Yon Chemen Komen pou

Transcription

1 Divizyon Elèv Andikape yo ak Elèv k ap Aprann lang Angle 52 Chambers Street New York, New York Pou jwenn lòt enfòmasyon rele 311 schools.nyc.gov Michael R. Bloomberg Majistra Dennis M. Walcott Chanselye Ou konnen pitit ou pi byen. Lide ou, pwendvi ou ak patisipasyon ou trè enpòtan lè w ap planifye pi bon edikasyon posib pou li. Tout timoun andikape gen dwa nan sa ki rele Edikasyon piblik apwopriye gratis (Free Appropriate Public Education, FAPE). Gid sa a la pou ede ou travay avèk ekip lekòl pitit ou pou devlope pwogram ki pi apwopriye pou ede pitit ou gen siksè nan lekòl. seksyon Fason pou Kòmanse 1 Fason pou Poze kesyon Kòrèk nan Kòmansman gade paj 2 Si ou kwè pitit ou bezwen sèvis edikasyon espesyal, li enpòtan pou poze kesyon ki kòrèk nan kòmansman. Men kèk kesyon ou ta ka vle poze pwofesè pitit ou: n Kisa nòt ki nan bilten pitit mwen vle di? Èske pitit mwen fè kalite travay li dwe fè a? n Kijan pou mwen konnen si pitit mwen konprann sa m ap li a pou li? n Ki kalite kesyon mwen ta dwe poze pitit mwen lè n ap li ansanm? n Kijan mwen kapab ede pitit mwen si l ap debat avèk devwa matematik lakay? n Ki kèk aktivite aprantisaj nan matematik mwen kapab fè lakay mwen oswa nan katye a? n Èske pitit mwen antann li byen avèk lòt elèv yo nan lekòl la? n Èske pitit mwen gen pwoblèm pou li swiv eksplikasyon yo oswa pou li fè sa yo mande li? Kisa w ap fè si sa ta rive nan klas la? n Kisa ou kapab di mwen (ki sa ou remake) sou fason pitit mwen ap aprann? n Èske gen nenpòt sèvis siplemantè pandan lekòl oswa apre lekòl ki kapab ede pitit mwen? Si genyen, kijan nou kapab jwenn èd siplemantè pou pitit mwen? n Ki kèk bagay mwen kapab fè lakay mwen pou ede pitit mwen travay pi byen nan lekòl la? seksyon Lè Pwosesis Edikasyon Espesyal la Kòmanse 2 Etap Pwosesis Edikasyon Espesyal gade paj 4 Yon ti Koutje Yon Chemen Komen pou Siksè 1 Premye Rekòmandasyon oswa Demann Rekòmandasyon 2 Evalyasyon 3 Reyinyon Ekip IEP 4 Aranjman Sèvis Edikasyon Espesyal 5 Revizyon/ Re-Evalyasyon Anyèl YON GID POU PARAN YO NAN SÈVIS EDIKASYON ESPESYAL POU TIMOUN KI GEN LAJ POU ALE LEKÒL Premye etap la se pou detèmine si pitit ou gen yon andikap, epitou si li bezwen sèvis edikasyon espesyal. Oumenm oswa responsab lekòl la ka kòmanse pwosesis la avèk yon premye rekòmandasyon, oswa yon lòt moun ka fè yon demann rekòmandasyon. Depi ou bay konsantman ou, y ap evalye pitit pou detèmine istwa devlòpmantal li ak konpòtman li, sa li konnen ak fason li aprann, epitou ladrès li, konpetans li ak domèn kote li gen bezwen yo. Nan pifò sikonstans yo, dèle pou fè tout evalyasyon ki nesesè yo ak pou òganize yon Reyinyon Ekip Pwogram Edikasyon Endividyèl (IPE) se 60 jou almannak ki vini apre dat ou bay konsantman ou pou yo fè premye evalyasyon pitit ou. Depi evalyasyon pitit ou fin fèt, w ap patisipe nan yon reyinyon pou diskite sou kalifikasyon pitit ou pou li jwenn sèvis edikasyon espesyal, epitou, pou devlope yon Pwogram Edikasyon Endividyèl (IEP) pou li. Kèk lòt moun k ap patisipe nan reyinyon sa a se pwofesè yo ak lòt pwofesyonèl ki konnen pitit ou swa ki te patisipe nan evalyasyon yo, oswa k ap gen chans pou ofri sèvis pou pitit ou. Gade paj 10 la pou jwenn plis enfòmasyon sou manm Ekip IEP. Wòl ou nan Reyinyon Ekip IEP a gade paj 9 Ou se yon manm ki gen otorizasyon legal nan Ekip IEP a, epitou patisipasyon ou enpòtan. Nan reyinyon Ekip IEP a, ou ta dwe: n Bay lide nan fason pitit ou aprann, sa ki enterese li, epitou ou ta dwe bay lòt enfòmasyon sou pitit ou, enfòmasyon yon paran sèlman kapab konnen; n Koute sa lòt manm ekip la panse pitit ou bezwen pou travay nan lekòl la epitou bay sijesyon ou; n Fè konnen si pitit ou itilize nan kay la ladrès li aprann nan lekòl la; n Poze kesyon sou tout manm ekip la ak sou moun k ap patisipe nan reyinyon an. Revizyon Pwogrè Pitit ou gade paj 6 Chak ane, yo dwe fè yon reyinyon Ekip IEP pou revize pwogrè pitit ou. Sa rele yon Revizyon Anyèl. Si pitit ou deja ap resevwa sèvis edikasyon espesyal, li ka jwenn rekòmandasyon tou pou yon re-evalyasyon pou detèmine si sèvis sa yo bezwen re-evalye. A Re-Evalyasyon ka pa fèt plis pase yon fwa pa ane sof si oumenm ak Depatman Edikasyon ta bay konsantman nou alekri pou yo fè li. Answit, sof si oumenm ak distri lekòl la dakò alekri pou fè konnen li pa nesesè, yo dwe fè yon Re-Evalyasyon Obligatwa sou Twazan. Si li nesesè, y ap fè yon amannman nan IEP pitit ou pou pi byen satisfè bezwen li yo.

