OFISI YA rais, TAWALA ZA MIKOA NA SERIKALI ZA MITAA (TAMISEMI),

Transcription

1 OFISI YA rais, TAWALA ZA MIKOA NA SERIKALI ZA MITAA (TAMISEMI), Shule Sekondari ya Songea Boys S. L. P 02, SONGEA. MKOA WA RUVUMA Anwani ya simu: MKUU WA SHULE SONGEA Simu nambari: na Unapojibu tafadhali taja: Kumb.Na:SBSS/M.8/. Kwa /06/2016, YAH: KUTEULIWA KUJIUNGA KIDATO CHA TANO SHULE YA SEKONDARI YA WAVULANA SONGEA. Natumia nafasi hii kukupongeza kwa kufanya vizuri mtihani wa Kidato cha nne. umeteuliwa kujiunga kidato cha Tano katika Sekondari ya Songea Boys Ninakujulisha kuwa Shule hii ya Sekondari ya Wavulana Songea ipo katika mji wa Songea, umbali wa kilomita tisa toka stendi kuu ya mabasi kuelekea barabara iendayo Tunduru. Ukifika stendi ya basi unaweza kuchukua TAX kwa gharama isiyozidi Tshs 10,000/= au DALADALA (HICE) kwa nauli ya Tshs.800/= tu. Utapanda daladala ziendazo Songea Boys na kushuka kituo cha mwisho. Sekondari ya Wavulana Songea ni shule ya bweni kwa wavulana tu. Itafunguliwa Tarehe 4/7/2016. mwisho wa kuripoti ni Tarehe 20/7/2016. Baada ya hapo hutakapokelewa. Pamoja na barua hii nimeambatanisha fomu zifuatazo:- 1. Fomu Na: 1 kupimwa hospitali na mganga mkuu wa Wilaya/Mkoa kuhusu Afya yako. (Requesting for medical Examination) 2. Fomu Na: 2 ya orodha ya mahitaji ya muhimu ya shule hii. 3. Fomu Na: 3 ya kukubali nafasi uliyochaguliwa katika shule hii. 4. Fomu Na: 4 ya sheria za shule. Tafadhari sana soma kwa makini kabla wewe na mzazi/mlezi wako hamjasaini fomu hiyo. Kumbuka kuwa kila mwanafunzi anapaswa kujaza fomu zote husika kwa ukamilifu na kuzirejesha hapa siku atakayo ripoti. Bila kukamilisha taratibu zote zilizoandikwa HATAPOKELEWA. Pia baada ya kupita siku 20 toka tarehe ya kufungua shule nafasi yako itachukuliwa na mwingine, na wewe hautapokelewa.mwisho ninakukaribisha na kukutakia mafanikio mema hapa shuleni ELIMU NI UFUNGUO WA MAISHA, NA ELIMU NI KAZI J.S. SWEKE MKUU WA SHULE 1

2 FOMU NO: 1 FORM FOR MEDICAL EXAMINATION To be completed by a Medical Officer in respect of all Form I and V entrants. Full Name:... Age:...Years Sex:... Blood count (Red and White) Stool Examination:... Urine Analysis... Syphilis Test... Eye Test:... T. B. Test:... Ears:... Chest:... Spleen:... Abdomen:... ADDITIONAL INFORMATION eg. Physical defects or important infections, chronic of family diseases, etc I certify that the above is fit to pursue as stated above. Signature:... Designation:... Date:... Station:... NOTE: Medical Officer: at the time of examination the individual for any ailment you note. Pupils: You must bring this completed form when you come to school, no Pupil may enroll without certificate of physical fitness. 2

