ILISIMATUSARFIK Grønlands Universitet. Postboks 279. DK-3900 Nuuk, Grønland. Telefon +299 362404. www.ilisimatusarfik.gl E-mail: aarp@uni.gl Ulloq/Dato: 7. februar 2008 J.nr.01-30-02 KIIIN Maani Ilisimatusarfiup siulersuisuinut avataaniit ilaasortassatut inassuteqaatit Ilisimatusarfiup siulersuisuinut ilaasortassanik toqqaanermi periusissanut ilitsersuut il.il. 21. december 2007-imeersumi 5-7 naapertorlugit suliaq ingerlatereerlugu matumuuna nassiunneqarput Ilisimatusarfiup avataaneersunik siulersuisunut ilaasortassat arfinillit toqqarnissaannut pinngitsoorani malitassaanngitsumik inassuteqaatigisat 18-it, paasissutissanik ilassutaasunik siunnersuuteqartunillu ataasiakkaanit siunnersuutinut patsisiussanik ilaqartinneqartut. 1) Sivso Dorph, IMAK-kip siulittaasuaq Sdr. Herrnhutvej 23 Postboks 867 3900 Nuuk Email: sdo@imak.gl Sivso Dorph ukiuni arlalinni IMAK-kimut siulittaasuuvoq. Meeqqat atuarfiata iluarsartuuteqqinnerata nalaani Inerisaavimmi siulersuisunut ilaasortaavoq. Tassanilu Atuarfitsialaap ingerlaqqiffiusumillu ilinniartitaanerit pilersikkiartornerani pingaarutilimmik suleqataalluni. 2) Laust Joen Jakobsen, rektori Professionshøjskolen København University College Ibstrupvej 59 2820 Gentofte Email: ljj@cvustork.dk Laust Joen Jakobsen 2001-imi atuarfinnik ilinniarfinnillu allanik aqutsinermik diplomitaarniarluni ilinniartitaanerni ilinniartitsisuuvoq. Tamatuma kingornagut Inerisaaviup Laustip ilisimasai atuarfiit pisortaasa isumasioqatigiinnerini Inerisaaviullu inerisaqqinnerani atortarpai. 3) Malan Marnersdóttir, professor, dr.phil. Department of Language and Literature, University of the Faroe Islands, J.C. Svabos Gøta 14, FO-100 Tórshavn, Phone +298 352500, Fax +298 352501, E-mail: MalanM@setur.fo 1
1979-imi Aarhus Universitetimiit franskit oqaasiinik Københavnillu Universitetianiit qallunaat oqaasiinik Cand. Mag-inngorpoq. 2000 dr.phil. 1979-81 Tórshavnimi gymnasiami ilinniartitsisuuvoq. 1981-83 Johann Wolfgang Goethe Universität-imi Frankfurt am Main-imiittumi qallunaat savalimmiormiullu oqaasiinik lektoriuvoq. 1983 Fróðskaparsetur Føroya-mi (Savalimmiut Universitetianni) Føroyamálsdeild-imi (Savalimmiut o- qaasiinut Instituti) atorfinippoq, savalimmiut oqaasiinik, nunat avannarliit atuakkiaannik kiisalu tamanut attaveqaqatigeeriaatsinik ilinniartitsilluni. 1987-89 Savallimiut Universitetianni Savalimmiut oqaasiinut institutimi ingerlatsisoq 1991-95 Prorektori 1998-2004 Rektori (qinersiviit marluk) 2004 Atuakkialerinermik professori 2007 Oqaatsinut Atuakkialerinermullu Institutimi pisortaq Ilaasortaaffigai: Kulturfonden, Forskningsrådet, Nordisk Råds organisation NORDLIKS, International Association of Scandinavian Studies, ukiorpassuarni (1984-96) Savalimmiuni atuakkiortut peqatigiiffiat sinniisaaffigaa kiisalu Københavnip Universitetiani Georg Brandes Forskerskolen qanittukkut attuumassuteqarfigilerlugu. Malan Marnersdóttir-ip Kalaallit Nunaanni Ilisimatusarfiup siulersuisuini pingaarutilimmik ilaasortaalersinnaaneranik isumaqarnitsinnut patsisigaarput, Nunani avanaarlerni nunarsuullu sinneranut sammisumik kulturikkut, ilisimatusarnikkut universitetinilu inuunermut assigiinngitsorpassuartigut peqataalluarlunilu suliaminut tunniusimasuunera. Aqutsiffiusuni ukiorpassuarni sulisimanerata Savalimmiullu Universitetianni pisortatut sulisimanerata, tassanimi ilaatigut institutimi pisortaasimavoq, rektorimut tullersortaalluni qinigaaffinnilu marlunni rektoriulluni, nassatarivaa pilersaarusiorluakkamik periuseqarneq aningaasanillu aqutsineq sungiusimalluarmagit. Taamatuttaaq Universitetimit mikisunnguamit allamit, tassalu Fróðskaparsetur Føroya-mit (Savalimmiut Universitetiannit) misilittagaasa Kalaallit NunaanniIlisimatusarfik iluaqusissavaat. 