34567DISYEMBRE 15, 2013

34567DISYEMBRE 15, 2013 ARADMAN NGA MGA ARTIKULO PEBRERO 3-9 Diri Dayon Malisang! PAHINA 6 KARANTAHON: 65, 59 PEBRERO 10-16 Magsasakripisyo Ka ba Para ha Ginhadian? PAHINA 11 KARANTAHON: 40, 75 PEBRERO 17-23 Ini an Iyo Magigin Hinumdoman PAHINA 17 KARANTAHON: 109, 18 PEBRERO 24 MARSO 2 Buhata Ini Sugad nga Hinumdoman ha Akon PAHINA 22 KARANTAHON: 99, 8

ARADMAN NGA MGA ARTIKULO ˇ Diri Dayon Malisang! ZIMBABWE KOBRE: Makuri an pagsangyaw ha mga tawo nga naukoy hinin kopjes (batoon nga kabungtoran), nga an pipira hini may mga bato nga nakatungbaw ha igkasi mga bato. Bisan pa hito, an mga kabugtoan nagsasangyaw ha kabungtoran han Matobo Hills, Matabeleland, Zimbabwe POPULASYON: 12,759,565 MAGWARALI: 40,034 PAG-ARAM HA BIBLIA: 90,894 Importante gud nga diri kita malimbongan nga tumoo ha kwestyonable nga mga ideya ngan sayop nga espekulasyon! Ha mga libro han Siyahan ngan Ikaduha nga Tesalonica, mababasa naton an napapanahon nga mga pahamangno ha aton. ˇ Magsasakripisyo Ka ba Para ha Ginhadian? Ginkikinahanglan an damu nga pagsakripisyo para masuportahan an mga buruhaton para ha Ginhadian. Hini nga artikulo, mahibabaro kita tikang ha mga paghalad han kadaan nga Israel. Hihisgotan liwat naton an mga ehemplo han damu yana nga nagsasakripisyo para suportahan an Ginhadian. ˇ ˇ Ini an Iyo Magigin Hinumdoman Buhata Ini Sugad nga Hinumdoman ha Akon Ha haros pariho nga petsa han tuig, an mga Judio nagsasaurog han Paskua ngan an tinuod nga mga Kristiano nagsasaurog han Memoryal han kamatayon ni Jesus. Kay ano nga sadang kita mahibaro mahitungod han Paskua? Paonan-o naton hibabaroan kon san-o isasaurog an Panihapon han Ginoo, ngan ano an sadang magin kahulogan hito para ha aton ngatanan? An mga tawo ha Zimbabwe nalilipay ha pagbasa han aton mga literatura. Ha aberids, kada Saksi nakakapahamutang hin 16 nga magasin kada bulan AANHI LIWAT HINI NGA GOWA 3 Ginpanalipdan Hira ni Jehova ha Lambong han Kabukiran 16 Nahinunumdoman Mo Ba? 27 Pag-atubang han Kamatayon han Imo Padis 32 Indise han mga Topiko ha An Barantayan 2013 34567 Disyembre 15, 2013 Vol. 134, No. 24 Monthly and supplemental quarterly editions WARAY-WARAY Ini nga publikasyon diri baligya. Iginpupublikar ini sugad ngabahinhanbug-os-kalibotanngaedukasyontikang ha Biblia nga sinusuportahan han boluntaryo nga mga donasyon. Gawaslakonlainngabersyonaniginpakita,anmga teksto ha Griego nga Kasuratan ginkuha ha Bag-o nga Kalibotan nga Hubad han Kristiano Griego nga Kasuratan, ngan an mga teksto ha Hebreo nga Kasuratan ginkuha ha An Baraan nga Kasuratan han Philippine Bible Society ngan gin-gamitan hin moderno nga ortograpiya. NW an makikita kon ginhubad tikang ha New World Translation of the Holy Scriptures With References. Publishers: Watchtower Bible and Tract Society of New York, Inc. 2013 Watch Tower Bible and Tract Society of Pennsylvania. All rights reserved. Printed in Japan.

GINPANALIPDAN HIRA NI JEHOVA HA LAMBONG HAN KABUKIRAN Retrato: Pavel Tacl ık PAGGAWAS han usa nga babaye ha iya balay temprano pa han aga, may nakita hiya nga kahon ha purtahan. Ginkuha niya ito ngan nagkita hiya ha palibot, pero waray tawo an kalsada. Sigurado nga may nagbutang hito durante han gab-i. Ginhiling niya an sulod hito, sumulod dayon ha iya balay, ngan iginsara an purtahan. Syempre ito gud an iya bubuhaton tungod kay an sulod han kahon amo an igindidiri nga mgaliteratura ha Biblia! Samtang ginhahangkopan an kahon, hilom hiya nga nag-ampo ngan nagpasalamat kan Jehova tungod hinin presyoso nga espirituwal nga pagkaon. An sugad nga sitwasyon nahitabo ha Germany ha dekada han 1930. Han nagtikang magmando an Nazi han 1933, igindiri an buruhaton han mga Saksi ni Jehova ha kadam-an nga bahin han nasud. Kombinsido kami nga an sugad nga balaud han tawo diri makakapaundang ha pagpasamwak mahitungod kan Jehova ngan han iya ngaran, siring ni Richard Rudolph, nga sobra 100 anyos na yana. An mga litera- Nag-alagad hiya ha kongregasyon han Hirschberg ha Silesia. An syudad han Hirschberg amo yana an Jelenia G ora ha sur-weste han Poland. tura ha Biblia importante nga garamiton para ha amon pag-aram ngan pagsangyaw. Pero makuri gud an pagkaada hito tungod han pagdiri. Naghunahuna kami kon paonan-o maipapadayon an buruhaton. Waray pag-iha, hinbaroan ni Richard nga makakabulig hiya basi makaabot an mga literatura ha kabugtoan ha diriordinaryo nga paagi, ha bulig han lambong han kabukiran. Huk. 9:36. HA ARAGIAN HAN MGA ISMAGLER Kon susulsugon mo tipairaya an salog han Elbe (o, Labe), makakaabot ka ha Giant Mountains (Krkonose), ˇ nga aada ha giutan yana han Czech Republic ngan Poland. Bisan kon mga 1,600 metros la an kahitaas hito, gintatawag ito nga an pinakamahagkot nga isla ha butnga han Europe. Napuputos ito hin niebe nga naabot hin 3 metros an kadakmol ha sulod hin tunga ka tuig. Adton diri nagtatagad han nagbuburobag-o nga klima mahimo mawara ha dalan tungod han madakmol nga burong nga bangin tigda nga makatabon ha pungkay han kabukiran. Ha paglabay hin mga siglo, ini nga kabukiran nagin mga giutan butnga han mga probinsya, ginhadian, ngan mga estado. Makuri an pagpatrolya ha peligroso DISYEMBRE 15, 2013 3

Kabugtoan nga may dara nga literatura ngan nakabado hin kanan hiker samtang nagbabaktas ha Giant Mountains tipakadto ha Germany nga mga dalan hito, salit han naglabay, damu nga ilegal nga mga produkto an igin-aagi dinhi. Ha dekada han 1930, han nagin giutan an Giant Mountains han Czechoslovakia ngan Germany, an determinado nga mga Saksi nagtikang umagi ha dalan nga gin-aagian hadto han mga ismagler. Ano an ira katuyoan? Basi ideliber an presyoso nga mga literatura ha Biblia nga ginkuha tikang ha mga lugar nga may-ada hito. Hi Richard usa hadton mga Saksi nga nakigbahin hito nga buruhaton. PELIGROSO NGA PAGBAKTAS Ha mga kataposan han semana, grupo-grupo kami nga nasagka ha kabukiran. An kada grupo may-ada pito o sobra pa nga batan-on nga brother nga nakabado hin kanan hiker, siring ni Richard. Tikang ha giutan han Germany, nagbabaktas kami hin mga tulo ka oras ha kabukiran basi makaabot ha Spindler ˇ uv Ml yn usa nga lugar nga mga 17 kilometro tikang ha giutan han Czech. Hito nga panahon, damu nga German an naukoy hito nga lugar. Usa ha ira an parauma nga nakigkooperar ha kabugtoan. Pinaagi hin kabayo nga may karomata nga kasagaran gin-gagamit nga sarakyan han mga bakasyonista, iya ginkukuha an kinahon nga mga literatura ha kahirani nga bungto nga iginpadara tikang ha Prague pinaagi hin tren. Katapos, iya gindadara an mga literatura ha iya uma ngan gintatago ito ha kamalig nga burutangan hin dagami samtang ginhuhulat an magdadara hito ngadto ha mga lugar han Germany. Hi Richard nagpadayon: Pag-abot namon hito nga uma, ginsusudlan namon hin mga literatura an amon dagku nga bag. An tagsa ha amon may dara nga mga 50 kilos. Basi diri madakop, ha gab-i hira nagbabaktas, nagtitikang katunod han adlaw ngan nauli ha ira balay antes sumirang an adlaw. Hi Ernst Wiesner, usa nga paramangno han sirkito ha Germany hito nga panahon, nag-istorya mahitungod han pipira nga ginhimo han kabugtoan para diri madakop: Duha nga brother an nag-uuna ngan kon may-ada hira iginkakatapo, maghahatag dayon hira hin sinyales gamit an ira flashlight. Tigaman ini nga an mga brother nga may dara nga magbug-at nga bag nga nasunod ha ira hin mga 100 metros an kahirayo, kinahanglan tumago ha kakahoyan tubtob nga bumalik hira ngan yaknon an password nga ginbuburobag-o kada semana. Kondi diri la an mga pulis ha Germany an tarhog ha ira. Usa ka gab-i, kinahanglan ko magtrabaho hin mas maiha salit naurhi ako ha akon kabugtoan pagkadto ha Czech. Masirom na ngan madakmol an burong, 4 AN BARANTAYAN

ngan samtang nagbabaktas ako nangungurog ako tungod han mahagkot nga uran. Nawara ako ha butnga han kakahoyan, ngan nag-iha ako pagpinamiling han dalan. Damu nga hiker an namatay hini nga paagi. Iginkita ko la an kabugtoan han tipauli na hira han temprano han aga, siring ni Richard. Ha sulod hin mga tulo ka tuig, inin gutiay nga grupo han maisugon nga mga brother nasagka ha kabukiran kada semana. Ha katugnaw, nagbabaktas hira gamit an mga ski ngan iginbubutang an mga literatura ha ira mga bag. Ha panapanahon, may mga grupo hin mga 20 nga brother nga natabok ha mga giutan durante han adlaw, nga an ira gin-aagian nga dalan adton gin-aagian han mga hiker. Basi diri suspetsahan nga maraot hira nga grupo, naupod ha ira an pipira nga sister. An iba ha ira nag-uuna, ngan kon nakikita nira nga baga hin may peligro, ira igin-iitsa tipaigbaw an ira mga kalo. Ano an bubuhaton katapos maideliber an mga literatura durante han gab-i? Ginsisiguro nga maipanhatag dayon ito. Paonan-o? Iginsusulod an mga publikasyon ha gudtiay nga kahon salit baga la ito hin mga sabon nga nakakahon ngan gindadara ito ha estasyon han tren ha Hirschberg. Iginpapadara ito ha iba-iba nga lugar han Germany. Maikmat nga igindideliber ito han kabugtoan ha mga igkasi-tumuroo sugad han ginunabi ha tinikangan hini nga artikulo. Tungod kay konektado ha usa kag usa an buruhaton han kabugtoan nga nahidadabi hinin patago nga panhatag hin literatura, damu hinduro an maaapektohan kon may madiskobrehan bisan usa la nga bahin hini nga buruhaton. Ngan usa ka adlaw may nahitabo nga diri ginlalaoman. Han 1936, may nadiskobrehan nga bodega hin mga literatura hirani ha Berlin. Usa han mga nakita didto amo an tulo ka kahon nga literatura nga tikang ha Hirschberg, pero waray nakabutang kon hin-o an nagpadara hito. Gin-usisa han mga pulis an paagi han pagkasurat dida ha mga kahon basi makilala an bugto nga patago nga nagpadara hito, ngan ira hiya ginaresto. Waray pag-iha kataposhito, duha pa nga bugto an gin-aresto, upod hi Richard Rudolph. Tungod kay gin-angkon nira an akusasyon, naipadayon han iba nga kabugtoan an pagdeliber ha mga literatura ha sulod hin pipira ka panahon bisan pa han nagtitikaduro nga peligro. an importante nga suplay han mga literatura ha Biblia para ha mga Saksi ha Germany. Pero diri la ito an ruta nga ira gin-agian. Tubtob han 1939, han ginsakop han mga sundalo han Germany an Czechoslovakia, mayada liwat peligroso nga mga ruta ha mga giutan hito. Ha mga nasud nga katakip han Germany, sugad han France, Netherlands, ngan Switzerland, an mga Saksi didto nangalimbasog nga padayon nga mahatagan hin espirituwal nga pagkaon an kabugtoan nga gintitimaraot bisan pa han mga peligro. Yana, kadam-an ha aton an makakakuha hin igo nga kadamu hin literatura ha Biblia ha magkadurodilain nga pormat. Nakukuha mo man an bag-o nga publikasyon dida ha Kingdom Hall o nada-download ito ha jw.org/war nga Web site, kay ano nga diri hunahunaon kon ano nga mga pangalimbasog an ginbuhat antes ito makaabot ha imo? Bisan kon diri ito sugad kakuri kay ha pagbaktas ha katutnga han gab-i ha mahagkot hinduro nga kabukiran, kondi sigurado nga daku gud nga pangalimbasog an ginbuhat han kabugtoan nga andam magsakripisyo para ha imo. Napuputos hin niebe an mga pungkay han Giant Mountains salit peligroso an pagbaktas dida hito LEKSYON PARA HA ATON An mga publikasyon nga nakada ha mga bag han kabugtoan nga nagbaktas ha Giant Mountains amo DISYEMBRE 15, 2013

DIRI DAYON MALISANG! Mga kabugtoan,... ginhahangyo namon kamo nga diri dayon malisang. 2 TES. 2:1, 2. MGA PUNTO NGA HIHISGOTAN Ano an napapanahon nga mga pahamangno an mababasa ha mga surat ni Pablo ha mga taga- Tesalonica? Ano an mabulig ha aton nga diri malimbongan? Kay ano nga usa nga panalipod para ha aton an pagin madasigon ha pagsangyaw han Ginhadian? AN PANLIMBONG ngan pagbuwa kalyap gud hinin presente nga sistema. Diri kita sadang mahipausa hini. Iginpapatinaw han Biblia nga hi Satanas nga Yawa eksperto nga paralimbong, ngan hiya an magmarando hini nga sistema. (1 Tim. 2:14; 1 Juan 5:19) Samtang nagtitikahirani an kataposan hinin maraot nga kalibotan, mas nagtitikaduro an kasina ni Satanas tungod kay maaram hiya nga halipot na la an iya panahon. (Pah. 12:12) Salit makakalaom kita nga magigin mas malimbong pa gud adton mga naimpluwensyahan han Yawa. Mangangalimbasog hira nga limbongan labi na adton nasuporta ha tinuod nga pagsingba. 2 Usahay iginpapasarang ha media an sayop ngan buwa nga mga impormasyon mahitungod ha mga surugoon ni Jehova ngan ha ira mga gintotoohan. Ginagamit an mga pahayagan, TV, ngan Internet basi magpasarang hin buwa nga mga istorya. Sugad nga resulta, may pipira nga natitigdaan o nasisina pa ngani ngan natoo dayon hito nga mga buwa. 3 Basi maatohan inin makapaluya nga taktika han aton kaaway, mapasalamaton kita nga may-ada kita han Pulong han Dios nga mapulsanon... ha pagtadong. (2 Tim. 3:16) Importante nga mahibaro kita tikang ha mga surat ni apostol Pablo mahitungod han pipira nga Kristiano ha Tesalonica han siyahan nga siglo nga nalimbongan nga tumoo ha mga buwa. Iya hira ginsagdonan nga diri dayon malisang. (2 Tes. 2:1, 2) Ano nga mga leksyon an aton mahibabaroan tikang hinin mahigugmaon nga sagdon, ngan paonan-o naton ini maiaaplikar? NAPAPANAHON NGA MGA PAHAMANGNO 4 Ha siyahan nga surat ni Pablo ha kongregasyon ha Tesalonica, iya hira ginpahamangnoan mahitungod han tiarabot nga adlaw ni Jehova. Diri niya karuyag nga mali- 1, 2. Kay ano nga kalyap gud yana an panlimbong, ngan paonan-o ito naipapasarang? (Kitaa an retrato hini nga pahina.) 3. Ano an mabulig ha aton nga diri malimbongan? 4. Paonan-o ginpahamangnoan an mga Kristiano ha Tesalonica mahitungod han tiarabot nga adlaw ni Jehova, ngan paonan-o liwat kita ginpapahamangnoan? 6 AN BARANTAYAN

