NUNATTA ATUAGAATEQARFIA UKIUMOORTUMIK NALUNAARUT 2009

Transcription

1 NUNATTA ATUAGAATEQARFIA UKIUMOORTUMIK NALUNAARUT 2009 ANINGAASALIISSUTIT, ATORNIARNERIT ATUKKIUSSASSALLU Aningaasaliissutit: kr Atukkiussat: Atuagaatit allallu: SULISUT Hanne Kristoffersen ukiortaaq aallartilaartoq Peqqissaanermi Ilinniarfimmi atorfinippoq. Søren Christensen februaarimi DK-mut angerlarpoq Nicole Knøs februaarimi DK-mut angerlarpoq Kristine Sigurdssen Kommuneqarfik Sermersuumi atorfinippoq Groenlandicami pisortaq Charlotte D. Andersen ernisimanerup nalaani sulinngiffeqarpoq Oktobarimi Steen Jeppson atuagaatilerisutut atorfinippoq Atuagaatilerisoq Jette Møller Groenlandicami atorfinippoq Najaaraq F. Berthelsen allaffimmiutut atorfinippoq Aatsaat siullermik misigisimavarput atuagaatilerisunik sulisussaaleqineq taamaattumillu inuit tallimat vikarerisariaqarsimavagut. NUNATTA ATUAGAATEQARFIATA ILLUTAA Erngup aqqutaanik ajutoorneq. Nunatta Atuagaateqarfia sapaatip akunnerata missaani matoqqasariaqarsimavoq erngup aqqutaanik taarsersuisoqarnera pissutigalugu. Erngup aqqutai 1976-mili taarserneqarsimanngitsut qaariaannannguleraluarsimapput qujanartumillu innarliinngillat. Nunatta Toqqorsivia Nunatta Atuagaateqarfiata illutaata ilaaniippoq, taamaattumik qujasariaqarpugut nunatsinni eriagisarialippassuit pingaarutilerujussuit ajoquserneqanngitsut erngup aqqutai taarsersorneqarmata. Groenlandicap Ilimmarfimmut nuunnerata kingorna immikkoortortaqarfiullu Danmarkimiinnikup Kraemer-Husip matunerata kingorna ininik allanngortiterisariaqarsimavugut natilersorlugillu qalipatsillugit. Groenlandica suli ikuallannissamut illersukkanik sannalinnik Nunatta Atuagaateqarfiani iniuteqarpoq, tamannalu illersorneqarpoq IFLA-mit (Nunarsuarmi atuagaateqarfiit kattuffissuat) tassami eriagisassat innersuutigineqarmata inissisimaffinni marlunni inissinneqassasut illorsuup aappaa ikuallakkaluarpat imaluunniit ajunaarnersuarmik nalaanneqaraluarpat toqqortarineqartut amiakkoqarniassammata. 1