2 seksyon 3 Pwogram Akademik Endividyèl (IEP) seksyon Detèminasyon Kalifikasyon gade paj 14 Ekip IEP ap deside si pitit ou kalifye pou sèvis edikasyon espesyal dapre kritè pou youn oswa pou plizyè klasman andikap sa yo: n Otis n Pwoblèm pou Pale oswa n Twoub Emosyonèl n Andikap pou Aprann Pwoblèm Langaj n Twoub Òtopedik n Lòt Twoub Sante n Timoun nan Soud-Avèg n Twoub Vizyèl n Timoun nan Soud n Plizyè Kalite Andikap n Twoub pou Tande n Andikap Entèlektyèl n Lezyon Serebral Twomatik Kisa IEP ye? gade paj 17 IEP prezante nan dokiman kalifikasyon pitit ou pou sèvis edikasyon espesyal, epitou li fè plan sistèm lekòl la vin ofisyèl pou ofri sèvis edikasyon espesyal ki apwopriye pou bezwen timoun nan sèlman. Li gen ladan enfòmasyon espesifik sou pitit ou ak sou pwogram edikasyon ki la pou satisfè bezwen sa yo, tankou: n Pèfòmans pitit ou bay nan lekòl la ak objektif ki kapab reyalize nan yon fason rezonab nan ane akademik lan; n Sèvis edikasyon espesyal ak sèvis ki asosye, tankou konsèy; òtofoni, ègoterapi oswa terapi fizik; sipò parapwofesyonèl, teknoloji lokomosyon, entèvansyon pou konpòtman, ak modifikasyon; n Patisipasyon avèk timoun ki pa andikape nan klas edikasyon jeneral ak nan lòt aktivite lekòl la; n Patisipasyon nan egzamen eta a ak nan egzamen distri, kritè pou janbe klas ak objektif pou resevwa diplòm; n Dat sèvis yo ap kòmanse, konbyen fwa y ap bay sèvis yo, ki kote y ap bay sèvis yo, epitou pou konbyen tan y ap bay sèvis yo; n Mwayen pou evalye pwogrè pitit ou. seksyon Sa pou Espere: Sèvis Edikasyon Espesyal pou Timoun ki gen Laj pou Lekòl 4 Edikasyon Pitit ou nan Anviwònman ki Pi Byen Apwopriye oswa ki Pi Byen Satisfè Bezwen Li yo gade paj 20 Lè yo rekòmande sèvis pou pitit ou, Ekip IEP a dwe konsidere kijan pou ofri sèvis yo pandan y ap pèmèt pitit ou resevwa edikasyon an avèk timoun ki pa andikape nan limit maksimòm ki apwopriye. Seksyon sa a prezante plizyè kalite sèvis ki disponib pou sipòte pitit ou nan anviwònman ki gen mwens restriksyon. Plis Restriksyon Mwens Restriksyon Edikasyon jeneral Edikasyon Jeneral avèk Sèvis Asosye Edikasyon Jeneral avèk Sipò Pwofesè Edikasyon Espesyal Ko-Ansèyman Entegre (atanplen oswa atan-pasyèl) Sèvis Klas Espesyal (atanplen oswa atan-pasyèl) Plasman Lajounen ak nan Kay Enstwiksyon nan Kay/Lopital Sèvis Klas Espesyal gade paj 24 Sèvis Klas Espesyal se sèvis yo bay pou timoun andikape nan yon salklas endepandan pou nenpòt pati jounen lekòl la. Yon klas espesyal se yon klas ki gen ladan elèv andikape yo gwoupe ansanm pou resevwa enstriksyon espesyal nan yon anviwònman endepandan, sa ki vle di elèv yo resevwa enstwiksyon an apa san kamarad klas yo pa nan salklas la. Yo sèvi timoun ki gen bezwen yo pa kapab satisfè nan salklas edikasyon jeneral, menm avèk èd ak sèvis siplemantè. Kantite maksimòm elèv ki nan klas pou elèv ki jwenn pi bon sèvis nan yon anviwònman endepandan pandan kapab depase 15 elèv (15:1), oswa 12 elèv nan yon lekòl Eta a opere oswa nan yon lekòl Eta a sipòte (12:1). Pou jwenn plis enfòmasyon, gade paj 24 5 Aranjman Sèvis yo gade paj 29 Apre Devlopman IEP a: Aranjman Sèvis yo nan Reyinyon Ekip IEP a Anvan reyinyon Ekip IEP a fini, yo ta dwe ba ou enfòmasyon detaye sou sèvis edikasyon espesyal pitit ou. Si yo rekòmande pitit ou pou sèvis asosye, yon klas espesyal oswa yon klas ko-ansèyman entegre, y ap fè tout efò pou pitit ou rete nan lekòl kote li ye a. Fason pou Bay Konsantman gade paj 30 Si pitit ou pa t janm nan edikasyon espesyal anvan, ou dwe bay konsantman ou pou sèvis ki rekòmande yo anvan yo ofri yo. Si ou pa bay konsantman ou, pitit ou ap rete nan edikasyon jeneral san li pa resevwa sèvis yo rekòmande pou li jwenn yo. Ou ka anile konsantman ou pou tout sèvis edikasyon espesyal IEP ki obligatwa, alekri,epitou nenpòt kilè. Men ou pa kapab anile konsantman ou pou yon pòsyon edikasyon espesyal ak sèvis ki asosye yo. Dèle pou Plasman an gade paj 32 Si se premye fwa yo evalye pitit ou, Depatman Edikasyon gen obligasyon pou fè aranjman pou sèvis yo pou pitit ou jan sa rekòmande nan IEP a nan 60 jou lekòl ki vini apre dat ou te bay konsantman ou pou fè evalyasyon an. Si pitit ou deja ap resevwa sèvis edikasyon espesyal, Depatman an gen obligasyon pou fè aranjman pou sèvis yo nan 60 jou ki vini apre dat yo te fè rekòmandasyon pou re-evalyasyon an. Sekrè Dosye yo gade paj 33 Tout enfòmasyon ki nan dosye evalyasyon pitit ou se enfòmasyon ki an sekrè, epitou yo p ap divilge enfòmasyon sa yo ba okenn ajans deyò oswa ba moun deyò san konsantman ou, sof si yon tribinal ta pase lòd pou divilge dosye pitit ou. Se sèlman anplwaye lekòl la k ap travay avèk pitit ou k ap gen aksè nan dosye sa yo. Answit, Depatman Edikasyon ka mande pèmisyon ou pou jwenn rapò ajans deyò oswa rapò medikal ki ka enpòtan pou evalyasyon pitit ou. Pwosedi Jis gade paj 36 Pitit ou gen dwa pou jwenn yon Edikasyon Piblik Apwopriye Gratis (Free Appropriate Public Education, FAPE), epi ou gen dwa antan yon paran pou patisipe nan pwosesis sa a epitou pou byen konprann sa ki ladan. Ou gen dwa pou konteste desizyon lekòl la pran konsènan edikasyon pitit ou, ak dwa pou mande pou gen Medyasyon oswa Odyans san Patipri pou rezoud dezakò yo, epitou ou gen dwa pou konteste desizyon Medyatè a oswa Odyans san Patipri a. seksyon Apre Lekòl Segondè Planifikasyon pou Kolèj, Karyè ak Apre Lekòl Segondè 6 Gradyasyon nan lekòl segondè reprezante yon etap finisman enpòtan nan devlopman yon jèn adilt. Preparasyon pou gradyasyon nan lekòl segondè egzije elèv ak paran yo pou yo konnen kondisyon yo epitou pou yo fè tout etap ki nesesè pou sipòte elèv yo nan reyalizasyon objektif sa yo. Men kèk chwa diplòm Eta New York bay pou elèv yo: n Diplòm Regents Avanse n Diplòm Regents n Diplòm Lokal n Diplòm IEP Si pitit ou ap patisipe nan evalyasyon altène, li pa kalifye pou resevwa yon diplòm Lokal oswa yon diplòm Regents. Tanpri sonje diplòm Regents sètifye pitit ou te reyalize objektif IEP li yo. Yo pa aksepte diplòm IEP yo pou admisyon nan kolèj oswa pou anwolman nan sèvis militè oswa kòm diplòm lekòl segondè ki kalifye moun nan pou li jwenn kèk djòb. Lekòl Segondè gade paj 38 Elèv ki andikape yo gen menm dwa ak opòtinite ak kamarad ki pa andikape yo pou aplike nan nenpòt lekòl segondè. Pou jwenn plis enfòmasyon sou pwosesis admisyon nan lekòl segondè, tanpri ale sou Entènèt nan sitwèb: Sèvis Tranzisyon gade paj 39 Sèvis tranzisyon se yon seri aktivite kowòdone k ap ede pitit ou fè tranzisyon ant lekòl ak aktivite apre lekòl segondè, k ap kòmanse pandan ane pitit ou vin gen laj 15 zan. Aktivite sa yo fèt pou adapte pou pitit ou, epi y ap konsidere pwen fò pitit ou, sa li pi pito ak sa ki enterese li. Elèv edikasyon espesyal yo k ap sòti nan sistèm eskolè vil New York paske y ap resevwa yon diplòm oswa paske y ap vin gen laj 21 ane dwe resevwa yon Rezime Sòti Elèv. Rezime sa a bay yon deskripsyon serye sou pwen fò elèv la, sou mwayen li yo, sou bezwen li yo ak sou limit li yo, epitou l ap ede elèv la vin kalifye pou adaptasyon ak sipò rezonab nan edikasyon li apre lekòl segondè, nan espas travay li ak nan kominote a. Kondisyon Gradyasyon pou Elèv andikape yo gade paj 39 Seksyon sa a gen ladan yon rezime sou kondisyon pou resevwa diplòm. Pou jwenn dènye enfòmasyon sou kondisyon pou gradye, ak lòt resous enpòtan nan planifikasyon chemen lekòl pre-segondè ak lekòl segondè pitit ou, ale sou Entènèt nan sitwèb: Sèvis Edikasyon Pwofesyonèl ak Fòmasyon Kontini pou Adilt Reyabilitasyon Pwofesyonèl gade paj 40 Enfòmasyon pou kontak ACCESS-VR, yon biwo Depatman Edikasyon Eta New York ki ofri sèvis preparasyon pou jwenn djòb ak sèvis preparasyon pou moun ki kalifye. Foto nou itilize nan piblikasyon sa a se pou rezon enfòmasyon sèlman. Elèv ki dekri nan imaj sa yo se modèl. Depatman Edikasyon Vil New York pa fè konnen moun ki endike nan dokiman sa a se elèv Edikasyon Espesyal oswa elèv ki nan lekòl Vil New York.