An mga surat ni Pablo naghatag ha mga Kristiano hin napapanahon nga mga pahamangno (Kitaa an parapo 4, 5) sang hira ngan diri makaandam. Lugod, iya hira ginsagda nga sugad nga mga anak han kalamrag, padayon hira nga mag-agma ngan tipigan an ira maopay nga panhunahuna. (Basaha an 1 Tesalonica 5:1-6.) Yana, ginhuhulat naton an kabungkagan han Babilonya nga Gamhanan, an imperyo han buwa nga relihiyon ha kalibotan. Ini an magigin tigaman nga magtitikang na an daku nga adlaw ni Jehova. Mapasalamaton gud kita nga may-ada kita nag-uuswag nga pagsabot mahitungod ha katumanan han katuyoan ni Jehova. Ngan pinaagi han kongregasyon, pirme kita nakakakarawat hin napapanahon nga mga pahinumdom nga nabulig ha aton nga matipigan an maopay nga panhunahuna. An pagsunod hinin pauroutro nga pahamangno magpaparig-on han aton determinasyon nga ihatag ha Dios an aton sagrado nga pag-alagad nga ginagamit an aton abilidad ha paghunahuna. Roma 12:1. 5 Waray pag-iha tikang han siyahan nga nagsurat hi Pablo ha mga taga-tesalonica, nagpadara utro hiya ha ira hin ikaduha nga surat. Hini nga surat, nagpahamangno hiya ha tiarabot nga kasakitan kon maghukom na an Ginoo nga hi Jesus ha mga diri nakilala ha Dios ngan ha mga 5, 6. (a) Ha ikaduha nga surat ni Pablo ha mga taga- Tesalonica, ano an iya iginpahamangno? (b) Ha diri na mag-iiha, ano an bubuhaton han Dios pinaagi kan Jesus, ngan ano an sadang naton ipakiana ha aton kalugaringon? diri nasugot ha maopay nga sumat. (2 Tes. 1:6-8) Ngani, gin-uunabi ha kapitulo 2 hini nga surat nga an pipira hito nga kongregasyon nataranta mahitungod han adlaw ni Jehova tubtob ha punto nga tinoo hira nga hirani na gud ito umabot. (Basaha an 2 Tesalonica 2:1, 2.) Waray masabti hin bug-os hinin mga Kristiano han siyahan nga siglo kon paonan-o matutuman an katuyoan ni Jehova. Ginkarawat ito ni Pablo han nagsurat hiya mahitungod ha tagna: Diri kompleto an aton kahibaro, ngan diri kompleto an aton panagna; pero kon umabot na an kompleto, mawawara na an diri kompleto. (1 Cor. 13:9, 10) Kondi makakabulig ha ira nga magpabilin nga marigon ha pagtoo an giniyahan nga mga pahamangno nira apostol Pablo, Pedro, ngan han iba pa nga magtinumanon nga dinihogan hadto nga panahon. 6 Basi tadungon an ira panhunahuna, gin-giyahan han Dios hi Pablo ha pagsaysay nga an duro nga apostasya ngan an tawo nga matinalapason maabot antes an adlaw ni Jehova. Katapos hito, Sugad han aton mababasa ha Buhat 20:29, 30, nagpahamangno hi Pablo nga ha sulod mismo han Kristiano nga kongregasyon, may mga tawo nga magyayakan hin baliko nga katutdoan basi pasundon ha ira an mgadisipulo. Ginpapamatud-an han kasaysayan nga paglabay han panahon, gintratar nga mas labaw an mga nangunguna ha kongregasyon kay ha iba nga membro hito. Han ikatulo ka siglo C.E., nagin matin-aw nga an tawo nga matinalapason amo an grupo han mga klero han Kakristianohan. Kitaa an The Watchtower, Pebrero 1, 1990, pahina 10-14. DISYEMBRE 15, 2013 7

ha iya itinanda nga panahon, bubungkagon han Ginoo nga hi Jesus an ngatanan nga nalimbongan. Iginsaysay han apostol an hinungdan hini nga paghukom ha ira; tungod kay waray nira karawata ngan higugmaa an kamatuoran. (2 Tes. 2:3, 8-10) Maopay nga pakianhan naton an aton kalugaringon: Mationan-o kadaku an akon gugma ha kamatuoran? Gin-aadman ko ba ini nga magasin ngan an iba pa nga publikasyon nga igintatagana ha katawohan han Dios ha bugos nga kalibotan basi hibaroan ko an pinakabag-o nga pagsabot han mga katutdoan ha Biblia? PILIA HIN MAARAMON AN IMO MGA KAUPOD 7 Ha pagkamatuod, diri la an katutdoan han mga apostata an peligroso ha mga Kristiano. Hi Pablo nagsurat kan Timoteo nga an gugma ha kwarta usa nga gamot han ngatanan nga klase hin nakakadaot nga mga butang. Nagsiring liwat hiya nga ha pagtinguha hini nga gugma an iba nahisisimang tikang ha pagtoo ngan ginbubuno an ira kalugaringon hin damu nga kasakit. (1 Tim. 6:10) An mga buhat han makasasala nga lawas padayon nga magigin peligroso liwat. Gal. 5:19-21. 8 Salit maaapresyar mo kon kay ano nga marig-on nga nagpahamangno hi Pablo ha mga taga-tesalonica nga daku gud nga peligro ini nga kalalakin-an nga iya gintawag nga buwa nga mga apostol. Upod ha ira adton mga tawo nga nagyayakan hin baliko nga katutdoan basi pasundon ha ira an mga disipulo. (2 Cor. 11:4, 13; Buh. 20:30) Ha urhi, ginkumendasyonan ni Jesus an kongregasyon han Efeso tungod kay waray nira konsintera an magraot nga tawo. Ira ginsarihan adton napamatud-an nga buwa nga mga apostol. (Pah. 2:2) Makapainteres, ha ikaduha nga surat ni Pablo ha mga taga-tesalonica, hiya nagsagdon: Yana mga kabugtoan, ha ngaran han Ginoo nga hi Jesu-Kristo, gintatagan namon kamo hin mga instruksyon nga maglikay 7, 8. (a) Ano nga mga peligro an kinahanglan malamposan han mga Kristiano ha siyahan nga siglo? (b) Ha ano namimeligro gud an tinuod nga mga Kristiano yana? kamo ha tagsa nga bugto nga nagpipinasaway. Katapos, espisipiko nga gin-unabi niya adton mgakristiano nga nadiri pagtrabaho. (2 Tes. 3: 6,10) Kon ginpapalikyan adton nagpipinasaway, labi na gud nga kinahanglan likyan adton nagtitikang gumawi sugad nga apostata! Oo, an duok nga pakig-upod ha sugad nga mga tawo hadto nga panahon peligroso gud ngan kinahanglan likyan. Ngan ito nga mgaapostata peligroso la gihapon ha aton yana. Prob. 13:20. 9 Nagtitikahirani na kita ha daku nga kasakitan ngan ha kataposan hinin maraot nga sistema. Salit adton giniyahan nga mga pahamangno para ha mga Kristiano ha siyahan nga siglo, mas importante gud yana. Diri gud naton karuyag nga igbalewaray an katuyoan han diri-matupngan nga pagkabuotan ni Jehova ngan mawara an paglaom nga kinabuhi nga waray kataposan, ha langit man o ha tuna. (2 Cor. 6:1) Sadang gud kita magbantay kon may natambong ha aton mga katirok nga nag-iistorya hin personal nga mgaespekulasyon mahitungod han mga butang nga waray isaysay ha Biblia, o nagpapakaraot ha mga tigurang ngan ha iba pa nga kabugtoan. 2 Tes. 3:13-15. PADAYON NGA SUNDA AN MGA TRADISYON 10 Ginsagda ni Pablo an iya kabugtoan ha Tesalonica nga tumindog hin marig-on ngan padayon nga buhaton an ira hinbaroan. (Basaha an 2 Tesalonica 2:15.) Ano ito nga mga tradisyon nga igintutdo ha ira? Sigurado nga diri ito mga tradisyon tikang ha buwa nga relihiyon nga gintatagad nga baga hin sugad kaimportante ha mga katutdoan ha Kasuratan. Lugod, an ginuunabi dinhi ni Pablo amo adton katutdoan ni Jesus nga iya nakarawat ngan han iba pa nga kabugtoan ngan an giniyahan nga mga pulong nga iginpasurat ha iya han Dios, nga an kadaman hito nagin bahin han Kasuratan. Ginkumen- 9. Kay ano nga sadang kita magbantay kon may nag-iistorya hin personal nga mga espekulasyon o nagpapakaraot ha kabugtoan? 10. Ginsagda an mga Kristiano ha Tesalonica nga sundon an ano nga mga tradisyon? 8 AN BARANTAYAN

dasyonan ni Pablo an iya kabugtoan ha Corinto tungod kay sugad han iya iginsurat, ha ngatanan nga butang nahinunumdoman niyo ako ngan ginsusunod gud niyo an mga tradisyon sugad la han akon igintutdo ha iyo. (1 Cor. 11:2) Ito nga mga katutdoan tinuod gud ngan masasarigan. 11 Han nagsurat hi Pablo ha mga Hebreohanon, iya gin-unabi an duha nga paagi diin bangin mawara an pagtoo han usa nga Kristiano ngan diri makapabilin nga marig-on. (Basaha an Hebreo 2:1; 3:12.) Nag-unabi hiya mahitungod han kahianod pahirayo ngan pagbaya. Ha tinikangan, bangin diri abaton han usa nga sakay han baluto nga igin-aanod na ngay-an hiya pahirayo ha baybayon tungod kay hinay-hinay an pagtikahirayo hito. Ha luyo nga bahin, puydi liwat tuyoon han usa nga igpahirayo an iya baluto tikang ha baybayon pinaagi ha pagbugsay hito. Inin duha nga kahimtang nagpapakita han mahimo mahitabo kon pasasagdan han usa nga malimbongan hiya ngan magluya an iya pagsarig ha kamatuoran. 12 Bangin ginpasagdan han pipira nga taga- Tesalonica nga malimbongan hira. Mahimo ba liwat ito mahitabo ha aton? Damu nga buruhaton an nakakaubos hin panahon. Hunahunaa kon mationan-o kadamu nga oras an nagagamit ha pag-internet, pakig-text o pag-e-mail, pagbuhat hin mga hilangkagan, o pagkinita han bag-o nga mga balita ha isport. Bisan hain hini nga mga buruhaton mahimo makagwara han pokus han usa nga Kristiano ngan magpaluya han iya kadasig. Ano an mahimo magin resulta? Bangin an iya pag-ampo diri na magin kinasingkasing ngan mapabay-an an iya pag-aram ha Pulong han Dios, pagtambong ha mga katirok, ngan pagsangyaw han maopay nga sumat. Salit ano an aton bubuhaton basi diri kita dayon malisang? 11. Ha ano nga mga paagi bangin malimbongan an pipira nga tawo? 12. Ano nga mga buruhaton yana an mahimo makadaot han aton espirituwalidad? PANALIPOD BASI DIRI MALISANG 13 Kinahanglan pirme naton hinumdoman nga hirani na an kataposan hini nga kalibotan ni Satanas ngan peligroso gud an pakig-upodupod ha mgatawo nga diri natoo nga nagkikinabuhi na kita hinin kataposan nga mga adlaw. Hi apostol Pedro nagsurat mahitungod hini nga panahon: Maabot an mga paratamay nga magtatamay han maopay. Magpapadayon hira pagbuhat uyon ha ira mga hingyap ngan masiring: Hain na an iginsaad nga iya presensya? Kay tikang ha adlaw nga an aton kaapoy-apoyan nangaturog ha kamatayon, an ngatanan nga butang nagpapadayon nga amo la gihapon tikang pa ha paghimoa han kalibotan. (2 Ped. 3:3, 4) An aton adlaw-adlaw nga pagbasa han Biblia ngan regular nga pag-aram hito mabulig ha aton nga pirme hunahunaon nga nagkikinabuhi na kita ha kataposan nga mgaadlaw. An igintagna nga apostasya maiha na nga nagtikang, ngan nagpapadayon ito tubtob yana. An tawo nga matinalapason padayon nga naeksister ngan nakontra ha mga surugoon han Dios. Tungod hini nga mga hinungdan, kinahanglan padayon kita nga magin mas mabinantayon samtang nagtitikahirani an adlaw ni Jehova. Sep. 1:7. 14 Napamatud-an nga importante liwat an pagin regular ha pagsangyaw han maopay nga sumat han Ginhadian basi magpabilin kita nga mabinantayon ngan diri malisang. Salit han hi Kristo Jesus, an Ulo han kongregasyon, nagsugo ha iya mga sumurunod nga manhimo hin disipulo ha mga tawo han ngatanan nga nasud, tutdoan hira ha pagtuman han mga butang nga iya igintutdo, naghatag hiya hin sagdon nga magpapanalipod ha iya mga sumurunod. (Mat. 28:19, 20) Basi mahimo ini, kinahanglan magin madasigon kita ha pagsangyaw nga buruhaton. Ha imo hunahuna, kontento na ba an imo 13. Sugad han igintagna, ano an disposisyon han damu nga tawo, ngan ano an magpapanalipod basi diri magluya an aton pagtoo? 14. Kay ano nga usa nga panalipod an pagin sagipo ha pag-alagad ha Dios? DISYEMBRE 15, 2013 9