4) Lone Dirckinck-Holmfeld, professor, dr.phil. Department of Communication, E-Learning Lab, Center for Userdriven Innovation, Learning and Design, Aalborg Universitet (AAU), Krogsstræde 1, DK-9220, Aalborg OE, Denmark. Phone + 45 9815 8522, fax. + 45 9815 9434. E-mail: lone@hum.aau.dk 1980 Inuiaqatigiinnik ilisimatusarnermik Cand. Mag., Aalborg Universitet (AAU) 1983 Inuiaqatigiinnik ilisimatusarnermik psykologiimillu Cand. Mag. (AAU) 1990 Dr. Phil. Department of Communication, Education and Epistemology, Roskilde Universitet Program coordinator Master in ICT and Learning (AAU) Program coordinator of Postgraduate Research School on Human Centered Informatics (AAU) E-Learning Lab-imi ilisimatuutut pisortaq, (AAU) Institut for Kommunikation (AAU)-imi ilisimatusarnermut professori, Spar North-imit aningaasaliiffigineqartoq Professor, Institut for Kommunikation (AAU) Board member, the Danish Research Political Council Board member for the Danish Educational University. (qinigaaffit marluk, naammassipput) Technical Advisory Panel for Info Development, World Bank. Power Users of Technology International Council of Partners for Education Development Center, Inc. (EDC) and the United Nations Fund for International Partnerships (UNFIP). http://home.learningtimes.net/powerusers, Member, CORE Group (22 members), Kaleidoscope EU Network of Excellence. 2
Leading Kaleidoscope Quality Criteria Committee for Technology Enhanced Learning (2006-2008) Det Humanistiske Fakultet, (AAU) Ilinniagartuut Siunnersuisoqatigiivinut ilaasortaq (sept. 2005-imiit), The steering committee for The International Conference on Computer Supported Collaborative Learning, CSCL 2009, 2003, 2002, 1997, 1996. Amerikami Avannarlermi, Amerikami Qiterlermi Europamilu E-learning pillugu ilisimatusarnikkut suleqateqarneq Lancaster University, University of Barcelona, Mexicomi Universidad Autónoma Metropolitana aamma Asian Universities suleqatigalugit. Lone Dirckinck-Holmfeld-ip siulersuisunut ilaasortaanissamut piukkunnartuuneranut tunngavigivarput Danmarkimi universitetit ilisimatusarnerullu silarsuaani aalaakkaasumik inissisimanera, tamaani ukiuni arlaqartuni pingaarutilinnik inissiffeqartarsimavoq. Kalaallit Nunaanni ilisimatusarfeqarfiup ingerlalluartup nunarsuarmullu tamarmut sammisup pilersikkiartuaarnissaanut naleqqiullugu minnerutinnagu patsisiliussaq pingaartoq tassaavoq, ilisimatuutut misilittagaqarluarrtuunera qarasaasiakkullu ilinniarnerup nunarsuarmi tamarmi atuutilernissaanut atatillugu suliaqarnera, aammattaaq inuiannut killilimmik akissalinnut avinngarusimasunilu najugaqartunut. Pineqartunut tunngatillugu ilisimatusarnera ilisimasaalu nunarsuarlu tamakkerlugu attaveqarluarnera, soorlu ilaatigut Verdens Bankimi teknikkikkut siunnersuisutut i- nissisimasimanera EU Networks of Excellence-mullu ilaasortaanera, Ilisimatusarfimmi siulersuisuni ilaasortaanissamut pingaaruteqassapput. 