3 Dennis M. Walcott, Chancellor Michael R. Bloomberg, Majistra Dennis M. Walcott, Chanselye Yon Chemen Komen pou Siksè Yon gid pou Paran yo nan sèvis edikasyon espesyal pou timoun ki laj pou ale lekòl cov1

4

5 byenveni Chè Fanmi, Dapre misyon nou pou asire tout elèv ki nan lekòl leta Vil New York resevwa enstriksyon ak sèvis yo bezwen pou reyalize objektif yo, nou lanse yon Chemen Komen pou Siksè, yon pwojè edikasyon espesyal ki enteresan. Antan yon paran ak manm enpòtan Yon Chemen Komen pou Siksè, nou swete gid sa a ap ba ou anpil enfòmasyon ou bezwen konsènan sèvis ak sipò ki disponib pou elèv andikape yo. Pandan nou gen anpil konfyans edikasyon espesyal se yon sèvis epi pa yon kote, pifò elèv ki gen Pwogram Edikasyon Endividyèl (IEP) yo prale nan menm lekòl yo ta ale si yo pa t gen yon IEP, epitou y ap resevwa edikasyon an avèk yon melanj sèvis ki apwopriye selon bezwen yo chak apa. Elèv andikape yo ap kontinye resevwa sèvis IEP obligatwa yo, men tou y ap jwenn avantaj nan pi bon fason pou resevwa menm pwogram akademik serye, epi y ap fè pwogram difisil pou yo ka reyalize menm prensip akademik ak kamarad klas yo ki pa andikape. Rechèch yo fè endike lè yo anseye elèv andikape yo nan menm klas avèk sa ki pa andikape yo, elèv yo gen pi bon pèfòmans akademik, sosyal, epitou yo gen pi bon enterè nan lekòl. Pou kapab bay èd nan tranzisyon sa a, nou te fè chanjman nan Yon Gid pou Paran nan Sèvis Edikasyon Espesyal pou Timoun ki gen Laj pou Ale Lekòl pou ede ou konprann dwa ou kò paran yon timoun yo te bay rekòmandasyon oswa yo te idantifye kòm yon timoun ki gen yon andikap, epitou pou bay enfòmasyon pou ede ou kolabore avèk pwofesè ak anplwaye yo, epi pou vin yon patisipan aktif nan edikasyon pitit ou. Mwen ankouraje ou pou vin abitye avèk enfòmasyon ki nan gid sa a, epitou pou diskite sou enfòmasyon yo avèk pwofesè pitit ou ak lòt anplwaye lekòl la. Antan Chanselye Adjwen, mwen pran gwo angajman pou asire tout elèv ki nan Vil New York resevwa yon edikasyon kalite siperyè ki gen ladan opòtinite pou vin ekselan nan klas pre-matènèl pou rive nan klas 12yèm ane ak apre. Nou pa ka tann pou travay avèk ou pandan n ap antre nan moman enteresan transfòmasyon ak devlopman sa a. Ak tout kè mwen, Corinne Rello-Anselmi Chanselye Adjwen cov3

6 Sa ki nan Tiliv la seksyon 1 : paj 1 An nou kòmanse! Fason pou jwenn pi bon edikasyon posib pou pitit ou paj 2 Fason pou Poze kesyon Kòrèk nan Kòmansman paj 2 Repons nan Entèvansyon (RTI) paj 2 Sa k ap Pase Apre? Èske Pitit ou Bezwen Sipò Siplemantè? paj 2 Kesyon pou Poze Pwofesè a seksyon 2 : paj 3 Lè Pwosesis Edikasyon Espesyal la Kòmanse: Yo Fè yon Premye Rekòmandasyon pou yon Evalyasyon paj 4 Pwosesis Premye Rekòmandasyon an paj 5 Kisa k ap Genyen nan Premye Evalyasyon an? paj 5 Evalyasyon Endepandan yo paj 6 Evalyasyon nan De Lang paj 6 Kisa pou Fè Si yo Idantifye Deja ou kòm yon Elèv ki Andikape? paj 6 Dèle pou Evalyasyon yo paj 7 Gid pou Elèv Paran yo Fè Plasman yo paj 7 Apre Evalyasyon yo Fin Fèt: Reyinyon Ekip IEP paj 8 Rezime Kontribisyon Manm Ekip la Prevwa pou IEP paj 8 Kesyon pou Poze nan yon Reyinyon Ekip IEP paj 9 Wòl ou nan Reyinyon Ekip IEP a paj 10 Manm Ekip IEP a paj 11 Absans Motive Manm Ekip IEP paj 12 Amannman nan IEP apre Revizyon Anyèl seksyon 3 : paj 13 Pwogram Akademik Endividyèl (IEP) paj 14 Kalifikasyon paj 17 Sa ki nan IEP a paj 18 Sèvis Tranzisyon seksyon 4 : paj 19 Sa pou Espere: Sèvis Edikasyon Espesyal pou Timoun ki gen Laj pou Lekòl paj 20 Sèvis Asosye paj 21 Sèvis Sipò Pwofesè nan Edikasyon Espesyal (SETSS) paj 22 Ko-Ansèyman Entegre (ICT) paj 22 Sèvis Klas Espesyal paj 23 Lekòl Leta Espesyalize pou Elèv ki Gen Andikap Grav (Lekòl Distri 75) paj 24 Lekòl ki Jwenn Sipò Eta New York paj 24 Sèvis Klas Espesyal paj 24 Lekòl ki pa Lekòl Leta Depatman Edikasyon Eta New York Apwouve (Lajounen) paj 25 Lekòl ki pa Lekòl Leta Depatman Edikasyon Eta New York Apwouve (Nan Kay) paj 25 Enstwiksyon nan Kay ak nan Lopital paj 26 Adaptasyon ak Èd ak Sèvis Siplemantè paj 26 Edikasyon Jeneral avèk Sèvis De-Klasman paj 27 Adaptasyon nan Sèvis Transpò Espesyalize paj 28 Lòt Sèvis Edikasyon Espesyal seksyon 5 : paj 29 Apre Devlopman IEP a: Pwosedi Aranjman Sèvis ak Plasman nan Reyinyon Ekip IEP a paj 32 Dèle pou Plasman an paj 34 Konsantman pou Faktirasyon Medicaid paj 34 Chwa Paran paj 36 Pwosedi Jis seksyon 6 : paj 37 Apre Lekòl Segondè Planifikasyon pou Kolèj, Karyè ak Apre Lekòl Segondè paj 38 Lekòl Segondè paj 38 Kondisyon pou Resevwa Diplòm paj 39 Sèvis Tranzisyon ak Chwa apre Lekòl Segondè paj 40 Sèvis Edikasyon Pwofesyonèl ak Fòmasyon Kontini pou Adilt Reyabilitasyon Pwofesyonèl (ACCES-VR) paj 41 paj 42 paj 50 Lòt Enfòmasyon Enpòtan Glosè Tèm yo Enfòmasyon pou Kontakte NYCDOE pou Biwo Komite Edikasyon Espesyal

7 seksyon 1 An nou kòmanse! Fason pou Jwenn Pi Bon Edikasyon Posib pou Pitit Ou Objektif nou se pou edike ak sipòte pitit ou. Kisa ou ta dwe fè si ou kwè pitit bezwen sèvis edikasyon espesyal? gade paj 2 la Ou konnen pitit ou pi byen. Poutèt sa, lide ou yo, pwendvi ou yo ak patisipasyon ou trè enpòtan nan planifikasyon pi bon edikasyon posib pou li. Anplwaye ki nan lekòl pitit ou pare pou travay avèk ou pou asire pitit ou resevwa sèvis ak sipò li bezwen pou gen siksè nan lekòl. Timoun yo aprann nan ritm diferan ak nan fason diferan. Kèk timoun gen andikap fizik ak andikap pou aprann. Kèk timoun gen pwoblèm nan yon sèl domèn, alòske lòt yo gen plizyè andikap. Chak timoun andikape gen dwa pou sa ki rele yon Edikasyon Piblik Apwopriye Gratis (FAPE), ansanm avèk kamarad yo ki pa andikape nan pi gwo limit posib. Si pitit ou gen yon andikap, Depatman Edikasyon (DOE) ap ofri sipò ak sèvis edikasyon espesyal ki deziyen sitou pou satisfè bezwen li yo apa, gratis pou ou. 1