An maopay nga pagpangandam ngan pakigbahin ha ministeryo mabulig ha aton nga diri dayon malisang (Kitaa an parapo 14, 15) kabugtoan ha Tesalonica nga basta makagsangyaw ngan makagtutdo tungod la kay obligasyon nira ito? Hinumdumi an ginsiring ni Pablo ha ira: Ayaw pagparonga an kalayo han espiritu. Ayaw pagtamaya an mga tagna. (1 Tes. 5:19, 20) Makalilipay gud an mga tagna nga aton gin-aadman ngan iginsusumat ha iba! 15 Syempre, karuyag naton buligan an aton pamilya nga mag-uswag sugad nga magwarali han maopay nga sumat. Napamatud-an han damu nga kabugtoan nga an usa nga paagi basi mahimo ito amo an paggahin hin panahon ha pagbansay para ha ministeryo durante han ira pagsingba han pamilya. Bangin makabulig an paghisgot kon paonan-o babalikon han mga membro han pamilya adton nagpakita hin interes. Ano an ira hihisgotan ha sunod nga pagbisita? Ano nga topiko an posible nga makadugang han interes han tagbalay? San-o an pinakamaopay nga panahon ha pagbalik bisita? Damu liwat an naggagahin hin pipira ka panahon durante han ira pag- 15. Ano an pipira nga butang nga mahimo naton hisgotan durante han pagsingba han pamilya? singba han pamilya ha pagpangandam para ha mga katirok ha kongregasyon basi maaram hira kon ano an hihisgotan didto. Puydi ba niyo dugangan an iyo panahon ha pagpangandam para makigbahin kamo ha mga katirok? An iyo pakigbahin magpaparig-on han iyo pagtoo ngan mabulig ha iyo nga diri malisang. (Sal. 35:18) Oo, an pagsingba han pamilya magpapanalipod nga diri kita maimpluwensyahan han mga espekulasyon ngan pagruhaduha. 16 Ha sulod hin mga katuigan, ginbibendisyonan ni Jehova an iya katawohan hin nag-uuswag nga pagsabot han mga tagna ha Biblia. Kon papamalandungon naton ito nga mga tagna, makakasiguro kita nga matutuman liwat an mga tagna mahitungod han makalilipay nga mga bendisyon ha tidaraon. An mga dinihogan may paglaom nga makaupod ni Kristo ha langit. Sigurado nga ini nga paglaom magpapagios gud ha ira nga diri dayon malisang! Aplikado ha ira an ginsurat ni Pablo para ha mga taga-tesalonica: Pirme kami obligado nga magpasalamat ha Dios tungod ha iyo, mga kabugtoan nga hinigugma ni Jehova, kay ginpili kamo han Dios... pinaagi han pagbaraan ha iyo han iya espiritu ngan pinaagi han iyo pagtoo ha kamatuoran. 2 Tes. 2:13. 17 Adton naglalaom nga mabuhi ha waray kataposan dinhi ha tuna sadang liwat mangalimbasog nga diri dayon malisang. Kon ito an imo paglaom, pirme sunda an mahigugmaon nga pagdasig ni Pablo ha iya surat ha iya mga igkasidinihogan ha Tesalonica. (Basaha an 2 Tesalonica 3:1-5.) An kada tagsa ha aton sadang magin mapasalamaton gud tungod hinin mahigugmaon nga pagdasig. Oo, an mga surat ha mga taga- Tesalonica nagpapahamangno gud kontra ha mga espekulasyon o kwestyonable nga mga ideya. Tungod kay nagkikinabuhi kita ha panahon nga hirani na gud an kataposan, mapasalamaton gud kita hini nga mga pahamangno. 16. Ano an nagpapagios ha mga dinihogan nga diri dayon malisang? 17. Paonan-o ka nadasig han mga pulong ha 2 Tesalonica 3:1-5? 10 AN BARANTAYAN

MAGSASAKRIPISYO KA BA PARA HA GINHADIAN? An Dios nahigugma ha malipayon nga nahatag. 2 COR. 9:7. MGA TEKSTO NGA SADANG PAMALANDUNGON Paonan-o ini nga mga teksto mabulig basi mausisa mo an imo mga pagsakripisyo para ha Ginhadian? 1 Kronikas 29:9 1 Corinto 16:1, 2 2 Corinto 8:12 AN MGA tawo andam magsakripisyo para ha mga butang nga importante ha ira. Iginhahatag han mga kag-anak an ira panahon, kwarta, ngan kusog para ha kaopayan han ira mga anak. An batan-on nga mga atleta nga naghihingyap nga magdaog ha Olympics para maghatag hin dungog ha ira nasud naggagahin hin damu ka oras kada adlaw ha pagpraktis ngan pagbansay samtang an ira kasangkayan nag-uuyag ngan nag-i-enjoy. Hi Jesus liwat naghimo hin mga pagsakripisyo para ha mga butang nga importante ha iya. Waray hiya maghingyap nga magin mahimyang an iya kinabuhi ngan magkaada hin mga anak. Lugod, gin-una niya ha iya kinabuhi an pagpauswag han mga buruhaton may kalabotan ha Ginhadian. (Mat. 4:17; Luc. 9:58) Ha pariho nga paagi, damu an iginsakripisyo han iya mga surugoon basi suportahan an Ginhadian han Dios. An pagpauswag han mga buruhaton para ha Ginhadian amo an pinakaimportante ha ira, ngan naghimo hira hin mga pagsakripisyo basi bug-os nga suportahan ito. (Mat. 4:18-22; 19:27) Salit mahimo naton pakianhan an aton kalugaringon, Ano an importante ha akon kinabuhi? 2 May mga pagsakripisyo nga kinahanglan buhaton han ngatanan nga tinuod nga Kristiano basi magkaada hin maopay nga relasyon kan Jehova ngan matipigan ito. Naguupod ito ha paggahin hin panahon ngan kusog para ha pag-ampo, pagbasa han Biblia, pagsingba han pamilya, pagtambong ha mga katirok, ngan pagministeryo. (Jos. 1:8; Mat. 28:19, 20; Heb. 10:24, 25) Tungod han aton mga pangalimbasog ngan han bulig ni Jehova, an pagsangyaw nga Kitaa an artikulo nga Paghalad hin Bug-os-Kalag nga mga Halad kan Jehova ha Barantayan, Enero 15, 2012, pahina 21-25. 1. Ano nga mga pagsakripisyo an ginhihimo han damu, ngan kay ano? 2. (a) Ano nga mga pagsakripisyo an kinahanglan buhaton han ngatanan nga tinuod nga Kristiano? (b) Ano an dugang nga pagsakripisyo nga ginhihimo han iba? 11

Damu nga halad an iginhahalad hin kinaburut-on pariho han pipira nga pagsakripisyo nga ginbubuhat naton yana (Kitaa an parapo 7-13) Mga magwarali han Ginhadian ha usa nga Kingdom Hall ha Kenya, Aprika buruhaton nag-uuswag, ngan damu an padayon nga nasagka ha bukid han balay ni Jehova. (Isa. 2:2) Basi masuportahan an mga buruhaton para ha Ginhadian, damu an naghihimo hin pagsakripisyo para mag-alagad ha Bethel, bumulig ha pagpanukod hin mga Kingdom Hall ngan Assembly Hall, mag-organisar hin mga kombensyon, o bumulig hadton naapektohan hin kalamidad. Bisan kon ini nga mga buruhaton diri kinahanglanon para ha aton katalwasan, importante ini ha pagsuporta ha mga buruhaton may kalabotan han Ginhadian. 3 Mas ginkikinahanglan gud yana nga aktibo nga suportahan naton an mga buruhaton para ha Ginhadian. Makalilipay gud nga damu an kinaburut-on nga nagsasakripisyo para kan Jehova. (Basaha an Salmo 54:6.) An sugad nga disposisyon naghahatag ha aton hin daku nga kalipay samtang ginhuhulat naton an pag-abot han Ginhadian han Dios. (Deut. 16:15; Buh. 20:35) Salit sadang naton usisahon hin maopay an aton kalugaringon. May mga paagi ba nga puydi kita maghimo hin dugang nga pagsakripisyo para ha Ginhadian? Paonan-o naton ginagamit an aton panahon, kwarta, kusog, ngan mga abilidad? Ano an diri naton sadang igbalewaray kon nag- 3. (a) Paonan-o kita nagpapahimulos kon nagsasakripisyo kita para ha Ginhadian? (b) Ano nga mga pakiana an aton hihisgotan? hihimo kita hin mga pagsakripisyo? Repasuhon naton an pipira nga ehemplo nga masusubad naton kon naghihimo kita hin kinaburut-on nga mga pagsakripisyo. Mabulig ini ha aton nga magin mas malipayon. MGA PAGHALAD HA KADAAN NGA ISRAEL 4 Ha kadaan nga Israel, an paghalad amo an basihan para mapasaylo an mga sala. Ginkikinahanglan ini para makarawat han mga tawo an pag-uyon ni Jehova. An pipira hini igin-oobligar; an iba naman kinaburut-on. (Leb. 23:37, 38) An mga halad nga sinunog puydi himoon sugad nga kinaburut-on nga halad, o regalo, kan Jehova.An usa nga maopay nga ehemplo han paghalad amo an ginbuhat durante han inagurasyon han templo ha panahon ni Solomon. 2 Kron. 7:4-6. 5 Mahigugmaon gud hi Jehova ngan nasasabtan niya nga diri parapriho an maihahatag han ngatanan, salit iya ginsugo an kada tagsa nga maghalad uyon la ha ira maaakos. An balaud ni Jehovanagsusugo nga maghalad hin hayop ngan itakbo an dugo hito. Ini nga mga halad nagpapadagaw han maopay nga mga butang nga maabot pinaagi han iya anak nga hi Jesus. (Heb. 10: 4. Paonan-o nagpahimulos an mga Israelita ha ira paghalad? 5. Ano nga probisyon an ginhimo ni Jehova para ha mga pobre? 12 AN BARANTAYAN

Usa nga boluntaryo ha Regional Building Committee ha Tuxedo, New York, U.S.A. Mga membro han Bethel ha Australia 1-4) Kondi, iginpatuman ni Jehova ito nga balaud ha makatadunganon gud nga paagi. Pananglitan, kakarawaton han Dios an halad nga tukmo kon an usa diri makakaakos paghalad hin karnero o kanding. Salit bisan an mga pobre malipayon nga makakaghalad kan Jehova. (Leb. 1:3, 10, 14; 5:7) Bisan kon bangin iba-iba nga hayop an iginhahalad, may duha nga butang nga ginkikinahanglan ha kada tagsa nga naghihimo hin kinaburut-on nga halad. 6 Siyahan, kinahanglan ihatag han usa an iya pinakamaopay. Ginsidngan ni Jehova an nasud nga kinahanglan mahimsog an halad basi karawaton ito. (Leb. 22:18-20) Kon may depekto an hayop, diri ito kakarawaton ni Jehova. Ikaduha, kinahanglan limpyo an tawo nga naghahalad. Kon mahugaw hiya, kinahanglan anay niya maghalad hin halad para ha sala o hin halad tungod han pagkasalaan basi maibalik an iya maopay nga relasyon kan Jehova antes hiya maghimo hin kinaburut-on nga halad. (Leb. 5:5, 6,15) Seryoso ini nga butang. Hi Jehova nagsugo nga kon an usa nga mahugaw kumaon hin halad ha pakigdait, nga nag-uupod hin kinaburut-on nga mga halad, pabubulagon hiya tikang ha Iya katawohan. (Leb. 7:20, 21) Ha luyo nga bahin, kon an naghahalad may maopay nga relasyon kan Jeho- 6. Ano an ginkikinahanglan ha kada tagsa kon maghahalad, ngan kay ano nga kinahanglan sundon ito? va ngan an iya halad waray depekto, malilipay gud an naghalad. Basaha an 1 Kronikas 29:9. MGA SAKRIPISYO YANA 7 Yana damu liwat an andam magsakripisyo para ha pag-alagad kan Jehova, ngan nalilipay gud hiya hito. An pagsakripisyo para ha aton kabugtoan makalilipay gud. Usa nga brother nga nagbuboluntaryo ha pagtukod hin mga Kingdom Hall ngan nabulig ha mga naapektohan hin mga kalamidad an nagsiring nga diri niya maisaysay an iya kalipay kon nabubuligan niya an kabugtoan. Hiya nagsiring, Kon nakikita ko an kalipay ngan apresasyon han mga kabugtoan tungod han pagkaada nira hin bag-o nga Kingdom Hall o tungod kay nakakarawat hira hin bulig katapos han kalamidad, bawi gud an ngatanan ko nga ginbuhat ngan mga pangalimbasog. 8 An organisasyon ni Jehovayana pirme namimiling hin paagi basi masuportahan an mga buruhaton para ha Ginhadian. Han 1904, hi Bugto C. T. Russell nagsaysay nga sadang naton gamiton ha pinakamaopay nga paagi an aton panahon, awtoridad, kwarta, ngan iba pa, para ha kadayawan ni Jehova. Bisan kon kinahanglan naton magsakripisyo para kan Jehova, damu man 7, 8. (a) Ano an inaabat han damu tungod han ira pagsakripisyo para ha Ginhadian? (b) Ano an mahimo naton igsakripisyo para kan Jehova? DISYEMBRE 15, 2013 13

nga bendisyon an aton makakarawat. (2 Sam. 24: 21-24) Mahimo ba naton magamit ha mas maopay nga paagi an aton mga gintatag-iya? 9 Panahon. Daku nga panahon ngan pangalimbasog an ginkikinahanglan ha paghubad ngan pag-imprinta ha aton mga literatura, pagtukod hin mga katirokan para ha pagsingba, pagorganisar hin mga kombensyon, pagbulig ha mga naapektohan hin kalamidad, ngan pakigbahin ha damu pa nga importante nga buruhaton. Pero limitado la an aton panahon, may-ada la kita 24 oras ha usa ka adlaw. Salit hi Jesus naghatag hin prinsipyo nga mabulig ha aton. Han ginsugo ni Jesus an iya mga disipulo ha pagsangyaw, iya hira ginsidngan nga diri humangkop ha bisan hin-o ha dalan sugad nga pangumusta. (Luc. 10:2-4) Kay ano nga iginhatag ni Jesus ito nga instruksyon? Usa nga eskolar ha Biblia an nagsiring: An mga pangumusta han mga taga- Oriente diri sugad han aton nga nag-uupod hin gutiay nga pagduko, o hin paglamano, kondi ginbubuhat nira ito pinaagi hin damu nga paghangkop, pagyukbo, ngan paghapa pa ngani ha tuna. Ini ngatanan nagkikinahanglan hin daku nga panahon. Hi Jesus waray mag-aghat ha iya mga sumurunod nga magin waray batasan. Lugod, ginbubuligan la niya hira nga masantop nga limitado la an ira panahon salit kinahanglan nira ito gamiton para ha mas importante nga mga butang. (Efe. 5:16) Mahimo ba naton iaplikar ini nga prinsipyo basi magkaada kita mas daku nga panahon ha pagsuporta ha mga buruhaton para ha Ginhadian? 10 Kwarta. Daku nga kantidad an ginkikinahanglan para masuportahan an mga buruhaton may kalabotan ha Ginhadian. Kada tuig, napulo ka milyon ka dolyar an nagagasto para ha nagbibiyahe nga mga paramangno, espesyal payunir, ngan mga misyonero. Tikang han 1999, sob- 9. May kalabotan ha paggamit han aton panahon, ano nga prinsipyo ha Lucas 10:2-4 an mahimo naton iaplikar? 10, 11. (a) Diin gin-gagamit an aton mga donasyon para ha bug-os-kalibotan nga buruhaton? (b) Ano nga prinsipyo ha 1 Corinto 16:1, 2 an makakabulig ha aton? ra 24,500 nga Kingdom Hall an natukod ha pobre nga mga nasud. Kondi haros 6,400 pa nga Kingdom Hall an ginkikinahanglan. Kada bulan mga 100 milyon nga kopya han Barantayan ngan Pagpamata! an gin-iimprinta. Ini ngatanan ginsusuportahan pinaagi han aton boluntaryo nga mga donasyon. 11 Hi apostol Pablo naghatag hin prinsipyo nga mahimo sundon kon naghahatag hin donasyon. (Basaha an 1 Corinto 16:1, 2.) Pinaagi han giya han Dios, iya gin-aghat an iya kabugtoan ha Corinto nga maglain hin kwarta ha tinikangan han semana uyon ha ira maaakos, imbes nga hulaton pa an kataposan han semana kon may mahisalin pa hira nga kwarta. Pariho ha siyahan nga siglo, an mga kabugtoan yana abanse nga nagpaplano basi makaghatag uyon ha ira kahimtang. (Luc. 21:1-4; Buh. 4:32-35) Ginpapabilhan gud ni Jehova an sugad nga pagkamahinatagon. 12 Kusog ngan abilidad. Ginbubuligan kita ni Jehova ha aton pangalimbasog nga gamiton an aton kusog ngan abilidad para ha Ginhadian. Nagsasaad hiya nga bubuligan kita niya kon nanluluya kita. (Isa. 40:29-31) Naghuhunahuna ba kita nga waray kita han ginkikinahanglan nga abilidad para bumulig ha buruhaton? Nangangatadongan ba kita nga may-ada mas kwalipikado kay ha aton? Hinumdumi nga mapapauswag ni Jehova an aton mga abilidad, sugad la han iya ginbuhat kanda Besalel ngan Aholiab. Eks. 31: 1-6; kitaa an retrato ha pahina 11. 13 Gindadasig kita ni Jehova nga buhaton an aton pinakamaopay ngan diri mag-alang ha pagbuhat hito. (Prob. 3:27) Durante han pagtukod utro han templo, ginsidngan ni Jehova an mga Judio ha Jerusalem nga hunahunaon hin maopay kon paonan-o nira masusuportahan an buruhaton. (Hag. 1:2-5) Kondi waray hira magpokus hito nga iginpapabuhat ha ira ni Jehova. Salit kinahanglan naton tagdon kon an aton mga prayoridad uyon ha mga prayoridad ni Jehova. Mahimo 12, 13. Kay ano nga an iba bangin mag-alang ha paggamit han ira kusog ngan abilidad para ha pag-alagad, kondi paonan-o hira bubuligan ni Jehova? 14 AN BARANTAYAN