3 FOMU NA: 2 Fomu ya Mahitaji ya Shule (Vitu vya Lazima) 1. Karo (Ada) Shilingi 70,000/= kwa mwaka. Inawezekana kutanguliza nusu, Shs. 35,000/= au zaidi lakini siyo chini ya kiasi hicho kwa muhula wa kwanza. Ada na michango yote iwekwe Akaunti No: NMB na Kijana alete Bank Pay Slip kwa Mkuu wa Shule. 2. Fedha za kinga au tahadhali (caution money) TShs. 5,000/=. (Haitarudishwa) 3. Fagio mgumu,fagio laini na draya 4. Ndoo moja mpya ya ujazo wa lita Vyombo vya kulia chakula (Kikombe 1, Sahani 1, Bakuli 1, na Kijiko 1) 6. Godoro ft. 2½, mto na foronya 7. Shuka Mbili na Blanketi 1 8. Aje na Chandarua kwa ajili ya kujikinga na mbu 9. Rim moja ya Karatasi A4 (Photocopier) 10. Kitambusho (Laminated) - TShs. 6,000/= 11. Mchango wa Mahafali - TShs. 5,000/= 12. Dawati na Kiti - TShs. 45,000/= 13. Fedha za matumizi mengine kama daftari za kutosha, kalamu,mkebe,calculators nk 14. Mchango wa Taaluma - TShs. 10,000/= 15. Photocopy ya Cheti cha Kuzaliwa (Siyo Affidavit) 16. Nembo ya Shule - TShs. 1,000/= 17. Fulana - TShs. 10,000/= 18. Ukarabati 15,000/= 19. Wapishi 10,000/= NB (kwa kujiepusha na usumbufu wa kusafiri na mizigo ; magodoro, rimu na vifaa vingine vya kutumia darasani vinapatikana kwenye duka la shule kwa bei nafuu hata hivyo hiyo ni hiari yako 14. SARE ZA SHULE. (a) Suruali mbili nyeusi (Tetron au polyster) siyo less zishonwe kwa unadhifu. (b) Shati nyeupe mbili za mikono mifupi. Mashati yatawekwa michoro ya utambulisho hapa shuleni. Mashati lazima yawe na kola shingoni. (c) Viatu vya ngozi, nyeusi, na soksi nyeusi jozi mbili. (d) Sweta rangi ya Bluu kwa vipindi vya baridi (e) Nguo za michezo bukta nyekundu, fulana ya bluu na raba nyekundu au nyeusi. (f) Nguo za kazi kaptura ya kaki na fulana ya bluu. Nguo hizi lazima zivaliwe wakati wa kazi Majaketi,makoti, marapurapu na kofia haviruhusiwi. 3

4 FOMU NA: Tarehe:... Mkuu wa Shule Shule ya Sekondari ya Wavulana Songea S. L. P. 02, SONGEA. Yah: KUKUBALI KUKATAA NAFASI YA KIDATO CHA...MWAKA... Mimi...ninakujulisha kuwa NIMEKUBALI/NINAKATAA KWA ALIYEKUBALI NAFASI: Baada ya majadiliano na Mzazi/Mlezi wangu, tumekubaliana na tunaahidi kuwa hatutaomba uhamisho kwenda shule nyingine kwa sababu ya kushindwa kumudu gharama za masomo kwa kipindi chote au kubadilisha subject combination kwa kidato cha tano. KWA ALIYEKATAA NAFASI: Baada ya majadiliano na Mzazi/Mlezi wangu tumekubaliana kuwa nafasi hiyo hatuitaki na kwamba itolewe kwa mwanafunzi mwingine wa AKIBA. KWA ALIYEKUBALI/KATAA: JINA LA MWANAFUNZI:... SAINI YA MWANAFUNZI... JINA LA MZAZI/MLEZI:... SAINI YA MZAZI/MLEZI:... TAREHE:... 4

5 FOMU NA: 4 SHERIA ZA SHULE Shule ni mahali ambapo kijana wa kike au kiume hujipatia elimu kwa mategemeo ya kujitayarisha kwa maisha yake ya baadaye. Anategemea kutumia uwezo wake wote kujiendeleza kielimu (maarifa ya kukabiliana na mazingira yake) kinidhamu, utii n vile vile kuisha vizuri katika jumuiya ya shule ndani na nje ya shule. Ili kuhakikisha kuwa lengo hilo linafikiwa, SHERIA ZA SHULE zimewekwa. Sheria hizi ni muhimu kwa sababu zina jukumu kubwa la kulinda haki, utu, wa kila mwanafunzi na sifa nzuri ya shule. Walimu na wafanyakazi wasio walimu wote ni viongozi na walezi wa wanafunzi shuleni. Kila mmoja anawajibu wa kuhakikisha kuwa maisha ya kila mwanafunzi yanakuwa mazuri shuleni na baadae. Nia ya shule ni kujenga katika kila mwanafunzi busara ya kushika madaraka, kutii sheria na kutovunja ahadi, ushirikiano na hisani, lisha ya kumuendeleza kitaaluma darasani. Shule itamlea kila mwanafunzi na kumkuza katika misingi ya jamii katika hali yake ya Uhuru, utu usawa na kuthamini wengine katika jamii yake ndani na nje ya shule. Hivyo utamthamini mtu baadae siyo kwa sababu ya Elimu yake tu, bali kwa matendo yake mazuri na Imani yake. Ili kumpatia mwanafunzi misingi hiyo inayofaa katika maisha yake ya baadae, anapaswa kuzingatia sheria za shule kama ifuatavyo:- 1. Kila mwanafunzi anapaswa kutumia akilizake za asili na busara katika kufanya uamuzi wa vitendo mbalimbali shuleni na nje ya shule, k.m kutohudhuria darasani au kuongea lugha ya matusi ni makosa makubwa. 2. KUWAHI: (a) Kila mwanafunzi anapaswa kuwahi kuamka asubuhi na kufanya usafi wa mazingira na kuwahi kwenye paredi saa 1.00 asubuhi. Kuchelewa ni kosa. (b) Kila mwanafunzi anapaswa kuwahi kwenye eneo la paredi Assembly ground kila inapogongwa kengele. (c) Kila mwanafunzi lazima awahi (kukimbia) anapoitwa na kiongozi (Mwalimu, Mfanyakazi au Kiranja) 3. HESHIMA: Wanafunzi wanapaswa kuheshimiana wenyewe na kumheshimu mtu aliyewazidi makamo. Kwa hiyo ni lazima kwa mwanafunzi kusalimiana na watu wazima kwa kutoa Shikamo au kusalimiana kwa kiingereza anapokutana na mwalimu wake. 4. SARE: Ni kosa kwa mwanafunzi kutoroka shule/ darasani wakati wowote ule anaopaswa kuwa shuleni/darasani. Kwa hiyo usitoke nje ya shule bila kibali (ruhusa) cha mwalimu wa zamu. 5. UTORO: Ni kosa kwa mwanafunzi kutoroka shule/darasani wakati wowote ule anaopaswa kuwa shuleni/darasani kwa hiyo usitoke nje ya shule bila ruhusa (kibali ) cha mwalimu wa zamu 6. UTUNZAJI WA VIFAA VYA SHULE Ni kosa kwa mwanafunzi yeyote kuharibu mali ya shule kama vile; vitabu,viti, madawati n.k. ikibainika itabidi ufidie gharama za matengenezo au ununuzi wa kifaa kipya 5

