléfono Municipio / Provincia CP E-mail DATOS DO CURSO Modalidade: semipresencial e teleformación (online). Lugar e datas das sesións presenciais: Sala de Conferencias do Auditorio de Vilagarcía, os días 19 de agosto, de 11.00 a 12.00 horas, o 4 de setembro, de 10.00 a 14.00 horas, e o 15 de outubro de 10.00 a 13.30 horas. Destinatarios/as: 25 mozos e mozas de 18 a 35 anos. Requisitos de acceso: Estar empadroado no municipio de Vilagarcía de Arousa, acreditar situación de desemprego e contar coa titulación mínima de Bacharelato, Ciclo Medio ou equivalente. Cota: gratuíto. Prazas: 25. Prazo de inscrición: do 24 de xullo ao 09 de agosto de 2013, no Rexistro Xeral do Concello (de 8.30 a 14.30 horas, de luns a venres, e de 10.00 a 13.00 horas, os sábados). Publicación de listaxe de admitidos/as: 13 de agosto de 2013. Duración do curso: 150 horas, dende o 19 de agosto ata o 15 de outubro de 2013. Este curso está homologado polo IGAPE. DOCUMENTOS QUE SE ACHEGAN: Fotocopia do DNI. Fotocopia da tarxeta de demandante de emprego. Fotocopia do título académico que se posúe: Bacharelato, Ciclo Medio, Ciclo Superior, Diplomatura, Licencitura ou Grao. A CUBRIR POLA ADMINISTRACIÓN: Nº INSCRCICIÓN: DATA DE INSCRICIÓN: Vilagarcía de Arousa, a de de 2013. (Sinatura do solicitante) Sr. Alcalde-Presidente do Concello de Vilagarcía de Arousa
CURSO DE COMERCIO INTERNACIONAL CONCELLO DE VILAGARCÍA DE AROUSA 150 horas (homologado pollo IGAPE e subvencionado o 100% pola Concellería de Xuventude do Concello de Vilagarcía de Arousa) O presente curso abrangue os piares básicos do comercio internacional, cos que o/a alumno/a poderá adquirir as habilidades necesarias para afrontar os trámites aduaneiros que leva consigo unha operativa de exportación/ importación, deseñar unha loxística internacional segundo INCOTERM e elixir o medio de pagamento que resulte máis axeitado en cada ocasión, todo iso coa terminoloxía inglesa precisa para cada situación. MODALIDADE Semipresencial. Na súa maior parte teleformación (online) a través da plataforma on line de formación do Concello de Vilagarcía (na web do Concello de Vilagarcía www.vilagarcia.es), con polo menos tres titorías para resolver dúbidas, explicar aqueles temas que presenten maiores dificultades, e facer un seguimento persoal e individualizado de cada alumno. Para a obtención do título é necesario ter superado o 75% da cualificación total. DATAS DE REALIZACIÓN: do 19 de agosto ao 15 de outubro de 2013 Sesións presenciais na Sala de Conferencias do Auditorio de Vilagarcía: 19 de agosto de 11.00 a 12.00 h 4 de setembro de 10.00 a 14.00 h 15 de outubro de 10.00 h a 13.30 h DESTINATARIOS/AS: 25 mozos e mozas de 18 a 35 anos. REQUISTOS DE ACCESO: Estar empadroado no municipio de Vilagarcía de Arousa, acreditar situación de desemprego e contar coa titulación mínima de Bacharelato, Ciclo Medio ou equivalente.
PRESENTACIÓN DE SOLICITUDES: Do 24 de xullo ao 9 de agosto de 2013. Presentación do modelo normalizado de solicitude no Rexistro Xeral do Concello, de 8.30 a 14.30 h., de luns a venres, e de 10,00 a 13,00 h., os sábados. DOCUMENTACIÓN ANEXA: A solicitude deberá presentarse xunto coa seguinte documentación: Fotocopia do DNI. Fotocopia da tarxeta de demandante de emprego. Fotocopia do título académico que se posúe: Bacharelato, Ciclo Medio, Ciclo Superior, Diplomatura, Grao ou Licenciatura. DOCENTES: - Ana Díaz- Becerra Martínez Avogada, consultora internacional e profesora na Facultade de Empresariales de Vigo. Colaboradora permanente nos Másteres e cursos organizados polas Universidades de Vigo e Santiago, a Escola de Negocios Novacaixagalicia, IFFE, Cámaras de Comercio e Confederacións de Empresarios galegas. - Martín Vedia Baliñas Licenciado en filoloxía inglesa e especialista en comercio exterior. OBXECTIVOS: O obxectivo que se pretende é realizar un estudo en profundidade dos temas máis importantes nunha operativa internacional, facendo especial fincapé nos trámites aduaneiros, ámbito internacional, os distintos medios de pagamento, a operativa loxística e as páxinas web onde atopar a información necesaria para o seu deseño, cunha linguaxe específica do comercio exterior. É, polo tanto, un curso especialmente creado para familiarizar ao alumno co manexo e aplicación práctica das distintas técnicas que compoñen o comercio exterior.