ba naton usisahon an aton pagkinabuhi basi masuportahan naton hin dugang pa an mga buruhaton para ha Ginhadian hinin kataposan nga mga adlaw? PAGSAKRIPISYO UYON HAN ATON GINTATAG-IYA 14 Damu an naukoy ha mga nasud nga pobre o makuri hinduro an panginabuhi. An aton organisasyon nangangalimbasog nga mapun-an an kakulangan han kabugtoan hito nga mga nasud. (2 Cor. 8:14) Kondi ginpapabilhan bisan han pobre nga kabugtoan an pribilehiyo han paghatag. Nalilipay hi Jehova kon kinaburut-on hira nga naghahatag. 2 Cor. 9:7. 15 Ha usa nga pobre hinduro nga nasud ha Aprika, an pipira nga kabugtoan naglalain hin usa ka bahin han ira uma ngan iginbabaligya an produkto hito para idonar ha pagsuporta ha mga buruhaton para han Ginhadian. Hito gihapon nga nasud, may ginhihimo nga pagtukod hin Kingdom Hall. Karuyag gud han mga kabugtoan didto nga magboluntaryo. Kondi ito nga proyekto nahituman ha panahon han pagtanom. Tungod kay determinado gud hira nga makabulig, nagbuboluntaryo hira kon adlaw ngan nakadto hira ha uma kon gab-i basi magtanom. Daku gud ito nga pagsakripisyo! Nagpapahinumdom ini ha aton ha mga kabugtoan ha Macedonia han siyahan nga siglo. Bisan pa han ira kapobrehan, naghangyo hira nga magkaada pribilehiyo nga makaghatag hin pinansyal nga bulig ha kabugtoan. (2 Cor. 8:1-4) Hinaot an tagsa liwat ha aton maghatag sugad han aton mahihimo sumala han bendisyon nga kan Jehova ihinatag ha aton. Basaha an Deuteronomio 16:17. 16 Kondi may mga butang nga kinahanglan naton bantayan. Sugad han ginbuhat han mga Israelita, kinahanglan siguruhon naton nga an 14, 15. (a) Paonan-o kita nadadasig ha ehemplo han aton pobre nga kabugtoan? (b) Ano an sadang naton magin determinasyon? 16. Paonan-o naton masisiguro nga kakarawaton ni Jehova an aton mga pagsakripisyo? aton mga pagsakripisyo kakarawaton han Dios. Kinahanglan magpabilin kita nga timbang basi mamangnoan an aton importante nga mga responsabilidad ha aton pamilya ngan ha aton pagsingba kan Jehova. An aton paghatag han aton panahon ngan mga gintatag-iya ha pagbulig ha iba diri sadang magin hinungdan nga mapasibay-an naton an espirituwal o pisikal nga panginahanglan han aton pamilya. Kay kon bubuhaton naton ito, sugad hin naghahatag kita hin mga butang nga diri naton gintatag-iya. (Basaha an 2 Corinto 8:12.) Dugang pa, kinahanglan padayon naton nga parig-unon an aton mismo espirituwalidad. (1 Cor. 9:26, 27) Makakalaom kita nga kon magkikinabuhi kita uyon ha mga suruklan han Biblia, an aton mga pagsakripisyo maghahatag ha aton hin daku nga kalipay ngan katagbaw, ngan labi ito nga makalilipay kan Jehova. AN ATON MGA PAGSAKRIPISYO GINPAPABILHAN GUD 17 Damu han aton mga kabugtoan an pariho hin halad nga irimnon nga iginbubuhos tungod han ira ginbubuhat ha pagsuporta ha importante nga mga buruhaton para ha Ginhadian. (Fil. 2:17) Ginkukumendasyonan gud namon adton nagpapakita hin sugad nga pagkamahinatagon. Ginkukumendasyonan liwat namon an asawa ngan an mga anak hadton kabugtoan nga nangunguna ha mga buruhaton para ha Ginhadian tungod han ira pagin mahinatagon ngan han ira mga pagsakripisyo. 18 Ginkikinahanglan an daku nga pangalimbasog basi masuportahan an mga buruhaton para ha Ginhadian. Hinaot kita ngatanan magampo ngan maghunahuna kon paonan-o kita dugang nga makakasuporta hito. Makakasarig ka nga makakakarawat ka hin damu nga bendisyon yana ngan mas damu pa ha maabot nga sistema. Mar. 10:28-30. 17, 18. Ano an aton inaabat para hadton mga nagsasakripisyo para ha Ginhadian, ngan ano an sadang naton hunahunaon? DISYEMBRE 15, 2013 15

NAHINUNUMDOMAN MO BA? Nabasa mo ba hin maopay an bag-o nga mga gowa han An Barantayan ngan The Watchtower? Kitaa kon mababaton mo an masunod nga mga pakiana: Kakan-o hi Jesus nagsangyaw ha mga espiritu nga priso? (1 Ped. 3:19) Baga hin pipira ka panahon katapos banhawon hi Jesus, iginpasamwak niya ha magraot nga espiritu nga may sirot nga ipapadapat ha ira. 6/15, pahina 23. Ano an tulo nga ayat ha ikaduha nga pag-asawa? Nakukurian hira nga kalimtan an ira siyahan nga pag-asawa; nakukurian hira ha pakig-upod ha ira kasangkayan hadto nga diri nakilala ha ira bag-o nga padis; nakukurian hira nga sumarig ha ira bag-o nga padis tungod kay bangin waray magin maunungon ha ira an siyahan nira nga padis. 7/1-E, pahina 9-10. San-o huhukman ni Jesus an mga tawo sugad nga mga karnero o mga kanding? (Mat. 25:32) Mahitatabo ito kon umabot na hi Jesus ha paghukom ha katawohan durante han daku nga kasakitan, katapos bungkagon an buwa nga relihiyon. 7/15, pahina 6. San-o mananangis ngan mangingigot an mga ngipon hadton mga matinalapason nga ginunabi ha parabola mahitungod han mga trigo ngan han mga banwa? (Mat. 13:36, 41, 42) Mahitatabo ito durante han daku nga kasakitan kon masantop nira nga diri hira makakalikay ha kabungkagan. 7/15, pahina 13. Kakan-o natuman an mga pulong ni Jesus mahitungod han matinumanon ngan maaramon nga uripon? (Mat. 24:45-47) Nagtikang ito matuman, diri han Pentekostes 33 C.E., kondi katapos han 1914. Han 1919, an uripon gintaporan han mga panagiya, nga nag-uupod han ngatanan nga Kristiano nga ginpapakaon ha espirituwal. 7/15, pahina 21-23. San-o itatapod ni Jesus ha matinumanon nga uripon an ngatanan niya nga panag-iya? Mahitatabo ito ha tidaraon, durante han daku nga kasakitan kon makarawat na han matinumanon nga uripon an ira balos ha langit. 7/15, pahina 25. Waray ba ngarani an pipira nga tawohan ha Biblia tungod kay magraot hira o diri importante? Diri kita sadang maghukom. May mga tawohan ha Biblia nga waray ngarani nga an pipira ha ira magopay ngan an iba magraot. (Rut 4: 1-3; Mat. 26:18) Duha la nga matinumanon nga anghel an ginngaranan ha Biblia. 8/1-E, pahina 10. Labot pa han gahum nga tikang ha Dios, ano an nakabulig ha 230 nga Saksi nga makatalwas ha death march tikang ha kampo konsentrasyon ha Sachsenhausen? Bisan kon magluya na hira tungod han gutom ngan sakit, padayon nga ginparig-on nira an usa kag usa nga magpadayonpagbaktas. 8/15, pahina 18. Kay ano nga makaparig-on ha aton an asoy han pagtabok han mga Israelita ha Salog Jordan ngadto ha Tuna nga Iginsaad? Bisan kon hilarom gud an tubig ha salog, ginpaundang ni Jehova an pag-awas hito basi makatabok an iya katawohan. Sigurado nga naparig-on hito an ira pagtoo ngan pagsarig ha iya, ngan mapaparig-on liwat kita hini. 9/15, pahina 16. Ano an iginpapakita han pirme pag-unabi han Biblia mahitungod han kolor? An paggamit han Biblia han kolor nagpapakita nga maaram an Dios nga an kolor may epekto ha emosyon han mga tawo ngan mabulig ito ha paghinumdom han mga butang. 10/1-E, pahina 14-15. Paonan-o natutuman yana an tagna ha Mika 5:5 mahitungod han pito nga magbarantay ngan walo nga punoan? Nahibaroan naton nga an pito nga magbarantay ngan walo nga punoan ha Mika 5:5 nagtutudlok ha pinili nga mga tigurang ha kongregasyon, nga nagpaparig-on ha katawohan han Dios para ha igintagna nga pag-atake kontra ha ira ha tidaraon. 11/15, pahina 20. Ano an pipira nga hinungdan kon kay ano nga kinahanglan naton an Dios? Kinahanglan naton an maopay nga giya ngan solusyon ha mga problema ha kinabuhi, ngan maihahatag ito han Dios. Karuyag niya nga buligan kita nga magkaada hin maopay ngan malipayon nga kinabuhi, ngan tutumanon niya an iya mga saad nga aada ha iya Pulong basi mahimo ito. 12/1-E, pahina 4-6. 16 AN BARANTAYAN

INI AN IYO MAGIGIN HINUMDOMAN Ini nga adlaw magin iyo hinumdoman, ngan titipigan niyo ito nga panagtawo kan Jehova. EKS. 12:14. MAISASAYSAY MO BA? Ano an sadang buhaton han mga Israelita ha Ehipto ha pagpangandam ngan pagsaurog han siyahan nga Paskua? Kakan-o iginsaurog ni Jesus ngan han iya mga apostol an ultimo nga Paskua, ngan ano an nahitabo katapos hito? Ano an aton hibabaroan nga importante nga mga leksyon mahitungod han siyahan nga Paskua ngan han pagbaya han mga Israelita tikang ha Ehipto? KON nakakabati ka han pulong nga anibersaryo, ano an imo nahuhunahuna dayon? Kon inasaw-an ka, bangin mahunahuna mo an anibersaryo han imo kasal. Para naman ha iba, bangin mahunahuna nira an petsa han usa nga makasaysayan nga hitabo nga iginsiselebrar ha bug-os nga nasud, sugad han Independence Day. Pero maaram ka ba kon ano nga anibersaryo an iginsiselebrar ha sulod na hin sobra 3,500 ka tuig? 2 Ito nga anibersaryo amo an Paskua. Iginsiselebrar ito tungod han pakatalwas han mga Israelita tikang ha pagkauripon ha Ehipto. Sadang ito magin importante ha imo. Kay ano? Tungod kay may epekto ito ha pipira nga importante nga bahin han imo kinabuhi. Kondi bangin maghunahuna ka, An Paskua selebrasyon han mga Judio, pero Kristiano ako. Kay ano nga sadang ako magin interesado hito? Hibabaroan naton an baton hito tikang hinin importante nga mgapulong: An Kristo nga aton Paskua iginhalad na. (1 Cor. 5:7)Basi masabtan an kahulogan hini, kinahanglan mahibaro kita mahitungod han Paskua han mga Judio ngan kon ano an kalabotan hito ha sugo nga iginhatag para ha ngatanan nga Kristiano. KAY ANO NGA IGINSASAUROG AN PASKUA? 3 Ha bug-os nga kalibotan, ginatos ka milyon nga diri mga Judio an maaram mahitungod han panhitabo antes han siyahan nga Paskua. Bangin nabasa nira ito ha libro han Biblia nga Eksodo, nabatian ha iba, o nakakita hin pelikula mahitungod hito. 4 Han nagin uripon an mga Israelita ha Ehipto ha sulod hin damu ka tuig, ginsugo ni Jehova hi Moises ngan an iya bugto nga hi Aaron nga sidngon hi Paraon nga pagawson an Iya katawohan tikang ha pagkauripon. Kondi iton mapahitas-on nga magmarando han Ehipto waray tumugot 1, 2. An ngatanan nga Kristiano sadang magin interesado ha ano nga anibersaryo, ngan kay ano? 3, 4. Ano an nahitabo antes han siyahan nga Paskua? 17

nga palakton an mga Israelita, salit ginhampak ni Jehova an Ehipto hin sunod-sunod nga makangingirhat nga mga peste. Ha kataposan, ginpahinabo han Dios an ikanapulo nga peste diin ginpamatay an mga suhag ha Ehipto, nga tungod hito tumugot hi Paraon nga pagawson an mga Israelita. Eks. 1:11; 3:9, 10; 5:1, 2; 11:1, 5. 5 Pero antes talwason an mga Israelita, kinahanglan anay nira sundon an pipira nga espisipiko nga instruksyon. Katsaringsing adto han 1513 B.C.E., ha bulan han Abib, nga ha urhi gintawag nga Nisan. Ginsidngan hira han Dios nga ha Nisan 10, magtikang na hira ha pagpangandam para ha usa nga hitabo nga pagbubuhaton katunod han adlaw ha Nisan 14. Kay ano nga ha katunod? Tungod kay ha Judio nga kalendaryo, an usa ka adlaw nagtitikang ha katunod han adlaw ngan natatapos kinabuwasan ha katunod hito. Pag-abot han Nisan 14, an tagsa nga panimalay kinahanglan mag-ihaw hin lalaki nga karnero (o kanding) ngan ipahid an iba nga dugo hito ha mga hamba han purtahan han ira balay. (Eks. 12:3-7, 22, 23) An pamilya mangangaon hin litson nga karnero, tinapay nga waray ipaturubo, ngan pipira nga herba. An anghel han Dios malabay ha Ehipto ngan pamamatayon an mga suhag didto, kondi papanalipdan an masinugtanon nga mgaisraelita, ngan tatalwason hira tikang ha pagkauripon. Eks. 12:8-13, 29-32. 6 Kinahanglan hinumdoman han mga Israelita an adlaw nga gintalwas hira han Dios tikang ha Ehipto. Ginsidngan hira han Dios: Ini nga adlaw magin iyo hinumdoman, ngan titipigan niyo ito nga panagtawo kan Jehova: ha ngatanan nga iyo mga katulinan pagtitipigan ito nga panagtawo pinaagi hin sugo nga waray kataposan. An siyahan nga bulan han Judio nga kalendaryo amo an Abib, kondi ha urhi gintawag ito nga Nisan han bumalik an mga Israelita tikang ha pagkadistyero ha Babilonya. Hini nga artikulo, gagamiton naton an Nisan. 5. Ano an kinahanglan buhaton han mga Israelita antes hira talwason? (Kitaa an retrato ha pahina 17.) 6. Kayano nga sadang igsaurog han mga Israelita an Paskua kada tuig? An selebrasyon ha Nisan 14 susundan hin usa pa nga piyesta nga igsasaurog hin pito ka adlaw. An Nisan 14 amo an aktuwal nga Paskua, pero ini ngatanan nga walo ka adlaw nga piyesta puydi tawagon nga Paskua. (Eks. 12:14-17; Luc. 22:1; Juan 18:28; 19:14) An Paskua usa han mga piyesta, o mga anibersaryo, nga iginsugo ha mga Israelita nga igsaurog kada tuig. 2 Kron. 8:13, The Bible in Living English. 7 Sugad nga mga Judio nga ilarom han Mosaiko nga Balaud, ginsasaurog ni Jesus ngan han iya mga apostol an tinuig nga Paskua. (Mat. 26: 17-19) Ha ira ultimo nga pagsaurog hito, gintikangan ni Jesus an usa nga bag-o nga selebrasyon nga ha urhi isasaurog kada tuig han iya mga sumurunod an Panihapon han Ginoo. Kondi ano nga adlaw nira ito isasaurog? ANO NGA ADLAW AN PANIHAPON HAN GINOO? 8 Gintikangan ni Jesus an Panihapon han Ginoo katapos gud isaurog an Paskua kaupod han iya mga apostol, salit an Panihapon han Ginoo iginsaurog ha adlaw mismo han Paskua. Pero bangin maobserbaran mo nga diri magkapariho an petsa han pagsaurog han mga Judio han Paskua yana ngan han adlaw han aton pagsaurog han Memoryal han kamatayon ni Kristo. Kay ano? An sugo han Dios ha mga Israelita mahitungod han pagtikang han Paskua mabulig ha aton basi mabaton ini. Katapos magsiring nga an bug-os nga katirok han mga katiringban ni Israel magiihaw han karnero, espisipiko nga ginsiring ni Moises kon ha ano nga bahin han adlaw han Nisan 14 bubuhaton ito. Basaha an Eksodo 12: 5, 6. 9 Sumala ha Eksodo 12:6, iihawon an karnero ha kulop. Ha pipira nga bersyon han Biblia, 7. Ano nga selebrasyon an gintikangan ni Jesus ha iya ultimo nga Paskua? 8. Ano an bangin igpakiana han pipira mahitungod han Paskua ngan han Panihapon han Ginoo? 9. Sumala ha Eksodo 12:6, san-o iihawon an karnero han Paskua? (Kitaa liwat an kahon nga Ano nga Bahin han Adlaw? ) 18 AN BARANTAYAN