5) Sofie Petersen, Kalaallit Nunaata biskoppia Nuuk. Biskop Sofie Petersen 1986-imi Københavns Universitetimiit cand.theol.-inngorpoq, 1987- imiit Kalaallit Nunaanni palasiulluni, 1995-imiillu biskoppiulluni. Sofie Petersen Testamentitaamik nutsereqqinnermi peqataavoq, kalaallisut Biibilimik (2000), Ritualinik (2005) Tussiutinillu (2008) saqqummersitseqataasuulluni. Sofie Petersen nunarsuaq tamakkerlugu ilagiit suleqatigiinnerannut peqataavoq, ilaatigullu Ilagiit Nunarsuaq tamakkerlugu Siunnersuisoqatigiiffiannut ilaasortaalluni. Sofie Petersen Ilisimatusarfimmi sammineqartartut pingaarutillit i- laannik ilisimasaqarluarnermigut Ilisimatusarfiup siunertaanik siuarsaaqataassaaq, biskoppillu siulersuisunut ilaasortaaneratigut Ilisimatusarfiup Kalaallit Nunaanni avataanilu ataqqineqarnera siuarsarneqassalluni. 6) Tove Søvndahl Pedersen, aallartitaqarfiup pisortaa Godsparken 45 2670 Greve E-mail: tsp@ghsdk.dk Tove 1959-imi Qaqortumi inunngorpoq, 1990-imi Odense Universitetimit inuiaqatigiilerinermi cand.mag.-itut ilinniagaqartuuvoq (fagi pingaarneq) tuluillu oqaasii saniatigut fageralugit. Københavnimi Kalaallit Nunaata aallartitaqarfiani pisortatut atorfinippoq september 2007-imi. Kalaallit Nunaannit nunanillu allanit inuutissarsitinik misilittagaqarluarnera pissutigalugu Tove Ilisimatusarfimmi siulersuisuni ilaasortaanissamut piukkunnarluartutut nalilerparput. Tove-p misilittagai naatsumik ima eqikkarneqarsinnaapput: Namminersornerusuni siunnersorti aamma allaffimmi pisortaq, ilaatigut suliaralugit Kalaallit Nunaata nunanut allanut Naalagaaffinnullu Peqatigiinnut, ILO-mut EU-mullu attaviinik inerisaaneq akisussaanerlu. Issittumi Siunnersuisartoqatigiit ataanni Indigenous Peoples Secretariat-imi allattuuneq, issittumi avatangiisit pillugit iliuusissat suliarineranni amma Issittumi Siunnersuisoqatigiinni nunap inoqqaavisa peqataanissaannik aqqutissiuineq. 3
Aallartitaqarfimmi siunnersortaanertut sulineq, Piujuartitsilluni ineriartorneq, Inuttut piginnaatitaaffiit, Nunat inoqqaavisa piginnaatitaaffii ineriartornerallu pillugit Nunat Avannarliit ministeriisa siunnersuisoqatigiiffiannut, Issittumi Siunnersuisoqatigiimmut Naalagaaffinnullu Peqatigiinnut naleqqiullugu suliassanut akisussaalluni. EU-kommissionip EuropeAid Cooperation Office-anut aallartitaaneq. EU kommissionip EU-p inerisaanermut tapiliuttagaanik pisortaqarfimmut/suleqatigiinnermi allaffianut aallartitaaneq. Demokratiip eqqunniarneranut Inuillu Piginnaatitaaffii pillugit immikkoortortaqarfiup suliassarivai nunat inoqqaavisa piginnaatiaaffiinik illersuiniarluni siuarsaaniarlunilu tapiissutinik aqutsineq kiisalu EU-p nunat inoqqaavi pillugit politikkiani EU-p inerisaanermut tapiissutigisartagaanik nukittorsaanissaq. EuropeAid-ip aaqqissuuteqqinnerani: Naalakkersuilluarnermut, demokatiip eqqunniarneranut, inuit piginnaatitaaffiinut naligiissitaanermullu immikkoortortaqarfik. EU-p angalaartitaasa pingaartumik A- siamut Manerassuarmullu - taperserneqarnissaannik pitsaasuunissaanillu qularnaarinermut akisusaasoq aamma EU-kommissionip Bruxelles-imi allaffeqarfissuani suleqatit tungaannut nunat inoqqaavinik tapersiilluni suliniutinut, inuinnartut inuiaqatigiinnut, inuttut piginnaatitaaffinnut, assigiinngisitsinnginnissamut inatsitigullu qularnaatsuunissamut tungatillugu apeqqutini akisussaasoq. EuropeAid-mit aallartitatut EU-kommissionip suleqatigiissitaliaani peqataaneq - nunat inoqqaavinut, Roma-nut, innarluutillit naligiissitaanissaannut aamma 2007-imi kikkut tamarmik naligiissitaanissaat pillugu EU-p ukiorittaanik piareersaanermut tunngatillugu. 