8 Fason pou Poze Kesyon Kòrèk nan Kòmansman Si ou kwè pitit ou bezwen sèvis edikasyon espesyal, li enpòtan pou poze kesyon ki kòrèk depi nan kòmansman an. Pale avèk pwofesè pitit ou pou chèche konnen si gen sipò ki disponib nan anviwònman edikasyon jeneral ki nan lekòl li deja ye a. Kalite sipò sa yo ta ka tout sa pitit ou bezwen. Lekòl yo ofri sipò ki gen ladan entèvansyon nan enstriksyon, pwogram ratrapaj nan lekti, ak konsèy. Li ka posib tou pou adapte pwogram edikasyon jeneral pitit ou san sèvis edikasyon espesyal. Repons nan Entèvansyon Repons nan Entèvansyon (RTI) se yon apwòch edikatif ak zouti pou prekosyon lekòl yo itilize pou asire tout elèv yo resevwa menm enstriksyon kalite siperyè ak serye ki satisfè bezwen yo. RTI fonksyone pou amelyore pèfòmans elèv yo. Pou fè sa, yo idantifye elèv k ap debat yo bonè, epi yo bay elèv sa yo sipò oswa entèvansyon ki nesesè. RTi kapab puisan sitou nan sa, pandan yon paran gen dwa pou mande yon rekòmandasyon pou evalyasyon nenpòt kilè, anpil elèv ap jwenn avantaj nan sipò RTI bay sèlman, epitou yo p ap bezwen sèvis siplemantè. Anvan lekòl yo rekòmande yon elèv yo sispèk ki gen yon andikap pou aprann nan lekti pou yon evalyasyon edikasyon espesyal, yo dwe note etap yo fè pou sipòte elèv la nan anviwònman edikasyon jeneral la nan modèl RTI yo, epitou pou konsève done konsènan fason elèv la reponn nan entèvansyon yo bay pou li a. Y ap prezante enfòmasyon sa yo ba ekip ki baze nan lekòl la ak ba paran yo lè y ap pran desizyon pou konnen si li nesesè pou fè yon evalyasyon edikasyon espesyal. RTi enpòtan paske li bay enfòmasyon ki itil pou sipòte elèv yo nan plizyè fason. Sizoka yo kòmanse yon evalyasyon edikasyon espesyal, epi si rezilta yo endike yon andikap pou aprann nan lekti, done yo rasanble yo pandan tout pwosesis RTI a ap bay enfòmasyon siplemantè tankou teknik ak sipò nan enstwiksyon ki pi apwopriye pou chak elèv apa. Answit, yo kapab itilize RTI kòm yon modèl entèvansyon ki gen plizyè nivo, sipò, ak pwogrè, kontwòl elèv andikape yo nan anviwònman yo ki gen restriksyon, menm fason yo itilize li pou tout lòt elèv yo. Nan fason sa a, elèv andikape yo resevwa lòt sipò tou jan sa apwopriye nan yon modèl entèvansyon ki gen nivo yo itilize nan anviwònman edikasyon jeneral, pandan y ap toujou resevwa sèvis, adaptasyon, ak modifikasyon dapre Pwogram Edikasyon Endividyèl (IEP) yo. Pou konnen plis bagay sou RTI, mande lekòl ou lòt enfòmasyon, oswa ale sou Entènèt nan sitwèb NYSED Yon Gid Paran pou Repons nan Entèvansyon (RTI) nan specialed/rti/parent.htm Sa k ap Pase Apre? Èske Pitit ou Bezwen Sipò Siplemantè? Apre ou fin pale avèk pwofesè ak lekòl pitit ou, ou ka panse pitit ou bezwen sipò siplemantè. Nan ka sa a, ou ka rekòmande pitit ou pou yon evalyasyon edikasyon espesyal, ki se yon seri evalyasyon pou detèmine si pitit ou gen yon andikap. Ou kapab fè yon rekòmandasyon pou yon evalyasyon edikasyon espesyal nenpòt kilè. Tanpri al gade Paj 4, Pwosesis pou fè Premye Rekòmandasyon an. Kesyon pou Poze Pwofesè a: Kisa nòt ki nan bilten pitit mwen vle di? Èske li fè kalite travay yo mande li pou fè a? Kijan pou mwen konnen si pitit mwen konprann sa m ap li pou li a? Ki kalite kesyon mwen ta dwe poze pitit mwen lè n ap li ansanm? Kijan mwen kapab ede pitit mwen si l ap debat avèk debat avèk matematik lakay? Ki kèk aktivite aprantisaj nan matematik mwen kapab fè lakay mwen oswa nan katye a? Èske pitit mwen antann li byen avèk lòt elèv yo nan lekòl la? Èske pitit mwen gen nenpòt pwoblèm pou swiv enstriksyon yo oswa pou fè sa yo mande li a? Kisa w ap fè si sa ta rive nan klas la? Èske gen entèvansyon espesifik y ap itilize pou rezoud nenpòt pwoblèm pitit mwen genyen? Kisa ou kapab di mwen (ki sa ou remake) sou fason pitit mwen ap aprann? Èske pitit mwen ap aprann nan yon ritm yo mande li nan etap devlopman sa a? Èske gen nenpòt sèvis adisyonèl pandan lekòl oswa apre lekòl ki te kapab ede pitit mwen? Si genyen, kijan nou kapab jwenn èd siplemantè pou pitit mwen? Ki kèk bagay mwen kapab fè lakay mwen pou ede pitit mwen travay pi byen nan lekòl la? 2

9 seksyon 2 Lè Pwosesis Edikasyon Espesyal la Kòmanse: Yo Fè yon Premye Rekòmandasyon pou yon Evalyasyon Fason pou detèmine si pitit ou gen yon andikap epitou si li bezwen sèvis edikasyon espesyal. Kisa pou mwen fè si pitit mwen bezwen yon evalyasyon nan de lang? gade paj 6 la Chak elèv andikape ki nan lekòl leta ap resevwa sèvis evalyasyon, epitou elèv la ap gen reyinyon Pwogram Edikasyon Endividyèl (IEP) li nan lekòl la. Sa enpòtan pou anplwaye lekòl la ki konnen pitit ou epi ki kapab ofri sèvis pou li patisipe nan pwosesis evalyasyon yo. Kimoun ki Responsab pou Fè Rekòmandasyon an, Evalyasyon an ak Plasman an? Si pitit ou nan lekòl leta, se lekòl la ki responsab pou evalye elèv la, pou devlope IEP a, epitou pou ofri pitit ou sèvis edikasyon espesyal. Pou elèv ki nan yon lekòl ki pa lekòl leta, ki nan lekòl prive oswa ki nan lekòl otonòm leta apwouve, oswa pou elèv ki pa nan lekòl, anplwaye ki nan Biwo Komite pou Edikasyon Espesyal (CSE) responsab pou evalye elèv la ak pou devlope IEP a. Biwo CSE responsab tou pou fè aranjman pou sèvis yo. 3