2 ATUAKKAT Atuakkiorfik matummat Nunatta Atuagaateqarfia atuagarpassuarnik kilomut pisinikuuvoq atuakkanik atorniartarfinnut naleqquttumik qalilersortillugit iluanaarutaanngitsumik tuniniagassanik. Atuakkanik atorniartarfinnut naleqquttunik qalilersortippavut Odense Bogbienderimi. Nuummi atuarfiit atuakkanik pisissutissaarpavut paasigatsigu inatsimmik tunngavissaqarata kiisalu atuarfiit allat sinerissami akeqanngitsumik tunineqarneq ajormata. Atuagaatilerisut kalaallit Laannguaq Lynge, Vivi Motzfeldt, Erika Nielsen Baadh, Kirsten Heilmann aamma Elisa Jeremiassen oqaatsinik kalaallisuunik nalunaarsuinermi ujarliutitut atugassanik toqqartuipput. Oqaatsit toqqartorneqartut ilaartorneqarsinnaasullu Oqaasiliorfimmit akuerineqartut 2008-mi naammassineqarput. ATUAKKAT TUSARNAAGASSIANNGORLUGIT IMMIUSSAT Atuakkat kalaallisuut marluk misilutitut cd-inut kassettebåndimiit nuunneqarnikuussut tassaapput: Jens Peter Olsen: Tupermi misigisapiluk. Aamma Otto Rosing: Gulunnguaq. Leif Immanuelsenip spolebåndit digitaliseringereermagit NunaFondip tapiissuteqarnerata kingorna taava Melos Studiep cd-inngorlugit atuagassatullu qalilersorlugit sanasimavai. Piginnittussaanermut apeqqutit inisseriarpata atorniartartut cd-inik atorsinnaalissapput. Pilersuiffik ukioq 2008 naammat kassettebåndinik kopeerisarneq unitsippaa. Spolebåndillu tamaasa Nunatta Atuagaateqarfianut tunniullugit. SAMMISASSAQARTITSISARNERIT Januar: Unnuk Kulturisiorfik ukiut quligiluassaat nunatsinni ingerlanneqarpoq arfininngorneq 24. januar Peqataasut: 1. Nunatta Atuagaateqarfia / Det Grønlandske Landsbibliotek 2. Saviminilerinermik Ilinniarfik / Jern og Metalskolen 3. Pinngortitaleriffik / Naturinstituttet 4. Foreningen Grønlandske Børn (Pinngortitaleriffimmi/Naturinstituttet ) 5. Peqqissaanermik Ilinniarfik / Center for Sundhedsuddannelser 6. Nuuk International Friskole 7. Peqqinnissaqarfik / Grønlands Sundhedsvæsen, DIH 2

3 8. Ilimmarfik 9. Ilisimatusarfik (Ilimmarfik) 10. Groenlandica (Ilimmarfik) 11. Tele Post 12. Kalaallit Nunaata Radioa, KNR 13. Inatsisartut Allattoqarfiat / Landstingets Bureau 14. Kigutileriffik / Tandklinikken 15. Nipilersornermik Ilinniarfik / Musikskolen 16. Palaseqarfik / Nuuk Præstegæld 17. Politiit / Politiet 18. Politskolen 19. Politikutteren Sisak 20. NAPA (Katuami) 21. Sermitsiaq 22. Ilinniarfissuaq / Seminariet 23. Greenland Development 24. Air Greenland 25. Katersortarfik 26. Assavut / Husflidsforening (Katersortarfimmi/Forsamlingshuset) 27. PAARISA / Center for folkesundhed 28. MIPI / Videncenter om børn og unge 29. Naligiisitaanissamut siunnersuisooqatigiit / Ligestillingsrådet 30. Neqilianik nakkutilliisoqarfik / Veterinærafdelingen 31. Katuaq / Kulturhuset Katuaq 32. Byriel Noach ApS (Katuami) 33. Kvindegruppen 8. marts (Katuami) 34. Sannigasoq Tungujortoq (Katuami) 35. Bahái trosamfund (Katuaq) 36. Timersoqatigiit Qeersaat 37. Alcoa Kalaallit Nunaat 38. il.il. Illoqarfiit nunaqarfiillu peqataasimasut tutsiuttut makkuupput: Ikerasak, Ukkusissat, Qaarsut, Qeqertarsuaq, Ilulissat, Aasiaat, Maniitsoq, Sisimiut, Qaqortoq, Narsaq aamma Nuuk. Pisussat allattorsimaffii takuneqarsinnaasimapput uani Unnuk Kulturisiortitsisalernikuuvoq pilerisaarisuullunilu Nunatta Atuagaateqarfia aaqqissuussisarnerlu suliffeqarfinnit pisortat suliffeqarfiutaannit peqatigiiffinnillu ilassilluarneqarsimaqaaq. Nunatta Atuagaateqarfiata ussassaarineq ilassarsiorneq pisussat allattorsimaffianik katersuineq kiisalu nittartagaliorneq isumagisarsimavaat. 24. januar 2009 Unnuk Kulturisiorfimi pisussat: 3