7) Lise Togeby, professor, dr.scient.pol. Inunngorpoq 1942-mi. Lise Togeby Institut for Statskundskab, Aarhus Universitetimi 1966-imiit sulivoq, 1995-imiit professoritut. Lise Togeby politologiip iluani ilisimatusarnermi ilisimaneqarluartuuvoq. Tamanna ersiuteqarluarpoq Danmarkimi pissaaneq qulaajaaffigalugu suliami Magtudredningen -imi 1994- imiit 2004-mut ingerlanneqartumi ilanngussaasigut arlalitsigut, tassani ilaatigut Kalaallit Danmarkimiittut allaaserigamigit. Lise Togeby-p Peter Munk Christiansen aapparalugu Magtudredningen pisortaaffigaa. Piginnaaneqarfigisassatut Naalakkersuisut siulersuisuni matussuserneqartussatut kissaatigisaanni arfiniliusuni Lise Togeby-p makkua piginnaaneqarfigai: 1) universitetit silarsuaanneerpoq, 2) pisortatut misilittagaqarpoq (Institut for Statskundskab, Aarhus universitet pisortaaffiginikuuaa), naak suliffeqarfinnik aqutsineq immikkut tikkuarneqaraluartoq, 3) Nunani Avannarlerni ileqquusunik sorlaqarfeqarpoq Kalaallit Nunaanni apeqqutit pingaarutillit ilisimasaqarfigalugit, 4) attaveqaatini aqqutigalugit sunniisinnaassuseqarpoq aamma 6) Ilisimatusarfiup siunissami ineriartornissaa pillugu kaammattuisinnaavoq. 8) Henrik Leth, direktør, cand.polit. Kalaallit Nunaanni ilisimaneqarluartoq. Namminersornerusuni sulinikuuvoq, Royal Greenlandimi pisortaanikuulluni, ukiorpassuarni pisortaaneq Keld Askær suleqatigalugu suliffissuarmi pisortaaqatigalugu, maannalu Grønlands Arbejdsgiverforeningimi pisortaalluni. Henrik Leth aningaasaqarnermut tunngasutigut qaffasissumik suliamik ilisimaqartuuvoq suliffinnik pilersaarusiorluakkamik aqutsineq ilisarnaatigalugu. Ingerlatsinermik kandidatinngornianut ataasiarani saqqummiisarnikuuvoq, attaveqaqatigiinnermik oqalugiartarnermillu misilittagaqarluartuuvoq. Piginnaaneqarfigisassatut Naalakkersuisut siulersuisuni matussuserneqartussatut kissaatigisaanni arfiniliusuni Henrik Leth-ip makkua piginnaaneqarfigai: 1) i- nuutissarsiornermik ingerlatsisuneerpoq Kalaallit Nunaannilu najugaqartuulluni, 2) suliffinnik aqutsinermik misilittagaqarpoq pilersaarusiorneq aningaasaqarnerlu misilittagaqarfigalugit, 4) Kalaallit Nunaanni attaveqaateqarluarpoq, 5) ilisimatusarfiup avataani suliamik ilisimasaqassuseq pigivaa aamma 6) Inuiaqatigiit kalaallit Ilisimatusarfimmiit bachelorinngortartunit kandidatinngortartunillu atorfinitsitsisuusartutut kissaataat nalunngilluarpai. 4
9) Søren Rysgård, professor, ph.d. Center for Marinøkologi og Klimaeffekter Pinngortitaleriffik / Grønlands Naturinstitut Nuuk Søren Rysgaardip toqqagassanngortinneqarnissani akueraa. Uanga Søren Rysgaard inassutigivara, ilinniarluarsimasuulluni Kalaallit Nunaanni ilisimatusarfimmik ingerlatsivimmi aalajangersimasumik atorfeqarmat aamma saqqummersitsisarnera annertoqimmat, nunarsuaq tamakkerlugu ilisimatuutut attaveqaateqarpoq, silap pissuaata allanngoriartorneri pillugit ilisimatusarnermut annertuumik akuummat, Kalaallit Nunaanni silap pissusaanik ilisimatusarfissamik suliamut akuummat, ilisimatuutut attaveqaasiornermik misilittagaqartuummat, masterinngorniarneq Ph.D.