10 Etap Pwosesis Edikasyon Espesyal 1 Premye Rekòmandasyon oswa Demann Rekòmandasyon 2 Evalyasyon 3 Reyinyon Ekip IEP 4 Aranjman pou Sèvis Edikasyon Espesyal 5 Revizyon/ Re-Evalyasyon Anyèl Pwosesis Premye Rekòmandasyon an Lwa sou Edikasyon Moun ki Gen Andikap (IDEA) ak Règleman Eta New York ki asosye avèk lwa sa a te fè chanjman enpòtan anrapò avèk pwosesis premye rekòmandasyon an, tankou premye sous rekòmandasyon an. Se sèlman moun espesifik ki ka fè yon rekòmandasyon pou yon premye evalyasyon, menmsi diferan moun ka fè yon bagay ki rele yon Demand pou Premye Evalyasyon. Nouvo pwosesis sa a prezante anba a. Premye etap nan detèmine si yon timoun gen yon andikap ak si timoun nan bezwen sèvis edikasyon espesyal se mande pou gen yon evalyasyon. Premye evalyasyon sa a dwe fèt alekri, epitou oumenm oswa yon responsab distri eskolè ki deziyen kapab fè sa. Men fason pou mande pou gen yon premye evalyasyon pou pitit ou: n Voye yon lèt ba direktè a nan lekòl pitit ou si pitit ou nan lekòl leta; n Voye yon lèt ba Biwo CSE lokal ou pou mande yon evalyasyon (gade paj 50 pou jwenn enfòmasyon pou kontak) si nan moman an pitit ou nan yon lekòl prive, yon lekòl ki pa lekòl leta, yon lekòl pawasyal oswa yon lekòl endepandan eta a apwouve nan, oswa si li pa nan lekòl nan moman an, oswa; n Fè yon deklarasyon alekri ba yon manm ekip pwofesyonèl lekòl pitit ou; n Mande yon pwofesyonèl lekòl la pou li ede ou nan fè yon rekòmandasyon. Kimoun ki kapab fè yon premye rekòmandasyon anplis ba paran an? n Yon responsab distri lekòl la, ki vle di direktè lekòl leta ki nan distri kote pitit ou ap viv la, ale lekòl legalman oswa kalifye pou ale lekòl, oswa Prezidan Biwo CSE a si elèv la pa ale lekòl oswa si li ale nan yon lekòl pawasyal, lekòl endepandan eta a apwouve oswa lekòl prive; n Manm komisyon an oswa yon responsab ajans piblik ki responsab pou edikasyon pitit ou; n Yon responsab yon pwogram edikasyon ki afilye avèk yon enstitisyon gadri ki gen responsablite Biwo CSE. Kimoun ki kapab fè yon demann pou premye rekòmandasyon an? n Yon manm ekip pwofesyonèl distri lekòl kote pitit ou ap viv, oswa lekòl leta oswa lekòl prive kote pitit ou ale legalman oswa kote li kalifye pou ale; n Yon doktè ki gen lisans; n Yon fonksyonè lajistis; n Yon manm ekip pwofesyonèl yon ajans piblik ki gen responsablite pou byennèt, sante oswa edikasyon timoun nan; n Yon elèv ki gen laj 18 tan oswa plis, oswa yon timoun minè emansipe. Apre demann pou premye rekòmandasyon an fin fèt: Nan 10 jou lekòl, lekòl la ap swa: n Kòmanse pwosesis rekòmandasyon lè yo voye yon Lèt Avi Rekòmandasyon ba ou, nan lang ou pito a, si se yon lang yo itilize jan DOE defini sa (gade Glosè a, Paj 44); oswa n Bay ou yon kopi demann pou rekòmandasyon an, fè ou konnen ou ka rekòmande pitit ou poukont ou, ofri yon posiblite pou diskite sou demann pou rekòmandasyon an, epitou diskite sou disponiblite sèvis sipò edikasyon jeneral ki apwopriye pou pitit ou. Y ap voye ba ou Avi Demann pou Premye Rekòmandasyon an, ki bay detay pwosesis la. Kisa k ap pase answit? Lè yo fè yon premye rekòmandasyon: Depi yo fin fè yon rekòmandasyon, y ap voye ba yon Lèt Avi Rekòmandasyon, ki: n Eksplike dwa ou genyen antan yon paran; n Bay non ak nimewo telefòn yon moun pou rele si ou gen nenpòt kesyon; epi n Mande pou ou rankontre avèk travayè sosyal lekòl la, nan yon entèvyou sou istwa sosyal. Pandan reyinyon an, y ap eksplike ou tout dwa ou yo nan lang oswa nan mòd kominikasyon ou pi pito, avèk èd yon tradiktè oswa yon entèprèt si sa nesesè. 4

11 Si pitit ou pa t janm resevwa sèvis edikasyon espesyal, y ap mande ou pou siyen pou yon fòm Konsantman pou Premye Evalyasyon, nan lang ou pi pito, si se yon lang yo itilize jan DOE defini sa (gade Glosè a, Paj 44). Menmsi ou te fè rekòmandasyon an alekri poukont ou, ou dwe toujou bay konsantman ou pou evalyasyon yo pou pwosesis la kapab kòmanse. Si ou chwazi pou pa siyen fòm konsantman an, epitou si se yon premye rekòmandasyon, yo p ap fè evalyasyon pitit ou. Tanpri sonje Biwo CSE oswa direktè lekòl la ka mande Medyasyon oswa yon Odyans san Patipri pou yo kapab jwenn otorizasyon pou fè yon premye evalyasyon. Kisa k ap Genyen nan Premye Evalyasyon an? Men sa ki dwe fèt nan yon premye evalyasyon pou detèmine si pitit ou genyen yon andikap: n Yon evalyasyon siko-edikasyonèl konplè k ap egzamine sa pitit ou konnen ak kijan li aprann; n Yon istwa sosyal istwa devlopman pitit ou ak istwa fanmi ou, souvan depi jou lè li fèt pou rive nan moman an; n Yon obsèvasyon pitit ou nan anviwònman edikasyonèl li ye a; n Lòt tès ki ka apwopriye pou pitit ou, tankou evalyasyon pwononsyasyon, evalyasyon langaj oswa evalyasyon konpòtman fonksyonèl oswa teknoloji asistans, si gen demann pou sa; n Evalyasyon ki gen ladan yon revizyon dosye lekòl la, evalyasyon pwofesè, entèvyou avèk paran ak elèv la pou detèmine ladrès pwofesyonèl ak enterè pou elèv ki gen laj 12 ak plis. Evalyasyon yo ap detèmine ladrès pitit ou, posiblite li nan domèn li gen bezwen ki afekte pèfòmans li nan lekòl, tankou patisipasyon nan pwogram edikasyon jeneral. Y ap mande ou tou pou bay lekòl la oswa Biwo CSE yon dènye egzamen fizik pitit ou. Si ou gen pwoblèm pou jwenn youn, lekòl la oswa Biwo CSE ap ede ou jwenn youn pou gratis. Evalyasyon Endepandan yo Yon evalyasyon endepandan vle di yon tès oswa yon egzamen yon egzaminatè kalifye bay. Egzaminatè a pa dwe ap travay ni pou Depatman an ni nan lekòl pitit ou. Menmsi Depatman an ap fè tès ak evalyasyon ki nesesè, ou gen dwa tou pou bay lekòl la oswa Biwo CSE evalyasyon prive ki fèt avèk lajan ou. Si pitit ou kalifye pou Medicaid, Medicaid ka peye pou evalyasyon sa yo. Si ou vle pou DOE anvizaje fè evalyasyon endepandan, ou ta dwe bay evalyasyon yo nan lekòl pitit ou si pitit ou ale nan yon lekòl leta, oswa nan Biwo CSE si pitit ou ale nan yon lekòl ki pa lekòl leta, yon lekòl prive, yon lekòl pawasyal oswa yon lekòl endepandan eta a apwouve oswa si li poko ale lekòl. Si ou pa dakò avèk evalyasyon Depatman an, epitou si ou ta renmen pou Depatman an peye pou yon evalyasyon endepandan, ou dwe voye demann sa a alekri ba lekòl la oswa ba Biwo CSE a. Depatman an ka swa dakò pou peye pou yon evalyasyon endepandan oswa li ka kòmanse yon Odyans san Patipri pou montre si evalyasyon li yo apwopriye. Evalyasyon sa yo ap detèmine ladrès pitit ou, konpetans li ak matyè li bezwen ki afekte pèfòmans li nan lekòl. 5