4 Nunatta Atuagaateqarfia ammassaaq nal Kaffi/tii aamma safti akeqanngitsut lagkagit pølsehornillu pisiarineqarsinnaapput. Piumasut wormsimik unammisinnaapput. Inersimasut atuagaateqarfiannut tikilluaritsi Nal aamma Jørgen Kleemann supputaasartoq Nal Decoupage qanoq sananeqartartut takusakkit. Nal Dida G. Heilmann erinarsortoq Nal Atuakkiortoq Kim Leine naapinneqarsinnaavoq Nal Qilaatersortartoq avanersuarmiit tikeraaq Navarana Sørensen aamma tunumiit tikeraaq Anna Kuitse Sapaat 25. januar 2009 nal Atuakkiortoq Kim Leine atuakkiani Kalak aamma Valdemarsdag aallaavigalugit oqalugiassaaq. Billitsit akeqanngitsut Nunatta Atuagaateqarfianut aaneqarsinnaapput ataasinngorneq januaarip 19- ianiit nal. 10. Unnuk Kulturisiorfimmi meeqqat atuagaateqarfiannut tikilluaritsi Nal Manga-mik titartaaneq Manga-nik titartaallammassuaq nangeqattaartunillu Taynikmanik atuakkiortoq Jan Kjær naapissiuk. Kikkulluunniit peqataasinnaapput. Nal aamma Angakkuartartoq Jesper Grønkjær angakkuaqattaassaaq. Jesper-ip angakkuaatai nunarsuarmit tamanit pissarsiaapput, silanngajaarpasissut, quianartut oqaluttuat eqqumiitsorujussuit allarpassuillu. Takutitassat quiasaarutaanerupput taamaattumillu meeqqanut inersimasunullu tamanut naleqqullutik. Nal Unnuk taanna Guitar Hero-ngorit Guitar Hero-mi mesterinngorusuppit? Guitar Hero-mi piginnaasatit takutikkit ikinngutillu imaluunniit atuagaatilerisoq unammillugit. 4

5 Sapaat 25. januar nal Manga-lereqatigiinneq Annertusisamik Manga-lerineq atuakkiortoq titartaasartorlu Jan Kjær peqatigalugu. Manga-mik nuannarisalinnut tamanut 10-niit qummut ukiulinnut, soqutiginnittunut manga-millu titartaanerup periusiinik ilikkarumasunut. Peqataaniaraanni nalunaarnissaq pisariaqarpoq. Akornatigut suliassiissuteqalaartassaaq. Inissat killeqarput taamaallaat amerlanerpaamik 25 peqataasinnaapput. Nalunaapallagit. Peqataaneq akeqanngilaq. Groenlandica immikkut ittumik akuerineqarsimavoq Inuk Silis Høeghip filmiliaa Eskimo Weekend 2002 takutissallugu naak tamanut ammasumik takuteqqusaanngikkaluartoq. Filmi 25 minutsit miss. takissuseqarpoq piffissanilu ukunani takutinneqassalluni: Nal , nal aamma nal Groenlandica plakatinik toqqukkanik aamma saqqummersitsissaaq. Februar: Assassortitsineq Marts: Emil Rosing oqalugiartinneqarpoq Nukappiaqqat unnusiuaartinneqarput Atuakkanik tuniniaaneq April: Niviarsiaqqat unnussiuaartinneqarput Nunarsuarmi Atuakkat Ulluanni sisamanngorneq 23. april pisussat Ammasarfiup nalaani nal kaffeqarlunilu teeqassaaq. Nal Dida G. Heilmannip meeqqat erinarsortissavai. Nal Inersimasunut qallunaatut atuakkiortoq Peter Øvig Knudsen oqalugiassaaq Blekingegadebanden pillugu. Nunatta Atuagaateqarfianut akiitsoqaruit imaluunniit utertitassaqaruit akiligassartalimmik ulluni april akiliinak isumakkeerfigineqarlutit atuakkanik utertitsisinnaavutit. September: Assat ipaannik atuaasartoq TAHOMA oqalugiartinneqarpoq 5