-nngornianillu ilitsersuinermik misilittagaqarmat il.il., suliat akimorlugit ilisimatusarnernik aallartisaanissanik soqutiginnittuummat, angusaqarnissamut sammisuummat, suliassat tikillugit ilisimatusarnermigut tigussaasumik suliaqartarmat, ilisimatusarnikkut immikkut suliffeqarfimmi sulianik misilittagaqarluartuummat, Kalaallit Nunaannilu suliassat tikillugit annertuumik ilisimatusarnikuummat. Maani aallaavilimmik, nunarsuaq tamakkerlugu tusaamasaalluartumik, pinngortitalerinikkut ilisimatusartumik siulersuisuniittoqarnissaa pingaartuuvoq, ilimagisariaqarporlu Ilisimatusarfik Pinngortitaleriffillu ukiuni aggersuni allatut ajornartumik suleqatigiittariaqalissasut, sanileriinnertik ilismatusarnikkullu/ilinniartitsinikkut suleqatigiinnissamut soqutiginaatilimmik periarfissaqarnertik pissutigalugit. 10) Jens Rasmussen, professor, ph.d. Danmarks Pædagogiske Universitet. Director of Research Programme for Comparative Education Policy Department of Educational Sociology School of Education, University of Aarhus Tuborgvej 164, D343 2400 Copenhagen NV E-mailadresse er jera dpu.dk Tlf. +45 88 88 94 12 +45 40 41 46 43 Ukiuni arlalinni Jens Rasmussen attaveqarfigilluartarput, ilinniartitaanermullu tunngasutigut misilittagai atorluartarlugit, ilinniartitsisutut ilinniarnermut atorfinissutaasinnaasumik bacheloritut ilinniarnermut nuukkiartuaarnerani. Nunarsuaq tamakkerlugu attaveqarluarnera suliassanillu ungavaamisutut ililluni i- siginneriaaseqallaqqinnera ataqqilluinnarpagut. 11) Henning Salling Olesen, professor, prorektor Roskilde Universitet Tlf. +45 46 74 26 72, cell +45 28870035 P.O. Box 260, DK-4000 Roskilde Prorektoritut 1. januar 2007 atuutilerpoq. Henning Salling Olesen RUC-imi Institut for Psykologi og Uddannelsesforskning-imi ilinniaatsinut ilisimatusarfimmi professoriuvoq. Danskit oqaasiini atuakkialerinermillu ilisimatusarnermi København-ip Universitetianit 1973-imi cand. Mag.-inngorpoq, tamatumalu kinguninngua RUC-imut universitetip aallartinneqatsiarnerata kingorna nuulluni. 1978-imit 1981-imut prorektoriuvoq, 1995-imilu professorinngortinneqarluni. Professoritut atuunnermi ilisimatusarnermillu ingerlatsisuni pisortatut atuunnermi saniatigut Henning Salling Olesen arlalinnik tatigisaalluni atuuffeqarpoq. 1998-imili European Society for research on the Education of Adults (ESREA)-mi siulittaasuuvoq, Dubrovnik-imi Inter University Centre-mi siulersuisunut ilaasortaalluni aammalu europami kinamilu universitet-it attaviinik qanimut suleqateqarluni. 5
Kalaallit Nunaannut tunngatillugu Ilinniartitaanermik nakkutilliisoqarfimmi inuussutissarsiutitigut ilinniartitaanernut siunnersortaasimavoq (attaveqaat: Eyvind Christoffersen), Royal Greenland-ip sulisuminut ilinniartitsinerani siunnersortaalluni (attaveqaat: Ole Ramlau Hansen). Henning Salling Olesen-ip ilisimatusarnermi ilinniaatsinut ilisimatusarneq aammalu inuuneq tamaat ilikkagaqartarnermik, minnerunngitsumik sulisartutut inuunermut tunngatillugu soqutigisaqartuuvoq. Inuunerup oqaluttuarineqarnerani ilisimatusarnermi eqqarsariaatsinut misilittakkanillu annerusumik sammisaqarsimavoq. Henning Salling Olesen ullumikkut Danmarkimi ilinniaatsinut ilisimatusarnermi siuttunut ilaavoq, ilisimatusaqatigiinnillu isertitaqarnermik tunngaveqarluni ingerlatsisunik nunarsuup sinnerani ataqqisaasunik katersuisimalluni. Forskerskolen i livslang læring -ip, ullumikkut pisortaaffigisami, sanarfineqarnera i- sumagisarisimavaa, taanna humanistisk-samfundsvidenskabelige ilisimatusarnermik atuarfinni Danmarkimi annersanut ilaavoq. 