PROGRAMA (150 horas): MÓDULO 1: ÁMBITO INTERNACIONAL: TERRITORIO ADUANEIRO E ÁREA DE LIBRE COMERCIO. MÓDULO 2: INCOTERMS 2010: FIXACIÓN DE PREZOS INTERNACIONAIS. 2.1.- Análise pormenorizada de cada incoterm. 2.2.- Estudo dos erros máis frecuentes. MÓDULO 3: ALFÁNDEGAS. 3.1.- Marco normativo: análise e manexo do TARIC: 3.1.1.- Partidas arancelarias. 3.1.2.- Aranceis. 3.1.3.- Continxentes e suspensións arancelarias. 3.2.- Despachos aduaneiros: 3.2.1.- Criterios de orixe das mercadorías. 3.2.2.- Fases na tramitación dos despachos. 3.2.3.- Suxeitos participantes: operador económico autorizado. 3.2.4.- Documentación de exportación/ importación/ intracomunitaria. 3.3.- Réximes aduaneiros especiais: réxime temporal; tránsito; franquías aduaneiras; perfeccionamento; zonas francas e depósitos aduaneiros; transformación baixo control de alfándegas. MÓDULO 4: FISCALIDADE INTERNACIONAL. 4.1.- Imposto Aduaneiro: Base impoñible. 4.2.- Imposto sobre o Valor Engadido (IVE): 4.2.1.- O IVE nas operacións con terceiros países. 4.2.2.- IVE intracomunitario. MÓDULO 5: TRANSPORTE E LOXÍSTICA INTERNACIONAL. 5.1.- Conceptos xerais: fases dunha operativa internacional. 5.2.- Protección física da mercadoría: tipos de colectores e palets. 5.3.- Protección xurídica: seguro internacional de mercadorías. 5.4.- Particularidades de cada medio de transporte: cotizacións de fretes. 5.5.- Documentación do transporte: declaración sumaria; BL, CMR; AWB; CIM; manifesto de carga e certificado de lista negra. MÓDULO 6: MEDIOS DE PAGAMENTO INTERNACIONAIS. 6.1.- Medios de pagamento simples: billete; cheque; obriga de pagamento; letra de cambio; orde de pagamento simple; remesa simple. 6.2.- Medios de pagamento documentarios: 6.2.1.- Orde de pagamento documentaria 6.2.2.- Remesa documentaria 6.2.3.- Crédito documentario 6.2.3.1- Condicionado do crédito. 6.2.3.2. -Secuencia operativa. 6.2.3.3. -Exame da documentación e erros máis frecuentes. 6.2.3.4. -Diferenzas con outros medios de pagamento. 6.2.3.5. -Créditos documentarios especiais. 6.2.3.6.- Estudo das UCP 600.
MÓDULO 7. - CONTRATACIÓN INTERNACIONAL. 7.1.- Partes dun contrato. 7.2.- Cláusulas dun contrato de compravenda tipo. 7.3.- Tribunais competentes e lexislación aplicable. 7.4.- Arbitraxe. 7.5.- Contratos de intermediación. MÓDULO 8. - INGLÉS DO COMERCIO EXTERIOR. 8.1.- Organigrama dunha empresa internacional: funcións e departamentos. 8.2.- requisitos e funcións do asistente de exportación. 8.3.- Habilidades en inglés: 8.3.1.- Conversación telefónica. 8.3.2.- Datas. 8.3.3.- Números e cálculos. 8.3.4. Presentacións. 8.4.- Inglés do comercio exterior: documentación; alfándegas; medios de pagamento. 8.5.- Estruturas lingüísticas habituais en procesos de negociación. MÓDULO 9. - PRINCIPAIS PÁXINAS WEB. CRITERIOS DE AVALIACIÓN: Realización de casos prácticos, participación en foros e avaliacións parciais. Para a obtención do título é necesario ter superado o 75% da cualificación total. MATERIAL DIDÁCTICO: Datos de acceso á plataforma e-learning. Documentación explicativa acompañada de exemplos prácticos. Tutorización on line e presencial. Soporte técnico para o seguimento e ferramentas de comunicación (foros, chats, mensaxería...). METODOLOXÍA O curso está deseñado para que o alumno poida decidir onde, cando e a que ritmo prefire estudar, aínda que existe un cronograma coa estrutura e datas de control recomendadas. BOLSA DE TRABALLO: Curso homologado polo IGAPE de tal maneira que os novos diplomados ou titulados que finalicen o curso poden incorporarse á bolsa de emprego do IGAPE como xestores de exportación. Trátase dunha base de datos á que poden acceder licenciados ou diplomados universitarios co perfil e formación orientados á internacionalización empresarial coa finalidade de difundir esta información entre o tecido empresarial galego e canalizar a oferta e a demanda de personal especializado deste tipo.