6 Naturvidenskabsfestival Oktober: Nukappiaqqat unnussiuaartinneqarput Oqaluttuaqataarutsitsineq Nunatta Atuagaateqarfiani tukkutitsineq November: Niviarsiaqqat unnussiuaartinneqarput Taarsiarsaartalernerani oqaluttuuteqattaatsitsineq December: Juullerpaluttunik qiortaatitsineq Pikkorissarnerit isumasioqatigiinnerillu Sinerissami atuakkanik atorniartarfiit atuagaatilerisui Nunatta Atuagaateqarfiani pikkorissartinneqarput ulluni Peqataatitaqartut ukunanngaaneersuupput: Uummannaq, Aasiaat, Maniitsoq, Sisimiut, Ivittuut aamma Qaqortoq. Katillutik inuit 10-it pikkorissarput. Pikkorissarnermi tikinneqartut makkuupput: Bibliotekssystemi, Netpunkt, Internettip periarfissai, 23 ting, atuakkat kalaallisuut, atuakkat peqqumaatit tuniniagassat Nunatta Atuagaateqarfianut nuutinneqarnikut, Aviisitoqqat, atuakkanik atorniartarfiit isersimaartarfittut, Atuagaateqarfimmiittuusitsisarneq, akiliisitsisarneq, taarsiisitsisarneq, atuakkat båndinut immiunneqarsimasut, atuagaanngitsunik qarasaasiaq aqqutigalugu pisisarneq, Nunatta Atuagaateqarfiata nittartagaa, kommunet kattussuunnerat il.il. Pilersuiffik Inerisaavik aamma pulaarneqarpoq atuakkat, suleriaaseq aamma Bibliomatik oqaluuserineqarlutik. Ilimmarfik takornariarneqarpoq Ilimmarfiup atuagaateqarfia (Groenlandicap Ilisimatusarfiullu atuagaateqarfiat) aamma Toqqorsivik. AI kursus (Appreciative Inquiry i organisationsudviklingen)pikkorissarnerup imaa naatsumik oqaatigineqarsinnaavoq ima: suliffeqarfiup iluani torrallatat qanoq ilioratta torrallappagut, ajornartorsiutit iluatsippianngitsuukkallu kisiisa annertuutigiliuutigiinnarsinnaannginnerinut illuatugiliullugu naleqartitanik siunissamullu takorluukkanik eqqartuineq. Ullut marluk ullup affaa pikkorissarneq ingerlanneqarpoq sulisullu tamarmik peqataatinneqarlutik. Pikkorissarneq pissarsinarpoq taamaalillutalu aamma Nunatta Atuagaateqarfiani naleqartitagut allattorpagut. Andrea Mathæussen sulisut sinniisaattut SIK-p Kangerlussuarmi pikkorissartitsineranut peqataavoq. 6