12) Peter Bjerregaard, forskningsprofessor, nakorsaq, dr.med. E-mail: pb@si-folkesundhed.dk Statens Institut for Folkesundhed Syddansk Universitet Øster Farimagsgade 5A, 2. sal 1399 København K, telefon 39 20 77 77 Piitap ukiut arlallit ingerlaneranni Statens Institut for Folkesundhed-imi sulinermini, peqqinnissaqarfimmillu suleqateqarnermini Kalaallit Nunaanni peqqinneq pillugu ilisimatsuarnermik ingerlataq sanarfillugu, pisortaaffigalugulu suleqataaffigisimavaa. Ilisimatusarneq nunatsinni peqqissutimut tunngatillugu tuniluuttunik misissueqqissaarnermik nassuiaanermillu aallaaveqarpoq, suliniutinillu arlaqartunik ukuninnga imaqarluni: 1) Nunatsinni inuit peqqissusaat pillugu nalunaarusiaq. Atugaq Namminersornerullutik Oqartussat inuit peqqissusaat pillugu suliniuteqarneranni aallaviussaaq, inuillu peqqissusaat pillugu oqallinnermi aallaaviussalluni. Kalaallit Nunaanni peqqissutsip qanoq innera. 3) Kalaallit Meerartaat. 4) Inuit Health in Transition. Mm Piitap ilisimatusarnerminik paasisitsisarnera inuiaqatigiinni naalakkersuinikkullu annertuumik soqutigineqartarpoq, suliniutimmi inuiaqatigiinni allanngornerit sunniutaannik misissuinernik siunertaqarmata, tassunga ilanngullugit pingaarnertut nerisanut, timip aalatinneranut inooqatigiinnermullu tunngasut; Inuit akornanni uummatikkut sukkornermillu nappaatinut tunngasut. Ilisimatusarnerisa inerneri Inuit peqqissusaat pillugu suliniutit siunertalersorneqarnerannut peqqinnissamullu tunngatillugu naalakkersuinikkut nalinginnaasumik siunertaliinerni ilaalluarsimapput. Ilisimatusarninni patsisigalugu inuiaqatigiinnut ilisimasai annertupput, piffissanimi sivisuuni illoqarfinnut nunaqarfinnullu angalasarlunilu taakkunani najugaqartarsimagami. Piitap suliatigut naammassisai kandidatinngorsinnaanermut naapertuupput, tassami issittormiuni ataqqineqartuuvoq, soorluttaaq nunarsuarmioqatigiinni ilisimatusarnermut kiisalu attaveqaateqarnermut tunngatillugu aammalu avatangiisinut tunngatillugu ilisimatusarnera kandidatitut/ph.d.-tut naleqqersuuttuusoq. 1996-imiilli International Journal of Circumpolar Health-imi ilisimatusarnermut tunngasuni nappaatinut tuniluuttunut akisussaasutut aaqqissuisuuvoq. Namminersornerullutik Oqartussat ilisimatusarnermut katersiviannut INUSSUK-mut aaqqissueqataasuulluni. Grønlandsmedicinsk selskab-imi siulersuisunut ilaasortaavoq (1991-imit 2003-mut siulittaasuusimalluni), siusinnerusukkullu Council for International Union for Circumpolar Health-imi ilaasortaasimalluni (1996-imit 2000-imut allattaavoq, 2000-imillu 2003-mut præsident-iulluni). Arctic Monitoring and Assessment Programme-mi Namminersornerullutik Oqartussanut sinniisaavoq. Atorfeqarneri: Professor i Arktisk Sundhed, Statens Institut for Folkesundhed, 1996-imit Seniorforsker, Statens Institut for Folkesundhed, 1989-1995 Dr.med. (Disease pattern in Greenland) 1991 6