ANO NGA BAHIN HAN ADLAW? An Judio nga komentarista nga hi Marcus Kalisch (1828-1885) nagsurat: An pariho nga ideya iginpahayag hin mas matin-aw ni Ebn Ezra [kilala nga Espanyol nga rabi, 1092-1167]: May-ada kami duha nga gab-i; siyahan, an katunod han adlaw ngan ikaduha, an bug-os nga pagsirom; ngan an lat-ang hito mga usa ka oras ngan bainte minutos; ngan ini nga esplikasyon, nga baga hin amo an makatadunganon gud nga pagsaysay para liwat ha mga Karaite ngan ha mga taga-samaria, ngan ginkarawat han damu pa nga tawo. An ideya nga an karnero gin-ihaw ha tinikangan nga bahin han Nisan 14 nauyon ha sugo ha mga Israelita nga mababasa ha Deuteronomio 16:6, nga an paghalad para ha pesach, o paskua bubuhaton ha kulop, ha pagkatunod han adlaw, ha panahon ha paggowa motikang ha Ehipto. Eks. 30:8; Num. 9:3-5, 11. upod na an Tanakh han mga Judio, ini nga mga pulong iginhubad nga ha nagsisirom. Salit an karnero sadang ihawon katunod han adlaw pero samtang malamrag pa, ha tinikangan nga bahin han Nisan 14. 10 Paglabay han panahon, gindara han mga Judio an mga karnero ngadto ha templo basi ihawon didto, ngan nagkikinahanglan hin daku nga panahon ha pangihaw hito. Tungod hini, paglabay hin mga siglo, ginhunahuna han pipira nga Judio nga an instruksyon nga mababasa ha Eksodo 12:6 nagtutudlok ha kataposan nga bahin han Nisan 14, ha mga oras butnga han pagtikang han pag-ubos han adlaw (katapos han udto) ngan han katunod han adlaw. Pero kon amo ito an kahimtang, san-o bubuhaton an panihapon ha Paskua? Sumala kan Propesor Jonathan Klawans, ginbubuhat ito ha Nisan 15. Kondi nagsiring hiya nga diri ito direkta nga mababasa ha libro han Biblia nga Eksodo. Nagsiring liwat hiya nga an mga sinurat han mga rabi waray maghisgot kon paonan-o iginsaurog an Paskua antes bungkagon an templo han 70 C.E. 11 Kon sugad, ano nga adlaw iginsaurog an Paskua han 33 C.E.? Bueno, han Nisan 13, samtangnagtitikahirani na an adlaw diin ighahalad 10. Sumala ha pipira, kakan-o an pangihaw han mga karnero, kondi ano an nabangon nga pakiana? 11. (a) Ano an nahitabo kan Jesus ha adlaw han Paskua han 33 C.E.? (b) Kay ano nga an Nisan 15 han 33 C.E. gintawag nga espesyal nga Sabbath? (Kitaa an footnote.) an hayop para ha Paskua, ginsidngan ni Kristo hira Pedro ngan Juan: Lakat kamo ngan pagandam para ha Paskua basi mangaon kita. (Luc. 22:7, 8) Pag-abot han oras para ha panihapon ha Paskua, Huwebes adto, Nisan 14 ha katunod han adlaw, kumaon hi Jesus upod an iya mga apostol. Katapos hito, iya gintikangan an Panihapon han Ginoo. (Luc. 22:14, 15) Hito nga gab-i, gin-aresto ngan ginbista hiya. Iginraysang hiya ha pasakitan nga kahoy han hapit na mag-udto han Nisan 14, ngan pagkakulop namatay hiya. (Juan 19:14) Salit, an Kristo nga aton Paskua iginhalad ha adlaw nga gin-ihaw liwat an karnero han Paskua. (1 Cor. 5:7; 11:23; Mat. 26:2) Iginlubong hi Jesus antes pa mag-nisan 15. Leb. 23: 5-7; Luc. 23:54. USA NGA HINUMDOMAN NGA MAY LEKSYON PARA HA IMO 12 Han iginsaurog an siyahan nga Paskua ha Ehipto, ginsugo han Dios an mga Israelita nga isaurog ito kada tuig tubtob ha waray kataposan. Kada tuig durante han Paskua, an mga An Nisan 15, kinabuwasan katapos han Paskua, amo an siyahan nga adlaw han Piyesta han mga Tinapay nga Waray Ipaturubo ngan pirme ito Sabbath. Han 33 C.E., an Nisan 15 amo an tinikangan han sinemana nga Sabbath (Sabado). Tungod kay iton duha nga Sabbath nahituman ha pariho nga petsa hito nga tuig, gintawag ito nga espesyal nga Sabbath. Basaha an Juan 19:31, 42. 12, 13. Paonan-o an Israelita nga kabataan nagigin bahin han pagsaurog han Paskua? DISYEMBRE 15, 2013 19

Kon naghihisgot mahitungod han Paskua, ano nga mga leksyon an itututdo mo ha imo mga anak? (Kitaa an parapo 14) kabataan nagpapakiana ha ira kag-anak kon kay ano nga ginsasaurog nira ito. (Basaha an Eksodo 12:24-27; Deut. 6:20-23) Salit an Paskua magigin usa nga hinumdoman nga bisan an kabataan magpapahimulos tikang hito. Eks. 12:14. 13 Ha sulod hin damu nga henerasyon, gintutdoan han mga Israelita an ira mga anak hin importante nga mga leksyon mahitungod han Paskua. Usa hini an may kalabotan han abilidad ni Jehova ha pagpanalipod ha iya mga magsiringba. An kabataan nahibaro nga hi Jehova buhi ngan totoo nga Dios nga nagmamangno ngan nagpapanalipod ha iya katawohan. Ginpamatud-an niya ini han gintalwas niya an mga suhag han mga Israelita han ginhampak niya an mga Ehiptohanon. 14 Diri obligado an Kristiano nga mga kaganak nga ig-istorya kada tuig ha ira mga anak an mahitungod han Paskua. Kondi, igintututdo mo ba ha imo mga anak an pariho nga leksyon, nga ginpapanalipdan han Dios an iya katawohan? Iginsusumat mo ba nga kombinsido ka gud nga nagpapanalipod pa gihapon hi Jehova 14. Ano nga mga leksyon mahitungod han Paskua an mahimo igtutdo han mga kag-anak ha ira mga anak? ha iya katawohan yana? (Sal. 27:11; Isa. 12:2) Ginbubuhat mo ba ito pinaagi hin makalilipay nga pag-iristorya upod han imo mga anak imbes nga ha makauuyam nga paagi? Pangalimbasog nga maitutdo ito nga mga leksyon basi mabuligan an imo pamilya nga mas sumarig pa gud kan Jehova. 15 An usa pa nga importante nga leksyon nga aton mahibabaroan mahitungod han Paskua amo nga hi Jehova diri la nagpapanalipod ha iya katawohan kondi nagtatalwas liwat ha ira. Hunahunaa kon ano an nahiupod han gintalwas ni Jehova an mga Israelita tikang ha Ehipto. Gin-giyahan hira hin harigi nga dampog ngan kalayo. Katapos nakita nira han gintunga ni Jehova an Dagat nga Pula ngan nagin sugad hin mga pader an katubigan ha mga ligid hito, ngan nakaglakat hira ha butnga han mamara nga tuna hito. Han nakatabok na hira, nakita nira han binalik an tubig ngan nalumos an Ehiptohanon nga kasundalohan. Katapos an natalwas nga mga Israelita nagdayaw: Magkakanta ako kan Jehova... An kabayo ngan an iya sumarakay iya iginlabog ngadto ha dagat. Hi Jehova amo an akon kusog... ngan hiya nahimo nga akon kaluwasan. Eks. 13:14, 21, 22; 15:1, 2; Sal. 136:11-15. 16 Kon may-ada ka mga anak, ginbubuligan mo ba hira nga sumarig kan Jehova sugad nga Paratalwas? Nakikita ba nira ha imo ito nga pagsarig, kon nakikiistorya ka ha ira o kon naghihimo hin mga desisyon? Puydi niyo paghisgotan durante han iyo Pagsingba han Pamilya kon paonan-o gintalwas ni Jehova an iya katawohan dida ha mga asoy nga mababasa ha Eksodo kapitulo 12-15 sugad man ha Buhat 7:30-36 o Daniel 3:16-18, 26-28. Oo, kita ngatanan, batan-on man o lagas, sadang sumarig nga tatalwason kita ni Jehova ha tidaraon sugad la nga gintalwas niya an iya katawohan ha panahon ni Moises. Basaha an 1 Tesalonica 1:9, 10. 15, 16. Ano an aton mahibabaroan mahitungod kan Jehova tikang ha mga asoy may kalabotan ha Paskua ngan han pagbaya han mga Israelita ha Ehipto? 20 AN BARANTAYAN

SADANG NATON HINUMDOMAN 17 Diri na iginsasaurog han tinuod nga mga Kristiano an Paskua. Ito nga anibersaryo bahin han Mosaiko nga Balaud ngan diri na kita ilarom hito. (Roma 10:4; Col. 2:13-16) Lugod, iginsasaurog naton an usa nga anibersaryo, an kamatayon han Anak han Dios. Kondi damu an aton mahibabaroan tikang ha pagsaurog han Paskua nga gintikangan ha Ehipto. 18 An dugo han karnero nga iginpahid ha hamba han mga purtahan nangangahulogan hin katalwasan han kinabuhi. Yana, diri na kita naghahalad ha Dios hin mga hayop, durante man ito han Paskua o ha iba nga adlaw. Kondi may mas birilhon nga halad nga makakatalwas hin kinabuhi ha kadayonan. Hi apostol Pablo nagsurat mahitungod han kongregasyon han suhag nga an mga ngaran nakasurat didto ha langit. An iginwisik nga dugo ni Jesus amo la an paagi basi magkaada hin kinabuhi nga waray kataposan ha langit an dinihogan nga mga Kristiano. (Heb. 12:23, 24) Tungod liwat hito nga dugo, nagin posible para ha iba nga karnero nga magkaada paglaom nga mabuhi ha waray kataposan dinhi ha tuna. Kinahanglan pirme nira hinumdoman ini nga pasarig: Pinaagi ha iya nagkaada kita kagawasan kay ginlukat kita pinaagi han iya dugo, oo, napasaylo an aton mga pagtalapas tungod han pagkadaku han diri-matupngan nga pagkabuotan han Dios. Efe. 1:7. 19 Kon gin-iihaw an karnero para ha panihapon ha Paskua, diri ginbabari han mga Israelita an mga tul-an hito. (Eks. 12:46; Num. 9:11, 12) Kumusta man an mga tul-an han Kordero han Dios, hi Jesus, nga iginhatag an iya kinabuhi sugad nga lukat? (Juan 1:29) Iginraysang hiya ha pasakitan nga kahoy ha butnga han duha nga kriminal. Ginsugo ni Pilato an mga Judio nga barion an mga tul-an han iginraysang nga ka- 17, 18. Kay ano nga mas birilhon an dugo ni Jesus kay han dugo han karnero han Paskua? 19. Paonan-o an paagi han kamatayon ni Jesus nagpaparig-on han aton pagsarig ha mga tagna ha Biblia? lalakin-an. Hini nga paagi, mapapadagmit an ira kamatayon, salit makukuha dayon an ira patay nga lawas ha pasakitan nga kahoy antes an Nisan 15, usa nga espesyal nga Sabbath. Ginbari han kasundalohan an mga bitiis han duha nga kriminal, pero pagdaop nira kan Jesus, waray nira baria an iya mga bitiis kay nakita nira nga patay na hiya. (Juan 19:31-34) Sugad la nga waray baria an mga tul-an han karnero han Paskua, waray liwat baria an mga tul-an ni Jesus. Salit ini nga karnero nagpapadagaw han halad ni Jesus han Nisan 14, 33 C.E. (Heb. 10:1) Gintuman hini an mga pulong ha Salmo 34:20. Sadang ini magparig-on han aton pagsarig ha mga tagna ha Biblia. 20 Kondi may-ada kaibahan an Paskua ngan an Panihapon han Ginoo. Iginpapakita hini nga an Paskua nga ginsasaurog han mga Judio diri nagpapadagaw han ginsiring ni Kristo nga sadang buhaton han iya mga sumurunod ha paghinumdom han iya kamatayon. Pananglitan, ginkaon han mga Israelita an unod han karnero pero waray nira inoma an dugo hito. Kaiba ito ha iginsugo ni Jesus nga sadang buhaton han iya mga disipulo. Hiya nagsiring nga adton magmamando ha ginhadian han Dios kinahanglan kumaon han tinapay ngan uminom han bino sugad nga simbolo han iya unod ngan dugo. Aton hihisgotan an dugang nga detalye hini ha sunod nga artikulo. Mar. 14:22-25. 21 Pero waray ruhaduha nga an Paskua usa nga importante nga panhitabo ha pakig-upod han Dios ha mga Israelita, ngan nagtututdo ito hin mga leksyon ha tagsa ha aton. Salit bisan kon an Paskua hinumdoman para la ha mga Judio, kita nga mga Kristiano sadang mahibaro mahitungod hito ngan sundon an mapulsanon nga mga leksyon hito, tungod kay bahin ito han ngatanan nga Kasuratan nga giniyahan han Dios. 2 Tim. 3:16. 20. Ano an usa nga kaibahan han Paskua ngan han Panihapon han Ginoo? 21. Kay ano nga sadang mahibaro kita mahitungod han Paskua? DISYEMBRE 15, 2013 21