12 Evalyasyon nan De Lang Kèk timoun bezwen yon evalyasyon nan de lang. Evalyasyon sa a fèt nan lang Angle ak lang natifnatal timoun nan. Epitou se pwofesyonèl ki konprann toulède lang yo ki fè evalyasyon an. Pitit ou ap resevwa yon evalyasyon nan de lang dapre lang li pale lakay ou, jan sa endike nan Sondaj pou Idantifikasyon lang yo pale nan kay, ak rezilta Egzamen modifye sou konesans jeneral nan lang Angle Language Assessment Battery-Revised (LAB-R) oswa rezilta Egzamen Eta New York bay pou evalye elèv k ap aprann Angle kòm dezyèm (NYSESLAT), ki se egzamen pou evalye konpetans pou pitit ou pale, pou li fè lekti, pou li koute ak pou li ekri nan lang Angle. Si yo detèmine pitit ou bezwen yon evalyasyon nan de lang, y ap afekte yon evalyatè Depatman Edikasyon Vil New York pou fè sa. Si yon evalyatè bileng pa disponib, Depatman an ap itilize sèvis yon evalyatè bileng k ap travay pou yon ajans ki gen kontra avèk Depatman an, yon evalyatè bileng endepandan ki pa afilye avèk Depatman an, oswa yon evalyatè monoleng (yon sèl lang) avèk yon entèprèt pou fè evalyasyon an. Si DOE peye pou evalyasyon an, ou dwe bay rezilta yo pou Depatman an. Si Odyans san Patipri a detèmine evalyasyon DOE te fè a apwopriye, ou gen dwa pou jwenn ak soumèt yon evalyasyon prive ba Ekip IEP a, men Depatman an p ap peye pou evalyasyon an. Lè DOE dakò pou peye pou yon evalyasyon endepandan oswa lè yon Ofisye Odyans san Patipri mande pou gen yon evalyasyon endepandan ki fèt, evalyatè endepandan an (yo) dwe satisfè kritè Depatman an mande yo. Depatman an ap peye pou evalyasyon endepandan yo sèlman si: n Se moun kalifye ki fè evalyasyon yo; n Frè evalyasyon pa depase tarif maksimòm DOE fikse a; epi n Ou fè demann ranbousman pou evalyasyon endepandan (yo) nan yon dèle rezonab. Kisa pou Fè Si yo Idantifye Deja ou kòm yon Elèv ki Andikape? Apre pitit ou fin resevwa sèvis edikasyon espesyal, y ap fè yon reyinyon Ekip IEP chak ane pou revize pwogrè pitit ou. Reyinyon sa a rele Revizyon Anyèl. Answit, yo ka rekòmande pitit ou pou sa ki rele yon Re-evalyasyon. Avèk patisipasyon ou, Ekip IEP a ap revize dènye done yo sou pitit ou, epitou y ap detèmine si yo ta dwe fè nouvo evalyasyon. DOE kapab mande pou gen yon re-evalyasyon ki fèt si yo detèmine sèvis edikasyonèl oswa sèvis ki asosye yo fèt pou re-evalye. Se oumenm oswa ekip lekòl la ki kapab fè demann pou yon re-evalyasyon. Men re-evalyasyon an pa ka fèt plis pase yon fwa pa ane sof si oumenm ak Depatman an bay konsantman nou alekri pou sa fèt. Answit, sof si oumenm ak distri lekòl la ta bay konsantman nou alekri pou fè konnen li pa nesesè, yon evalyasyon dwe fèt chak twazan. Sa rele yon Re-evalyasyon Obligatwa sou Twazan (ki te rele yon Triyenal anvan). Depi evalyasyon fin fèt, y ap fè ou jwenn tout rapò ekri yo. Rapò yo gen ladan pwen fò ak pwen fèb pitit ou ak sipò pitit ou ka bezwen nan lekòl la. Si Ekip IEP detèmine nouvo evalyasyon nesesè kòm pati yon re-evalyasyon, y ap mande ou pou bay konsantman ou pou yo kapab fè nouvo tès yo oswa nouvo evalyasyon yo. Konsantman pou evalyasyon an vle di ou bay pèmisyon ou pou yo fè yon evalyasyon pou detèmine si pitit ou toujou kalifye. Si se yon re-evalyasyon epi DOE pa resevwa repons ou, anplwaye DOE yo ka fè evalyasyon an apre tout efò yo fè pou kontakte ou nan korespondans alekri. Si ou refize bay konsantman ou pou nouvo evalyasyon yo, Biwo CSE oswa direktè lekòl la ka fè demann Medyasyon oswa yon Odyans san Patipri, pou yo kapab jwenn otorizasyon pou fè nouvo evalyasyon yo. Nan ka sa a, yon Ofisye Odyans san Patipri ap deside si yo ta dwe evalye pitit ou oswa si yo pa ta dwe evalye li. Dèle pou Evalyasyon yo Depi DOE resevwa konsantman ou, Depatman an gen 60 jou almannak pou evalye pitit ou. Men, si ou pran reta ki pa rezonab nan pwosesis evalyasyon an, yo ka ajiste dèle a. Si evalyasyon yo pa fèt nan 60 jou almannak, epitou si ou pa bay reta nan pwosesis la, w ap resevwa 6

13 yon Lèt Otorizasyon pou Evalyasyon an. Lèt la ap eksplike kijan ou kapab chwazi nòmalman pou gratis yon evalyatè endepandan ki pa afilye nan Depatman Edikasyon. Lèt la ap gen ladan non, adrès ak nimewo telefòn ajans eta ak ajans prive apwopriye ak lòt resous pwofesyonèl kote ou ka jwenn yon evalyasyon endepandan. Gid pou Elèv Paran yo Fè Plasman yo Elèv paran yo fè plasman yo se elèv paran mete nan yon lekòl ki pa lekòl leta avèk lajan yo. Elèv sa yo ka ap viv nan Vil New York oswa yo ka ap viv deyò Vil New York men nan Eta New York, oswa yo ka ap viv nan yon lòt eta. DEO gen sèten responsablite pou elèv paran yo fè plasman yo epi ki nan yon lekòl ki pa lekòl leta ki nan Vil New York, kèlkeswa kote y ap viv. Lè yon paran ki fè plasman yon elèv epi yo jwenn elèv la kalifye pou edikasyon espesyal, paran an dwe voye yon demann alekri nan distri lekòl la zòn nan. Nan ka sa a, se nan Biwo CSE distri sèvis Vil New York paran an dwe voye demann lan. Pou fasilite pwosesis sa a, Biwo CSE ap voye fòm Demann pou Sèvis Edikasyon Espesyal chak ane ba tout paran ki fè plasman elèv andikape yo apre idantifikasyon paran sa yo kòm moun ki responsab elèv yo. Pou sèvis yo ka kontinye, paran yo dwe ranpli fòm nan, epi yo dwe retounen li nan Biwo CSE ki apwopriye a. Apre Evalyasyon yo Fin Fèt: Reyinyon Ekip IEP Depi yo fin fè evalyasyon pitit ou, y ap envite ou pou vin patisipe nan yon reyinyon Ekip IEP nan lè ak dat ki bon pou tout moun. Reyinyon sa a se yon reyinyon enpòtan kote w ap rankontre avèk anplwaye lekòl pitit ou, oswa avèk anplwaye Biwo CSE si pitit ou pa nan yon lekòl oswa si li nan yon lekòl prive, yon lekòl pawasyal oswa yon lekòl endepandan eta a apwouve. Li trè enpòtan pou oumenm ak anplwaye lekòl divilge enfòmasyon ak lide youn ba lòt, epitou pou nou travay ansanm kòm yon ekip. Ou ta dwe resevwa yon envitasyon alekri nan lang ou pi pito, si se yon lang yo itilize jan DOE defini sa (gade Glosè a, Paj 44) omwen senk jou anvan reyinyon an. Anplwaye lekòl pitit ou oswa anplwaye Biwo CSE, si pitit ou ale nan yon lekòl ki pa lekòl leta oswa nan yon lekòl endepandan eta a apwouve oswa si li pa ale lekòl ditou, kapab fè efò pou kontakte ou nan telefòn pou konfime w ap vini nan reyinyon an. Si ou pa kapab vini nan reyinyon an, ou dwe kontakte lekòl la oswa Biwo CSE pou mande pou yo chanje dat la. Li trè enpòtan pou ale nan reyinyon Ekip IEP yo pou ou kapab patisipe nan yon desizyon final y ap pran konsènan kalifikasyon pitit ou pou sèvis ak pwogram edikasyon espesyal. Anvan reyinyon Ekip IEP a, ou ka mande pou yo ba ou tout evalyasyon, dosye ak bilten yo te itilize pou evalye pitit ou, epitou ou ta dwe jwenn eksplikasyon sou yo nan lang ou pi pito oswa Chak ane, yo dwe fè yon reyinyon Ekip IEP pou revize pwogrè pitit ou. 7