Seniorrådgiver, Ministry of Health, Kenya, 1985-1989 Speciallæge i samfundsmedicin 1986 Chefdistriktslæge, Upernavik, 1978-1980 Lægevidenskabelig embedseksamen, 1972 13) Lis Wagner, professor, sygeplejerske Enheden for Sygeplejeforskning Klinisk institut, Det sundhedsvidenskabelige Fakultet Syddansk Universitet J. B. Winsløwsvej 9B. DK 5000 Odense Peqqissaasunngorniat Ilinniarfianniit tikkuarusupparput Lis Wagner, Ilisimartusarfiup aamma Syddansk Universitetip ataqatigiinnerat nukittorsarumallugu. Ataqatigiinneq taanna peqqissaanermut/peqqissutsimik ilisimatusarnermut tunngasutigut pingaartuuvoq, aammali Ilisimatusarfimmut ataatsimut isigalugu pingaaruteqarsinnaalluni. Lis Wagner peqqissutsimik ilisimatusarnerup iluani ilisimatuujuvoq ataqqineqarluinnartoq, Nunani A- vannarlerni nunarsuarlu tamaat, taamaammallu WHO-mut siunnersuisartuuvoq, nunarsuarmillu tamarmit akuerisaalluni nersugaasarluni. Sulinermigut Danmarkimi peqqissaanerup ilinniagartuutut naleqalernissaa anguaa, ilisimatusarneranut katsorsaalluni peqqissaaneq aallaaviuvoq. Tamannalu uagut Kalaallit Nunaanni peqqissaanermut tunngasutigut kissaatigisatsinnut naleqqulluinnarpoq, tassami katsorsaalluni peqqissaanerup Kalaallit Nunaanni katsorsaanerup/peqqinnissaqarfiup ilisimatusarnermik aallaaveqarluni i- nerisarnissaa kissaatigaarput. Lis Wagnerip aammattaaq soqutigisarivai inuiaat peqqissuunerat, tamannalu aamma Kalaallit Nunaanni pingaartinneqarpoq. 14) Anne Knudsen, antroplog, dr.phil. 1948-mi inunngorpoq, 1998-imiit Weekendavisenimi aaqqissuisuunerullunilu pisortaavoq. Tamatuma siornagut Københavns Universitetimi, Carlsbergfondet-imi Odense Universitetimilu (Syddansk Universitet) ilisimatuutut ilinniartitsinermilu ikiortitut sulisarnikuuvoq, taamatullu Politikenimi allaaserisanut aaqqissuisuunikuuvoq DR2-milu aallakaatitassiortuulluni. Anne Knudsen ukiut ingerlanerini siulersuisuni arlalinni peqataasarpoq maannakkorpiarlu Aalborg Universitetip siulersuisuinut ilaasortaalluni (2004- miit). Ilisimatuutut annertuunik atuakkiaqarpoq, soorlu Ph.D.-inngorniutaa En Ø i Historien (1989). Korsikami sulineq, ilaqutariit, inuiaqatigiit, kulturi politikkilu pillugit nutaamik saqqummiiffiusumik suliaasoq, aammattaaq ukiorpassuarni censoriusartutut misilittagaqarpoq. Insitutimiit isumaqarpugut Anne Knudsen ukiorpassuarni Danmarkimi ersarissumik ataqqisaallunilu saqqumisartoq Ilisimatusarfimmi siulersuisuni avataaneersutut piukkunnarluinnartoq. Eqqarsaatitsinnut ilaavortaaq Anne Knudsenip Kalaallit Nunaanni peroriartorsimanera nunamillu ilisimasaqarluarnera. Najugaa: Sankt Markus Plads 12, 3.th, 1921 Frederiksberg C, Danmark e-mail: akn@weekendavisen.dk 15) Francois Trudel, antropolog, ph.d. Inunngorpoq 1945-mi, 2007-imilu Université Laval, Québec-imi antropoligiimik adjungeret professoritut (professeur retraité associé) atorfeqalerni, ukiorpassuarni universitetimi tassani nalinginnaasumik professorioreerluni, ukiorpassuarni canadami ilisimatusarnerup silarsuaani qitiusumik inissisimavoq, ilisimatusarnermi suliniutit annertuut pisortaaffigisarnerisigut, universitetip iluaniit avataaniillu aningaasalersorneqarluni. Immikkut taaneqarsinnaavoq 2000-2006-imi GÉTIC -imut(groupe d études Inuit et circumpo- 7