BUHATA INI SUGAD NGA HINUMDOMAN HA AKON Katapos magpasalamat, iya gintipik-tipik [an tinapay] ngan nagsiring: Nagsisimbolo ini han akon lawas nga ihahatag para ha iyo. Padayon nga buhata niyo ini sugad nga hinumdoman ha akon. 1 COR. 11:24. ANO AN IMO BATON? Paonan-o hibabaroan an petsa han Memoryal? Ano an ginsisimbolohan han tinapay ngan han bino durante han Panihapon han Ginoo? Anoman an aton paglaom, kay ano nga importante nga tumambong kita ha Memoryal? NAKITA han mga magbarantay ha Jerusalem an gimata, o new moon. Iginpahibaro ito ha Sanhedrin ngan igindeklara nira nga nagtikang na an bag-o nga bulan, an Nisan. Katapos, iginpasarang ito nga sumat pinaagi han pagpalaga han kalayo nga naghahatag hin sinyales o pinaagi hin mga mensahero. Maaram an mga apostol nga an panahon han Paskua nagtitikahirani na. Posible gud nga ginhunahuna nira nga karuyag ni Jesus makaabot ha Jerusalem antes an Paskua. 2 Hito nga panahon, hi Jesus ngan an iya mga apostol nakadto ha Perea (tabok han Jordan) ha iya ultimo nga pagbiyahe pakadto ha Jerusalem. (Mat. 19:1; 20:17, 29; Mar. 10:1, 32, 46) Kon hibaroan na an siyahan nga adlaw han Nisan, an Paskua isasaurog paglabay hin 13 ka adlaw, katunod han adlaw ha Nisan 14. 3 An petsa han Panihapon han Ginoo nga katugbang ha petsa han Paskua, mahitutuman ha Abril 14, 2014, katunod han adlaw. Espesyal ito nga adlaw para ha tinuod nga mga Kristiano ngan ha mga interesado. Kay ano? Tungod han aton mababasa ha 1 Corinto 11:23-25: Han tatraydoran na an Ginoo nga hi Jesus, kinuha hiya hin tinapay, ngan katapos magpasalamat, iya gintipik-tipik ito ngan nagsiring: Nagsisimbolo ini han akon lawas nga ihahatag para ha iyo. Padayon nga buhata niyo ini sugad nga hinumdoman ha akon. Sugad liwat hito an iya ginbuhat ha kopa. 4 An Memoryal an amo la nga okasyon nga iginsugo ni Jesus nga isaurog kada tuig han iya mga sumurunod, ngan sigurado nga karuyag motumambong hito. Antes pa hito, pakianhi an imo kalugaringon: Paonan-o ako mangangandam para hito nga okasyon? Ano nga mga emblema an gagami- 1, 2. Ano an posible gud nga ginhunahuna han mga apostol antes an ultimo nga pagbiyahe ni Jesus pakadto ha Jerusalem? 3. Kay ano nga angayan gud la nga magin interesado an mga Kristiano ha petsa han Paskua? 4. (a) Ano an posible igpakiana mahitungod han Memoryal? (b) Paonan-o mahibabaroan an petsa han Memoryal kada tuig? (Kitaa an kahon nga Memoryal ha 2014. ) AN BARANTAYAN

ton? Ano an bubuhaton durante hito? Kay ano nga importante ha akon ito nga okasyon ngan an mga emblema nga ginagamit para hito? AN MGA EMBLEMA 5 Han ginsugo ni Jesus an iya mga apostol nga mag-andam hin kwarto nga gagamiton para ha panihapon ha Paskua, waray hiya magsiring nga butangan ito hin damu nga dekorasyon; lugod, posible nga karuyag la niya an simple ngan malimpyo nga kwarto nga may igo nga espasyo para ha iya ngan ha iya mga apostol. (Basaha an Marcos 14:12-16.) Iaandam nira an ngatanan nga butang nga ginkikinahanglan para ha panihapon, upod na an tinapay nga waray ipaturubo ngan an pula nga bino. Katapos han panihapon, naghisgot hi Jesus mahitungod hiton duha nga emblema. 6 Hi apostol Mateo presente hito nga okasyon ngan ha urhi hiya nagsurat: Kinuha hi Jesus hin tinapay, ngan katapos mag-ampo gintipik-tipik ito, iginhatag ha mga disipulo ngan nagsiring: 5. Ano an iginsugo ni Jesus ha iya mga apostol mahitungod ha pagpangandam para ha ultimo nga Paskua? 6. (a) Katapos han panihapon ha Paskua, ano an ginsiring ni Jesus mahitungod han tinapay? (b) Ano nga klase hin tinapay an ginagamit ha Memoryal? Kuha kamo ngan kaona niyo. (Mat. 26:26) An tinapay waray ipaturubo, pariho han gingamit para ha Paskua. (Eks. 12:8; Deut. 16:3) Ginhimo ito tikang ha trigo nga harina ngan tubig, waray bisan ano nga salakot sugad han asin. Tungod kay waray ito ipaturubo, waray ito tumubo. Ordinaryo la ito, mamara, maragumok, ngan masayon tipik-tipikon. Yana, antes an Memoryal, an mga tigurang puydi magtoka hin bugto nga magluluto hito. Lulutoon niya ito ha karaha nga may gutiay nga mantika. (Kon waray trigo nga harina, puydi gamiton an harina nga tikang ha bugas, mais, o ha mga lugas nga puropariho hito.) 7 Hi Mateo nagpadayon: Kinuha... [hi Jesus] hin kopa nga may bino, ngan kahuman magampo, iginhatag ito ha mga apostol ngan nagsiring: Inom kamo ngatanan hito. (Mat. 26: 27, 28) An ginkuha ni Jesus amo an kopa nga may pula nga bino. (Posible nga diri ito bag-o nga duga han ubas, tungod kay hito nga panahon, maiha na nga natapos an pag-ani han ubas.) Waray bino han siyahan nga panihapon 7. Ano nga klase hin bino an ginhisgotan ni Jesus, ngan ano nga klase hin bino an mahimo naton gamiton yana ha Memoryal? MEMORYAL HA 2014 Ha sulod hin mga 30 ka adlaw, an bulan nalibot ha planeta nga Tuna. Hini nga sikolo, may mga panahon nga an bulan nahimumutang ha butnga han Tuna ngan han adlaw. Gintatawag ini nga gimata, o new moon. Hini nga takna, an bulan diri makikita dinhi ha tuna ha sulod hin 18 tubtob 30 ka oras. Ha 2014, an gimata nga hirani ha spring equinox mahitutuman ha Marso 30, ha 8:45 han gab-i (20:45), ha oras ha Jerusalem. An sunod nga katunod han adlaw ha Jerusalem (Marso 31) mahitatabo paglabay hin mga An equinox nahitatabo hin duha ka beses ha usa ka tuig, ha Marso ngan Septyembre, kon an adlaw ngan an gab-i haros magkapariho an kahilawigon, karuyag sidngon, 12 ka oras durante han adlaw ngan 12 ka oras durante han gab-i. 21 ka oras. Hito nga adlaw an gimata bangin diri pa makita. Posible nga an siyahan nga katunod han adlaw diin an gimata makikita ha Jerusalem mahitatabo ha Abril 1. Salit kon gagamiton naton an paagi han pag-ihap han petsa han kadaan nga mga Judio, masisiring naton nga an Nisan 1, magtitikang ha katunod han adlaw ha Abril 1. Salit iginpahibaro ha mga kongregasyon han mga Saksi ni Jehova ha bug-os nga kalibotan nga an Nisan 14 magtitikang ha katunod han adlaw ha Lunes, Abril 14, 2014. Kadayaw hito nga panahon. Para ha dugang nga impormasyon mahitungod ha pag-ihap han petsa, kitaa an The Watchtower han Hunyo 15, 1977, pahina 383-384.

An mga apostol uminom han bino nga nagsisimbolo han kan Jesus dugo han kasabotan (Kitaa an parapo 11, 12) ha Paskua didto ha Ehipto, kondi waray magsiring hi Jesus nga sayop an pag-inom hito durante han Paskua. Naggamit pa ngani hiya hito durante han Panihapon han Ginoo. Salit an mga Kristiano nagamit liwat hin bino durante han Memoryal. Kinahanglan waray ito halo nga alkohol o mga panakot, sugad la nga waray iginhalo ha dugo ni Jesus basi magin mas birilhon ito. Salit puro nga pula nga bino an sadang gamiton. Puydi nga hinimo la ito o ginpalit, sugad han Beaujolais, Burgundy, o Chianti. KON ANO AN KAHULOGAN HAN MGA EMBLEMA 8 Iginpatin-aw ni apostol Pablo nga labot la ha mga apostol, an mga Kristiano liwat sadang magsaurog han Panihapon han Ginoo. Hiya nagsurat ha iya mga igkasi-tumuroo ha Corinto: An nakarawat ko tikang ha Ginoo igintutdo ko ha iyo, nga... an Ginoo nga hi Jesus, kinuha... hin tinapay, ngan katapos magpasalamat, iya gintipik-tipik ito ngan nagsiring: Nagsisimbolo ini han akon lawas nga ihahatag para 8. Kay ano nga interesado an mga Kristiano ha ginsisimbolohan han tinapay ngan han bino? ha iyo. Padayon nga buhata niyo ini sugad nga hinumdoman ha akon. (1 Cor. 11:23, 24) Tungod hito, ginpapabilhan gud han mga Kristiano yana inin tinuig nga espesyal nga okasyon ngan interesado hira ha ginsisimbolohan han tinapay ngan han bino. 9 An pipira nga relihiyoso naghuhunahuna nga literal an ginsiring ni Jesus: Ini an akon lawas, salit natoo hira nga an tinapay milagroso nga nagin unod mismo ni Jesus. Kondi diri ito uyon ha kamatuoran. An lawas ni Jesus ngan an tinapay nga waray ipaturubo nakada ha atubangan han matinumanon nga mga apostol. Matin-aw nga nagyayakan hi Jesus ha simboliko nga paagi, sugad han iya ginbuhat ha damu nga higayon. Juan 2:19-21; 4:13, 14; 10:7; 15:1. An German nga eskolar nga hi Heinrich Meyer nagsiring nga waray hunahunaa han mga apostol nga literal nga kakaunon nira an lawas ni Jesus ngan iinumon an iya dugo, tungod kay an lawas ni Jesus waray pa madaot (buhi pa). Nagsiring liwat hiya nga gumamit hi Jesus hin simple nga mga pulong ha pagsaysay han ginsisimbolohan han tinapay ngan han bino tungod kay karuyag niya nga masabtan ito han iya mga apostol. 9. Ano an sayop nga gintotoohan han pipira mahitungod han tinapay nga gin-gamit ni Jesus? 24 AN BARANTAYAN

10 An tinapay nga nakikita han mga apostol ngan ha diri na mag-iiha kakaunon nira, nagsisimbolo han lawasni Jesus. Hadto, ginhunahuna han mga surugoon han Dios nga an tinapay nagsisimbolo ha kongregasyon han dinihogan nga mga Kristiano, nga gintatawag nga lawas han Kristo, tungod kay an tinapay gintipik-tipik ni Jesus samtang an iya mga tul-an waray man magkababari. (Efe. 4:12; Roma 12:4, 5; 1 Cor. 10:16, 17; 12:27) Kondi katapos han dugang nga pagsaliksik, nasabtan nira nga an tinapay nagsisimbolo han tawhanon nga lawas ni Jesus. Nag-antos [hi Jesus] han tawo pa hiya, iginraysang pa ngani ha pasakitan nga kahoy. Salit ha Panihapon han Ginoo, an tinapay nagsisimbolo han tawhanon nga lawas ni Jesus nga nagdara han aton mga sala. 1 Ped. 2:21-24; 4:1; Juan 19:33-36; Heb. 10:5-7. 11 An paghibaro han ginsisimbolohan han tinapay nabulig ha aton nga masabtan kon ano an kahulogan han ginsiring ni Jesus mahitungod han bino. Aton mababasa: Sugad liwat hito an iya ginbuhat ha kopa, katapos niya manihapon, nagsiring hiya: Ini nga kopa nagsisimbolo han bag-o nga kasabotan nga ginhimo pinaagi han akon dugo. (1 Cor. 11:25) Damu nga Biblia an may pariho nga hubad han literal nga bersyon ni Robert Young: Ini nga kopa amo an bag-o nga kasabotan han akon dugo. (Amon an italiko.) An kopa ba nga ginkakaptan mismo ni Jesus amo an bag-o nga kasabotan? Diri. An pulong nga kopa nagtutudlok ha kon ano an sulod hito an bino. Ano an ginsiring ni Jesus nga ginsisimbolohan hito? An iya iginpaagay nga dugo. 12 Ha ebanghelyo ni Marcos, mababasa naton an ginsiring ni Jesus: Nagsisimbolo ito han akon dugo han kasabotan, nga igpapaagay para ha damu nga tawo. (Mar. 14:24) Oo, an dugo ni Jesus igpapaagay basi mapasaylo an mga sala han damu nga tawo. (Mat. 26:28) Salit an pula 10. Ano an ginsisimbolohan han tinapay nga gin-gamit durante han Panihapon han Ginoo? 11, 12. (a) Ano an ginsiring ni Jesus mahitungod han bino? (b) Ano an ginsisimbolohan han bino nga gin-gamit ha Panihapon han Ginoo? nga bino angayan nga nagsisimbolo han literal nga dugo ni Jesus. Pinaagi hito nga dugo, magkakaada kita kagawasan tungod han lukat, mapapasaylo an aton mga pagtalapas. Basaha an Efeso 1:7. AN PAGSAUROG HAN KAMATAYON NI KRISTO 13 Kon matambong ka ha Memoryal upod han mga Saksi ni Jehova ha siyahan nga higayon, ano an imo malalaoman? Ito nga okasyon posible himoon ha usa nga simple ngan malimpyo nga katirokan, diin an ngatanan nga natambong komportable ngan magpapahimulos hito. Bangin may makita ka nga mga bukad, pero waray ka makikita nga magarbo nga mga dekorasyon, ngan diri ito sugad hin party. Usa nga kwalipikado nga tigurang an magpapahayag kon ano an ginsisiring han Biblia mahitungod han okasyon. Isasaysay niya nga hi Kristo namatay sugad nga lukat basi kita mabuhi. Basaha an Roma 5:8-10. 14 Isasaysay liwat han mamumulong an duha nga magkaiba nga paglaom han mga Kristiano nga ginhisgotan ha Biblia. An siyahan amo an paglaom nga magmando ha langit kaupod ni Kristo, an paglaom han pipira han iya mga sumurunod, sugad han matinumanon nga mga apostol. (Luc. 12:32; 22:19, 20; Pah. 14:1) An ikaduha amo an paglaom han kadam-an nga Kristiano nga maunungon nga nag-aalagad kan Jehova. Naglalaom hira nga mabuhi ha waray kataposan ha paraiso nga tuna. Katapos, an kaburut-on han Dios matutuman dinhi ha tuna sugad han ha langit, nga maiha na nga igin-iinampo han mga Kristiano. (Mat. 6:10) Iginsusumat han Kasuratan an makalilipay nga kahimtang nga ira maieksperyensyahan ha kadayonan. Isa. 11:6-9; 35: 5, 6; 65:21-23. 15 Katapos isaysay iton duha nga paglaom, an mamumulong masiring nga inabot na an 13. Isaysay kon paonan-o ginsasaurog an tinuig nga Memoryal han kamatayon ni Kristo. 14. Durante han pahayag ha Memoryal, ano an duha nga paglaom nga isasaysay han mamumulong? 15, 16. Ano an bubuhaton ha tinapay durante han Memoryal? DISYEMBRE 15, 2013 25