7 Elisa Jeremiassen aamma Charlotte D. Andersen oqalugiartoqarmat Ilimmarfimmi peqataapput, oqalugiartuuvoq Henrik Andersen Hildebrandt & Brandi A/S. Oqalugiutigivaalu suliffeqarfimmi avatagiisit inueqatigiillu allanngoriartornerat ilaarlugu suliffiup allanngoriartortarnerata nassatarisinnaasartagai. NITTARTAGAQ Sinerissami atuakkanik atorniartarfiit Nunatta Atuagaateqarfiata nittartagaatigut atuakkanik kalaallisuunik atorniagassatut qalilersortinnikunik inniminniisinnaalerput isissutissaliinnarlutik. Nunatta Atuagaateqarfiata Danmarkimi immikkoortortaqarfiata mi matunerata kingorna Nunatta Atuagaateqarfiata suliassat tigunikuugamigit atuakkanillu kalaallisuunik atorniagassatut qalilersortinneqarnikuusunik tuniniaaneq. OQAATSIT PILLUGIT POLITIKKI Sulisut sinniisaat Andrea Mathæussen SIK-mi pikkorissariareernikuulluni ataatsimiisitsivoq erseqqissarlugulu suliffeqarfimmi Oqaatsit pillugit politikkeqartariaqartugut sulisullu ataatsimeeqatigiilerpata oqaluuserisariaqaripput. Kiisalu kissaatigaa sulisut ataatsimiisinneqaraangata aamma kalaallisut ingerlanneqartassasoq. Kingorna sulisut ataatsimiinnerminni aalajangerpaat ataatsimiinnermi naalisakkat kalaallisuunngikkaangasa kalaallisut pisortamit paasissutissiisarneq nangeqqinneqassasoq. Nunatta Atuagaateqarfiani allagartalersuisarneq misissorneqarpoq kalaallisullu allangartalerneqarnikuunngitsut kalaallisut allangartalersorneqarnissaanik erseqqissaasoqarluni. Tassunga atatillugu ilanngunneqarpoq allagartalersuiniaraanni kalaallisut allatat pingaarnertut siulliutillugit allanneqartassasut. AVIISINI ALLAASERISAT Nunatta Atuagaateqarfiata pisortaa Elisa Jeremiassen Danmarks Biblioteksskolemilu pisortaanikoq soraarneq Ole Harbo Kalaallit Nunaanni atuagaateqarfeqarneq pillugu allaaserisaqarput tyskit atuagassiaanni BIBLIOTHEK Forshung und Praxis: Bibliotekheken in Grönland. Atuakkamik saqqummertoqarpoq: Library Spirit : in the Nordic and Baltic countries. Historical Perspective, tempere Hibolire, Nunatta Atuagaateqarfiata pisortaa tassunga atuakkamik ilanngussassamik allaaserisaqarnikuuvoq: Greenland Central and Public Library of Greenland, Nunatta Atuagaateqarfia pillugu. 7

8 MIPI Groenlandicami pisortaq Charlotte D. Andersen Sermitsiami apersorneqarpoq Groenlandicamut tunniussisussaatitaanermut tunngatillugu. Nunatta Atuagaateqarfiata/Groenlandicap MIPI-mi siulersuisuutitaqartarnerminut atatillugu Naaja Nathanielsen ilaasortassatut toqqarsimavaat, kingornalu Naaja siulittaasunngorpoq. TAMALAAT Sulisut ilaat immaqa tallimat Tour du Grønland -imut peqataapput allornernut kisitsimmit atortulerlutik, piffissarititaasoq naammassillugu peqataapput. Maji Peqqinnartuutiguk-mut atatillugu suleqatigiit misilillugu akunnerup affaa pisuttuaqatigiinnermik ingerlataqarput. Kapisillit Atuarfiat matummat atuakkanik pajussaarpagut. Nunatta Atuagaateqarfiata pisortaa haship illoqarfiup qeqqani tuniniagaanerata annertunerujussua pillugu Nuuk TV-kut apersorneqarpoq. Atorfinittussanik oqaloqateqarneq siullerpaamik skybekut webcam atorlugu ingerlanneqarpoq. Karl Elias Olsenip Nunatta Atuagaateqarfiani sulisut kalaallisut allannermut tunngasunik pikkorissarpai, soorlu killiffilioriaatsit pillugit. Kisitsisitigut takussutissaqartinngikkaluarlugu Nunatta Atuagaateqarfiani aatsaat ukiorpassuanngortuni misigivarput meeqqat inuusuttuaqqallu ajornartorsiortut Nunatta Atuagaateqarfiani takussaavallaarunnaarsimasut. Nunatta Atuagaateqarfiani maluginialersimavarput angerlarsimaffeqanngitsut isersimaartartorujussuanngorsimasut. 8