laires) pisortaammat. Ullumi Francois Trudel Canadami ilisimatusarnikkut siunnersuisoqatigiinni Polar Commission-imi vicepræsidentiuvoq. Trudel franskisut tuluttullu ilisimatuutut atuakkiarpassuaqarpoq. Tuluttut allataasa ilaattut taaneqarsinnaavoq Apostle to the Inuit: The Journals and Ethnographic Notes of Edmund James Peck The Baffin Years 1894-1905, 2005-imi saqqummersitaa Frédéric Laugrand aamma Jarich Oosten suleqatigalugit. Institutimiit isumaqarpugut Francois Trudel Canadami institutimi ilisimatusarnerup iluani inuit ataqqineqarnerpaat sunniuteqarnerpaallu ilaattut Ilisimatusarfiup siulersuisuinut avataaniit ilaasortatut annertuumik pingaaruteqassasoq. Eqqarsaatersuutitsinnut ilaavortaaq Francois Trudel-ip ilisimatusarnermini Kalaallit nunaat soqutigisarimmagu, arlaleriarlunilu nunatsinniittarnikuummat, soorlu 1998-imi (Inuit Studies Conference), 2000-mi (Millenium-konference) aamma 2002-mi (IPSSASseminar). Nunani avannarlernissaaq ilisimatusarnikkut ilisimaneqarluarpoq, ilaatigut 1997-98 sivisunerusumik Arctic Research Center, Lapplands Universitet, Rovaniemi-mi aamma Københavns Universitets Institut for Eskimologi-mi ilisimatusarnikuugami. Najugaa: Université Laval, Département d anthropologie, Pavillon Charles-De Konick, Québec (QC) G1K 7P4, Canada. E-mail: Francois.Trudel@ulaval.ca 16) Karla Jessen Williamson, ph.d. 1451 du Gouverneur Drive, Cumberland, Ottawa, Ontario K4C 1E2, Canada Karla Jessen Williamson Maniitsormiuuvoq, Canadami allanilu universitetimi ilinniarsimanini, ilisimatusarnini allatigullu pingaarutilinnik misilittagaqarnini aqqutigalugit, Ilisimatusarfiup siulersuisuini atituumik ilisimasat suliamullu tunniusimassuseq tunniussinnaavat, tamatsinnut iluaqutaasussamik. 17) Jan Brødslev Olsen, lektor, ph.d. Institut for Sociologi, Socialt Arbejde og Organisation Aalborg universitet Kroghsstræde 7 9220 Aalborg jbo@socsci.aau.dk tlf. + 45 99 40 81 15 fax. + 45 98 15 75 75 Ilisimatusarfii: Psykologii, Perorsaaneq Ilikkariartortarnerlu, Sociologii aamma inooqatigiinnermi pissutsit. Jan atorfinissutaasinnaasumik bacheloritut ilinniartitaanerit pillugit annertuumik ilisimasaqarpoq, taamaalillunilu namminneq misilittakkatik pillugit Ilisimatusarfimmut ingerlatitseqqissinnaalluni. 18) Hanne Petersen, professor, dr.jur. Københavns Universitet Det Juridiske Fakultet Studiestræde 6 1455 København K Hanne.Petersen@jur.ku.dk tlf. + 45 35 32 31 32 fax. + 45 35 32 32 01 Piginnaasaqarfii: Inatsisilerineq, eqqartuussinermi isummat tunngaviusut, inatsisilerinermi isumalioqqissaarneq, inatsisiliornikkut amerlalluinnassuseq, inatsisiliornermi kulturi, inatsisiliorneq nunarsuarmullu tamarmut saakkiartorneq, Kalaallit Nunaannit inatsisiliornermut inatsisiliornermilu kulturimut tunngasut, nunat inoqqaavi, arnat pillugit inatsisiliorneq, Europami suiaassuseq nuttarnerillu, inatsisiliorneq upperisarlu. 8
Hanne Kalaallit Nunaanni inatsisitigut pissutsit pillugit arlalinnik atuakkiaqarpoq, taamatullu Ilisimatusarfimmi 1995-imiit 1999-imut atorfeqarnikuulluni. Soorunami paasissutissanik amerlanernik eqqarsaatersuutinilluunniit itisilerinissamut piareersimavunga. Inussiarnersumik inuulluaqqusillunga, Aage Rydstrøm-Poulsen Rektori, dr.theol. Cc: Rektorip tullersortaa Dorthe Korneliussen; Ilisimatusarfiup pisortaa Estrid Janussen 9