14 nan mòd kominikasyon ou vle. Nan kèk ka, li ka pi bon pou ou al chèche rapò yo anvan jou reyinyon IEP a olye ou fè yo voye li pou ou nan sèvis lapòs pou kapab fè konnen nenpòt enkyetid imedyat ou genyen. Si ou chwazi pou al chèche evalyasyon yo, travayè sosyal la ap ba ou enfòmasyon kontak yo pou pran randevou pou al chèche evalyasyon yo epitou pou diskite sou evalyasyon yo ak/oswa pou revize yo. Ou gen dwa tou pou mande pou yo tradui evalyasyon yo ak rapò yo nan lang ou pi pito. Si li nesesè, y ap fè ou jwenn yon entèprèt nan reyinyon Ekip IEP a. Obsèvasyon ak pwendvi ou yo enpòtan epitou yo dwe konsidere yo nan reyinyon an. Y ap fè reyinyon IEP yo nan lekòl pitit ou si pitit ou ale nan yon lekòl leta. Si pitit ou pa ale lekòl oswa si li ale nan yon lekòl ki pa lekòl leta oswa nan yon lekòl endepandan eta a apwouve, y ap fè reyinyon Ekip IEP a nan Biwo CSE oswa nan lekòl ki pa lekòl leta a oswa nan lekòl endepandan eta a apwouve a, si li posib. Chak manm ekip la ap pote enfòmasyon enpòtan nan reyinyon Ekip IEP a. Nan reyinyon Ekip IEP a, manm yo ap divilge enfòmasyon yo epitou y ap travay ansanm pou detèmine si pitit ou gen yon andikap oswa si li bezwen sèvis edikasyon espesyal. Ou se yon manm ki gen otorizasyon legal nan Ekip IEP a, epitou patisipasyon ou enpòtan. Rezime Patisipasyon yo espere pou manm ekip IEP a bay Pwofesè Pwofesè yo se patisipan ki enpòtan nan reyinyon Ekip IEP a. Si pitit ou nan anviwònman edikasyon jeneral oswa si li kapab patisipe ladan, omwen youn nan pwofesè edikasyon jeneral pitit ou dwe patisipe nan reyinyon Ekip IEP a. Pwofesè ta dwe prezante enfòmasyon sou pèfòmans pitit ou nan klas edikasyon jeneral la, epitou li ta dwe ede Ekip IEP a pran desizyon konsènan patisipasyon nan pwogram edikasyon jeneral ak nan lòt aktivite lekòl la. Pwofesè Edikasyon Jeneral n Dekri pwogram edikasyon jeneral la nan salklas edikasyon jeneral; n Detèmine èd ak sèvis siplemantè ki apwopriye (pa egzanp, entèvansyon nan konpòtman oswa nan plan sipò yo, adaptasyon nan pwogram nan, chanjman nan pwogram nan, sipò ki adapte pou elèv la) oswa chanjman nan pwogram edikasyonèl la k ap ede pitit ou aprann ak reyisi; n Ede devlope entèvansyon apwopriye nan konpòtman si konpòtman an se yon pwoblèm; n Ta ka diskite sou sipò pou anplwaye lekòl la ki nesesè pou elèv la patisipe nan pwogram edikasyon jeneral la. Kesyon pou Poze nan yon Reyinyon Ekip IEP Kijan pwofesè adapte bezwen aprantisaj pitit mwen avèk bezwen pou li konpòte li nan salklas la? Èske gen bagay mwen kapab fè lakay mwen pou sipòte objektif IEP a? Ki kalite elèv pitit mwen ye? Èske pwofesè a eseye itilize pwen fò pitit mwen pandan l ap anseye li? Konbyen fwa yo kontwole pwogrè pitit mwen? Ki pi bon fason pou mwen rete an kontak avèk pwofesè pitit mwen pou mwen ka jwenn enfòmasyon sou pwogrè akademik li oswa sou pwogrè li fè nan konpòtman li? Èske pitit mwen ap fè pwogrè pou li reyalize objektif IEP li yo? Kijan yo entwodui prensip debaz aprantisaj komen nan enstriksyon pitit mwen? Si yon sèvis pa efikas, kijan mwen kapab travay avèk Ekip IEP pitit mwen pou analize bon sèvis yo pou li? Ki kalite pwogram oswa lòt sipò ki ta ka ede pitit mwen? Kijan nou kapab jwenn yo? Ki kritè ki genyen pou pitit mwen janbe nan lòt klas? Kijan y ap evalye li dapre nivo klas la? Nan lekòl segondè, ki kondisyon ki genyen pitit mwen gradye? Ki objektif pitit mwen dwe reyalize pou li ka diplome? Ki pwogrè pitit mwen te fè pou li reyalize objektif sa yo? Yon fason espesifik, konbyen kredi pitit mwen genyen, epi nan konbyen egzamen Regents li te pase? 8

15 Wòl ou nan Reyinyon Ekip IEP a Ou se yon manm ki gen obligasyon legal nan Ekip IEP pitit ou. Ou konnen pitit ou pi byen, epitou ou kapab pale konsènan pwen fò ak bezwen li yo. Epitou, antan paran, ou kapab pale osijè panse ak lide ou konsènan kijan pou pi byen edike pitit ou. Antan yon manm Ekip IEP, ou ta dwe: Ofri lide nan fason pitit ou aprann, sa ki enterese li, epitou ou ta dwe bay lòt enfòmasyon sou pitit ou, enfòmasyon yon paran sèlman kapab konnen; Koute sa lòt manm ekip la panse pitit ou bezwen pou travay nan lekòl la, fè yo konnen sijesyon ou yo; Fè konnen si pitit ou itilize nan kay la ladrès li aprann nan lekòl la; Poze kesyon sou tout manm ekip la ak patisipan ki nan reyinyon an. Pwofesè Edikasyon Espesyal ak/oswa Founisè Sèvis Asosye Manm sa yo bay enfòmasyon enpòtan ak eksperyans yo fè sou fason yo edike timoun ki andikape. Akòz fòmasyon li nan edikasyon espesyal, li kapab : n Diskite sou nivo pèfòmans edikasyonèl pitit ou, epitou li kapab diskite sou pwogrè pitit ou fè pou reyalize objektif IEP, si pitit ou ap resevwa sèvis edikasyon espesyal nan moman an; n Dekri estil aprantisaj pitit ou, konpòtman ak prezans pitit ou; n Fè rekòmandasyon konsènan sipò ak sèvis k ap pèmèt pitit ou gen siksè nan anviwònman ki gen mwens restriksyon; n Asire priyorite pou pitit ou ap toujou rete nan lekòl kote li ye a; n Eksplike kijan pou chanje pwogram edikasyon jeneral pou ede pitit ou aprann. Ekip IEP a fòme avèk paran, anplwaye lekòl ki konnen pitit ou, ak lòt moun ki gen konesans oswa espètiz espesyal sou pitit ou. Reprezantan Distri a Reprezantan Distri a ap prezide reyinyon Ekip IEP a epitou l ap fasilite diskisyon lib pami patisipan yo konsènan kalifikasyon elèv la ak devlopman IEP a. L ap asire ou se yon patisipan serye, epitou l ap ankouraje ou pou fè konnen enkyetid ou ka genyen konsènan edikasyon pitit ou. Epitou Reprezantan Distri ap: n Bay enfòmasyon konsènan eleman omojèn sèvis yo, sa ki vle di pwogram edikasyon espesyal ak sipò, ki disponib nan lekòl pitit ou ak nan lòt lekòl ki nan distri a; n Asire yo konsidere tout chwa pwogram ak sèvis; n Eksplike ou kijan yo dwe edike timoun andikape yo ansanm avèk timoun ki pa andikape nan limit maksimòm ki apwopriye. Answit, l ap eksplike ou Ekip IEP a dwe konsidere si pitit ou kapab fè pwogrè satisfezan nan anviwònman edikasyon jeneral anvan li rekòmande lòt pwogram pou li; Pou jwenn plis enfòmasyon sou kimoun ki kapab sèvi kòm Reprezantan Distri a, tanpri gade tablo ki nan paj 10 la. 9

16 Manm Ekip IEP a: Oumenm, paran an (yo) oswa moun ki gen relasyon paran avèk pitit ou. Omwen yon pwofesè edikasyon jeneral elèv la kèlkeswa lè pitit ou ap patisipe oswa ka patisipe nan anviwònman edikasyon jeneral la. Yon pwofesè edikasyon espesyal. Pou premye rekòmandasyon yo, youn nan pwofesè edikasyon espesyal pitit ou kòm reprezantan edikasyon espesyal nan ekip la. Si yon timoun deja ap resevwa sèvis edikasyon espesyal, youn nan pwofesè edikasyon espesyal timoun lan dwe patisipe. Si pitit ou ap resevwa sèlman sèvis ki asosye (sètadi, Òtofoni), founisè sèvis asosye pitit ou ka jwe wòl sa a. Yon sikològ lekòl la dwe patisipe nan reyinyon Ekip IEP a kèlkeswa lè yo revize yon nouvo evalyasyon siko-edikasyonèl oswa lè yo anvizaje yon chanjman nan sèvis edikasyon espesyal ki gen ladan yon rasyo ekip pou elèv ki pi entansif. Yon travayè sosyal lekòl la ka patisipe nan reyinyon Ekip IEP a si li patisipe nan pwosesis evalyasyon an. Yon moun ki kapab entèprete konsekans posib rezilta evalyasyon an sou enstriksyon an. Moun sa a ka yon manm Ekip IEP k ap jwe yon lòt wòl tou, tankou pwofesè edikasyon jeneral, pwofesè edikasyon espesyal, founisè sèvis edikasyon espesyal, oswa sikològ lekòl la. Moun sa a ap pale sou fason rezilta evalyasyon an ka afekte enstwiksyon an. Yon Reprezantan Distri a. Moun sa a dwe kalifye pou ofri oswa sipèvize fason yo bay sèvis edikasyon espesyal, epitou li dwe konnen pwogram edikasyon jeneral ak disponiblite resous distri a. Pou reyinyon Ekip IEP yo k ap fèt nan lekòl leta yo, se direktè lekòl la ki deziyen reprezantan distri a. Moun sa a ka yon manm Ekip IEP k ap jwe yon lòt wòl. Wòl moun sa a se pou fasilite konsansis gwoup la sou tout zafè ki asosye ak devlopman IEP a. Yon doktè lekòl la, si oumenm, paran an, oswa yon manm lekòl la fè demann lan espesyalman alekri omwen 72 èdtan anvan reyinyon an. Yon lòt manm paran. Se paran yon elèv andikape k ap viv nan distri lekòl la oswa nan distri lekòl katye a epi ki ka oblije asiste reyinyon an. Yon paran ka refize patisipasyon manm paran an. Lòt moun ki gen konesans oswa espètiz espesyal konsènan pitit ou, avèk tou anplwaye sèvis asosye jan sa apwopriye, kòm reprezantan distri lekòl la oswa reprezantan paran an (yo). Pitit ou (elèv la), si li nesesè. Si pitit ou gen laj 15 ane oswa plis, li dwe jwenn envitasyon nan reyinyon an. 10