oras basi buhaton an ginhimo ni Jesus hadton Panihapon han Ginoo. Sugad han gin-unabi na, duha nga emblema an gagamiton, an tinapay nga waray ipaturubo ngan an pula nga bino. Bangin ibutang ito ha usa nga lamesa nga hirani ha mamumulong. Babasahon niya ha Biblia an mga asoy nga nagsasaysay kon ano an ginbuhat ni Jesus ha tinapay. Pananglitan, ha asoy ni Mateo aton mababasa: Kinuha hi Jesus hin tinapay, ngan katapos mag-ampo gintipik-tipik ito, iginhatag ha mga disipulo ngan nagsiring: Kuha kamo ngan kaona niyo. Nagsisimbolo ini han akon lawas. (Mat. 26:26) Gintipik-tipik ni Jesus an tinapay basi maipasa ito ha iya mga apostol. Ha pagsaurog han Memoryal ha Abril 14, makikita mo dida ha mga plato an gintipik-tipik nga tinapay nga waray ipaturubo. 16 Igo nga kadamu hin plato an gagamiton basi madagmit nga maipasa an tinapay ha ngatanan nga natambong. Bubuhaton ini hin waray espesyal nga mga rituwal. Mag-aampo hin madaliay, katapos ipapasa an mga plato ha mahapsay nga paagi, uyon ha kon ano an praktikal ha lugar nga ginkakatirokan. May pipira o bangin waray makaon han tinapay, sugad han nahitabo ha kadam-an nga kongregasyon han iginpasa ito durante han Memoryal han 2013. 17 Katapos, babasahon han mamumulong an ginbuhat ni Jesus ha bino: Kinuha... hiya hin kopa nga may bino, ngan kahuman mag-ampo, iginhatag ito ha mga apostol ngan nagsiring: Inom kamo ngatanan hito, kay nagsisimbolo ito han akon dugo han kasabotan, nga igpapaagay basi mapasaylo an mga sala han damu nga tawo. (Mat. 26:27, 28) Ha pagsubad hito nga ginbuhat ni Jesus, mag-aampo utro ngan katapos ipapasa ha ngatanan nga natambong an mga kopa nga may pula nga bino. 18 Kadam-an han mga natambong diri maka- 17. Durante han Memoryal, paonan-o susubaron an ginbuhat ni Jesus ha bino? 18. Bisan kon pipira la o bangin waray makigbahin han mga emblema, kay ano nga importante pa gihapon nga tumambong ha Memoryal? on han tinapay ngan mainom han bino samtang iginpapasa ito tungod kay nagsiring hi Jesus nga an makikigbahin la hito amo adton magmamando kaupod niya ha langit. (Basaha an Lucas 22:28-30; 2 Tim. 4:18) Bisan kon an kadam-an nga Kristiano diri nakikigbahin han mga emblema, importante pa gihapon nga tumambong hira ha Memoryal, tungod kay an ira presensya nagpapakita nga ginpapabilhan gud nira an halad lukat ni Jesus. Durante han Memoryal, mapapamalandong nira an mga bendisyon nga ira mapapahimulosan tungod han lukat. Sugad nga bahin han daku nga grupo, may paglaom hira nga makatalwas ha tiarabot nga daku nga kasakitan. Hira adton mga magsiringba nga ginlabhan an ira hilaba nga bado ngan ginpabusag ha dugo han Kordero. Pah. 7:9, 14-17. 19 An mga Saksi ni Jehova ha bug-os nga tuna nangangandam para hinin espesyal nga okasyon. Mga pipira ka semana antes hito, nangangalimbasog gud kita ha pag-imbitar ha damu nga tawo nga tumambong hito. Dugang pa, mga pipira ka adlaw antes han Memoryal, kadaman ha aton an magbabasa han mga asoy ha Biblia mahitungod han ginbuhat ni Jesus ngan kon ano an nahitabo antes han Panihapon han Ginoo han 33 C.E. Abanse nga paplanuhon naton an aton mga buruhaton basi makatambong hito. Maopay gud kon umabot kita antes an siyahan nga kanta ngan pag-ampo basi maabiabi naton an mga bisita ngan bug-os nga magpahimulos han programa. Kita ngatanan, mga membro han kongregasyon ngan mga bisita, magpapahimulos kon susundan naton ha aton Biblia an mga teksto nga ginbabasa ngan ginsasaysay han mamumulong.labaw ha ngatanan, an aton pagtambongha Memoryal nagpapakita han aton kinasingkasing nga pagpasalamat han halad lukat ni Jesus ngan han aton pagsugot ha iya sugo: Padayon nga buhata niyo ini sugad nga hinumdoman ha akon. 1 Cor. 11:24. 19. Ano an imo bubuhaton ha pagpangandam para ha Memoryal basi magpahimulos ka hito? 26 AN BARANTAYAN

Pag-atubang han Kamatayon han Imo Padis AN BIBLIA matin-aw nga nasiring: Sadang higugmaon han bana an iya asawa sugad han iya paghigugma ha iya kalugaringon. Sugad man, an asawa sadang magkaada daku nga respeto ha iya bana. Sadang nira buhaton an tagsa nira nga papel sugad nga usa nga unod. (Efe. 5:33; Gen. 2:23, 24) Samtang nalabay an panahon, mas nagtitikarig-on an relasyon han mag-asawa ngan an ira gugma ha usa kag usa. Maipapariho ito ha mga gamot han duha nga kahoy nga natubo nga magkahirani gud. Mas nagtitikahilarom an pagbati ha usa kag usa han malipayon nga mag-asawa ha paglabay han panahon. Pero kumusta man kon mamatay an bana o an asawa? An bugkos han pag-asawa, nga marig-on samtang buhi pa hira nauutod. Salit agsob abaton han usa nga nababalo an kabido, kamingaw, ngan bangin kasina o kakonsensya pa ngani. Ha sulod hin 58 ka tuig nga pagin inasaw-an, damu an nakilala ni Daniella nga namatyan hin padis. Kondi han nabalo hiya, nagsiring hiya: Hadto, diri ko gud bug-os nga nasasabtan ini nga kahimtang. Diri mo gud ini masasabtan labot la kon maeksperyensyahan mo ini. KASAKIT NGA BAGA HIN DIRI MAWAWARA An pipira nga parasaliksik nasiring nga an pinakamasakit nga hitabo ha kinabuhi amo an kamatyi hin hinigugma nga padis. Damu nga balo an nauyon hini. An bana ni Millie namatay damu na ka tuig an naglabay. Ha pagsaysay han iya kinabuhi sugad nga balo, hiya nagsiring, Pag-abat ko baldado ako. Ito an iya iginpahayag mahitungod han iya inaabat tungod han kamatay han iya bana nga nakaupod niya ha sulod hin 25 ka tuig. Ginbag-o an mga ngaran. 27

An ira pagtangis ngan mga kasubo diri naton sadang tagdon sugad nga kaluyahan, lugod tagdon ito sugad nga natural nga reaksyon tungod han kawad-i hin hinigugma. Bangin kinahanglan nira an aton padayon nga suporta ngan empatiya. Mabubuligan ka han Dios nga maatubang kada adlaw an imo kabido tungod han kamatyi Ginhuhunahuna hadto ni Susan nga sobra la magtaguminatay an mga balo nga nabibido pa gihapon bisan kon maiha na nga namatay an ira bana. Kondi namatay an iya bana nga nakaupod niya hin 38 ka tuig. Sobra 20 ka tuig na an naglabay, pero nasiring pa gihapon hiya, Nahuhunahuna ko hiya kada adlaw. Agsob hiya magtangis tungod kay nahihidlaw gud hiya ha iya bana. Ginpapamatud-an han Biblia nga masakit hinduro an mamatyan hin padis ngan maiha gud ito mawara. Han mamatay hi Sara, hi Abraham nga iya bana, inabot basi makapanhayhay, ngan makagtinuok kan Sara. (Gen. 23:1, 2) Bisan kon natoo hi Abraham ha pagkabanhaw, nabido hiya hinduro han mamatay an iya hinigugma. (Heb. 11:17-19) Han mamatay an kan Jakob hinigugma nga asawa nga hi Rakel, waray dayon niya ito hingalimti. Mahigugmaon nga gininistorya niya ito ha iya mga anak. Gen. 44:27; 48:7. Ano an aton hibabaroan tikang hini nga mga ehemplo ha Biblia? Kasagaran na nga maiha mawara an kasakit han mga balo tungod han kamatay han ira padis. PAG-ATUBANG HA KADA ADLAW Kon an usa nababalo, diri ito kay pagbalik la ha pagin solo. Katapos han damu ka tuig nga pag-asawa, an bana kasagaran nga maaram na kon paonan-o liliawon ngan paparig-unon an iya asawa kon nasusubo o kon nanluluya. Kon mamatay hiya, an surok han gugma ngan pagliaw han asawa nawawara liwat. Ha pariho nga paagi, maaram na an asawa kon paonan-o niya mapapalipay an iya bana ngan ipapaabat ha iya an kasigurohan. Waray gud makakalabaw pa han iya mahigugmaon nga mga kapot, nakakaliaw nga mga pulong, ngan atensyon nga iya iginhahatag ha mga butang nga naruruyagan ngan ha mga panginahanglan han iya bana. Kon mamatay hiya, an bana bangin umabat nga kulang na an iya kinabuhi. Salit an iba nga namatyan hin padis nababaraka o nahahadlok pa ngani kon ano an ira magigin tidaraon. Ano nga prinsipyo ha Biblia an mabulig ha ira nga magkaada kasigurohan ngan kamurayawan? Ayaw gud kamo kabaraka mahitungod han sunod nga adlaw, kay an kada adlaw may kalugaringon nga mga kabaraka. An problema la yana nga adlaw an hunahunaa. (Mat. 6:34) Ini nga mga pulong ni Jesus naaplikar labi na ha materyal nga mga panginahanglan, pero nakabulig liwat ini ha damu nga mailob an duro nga kabido tungod han kamatyi hin hinigugma. Mga pipira ka bulan katapos mamatay an asawa ni Charles, hiya nagsiring: Duro la gihapon an akon kahidlaw kan Monique, ngan may mga panahon nga baga hin nagtitikaduro la ito. Kondi nasantop ko nga normal la ito ngan ha paglabay han panahon hinayhinay nga maiibanan an akon kasakit. Oo, kinahanglan ilubon ni Charles an kasakit ha paglabay han panahon. Paonan-o niya ito mahihimo? Hiya nagsiring, Ha bulig ni Jehova, naatubang ko ito ha kada adlaw. Waray hiya magpadaog han duro nga kasubo. An iya kasakit waray mawara hin usa la ka gab-i, pero waray niya tuguti nga makagwara ini han iya kalipay. Kon namatyan ka han imo padis, pangalimbasog nga maatubang an imo mga kabido ha kada adlaw. Diri ka maaram kon ano nga bulig o pagdasig an bangin makarawat mo ha sunod nga adlaw. 28 AN BARANTAYAN

An kamatayon diri bahin han orihinal nga katuyoan ni Jehova. Ha kabaliktaran, bahin ito han mga buhat han yawa. (1 Juan 3:8; Roma 6:23) Ginagamit ni Satanas an kamatayon ngan an kahadlok hito basi uripunon an damu nga tawo ngan bug-os nga mawadan hin paglaom. (Heb. 2:14, 15) Nalilipay hi Satanas kon an usa nawawad-an hin paglaom nga magkaada hin tinuod nga kalipay ngan katagbaw, bisan ha bag-o nga kalibotan han Dios. Salit an duro nga kabido han usa nga nabalo amo an resulta han pakasala ni Adan ngan han pagrebelde ni Satanas. (Roma 5:12) Bug-os nga wawad-on ni Jehova an kadaot nga ginhimo ni Satanas, ngan iya bubungkagon an kamatayon. Upod hadton mga nakatalwas tikang ha kahadlok nga ginpapahinabo ni Satanas amo adton damu nga tawo nga namatyan hin padis, ngan bangin usa ka ha ira. Kon mahitungod hadton mga mababanhaw dinhi ha tuna, damu nga mga pagbag-o an ira maieksperyensyahan. Pananglitan, an mga kag-anak, lolo ngan lola, ngan iba pa nga kaapoy-apoyan nga mababanhaw hinay-hinay nga magigin hingpit upod an ira mga anak ngan mga apo. Wawad-on na an mga epektotungod han kalagas. Bangin mas maopay na gud an pagtagad han mga batan-on ha ira mga kaapoy-apoyan kon ikompara ha pagtagad nira ha ira yana. Makakabulig ini basi magin mas marig-on an relasyon han tawhanon nga pamilya. Bangin damu an aton pakiana mahitungod ha pagkabanhaw. Pananglitan, ano an mahitatabo kon an usa ka tawo nabalo hin makaduha o sobra pa? An mga Saduseo nagpakiana mahitungod han usa nga babaye nga namatay an iya siyahan nga bana, an ikaduha, ngan an sumunod pa nga iya nagin mga bana. Liawa an mga Nabibido Tungod han Kamatyi Mga pipira ka adlaw katapos mamatay an padis han usa nga Kristiano, bangin damu an bumisita ha iya basi liawon hiya ngan buligan ha magkalainlain nga paagi. Pananglitan, posible nga magpasalamat an usa nga balo tungod han bulig han iya mga kapamilya ngan kasangkayan. Pero an iya kabido bangin diri mawara dayon, ngan kinahanglan niya hin pagliaw ngan suporta ha pipira ka panahon. An Biblia nasiring: An sangkay nahigugma ha ngatanan nga panahon; ngan an usa nga bugto natawo para ha kakurian. Prob. 17:17. Paonan-o mo sadang kumustahon an usa nga nagtataguminatay? An Biblia naghahatag hin giya: Magkaurosa kamo ngatanan ha iyo panhunahuna, ipakita an pagpaid ha iba, an minagburugto nga gugma, an malumo nga kalooy. (1 Ped. 3:8) Mga pipira ka panahon katapos mamatyi, bangin diri pa maopay an inaabat han nabalo. Salit bisan kon maopay an aton intensyon, an mga pulong sugad han Kumusta ka na? o Okey ka la ba? bangin diri amo an maopay nga paagi han pangumusta. An nagtataguminatay bangin maghunahuna, Diri ka maaram han akon inaabat o, Paonan-o ako magigin okey hini nga panahon? Salit bangin mas makabulig an pagpahayag hin sinsero ngan positibo nga mga pulong, sugad han Nalilipay gud ako nga makita ka, o Napaparigon ako kon nakikita ko ikaw ha mga katirok. Mahimo mo imbitaron an nabalo ha usa nga simple nga pangaon o ha pamasyada. An balo nga hi Marcos naliaw tungod han iya kasangkayan nga binisita ha iya. Ano an ira gin-iristoryahan? Hiya nagsiring: An amon iristorya diri nakapokus ha akon mga problema lugod ha makapadasig nga mga butang. An usa pa nga balo nga hi Nina nagsiring: An akon mag-opay nga kasangkayan agsob magpahayag hin husto nga mga pulong ha husto nga panahon. Usahay waray hira ginsisiring gin-uupdan la ako nira. Kon an balo naruruyag mag-istorya mahitungod han nahitabo, pamatii hiya hin maopay ngan magin mapailubon. Likyi an pagpinakiana tungod kay karuyag mo la mag-usyuso. Ayaw paghukom. Diri mo kinahanglan magsagdon kon paonan-o ipapakita an iya duro nga kabido o kon tubtob san-o hiya magtataguminatay. Ayaw kasubo kon karuyag niya mag-usahan. Mahimo ka bumalik ha iya ha iba nga panahon. Padayon nga ipakita an imo gugma. Juan 13:34, 35.