6 7. WIZI: Ni kosa kwa mwanafunzi (hata mtu yeyote) kuiba au kushiriki katika kitendo cha wizi hata kikiwa kidogo. 8. UTULIVU NA AMANI: (a) Ni kosa kwa mwanafunzi kupiga KELELE akiwa darasani au hata nje ya darasa katika mazingira ya shule. (b) Ni kosa kwa wanafunzi kugombana au kuchochea ili wengine wagombane (c) Ni kosa kwa wanafunzi kufanya mgomo au kushiriki katika aina yoyote ya mgomo. 9. KAZI: Kazi ni wajibu wa kila mwanafunzi, kwa hiyo ni kosa kwa mwanafunzi kutofanya au kutegea kazi za mikono ambazo zitakuwa zimepangwa na viongozi wako. 10. TAALUMA: Ni kosa kubwa kwa mwanafunzi kutofanya mitihani ya ndani (Terminal Tests) na Mazoezi yoyote yatolewayo na walimu wa masomo darasani. 11. ULEVI NA UVUTAJI: (a) Ni kosa kubwa kwa mwanafunzi kuvuta/kuuza sigara, bangi na kunywa aina yoyote ya pombe. (b) Ni kosa kwa mwanafunzi kuonekana akizurula kwenye maeneo ya nyumba za wageni (Guest Houses) na mabaa ya pombe. 12. Ni kosa mwanafunzi kujihusisha na vitendo vya uasherati na iwapo mwanafunzi (Mvulana) Atasababisha mwanafunzi mwenzake (Msichana) kupata mimba, atakuwa amejifukuza shule mwenyewe. 13. Ni kosa kwa mwanafunzi kuonekana kwenye nyumba za walimu au wafanyakazi wasio walimu bila ruhusa ya Mkuu wa Shule. 14. Ni kosa na marufuku kwa kila mwanafunzi kufanya vitendo viovu vinavyoweza kudhalilisha na kushusha heshima na kuleta sifa mbaya kwa shule. N.B: Makosa yanayoweza kusababisha mwanafunzi kufukuzwa shule ni: 1. Wizi 2. Uasherati, Ubakaji na ushoga 3. Ulevi na matumizi mabaya ya madawa ya kulevya 4. Uvutaji wa Bangi 5. Makosa ya jinai 6. Kupiga au kupigana 7. Kuharibu kwa makusudi mali ya Umma/Shule 8. Kudharau Bendera ya Taifa 9. Kuoa au kuolewa 10. Kupata mimba au kusababisha mimba ndani na nje ya shule. 11. Kutoa mimba 12. Kugoma, kuchochea mgomo au kuvuruga Amani na Usalama wa watu shuleni. 13. Kukataa adhabu kwa makusudi 14. Kukutwa na simu ya mkononi. John.S. Sweke MKUU WA SHULE SHULE YA SEKONDARI YA SONGEA BOYS 6