17 Sikològ la oswa Travayè Sosyal la Prezans sikològ lekòl la pa toujou obligatwa. Sikològ lekòl la dwe prezan kèlkeswa lè y ap revize yon nouvo evalyasyon siko-edikasyonèl oswa lè yo anvizaje yon chanjman nan sèvis edikasyon espesyal elèv la avèk yon rasyo pwofesè ki pi entansif pou elèv yo. Travayè sosyal lekòl la ka prezan si li patisipe nan pwosesis evalyasyon an. So sikològ ak/oswa travayè sosyal lekòl prezan, y ap fè ekip la konnen enfòmasyon enpòtan yo te jwenn nan evalyasyon yo oswa nan obsèvasyon yo ak nan revizyon enfòmasyon yo. Espètiz yo enpòtan pou pwosesis la, epitou ou ta dwe poze kesyon si ou pa konprann sa yo resevwa a oswa si ou pa konprann sa y ap diskite a. Lòt Moun ak/oswa Lòt Espè Ekip IEP a ka gen ladan tou lòt moun ki gen konesans oswa espètiz konsènan pitit ou. Pa egzanp, ou ka envite: n Yon pwofesyonèl ki gen espètiz sosyal sou pitit ou ak sou andikap pitit ou; n Lòt moun ki kapab pale osijè pwen fò ak/oswa bezwen pitit ou. Depatman Edikasyon ka envite youn oswa plizyè moun ki kapab ofri espètiz oswa konesans espesyal konsènan timoun nan, tankou yon para-pwofesyonèl oswa yon pwofesyonèl sèvis asosye. Absans Motive Manm Ekip IEP Nan sèten sikonstans, yon manm ki obligatwa nan yon Ekip IEP ka jwenn eskiz pou li pa patisipe nan yon reyinyon Ekip IEP, men sèlman si se pa yon premye reyinyon Ekip IEP. Tanpri sonje yon lekòl oswa Biwo CSE pa ka bay konsantman li pou eskiz manm obligatwa Ekip IEP nenpòt kijan oswa san konsantman ou. Oumenm ak Ekip IEP a bezwen detèmine si li rezonab pou fè yon reyinyon Ekip IEP san prezans yon manm patikilye ekip la, oswa si li ta pi bon pou fè reyinyon an nan yon lòt dat pou moun nan kapab vini ak patisipe nan diskisyon an. Lè Yo Pral Diskite sou yon Matyè Pwogram Manm Ekip IEP oswa sou Sèvis ki Asosye Lè yo p ap chanje matyè pwogram nan oswa sèvis asosye yon manm obligatwa Ekip IEP, oswa lè yo pral diskite sou yo nan reyinyon Ekip IEP a, ou ka aksepte absans motive li. Yon manm pa ka jwenn eskiz san konsantman ou alekri. Akò pou eskize manm yo dwe fèt omwen 5 jou almannak avan reyinyon Ekip IEP a fèt. Oumenm, direktè lekòl la, ofisyèl oswa Biwo CSE ka fè demann sa a sou Avi Reyinyon IEP/fòm Demann Eskiz Manm lan, nan lang ou pito, si se yon lang yo itilize, jan DOE defini sa (gade Glosè a, Paj 44). Si ou dakò pou eskiz manm lan, ou dwe siyen fòm nan, epitou ou dwe retounen li ba moun yo endike pou kontakte a. Si ou pa dakò, manm lan p ap jwenn eskiz nan reyinyon an. Ou se yon manm Ekip IEP a epitou remak ou enpòtan. 11

18 Lè yo Pral Diskite sou Matyè Pwogram nan oswa sou Sèvis Asosye Manm Ekip IEP a Yon manm obligatwa Ekip IEP a ka jwenn eskiz menmsi yo pa pral diskite sou matyè oswa sou sèvis asosye manm lan. Y ap gen obligasyon pou soumèt remak ekri yo ba ou ak ba Ekip IEP a anvan reyinyon an. Yon manm pa ka jwenn eskiz san konsantman ou alekri. Yo dwe bay remak manm Ekip IEP ki jwenn eskiz la pou paran yo ak Ekip IEP a nan omwen 5 jou almannak anvan reyinyon Ekip IEP a fèt. Oumenm, direktè lekòl la, ofisyèl oswa Biwo CSE ka fè demann sa a sou Avi Reyinyon IEP/fòm Demann Eskiz Manm lan, nan lang ou pito, si se yon lang yo itilize, jan DOE defini sa (gade Glosè a, Paj 44). Si ou dakò pou eskiz manm lan, ou dwe siyen fòm nan, epitou ou dwe retounen li ba moun yo endike pou kontakte a. Si ou pa dakò, manm lan p ap jwenn eskiz nan reyinyon an. Amannman nan IEP apre Revizyon Anyèl Ekip IEP a kapab fè yon chanjman nan IEP pitit ou san yon reyinyon sèlman si ou bay konsantman ou alekri pou chak chanjman ki pwopoze. Anvan yo kapab fè amannman nan yon IEP san yon reyinyon, Ekip IEP a dwe dekri aklè tout chanjman ki pwopoze yo sou Anilasyon Reyinyon Ekip IEP a pou fè Chanjman nan fòm IEP a, nan lang ou pi pito, si yo itilize lang lan jan DOE defini sa (gade Glosè a, Paj 44). Avi sa a ap gen ladan yon deskripsyon aklè pou tout chanjman ki pwopoze yo. Answit, yon manm Ekip IEP dwe disponib pou diskite avèk ou sou nenpòt ak tout chanjman yo. Si ou dakò avèk chanjman yo, ou dwe siyen ak retounen Anilasyon Avi Reyinyon Ekip IEP pou fè Chanjman nan fòm IEP a. Depi yo resevwa fòm nan, chanjman yo ap fèt san yon reyinyon. Yo dwe voye ba ou yon kopi IEP ki amande a nan jou ki vini apre IEP a fin amande san yon reyinyon. 12

19 seksyon 3 Pwogram Akademik Endividyèl (IEP) Yon pati enpòtan reyinyon Ekip IEP se pou prezante nan dokiman ladrès ak konpetans pitit ou genyen, kreye objektif edikasyonèl, epitou detèmine ki sipò ak sèvis edikasyon espesyal y ap ofri pou pitit ou. IEP a konsène pitit ou ak fason pou satisfè bezwen li yo. IEP a: n Note si pitit ou kalifye pou sèvis edikasyon espesyal; epi n Prezante, alekri, plan ofisyèl Depatman Edikasyon pou ofri pitit ou yon Edikasyon Piblik Apwopriye Gratis (FAPE) nan yon anviwònman ki gen mwens restriksyon. Anviwònman ki gen mwens restriksyon vle di pitit ou ap resevwa edikasyon ansanm avèk kamarad klas li ki pa andikape nan limit maksimòm posib epitou li prale nan lekòl li ta dwe ale si li pa t andikape. Nan reyinyon Ekip IEP a, y ap mande ou pou siyen IEP a kòm prèv ki endike ou te patisipe nan reyinyon an. Sa pa vle di ou dakò pou sa ki endike nan dokiman an. W ap resevwa yon kopi IEP a. Si pou pa kapab ale nan reyinyon an, y ap voye yon kopi IEP a lakay ou nan yon ti tan apre reyinyon an. Ou gen dwa tou pou mande pou yo tradui IEP a nan lang ou pi pito. Ki enfòmasyon ki nan IEP pitit mwen? gade paj 17 la 13