May mga Pakiana Ka ba Mahitungod ha Tidaraon? Natural la nga maghunahuna mahitungod ha kon paonan-o tutumanon ni Jehova an iya mga saad ha tidaraon. Agsob hunahunaon ni Abraham an saad han Dios nga magkakaada hiya hin anak. Gin-aghat hiya ni Jehova nga magin mapailubon. Ngan waray mapakyas inin matinumanon nga surugoon. Gen. 15:2-5; Heb. 6:10-15. Han hinbaroan ni Jacob nga namatay an iya anak nga hi Jose, namingaw gud hiya. Bisan kon pira ka tuig na an naglabay, nasusubo pa gihapon hiya ha nahitabo ha iya anak, nga iya ginhunahuna nga patay na. Kondi hi Jehova may ihahatag ha iya nga bendisyon nga labaw pa kay han iya ginhuhunahuna. Inabot an panahon nga nagkita utro hira Jacob ngan Jose, ngan nalipay gud hi Jacob nga nakita niya pati an iya mga apo. Hiya nagsiring: Waray ko hunahuna pagkita han imo bayhon: ngan, kitaa, ginpakita ako han Dios han imo tulin man. Gen. 37:33-35; 48:11. Anoan aton hibabaroan hini nga mga asoy? Siyahan, sarig nga waray bisan ano nga makakaulang ha Dios nga Makagarahum-ha-ngatanan ha pagtuman han iya kaburut-on. Ikaduha, kon mag-ampo ngan magbuhat kita uyon ha kaburut-on ni Jehova, mamangnoan kita niya yana ngan tatagbawon gud niya ha tidaraon an aton mga panginahanglan ngan mga hingyap. Hi Pablo nagsurat: An Dios nakakahimo gud hin mas damu pa kay ha ngatanan nga butang nga aton maaaro o mahuhunahuna, uyon ha gahum nga nagios ha aton. Salit angay hiya dayawon pinaagi han kongregasyon ngan pinaagi kan Kristo Jesus ha ngatanan nga henerasyon ha kadayonan. Amen. Efe. 3:20, 21. (Luc. 20:27-33) Kon banhawon na hira, ano an ira magigin relasyon ha usa kag usa? Diri kita maaram, ngan kawang la an pagtigo-tigo o pagkinabaraka kon ano an baton hito nga mga pakiana. Hini nga bahin, kinahanglan kita sumarig ha Dios. Usa nga butang an sigurado anoman an buhaton ni Jehova ha tidaraon, para ito ha aton kaopayan. Diri naton ito angay kahadlokan, lugod sadang gud naton ito pamulaton. AN PAGLAOM HAN PAGKABANHAW SUROK HAN PAGLIAW Usa han pinakamatin-aw nga katutdoan han Pulong han Dios amo nga mababanhaw an aton namatay nga mga hinigugma. An mga asoy han Biblia mahitungod han mga ginbanhaw ha naglabay, naggagarantiya nga an ngatanan nga aadto ha handumanan nga mga lubnganan makakabati han tingog [ni Jesus] ngan mababanhaw. (Juan 5:28, 29) Hito nga panahon, an mga tawo magigin malipayon hinduro kon makaupod na nira utro an ira binanhaw nga mga hinigugma. Ngan diri naton mahahanduraw an duro nga kalipay hadton mga binanhaw. Kon banhawon na an binilyon, magigin malipayon an bug-os nga tuna nga waray pa mahitabo kay ha kakan-o pa man. Makakaupod utro hira han mga buhi. (Mar. 5:39-42; Pah. 20:13) An pamalandong mahitungod hinin milagroso nga mahitatabo ha tidaraon sadang makaliaw ha ngatanan nga namatyan hin mga hinigugma. May-ada ba bisan usa man la nga masusubo kon mahitabo na an pagkabanhaw? Waray, siring han Biblia. Sumala ha Isaias 25:8, lalamuyon ni Jehova ha kadayonan an kamatayon. Nag-uupod ito han bug-os nga pagwara han makasurubo nga epekto han kamatayon, kay an tagna nagpadayon: An Ginoo nga hi Jehova magpapahid han mga luha tikang ha ngatanan nga nawong. Kon nasusubo ka yana tungod kay namatay an imo padis, an pagkabanhaw sigurado nga maghahatag ha imo hin hinungdan para malipay. Waray gud bisan hin-o nga tawo nga bug-os nga makakasabot kon ano an bubuhaton han Dios ha bag-o nga kalibotan. Hi Jehova nasiring: Sugad nga an mga langit hiruhitaas kay han tuna, amo man an akon mga paagi hiruhitaas kay han iyo mga paagi, ngan an akon mga hunahuna kay han iyo mga hunahuna. (Isa. 55:9) An saad ni Jesus mahitungod han pagkabanhaw naghahatag ha aton hin higayon nga sumarig kan Jehova, sugad han ginbuhat ni Abraham. Yana, an importante para ha tagsa nga Kristiano amo an pagbu- 30 AN BARANTAYAN

Sarig ha saad ni Jehova mahitungod han makalilipay nga tidaraon hat han ginkikinahanglan han Dios. Kon bubuhaton naton ito, tatagdon kita sugad nga takos banhawon ngan kumarawat han kinabuhi ha tiarabot nga sistema kaupod hadton mga babanhawon. Luc. 20:35. HINUNGDAN HAN PAGLAOM Imbes nga magruhaduha, parig-ona an imo paglaom. Para ha kadam-an, baga hin imposible magkaada hin maopay nga kabubuwason. Kondi hi Jehova naghahatag ha aton hin maopay nga paglaom. Diri kita bug-os nga maaram kon paonan-o tatagbawon ni Jehova an ngatanan naton nga panginahanglan ngan mga hingyap, kondi diri kita sadang magruhaduha nga iya ito bubuhaton. Hi apostol Pablo nagsurat: Kon nakikita na an butang nga ginlalaoman, diri na ito ginlalaoman. Kay lalaoman pa ba ito nga butang kon nakikita na ito? Pero kon diri pa naton nakikita an aton ginlalaoman, mapailubon nga ginpapamulat gud naton ito. (Roma 8:24, 25) An marig-on nga paglaom ha mga saad han Dios mabulig ha imo nga makailob. Pinaagi ha pagpailob, maieksperyensyahan mo iton makalilipay nga tidaraon diin ihahatag ni Jehova ha imo an mga pinangangaro han imo kasingkasing. Iya tatagbawon an tinguha han tagsa nga buhi. Sal. 37:4; 145:16; Luc. 21:19. Han hirani na mamatay hi Jesus, an iya mga apostol nasubo, nahadlok, ngan nawurok. Ginliaw hira ni Jesus pinaagi hini nga mga pulong: Ayaw pabay-i nga masubo an iyo kasingkasing. Magpakita kamo hin pagtoo ha Dios, ngan magpakita liwat kamo hin pagtoo ha akon. Hiya nagsiring ha ira: Diri ko kamo babayaan nga masurub-on. Makanhi gud ako ha iyo. (Juan 14:1-4, 18, 27) Ito nga iya mga pulong nagin basihan basi magkaada hin paglaom ngan magpailob an iya dinihogan nga mga sumurunod ha sulod hin mga siglo. Sugad man, waray hinungdan nga mawad-an hin paglaom adton mga naghihingyap nga makita an ira namatay nga mga hinigugma. Diri tutugotan ni Jehova ngan han iya Anak nga padayon hira nga mabido. Makakasiguro ka gud hito! DISYEMBRE 15, 2013 31

INDISE HAN MGA TOPIKO AN BARANTAYAN 2013 Ipinapakita an petsa han gowa diin makikita an artikulo AN BIBLIA NAKAKAGBAG-O HAN KINABUHI Ako Mismo an Makabasa Kon Ano an Ginsisiring han Biblia (L. Alifonso), 4/1 Karuyag Ko Magin Padi (R. Pacheco), 7/1 Nabilngan Ko Na an Tinuod nga Kagawasan (B. Hewitt), 1/1 Para ha Akon, Diri Ko Na Kinahanglan Bag-uhon an Kalibotan (J. Sylgren), 10/1 ARADMAN NGA MGA ARTIKULO Aktibo Ka ba ha Mag-opay nga Buhat? 5/15 An mga Linarang Nagsusumat Mahitungod han Buhi nga Dios, 10/15 An mga Pahinumdom ni Jehova Masasarigan, 9/15 An Pagpayunir Nagpaparig-on han Aton Relasyon ha Dios, 9/15 Ayaw Gud Kaurit kan Jehova, 8/15 Ayaw Tuguti nga May Magpahirayo ha Imo kan Jehova, 1/15 Ayaw Tuguti nga May Makapugong ha Imo ha Pagkarawat hin Himaya, 2/15 Bug-os nga Apresyara an mga Kalidad ni Jehova, 6/15 Bug-os nga Magpahimulos ha Pagbasa han Biblia, 4/15 Buhata Ini Sugad nga Hinumdoman ha Akon, 12/15 Buligi an Imo Kalugaringon Ngan an Iba Gamit an Pulong han Dios, 4/15 Diri Dayon Malisang! 12/15 Diri Kita Manluya, 4/15 Ginpakabaraan Na Kamo, 8/15 Ginpapabilhan Mo ba an Aton Espirituwal nga Panurundon? 2/15 Gios Uyon ha Pag-ampo ni Jesus, 10/15 Ha mga Nahigugma kan Jehova, Waray Hiparakdolan, 3/15 Hatagi hin Atensyon Ngan Parig-ona an Usa kag Usa, 8/15 Hi Jehova an Aton Urukyan, 3/15 Hi Jehova Mahinatagon Ngan Makatadunganon, 6/15 Hi Jehova Maunungon Ngan Mapinasayloon, 6/15 Himoa nga Kalipay han Imo Kasingkasing an mga Pahinumdom ni Jehova, 9/15 Hin-o Gud an Matinumanon Ngan Maaramon nga Uripon? 7/15 Hin-o Yana an Pito nga Magbarantay hin Kakarnerohan Ngan Walo nga Punoan? 11/15 Hinumdumi Niyo nga Kaupod Niyo Ako ha Ngatanan nga Adlaw, 7/15 Hunahunaa Kon Ano an Imo Sadang Magin Pagkatawo, 8/15 Ini an Aton Espirituwal nga Panurundon, 2/15 Ini an Iyo Magigin Hinumdoman, 12/15 Kristiano nga mga Tigurang mga Igkasi-Magburuhat Para han Aton Kalipay, 1/15 Mag-alagad nga Waray Ginbabasolan, 1/15 Magin Maaramon ha Paghimo hin mga Desisyon, 9/15 Magin Mabinantayon May Kalabotan ha mga Pag-ampo, 11/15 Magin Maisugon hi Jehova Kaupod Mo! 1/15 Magpabilin ha Walog han Pagpanalipod ni Jehova, 2/15 Magpabilin nga Duok kan Jehova, 1/15 Magpamolde ha Disiplina ni Jehova, 6/15 Magpauripon Kamo kan Jehova, 10/15 Magsasakripisyo Ka ba Para ha Ginhadian? 12/15 May-ada Ka ba Kasingkasing ha Pagkilala kan Jehova? 3/15 Mga Kag-anak Ngan mga Anak Magkomunikar Kamo nga May Gugma, 5/15 Mga Leksyon Tikang ha Inandam hin Maopay nga Pag-ampo, 10/15 Mga Paraataman han Karnero, Subara an Gimaopayi nga mga Paraataman han Karnero, 11/15 Nabag-o Ka na Ba? 9/15 Pagpakaon hin Damu nga Tawo Pinaagi hin Pipira La nga Indibiduwal, 7/15 Panalipdi an Imo Panurundon Pinaagi ha Paghimo hin Maaramon nga mga Desisyon, 5/15 Paonan-o Kita Mapailubon nga Maghuhulat? 11/15 Parig-ona an Iyo Pag-asawa Pinaagi han Maopay nga Komunikasyon, 5/15 Pasidunggi an Harangdon nga Ngaran ni Jehova, 3/15 Siguroha an Mas Importante nga mga Butang, 4/15 Sugta an kan Jehova mga Paraataman han Karnero, 11/15 Sumati Kami, San-o Ini Mahitatabo? 7/15 Tumana an Imo Toka Sugad nga Ebanghelisador, 5/15 Yana nga Nakilala Mo Na an Dios Ano an Imo Bubuhaton? 3/15 BIBLIA Masasabtan, 7/1 JEHOVA Ginpupuno an Aton Kasingkasing, 10/1 Imo Ipinahayag ha mga Kabataan, 1/1 Madarahog ba an Dios? 7/1 Mahimo Masakitan an Dios, 10/1 Napaid ha Aton Pag-antos? 10/1 Ngaran, 1/1 Padayon nga Mangaro, 7/1 JESU-KRISTO Pagkabanhaw, 4/1 Paglubong, 4/1 KRISTIANO NGA PAGKINABUHI NGAN MGA KALIDAD Ano an Aton Mahibabaroan Tikang ha Usa nga Kriminal? 7/1 Dugangi an Ginhihimo ha Pagpahamangno ha Iba? 10/15 Kamatyi hin Padis, 12/15 Karawata an Pagliaw Ngan Liawa an Iba, 3/15 Mag-ikmat ha mga Ginhihingyap han Kasingkasing, 2/15 Mahimo Magin Malipayon an Pag-asawa Ngan Malikyan an Pagbulag, 10/1 Mga Kag-anak Bansaya an Iyo mga Anak Tikang ha Ira Katawo, 8/15 Mga Tigurang Paririg-unon ba Niyo an Ginugol-an nga Kalag? 6/15 MAGKALAIN-LAIN NGA TOPIKO An Ninibe Bungto nga Dugoon, 7/1 Barandilya ha Atop han Balay han mga Judio, 7/1 Buligi an mga Nanginginahanglan, 11/15 Ginsangyawan an Pretoriano nga mga Gwardya, 2/15 Hi Eliseo Nakakita hin mga Karomata nga Kalayo, 8/15 Hi Josephus Gud ba an Nagsurat Hito? 3/15 Hiya Nagyayakan Pa (Abel), 1/1 Kaapi Hiya han Pamilya ni Kaipas, 2/15 Kataposan han Kalibotan, 1/1 Kon Diin Nagtikang an Yawa, 4/1 Kon Kay Ano nga Waray Ngarani an Iba nga Tawohan ha Biblia, 10/1 Kon Paonan-o Gin-aandam han Siyahan-Siglo nga mga Judio an Patay Para ha Paglubong, 4/1 Kon Paonan-o Makakabulig ha Imo an Pagpakita han Kaibahan, 9/15 Mag-ampo ha mga Santo? 7/1 Natukod ba Utro an Templo ha Jerusalem Katapos han 70 C.E.? 4/15 Pornograpiya Nakakadaot ba o Diri? 10/1 MGA ISTORYA HAN KINABUHI Andam Gud Mag-alagad kan Jehova Bisan Diin (M. ngan J. Hartlief), 7/15 An Pagsugot kan Jehova Nagresulta hin Damu nga Bendisyon (E. Piccioli), 6/15 Hi Jehova Nagdadara han Akon Pinas-an Kada Adlaw (M. du Raan), 8/15 Kon Kay Ano nga May Tinuod nga Katuyoan an Amon Kinabuhi (P. Smith), 5/15 Lima ka Dekada Hirani ha Arctic Circle (A. ngan A. Mattila), 4/15 Mapulsanon Gud an Pagsarig kan Jehova (M. Allen), 10/15 MGA PAKIANA TIKANG HA MGA MAGBARASA An mga Israelita ba ginsisirotan pinaagi ha pagbitay ha kahoy? 5/15 Hin-o an mga anak nga lalaki han Dios? (Ge 6:2, 4), 6/15 Husto ba nga lumingkod an mga kag-anak sapit han ira anak nga ginpaiwas ha kongregasyon durante han mga katirok? 8/15 Kay ano nga nagtangis hi Jesus? (Ju 11:35), 9/15 Nagsangyaw ha mga Espiritu nga Priso (1Pe 3:19), 6/15 MGA SAKSI NI JEHOVA An Ginplano hin Maopay nga Kampanya (Chile), 1/15 An Pag-alagad ha Dios Amo an Iya Tambal! 11/15 Ayaw Gud Kawad-i hin Paglaom! 3/15 Bag-o nga Membro han Nagmamando nga Lawas (M. Sanderson), 7/15 Diri-Hingangalimtan ( Creation Drama ), 2/15 Ginpanalipdan Hira ni Jehova (panahon han Nazi), 12/15 Kaopay han mga Retrato! 7/15 Nagin Marig-on Hira ha Oras han Pagsari (Girra ha Kalibotan I), 5/15 Nagsakripisyo ha Mexico, 4/15 Nagsakripisyo ha Norway, 1/15 Nagsakripisyo ha Pilipinas, 10/15 Nalipay an Hadi! (Swaziland), 8/15 Para ha Amon Magbarasa (Barantayan), 1/1 Pariho hin Bao nga Aada ha Balayan (house car), 11/15 s Libre n o an pag-download hini nga magasin ngan han iba pa nga publikasyon ha www.jw.org/war p Mababasa mo liwat online an New World Translation Kitaa an www.jw.org/war, o ig-scan an code w13 12/15-SA 131024